ಏರ್ ಟ್ಯಾಕ್ಸಿಗಳು ಶೀಘ್ರವೇ ರಿಯಾಲಿಟಿ ಆಗಬಹುದು. 2026 ರ ವೇಳೆಗೆ ದುಬೈನಲ್ಲಿ ಏರ್ ಟ್ಯಾಕ್ಸಿಗಳು (Flying Taxi service) ಆಕಾಶದಲ್ಲಿ ಸಂಚರಿಸಲಿವೆ ಎಂದು ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ) ಉಪಾಧ್ಯಕ್ಷ ಮತ್ತು ಪ್ರಧಾನ ಮಂತ್ರಿ ಶೇಖ್ ಮೊಹಮ್ಮದ್ ಬಿನ್ ರಶೀದ್ ಅಲ್ ಮಕ್ತೌಮ್ ಪ್ರಕಟಿಸಿದ್ದಾರೆ.
ಈ ಬಗ್ಗೆ ಟ್ವೀಟ್ ಮಾಡಿರುವ ಶೇಖ್ ಮೊಹಮ್ಮದ್ ” ಇಂದು ನಾವು ದುಬೈನಲ್ಲಿ ಫ್ಲೈಯಿಂಗ್ ಟ್ಯಾಕ್ಸಿ ವರ್ಟಿಪೋರ್ಟ್‌ಗಳ ವಿನ್ಯಾಸಗಳನ್ನು ಅನುಮೋದಿಸಿದ್ದು, ಮುಂದಿನ ಮೂರು ವರ್ಷಗಳಲ್ಲಿ ಇವು ತಮ್ಮ ಕಾರ್ಯವನ್ನು ಪ್ರಾರಂಭಿಸಲಿವೆ ಎಂದು ಹೇಳಿದ್ದಾರೆ.
ಈ ಏರ್ ಟ್ಯಾಕ್ಸಿ( Air Taxis) ಗಳು ಕಡಿಮೆ ವೆಚ್ಚ ಹೊಂದಿರಲಿವೆ. ಶ್ರೀಮಂತರಿಂದ ಹಿಡಿದು ಸಾಮಾನ್ಯ ಪ್ರಜೆಗಳು ಸೇರಿದಂತೆ ಎಲ್ಲರೂ ಬಳಸಬಹುದಾದ ಸಾಮಾನ್ಯ ದರ ಇರಲಿದೆ. ಮುಂಬರುವ ದಿನಗಳಲ್ಲಿ ನಗರದಲ್ಲಿ ವಾಸಿಸುವ ಅನೇಕ ಜನರಿಗೆ ಇದು ದಿನನಿತ್ಯದ ಸಾರಿಗೆ ವಿಧಾನವಾಗಿ ಪರಿಣಮಿಸುತ್ತದೆ. ಹಾಗೂ ಇದು ನಗರಗಳಲ್ಲಿನ ಟ್ರಾಫಿಕ್ ನಿಯಂತ್ರಣಕ್ಕೆ ಪರ್ಯಾಯವಾಗಲಿದೆ.
ಅಂತಿಮವಾಗಿ ವಾಹನಗಳ ಉತ್ಪಾದನೆಯು ಹೆಚ್ಚಾದಂತೆ, ತಂತ್ರಜ್ಞಾನದ ವೆಚ್ಚವು ಕಡಿಮೆಯಾಗುತ್ತದೆ. ನಾವು ಹೆಚ್ಚು ಬೇಡಿಕೆಯನ್ನು ಪಡೆಯಲು ಪ್ರಯತ್ನಿಸುತ್ತಿದ್ದೇವೆ, ಇದರಿಂದ ದುಬೈ ಭವಿಷ್ಯವು ಸಂಪೂರ್ಣ ಬದಲಾಗಲಿದೆ ಎಂದು ನಮಗೆ ವಿಶ್ವಾಸವಿದೆ ಎಂದರು.
ಹಾರುವ ಟ್ಯಾಕ್ಸಿಗಳು ಸುಮಾರು 240 ಕಿ.ಮೀ ವ್ಯಾಪ್ತಿ ಮತ್ತು 300 ಕಿ.ಮೀ ಗರಿಷ್ಠ ವೇಗ ಹೊಂದಿರುತ್ತವೆ. ಬಹ್ರೋಜ್ಯಾನ್ ಅವರ ಪ್ರಕಾರ, ದುಬೈನಿಂದ ಅಬುಧಾಬಿ ಮತ್ತು ದುಬೈನಿಂದ ಫುಜೈರಾದಿಂದ ಇಂಟರ್ಸಿಟಿ ಪ್ರಯಾಣಕ್ಕೆ ಸೀಮಿತವಾಗಿರುತ್ತದೆ. ಇದೇನಾದರೂ ಶೀಘ್ರದಲ್ಲೇ ನಿಜವಾದರೆ, ದುಬೈನಿಂದ ಅಬುಧಾಬಿಗೆ ಪ್ರಯಾಣದ ಸಮಯ 30 ನಿಮಿಷಗಳಷ್ಟೆ.
ವಿಶ್ವದ ಮೊದಲ ಚೀನಾ(China) ತಯಾರಿಕೆಯ, ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರ್‌(Electric flying car) ಅನ್ನು ದುಬೈನ ಯುನೈಟೆಡ್ ಅರಬ್ ಎಮಿರೇಟ್ಸ್(ಯುಎಇ)ನ ಆಕಾಶದಲ್ಲಿ ಹಾರಿಸಲಾಯಿತು. ಚೀನಾ Xpeng Inc ಕಂಪನಿ ತಯಾರಿಸಿರುವ X2 ಹೆಸರಿನ ಹಾರುವ ಕಾರನ್ನು ಶೀಘ್ರದಲ್ಲೇ ಮಾರುಕಟ್ಟೆಗೆ ಪರಿಚಯಿಸಲಿದೆ. ಈ ಕಾರನ್ನು VTOL ಎಂದು ಕರೆಯಲಾಗುವ ವರ್ಟಿಕಲ್ ಟೇಕ್ ಆಫ್ ಮತ್ತು ಲ್ಯಾಂಡಿಂಗ್ ತಂತ್ರಜ್ಞಾನದಲ್ಲಿ ನಿರ್ಮಿಸಲಾಗಿದೆ. X2 ಹಾರುವ ಕಾರು ವಿಮಾನ ನಿಯಂತ್ರಣ ವ್ಯವಸ್ಥೆ ಮತ್ತು ಆಟೋಮ್ಯಾಟಿಕ್ ಹಾರಾಟದ ಸಾಮರ್ಥ್ಯ ಹೊಂದಿದೆ. ಈ ಹಾರುವ ಕಾರನ್ನು ಯಾರೂ ನಿಯಂತ್ರಿಸುವ ಅಗತ್ಯವಿಲ್ಲ. ಏಕಕಾಲದಲ್ಲಿ ಇಬ್ಬರಿಗೆ ಆಸೀನರಾಗಲು ಅವಕಾಶವಿದೆ.
ಈ ವಿಮಾನವನ್ನು ಹಾರಿಸಲು ಒಟ್ಟು 8 ಪ್ರೊಪೆಲ್ಲರ್‌ಗಳನ್ನು ನೀಡಲಾಗಿದೆ. ಈ ವಿಮಾನವು ಪ್ರತಿ ಮೂಲೆಯಲ್ಲಿ 2 ಪ್ರೊಪೆಲ್ಲರ್‌ಗಳೊಂದಿಗೆ ಒಟ್ಟು 4 ಮೂಲೆಗಳಲ್ಲಿ 8 ಪ್ರೊಪೆಲ್ಲರ್‌ಗಳೊಂದಿಗೆ ಹಾರುತ್ತದೆ. ಗಂಟೆಗೆ 130 ಕಿ.ಮೀ ವೇಗದಲ್ಲಿ ಹಾರುವ ಸಾಮರ್ಥ್ಯ ಪಡೆದಿದೆ.
2026 ರ ವೇಳೆಗೆ ಎಲೆಕ್ಟ್ರಿಕ್ ವರ್ಟಿಕಲ್ ಟೇಕ್-ಆಫ್ ಮತ್ತು ಲ್ಯಾಂಡಿಂಗ್ (ಇವಿಟಿಒಎಲ್) ಕಾರ್ಯಾಚರಣೆಗಳ ನಿರೀಕ್ಷಿತ ಉಡಾವಣೆಗಾಗಿ ಮೂಲಸೌಕರ್ಯವನ್ನು ವಿನ್ಯಾಸಗೊಳಿಸಲು ಮತ್ತು ಅಭಿವೃದ್ಧಿಪಡಿಸಲು ಆರ್‌ಟಿಎ ಸುಧಾರಿತ ಏರ್ ಮೊಬಿಲಿಟಿ ಕಂಪನಿಗಳಾದ ಸ್ಕೈಪೋರ್ಟ್ಸ್ ಇನ್‌ಫ್ರಾಸ್ಟ್ರಕ್ಚರ್ ಮತ್ತು ಜಾಬಿ ಏವಿಯೇಷನ್‌ನೊಂದಿಗೆ ಕೆಲಸ ಮಾಡುತ್ತಿದೆ ಎಂದು ಟ್ವೀಟ್ ಹೇಳುತ್ತದೆ.
ವರ್ಟಿಪೋರ್ಟ್‌ಗಳ ಸಂಪೂರ್ಣ ಅಭಿವೃದ್ಧಿ ಹೊಂದಿದ ನೆಟ್‌ವರ್ಕ್‌ನೊಂದಿಗೆ ದುಬೈ ವಿಶ್ವದ ಮೊದಲ ನಗರವಾಗಲು ಸಿದ್ಧವಾಗಿದೆ ಎಂದು ಅದು ಹೇಳುತ್ತದೆ. ಆರಂಭಿಕ ಉಡಾವಣೆಯು ನಾಲ್ಕು ಪ್ರಮುಖ ಪ್ರದೇಶಗಳನ್ನು ಸಂಪರ್ಕಿಸುತ್ತದೆ: ದುಬೈ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಬಳಿ, ಡೌನ್ಟೌನ್ ದುಬೈ, ಪಾಮ್ ಜುಮೇರಾ ಮತ್ತು ದುಬೈ ಮರೀನಾ ಎಂದು ವರದಿ ಹೇಳುತ್ತದೆ.
ಪ್ರತಿ ವಿಮಾನವು ಪೈಲಟ್ ಮತ್ತು ನಾಲ್ವರು ಪ್ರಯಾಣಿಕರಿಗೆ ಅವಕಾಶ ಕಲ್ಪಿಸುತ್ತದೆ, 241 ಕಿಮೀ ವ್ಯಾಪ್ತಿ ಮತ್ತು 300 ಕಿಲೋಮೀಟರ್ ಗರಿಷ್ಠ ವೇಗ ಹೊಂದಲಿದೆ.
ಚೀನಾದ ಕಂಪನಿ XPeng Aeroht ಕಳೆದ ಅಕ್ಟೋಬರ್‌ನಲ್ಲಿ ದುಬೈನಲ್ಲಿ ನಡೆದ ಪ್ರದರ್ಶನದಲ್ಲಿ ಎರಡು ಆಸನಗಳ ಎಲೆಕ್ಟ್ರಿಕ್ VTOL ಹಾರುವ ಕಾರನ್ನು ಪ್ರದರ್ಶಿಸಿತು.
ಸ್ಕೈಡೈವ್ ದುಬೈನಲ್ಲಿ ಜನಸಮೂಹವು ಮಾನವರಹಿತ ಏರ್ ಕಾರ್‌ ಟ್ಯಾಕ್ಸಿ ಗಾಳಿಯಲ್ಲಿ ಹಾರುವುದನ್ನು ವೀಕ್ಷಿಸಿತು, ಕಂಪನಿಯ ವಾಯುಯಾನ ವ್ಯವಹಾರಗಳ ಮುಖ್ಯಸ್ಥ ಡಾ ಲಿಯು ಕ್ಸಿನ್ಯಿಂಗ್, ನಗರ ಪರಿಸರದಲ್ಲಿ ಕಾರ್ಯಸಾಧ್ಯವಾದ ಹಾರುವ ವಾಹನಗಳು ಶೀಘ್ರದಲ್ಲೇ ವಾಸ್ತವವಾಗಬಹುದು ಎಂದು ಪ್ರತಿಪಾದಿಸಿದರು.
“ಕಂಪನಿಯು ಆರನೇ ತಲೆಮಾರಿನ ಹಾರುವ ಕಾರಿನಲ್ಲಿ ಕೆಲಸ ಮಾಡುತ್ತಿದೆ, ಅದು ಸ್ವಾಯತ್ತ ವಿಮಾನ ಮಾರ್ಗ ಯೋಜನೆಯೊಂದಿಗೆ ಟೇಕ್ ಆಫ್ ಮತ್ತು ಲಂಬವಾಗಿ ಇಳಿಯಬಹುದು” ಎಂದು ಅವರು ಆ ಸಮಯದಲ್ಲಿ ಹೇಳಿದರು. ಇದನ್ನು 2024 ರಲ್ಲಿ ಬೃಹತ್ ಪ್ರಮಾಣದಲ್ಲಿ ಉತ್ಪಾದಿಸಲು ಮತ್ತು ವಿತರಿಸಲು ನಿರ್ಧರಿಸಲಾಗಿದೆ ಎಂದು ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ