ನವದೆಹಲಿ: ಅಮೃತಸರ-ಕೋಲ್ಕತ್ತಾ ರೈಲಿನಲ್ಲಿ ಕುಡಿದ ಮತ್ತಿನಲ್ಲಿ ಮಹಿಳೆಯೊಬ್ಬರ ಮೇಲೆ ಮೂತ್ರ ವಿಸರ್ಜನೆ ಮಾಡಿದ ಆರೋಪಕ್ಕೆ ಸಂಬಂಧಿಸಿದಂತೆ ಟಿಕೆಟ್ ಪರೀಕ್ಷಕನನ್ನು ಇಂದು, ಮಂಗಳವಾರ ವಜಾಗೊಳಿಸಲಾಗಿದೆ.
ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್ ಅವರ ಸೂಚನೆಯ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗಿದೆ. ಮಹಿಳಾ ಪ್ರಯಾಣಿಕಳ ತಲೆಯ ಮೇಲೆ ಮೂತ್ರ ವಿಸರ್ಜನೆ ಮಾಡಿದ ಒಂದು ದಿನದ ನಂತರ ರೈಲ್ವೆ ಟಿಟಿಇ ಹಾಗೂ ಬಿಹಾರ ನಿವಾಸಿ ಮುನ್ನಾ ಕುಮಾರನನ್ನು ನಿನ್ನೆ ಲಕ್ನೋದಲ್ಲಿ ಬಂಧಿಸಲಾಗಿದೆ.
ಮಹಿಳೆ ತನ್ನ ಪತಿಯೊಂದಿಗೆ ಅಕಾಲ್ ತಖ್ತ್ ಎಕ್ಸ್‌ಪ್ರೆಸ್‌ನ A1 ಕೋಚ್‌ನಲ್ಲಿ ಕೋಲ್ಕತ್ತಾಕ್ಕೆ ಪ್ರಯಾಣಿಸುತ್ತಿದ್ದಳು ಎಂದು ಸರ್ಕಾರಿ ರೈಲ್ವೆ ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಘಟನೆಯ ದಿನ ಮುನ್ನಾಕುಮಾರ ರಜೆಯಲ್ಲಿದ್ದ ಎಂದು ಅವರು ತಿಳಿಸಿದ್ದಾರೆ.
ಮಹಿಳೆಯರಿಗೆ ಅಗೌರವ ತೋರುವ ನಡವಳಿಕೆಯು ಗಂಭೀರವಾದ ದುಷ್ಕೃತ್ಯವನ್ನು ಸೂಚಿಸುತ್ತದೆ, ಈ ಪ್ರಕ್ರಿಯೆಯಲ್ಲಿ ನಿಮಗೆ ಸ್ವಯಂ ಮಾತ್ರವಲ್ಲದೆ ಇಡೀ ರೈಲ್ವೆಗೆ ಅಪಖ್ಯಾತಿ ತರುತ್ತದೆ” ಎಂದು ಉತ್ತರ ರೈಲ್ವೆಯು ವ್ಯಕ್ತಿಗೆ ಬರೆದ ಪತ್ರದಲ್ಲಿ ತಿಳಿಸಿದೆ. ರೈಲ್ವೇ ಸೇವಕನ ಅನುಚಿತ ವರ್ತನೆಗಾಗಿ “ತಕ್ಷಣವೇ ಸೇವೆಯಿಂದ ವಜಾಗೊಳಿಸುವ ಶಿಕ್ಷೆಯನ್ನು ವಿಧಿಸಲು ನಾನು ಈ ಮೂಲಕ ಸೂಕ್ತವೆಂದು ಭಾವಿಸುತ್ತೇನೆ ಎಂದು ಹೇಳಿಕೆ ತಿಳಿಸಿದೆ.
ಶೂನ್ಯ ಸಹಿಷ್ಣುತೆ. ತಕ್ಷಣದಿಂದ ಜಾರಿಗೆ ಬರುವಂತೆ ಸೇವೆಯಿಂದ ತೆಗೆದುಹಾಕುವುದು” ಎಂದು ಪತ್ರವನ್ನು ಹಂಚಿಕೊಳ್ಳುವಾಗ ರೈಲ್ವೆ ಸಚಿವರು ಟ್ವೀಟ್ ಮಾಡಿದ್ದಾರೆ.
ನ್ಯೂಯಾರ್ಕ್‌ನಿಂದ ದೆಹಲಿ ಮತ್ತು ಪ್ಯಾರಿಸ್‌ನಿಂದ ದೆಹಲಿಗೆ ಎರಡು ಏರ್ ಇಂಡಿಯಾ ವಿಮಾನಗಳಲ್ಲಿ ಪ್ರಯಾಣಿಕರ ಮೇಲೆ ಎರಡು ರೀತಿಯ ಪ್ರಕರಣಗಳು ವರದಿಯಾದ ತಿಂಗಳುಗಳ ನಂತರ ಈಗ ರೈಲ್ವೆಯಲ್ಲಿ ಈ ಘಟನೆ ನಡೆದಿದೆ. ಈ ಮೂರು ಪ್ರಕರಣಗಳು ಕುಡಿದ ಅಮಲಿನಲ್ಲಿ ನಡೆದಿದೆ ಎಂದು ವರದಿಯಾಗಿದೆ.
ನವೆಂಬರ್ 26 ರಂದು, ನ್ಯೂಯಾರ್ಕ್-ದೆಹಲಿ ಏರ್ ಇಂಡಿಯಾ ವಿಮಾನದಲ್ಲಿ ಕುಡಿದ ಪುರುಷ ಪ್ರಯಾಣಿಕನೊಬ್ಬ ವೃದ್ಧ ಮಹಿಳಾ ಪ್ರಯಾಣಿಕಳ ಮೇಲೆ ಮೂತ್ರ ವಿಸರ್ಜನೆ ಮಾಡಿದ್ದ.
ಆಘಾತಕಾರಿ ಘಟನೆಯ ಕೇವಲ ಹತ್ತು ದಿನಗಳ ನಂತರ ಪ್ಯಾರಿಸ್-ದೆಹಲಿ ಸೆಕ್ಟರ್‌ನಲ್ಲಿ ವ್ಯಕ್ತಿಯೊಬ್ಬ ಮಹಿಳಾ ಪ್ರಯಾಣಿಕರ ಹೊದಿಕೆಯ ಮೇಲೆ ಮೂತ್ರ ವಿಸರ್ಜನೆ ಮಾಡಿದ ಮತ್ತೊಂದು ಘಟನೆ ನಡೆದಿದೆ.
ಮೊದಲ ಪ್ರಕರಣದ ಆರೋಪಿ ಶಂಕರ ಮಿಶ್ರಾ ಅವರನ್ನು ಜನವರಿಯಲ್ಲಿ ಬಂಧಿಸಿ ನಾಲ್ಕು ತಿಂಗಳ ಕಾಲ ವಿಮಾನಯಾನ ಸಂಸ್ಥೆ ನಿಷೇಧಿಸಿತ್ತು. ಪ್ರಯಾಣಿಕರು ಲಿಖಿತ ಕ್ಷಮಾಪಣೆ ನೀಡಿದ ನಂತರ ಎರಡನೇ ಘಟನೆಯಲ್ಲಿ ಯಾವುದೇ ದಂಡದ ಕ್ರಮ ವಿಧಿಸಲಾಗಿಲ್ಲ.
ನಿಮ್ಮ ಕಾಮೆಂಟ್ ಬರೆಯಿರಿ