ಪ್ರತ್ಯೇಕವಾಗುವುದು ತೀವ್ರವಾದ ಮತ್ತು ಅಸಹನೀಯ ಅನುಭವವಾಗಿದೆ ಮತ್ತು ಒಳಗೊಂಡಿರುವ ಎರಡೂ ಕಡೆಯವರಿಗೆ ಅಪಾರ ನೋವು ಮತ್ತು ಸಂಕಟವನ್ನು ಉಂಟುಮಾಡಬಹುದು. ನೀವು ಪ್ರೀತಿಸುವ ವ್ಯಕ್ತಿಯನ್ನು ಬಿಡುವುದು ತುಂಬಾ ಕಷ್ಟ. ಚೀನಾದಲ್ಲಿ ಒಬ್ಬ ವ್ಯಕ್ತಿ ತನ್ನ ಮಾಜಿ ಗೆಳತಿ ಸಂಬಂಧ ಮುರಿದುಕೊಂಡ ನಂತರ ಾವಳನ್ನು ಮರೆಯಲು ಸಾಧ್ಯವಾಗದೆ ಅವಳನ್ನು ಮರಳಿ ಗೆಲ್ಲುವ ಪ್ರಯತ್ನದಲ್ಲಿ ಅವಳಿಗಾಗಿ 21 ಗಂಟೆಗಳ ಕಾಲ ಮಂಡಿಯೂರಿ ಕುಳಿತು ಕಳೆದಿದ್ದಾನೆ ಎಂದು ವರದಿಯಾಗಿದೆ.
ಸೌತ್ ಚೈನಾ ಮಾರ್ನಿಂಗ್ ಪೋಸ್ಟ್ ಪ್ರಕಾರ, ವ್ಯಕ್ತಿಯೊಬ್ಬ ತನ್ನ ಮಾಜಿ ಗೆಳತಿಯ ಕಚೇರಿಯ ಹೊರಗೆ ಮಳೆಯಲ್ಲಿ 21 ಗಂಟೆಗಳ ಕಾಲ ಮಂಡಿಯೂರಿ ಕುಳಿತು ಕಳೆದಿದ್ದಾನೆ…! ಹಾಗೂ ತನ್ನನ್ನು ಮರಳಿ ಕರೆದುಕೊಳ್ಳುವಂತೆ ಬೇಡಿಕೊಂಡಿದ್ದಾನೆ. ಘಟನೆಯ ಚಿತ್ರಗಳು ಮತ್ತು ವೀಡಿಯೋಗಳು ಈಗ ಚೀನಾದಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ಕೋಲಾಹಲಕ್ಕೆ ಕಾರಣವಾಗಿದೆ.
ವರದಿಯ ಪ್ರಕಾರ, ಮಾರ್ಚ್ 28 ರಂದು ಮಧ್ಯಾಹ್ನ 1ರಿಂದ ಮರುದಿನ ಬೆಳಿಗ್ಗೆ 10ರ ವರೆಗೆ 21 ಗಂಟೆಗಳ ಕಾಲ ವ್ಯಕ್ತಿ ದಾಝೌನಲ್ಲಿ ಕಟ್ಟಡದ ಪ್ರವೇಶದ್ವಾರದ ಹೊರಗೆ ಮಂಡಿಯೂರಿ ಕುಳಿತಿದ್ದಾನೆ. ಮಳೆ ಮತ್ತು ಚಳಿಯೊಂದಿಗೆ ಹೋರಾಡುತ್ತಾ, ಕೈಯಲ್ಲಿ ಗುಲಾಬಿಗಳ ಪುಷ್ಪಗುಚ್ಛದೊಂದಿಗೆ ಆತ ಮಾಜಿ ಗೆಳತಿಯ ಕಚೇರಿಯ ಹೊರಗೆ ಮಂಡಿಯೂರಿ ಅವಳು ಮನಸ್ಸು ಬದಲಾಯಿಸುವುದನ್ನು ಕಾಯುತ್ತಿದ್ದ ಎಂದು ವರದಿ ಹೇಳಿದೆ.
ಏತನ್ಮಧ್ಯೆ, ಸ್ಥಳೀಯರು ಆತನ ಸುತ್ತಲೂ ಜಮಾಯಿಸಿದರು ಮತ್ತು ಪ್ರಯತ್ನವನ್ನು ಕೈಬಿಡುವಂತೆ ಆತನಿಗೆ ಒತ್ತಾಯಿಸಿದರು ಎಂದು ವೀಡಿಯೊ ಮಾಧ್ಯಮ ಔಟ್ಲೆಟ್ ಜಿಯುಪೈ ನ್ಯೂಸ್ ವರದಿ ಮಾಡಿದೆ. ಇಷ್ಟೆಲ್ಲ ನಡೆದರೂ ಆತನ ಮಾಜಿ ಗೆಳತಿ ಮಾತ್ರ ಕಾಣಲಿಲ್ಲ.
ಈ ವಿಲಕ್ಷಣ ಸನ್ನಿವೇಶವು ಎಷ್ಟು ಗಮನ ಸೆಳೆಯಿತೆಂದರೆ ಪೊಲೀಸರು ಕೂಡ ಘಟನಾ ಸ್ಥಳಕ್ಕೆ ಆಗಮಿಸಿ ಆತನ ಮನವೊಲಿಸಲು ಪ್ರಯತ್ನಿಸಿದರು. ಆದರೂ ಆದರೆ ವಿಚಲಿತನಾಗದೆ, ‘ನಾನು ಇಲ್ಲಿ ಮಂಡಿಯೂರಿ ಕೂರುವುದು ಕಾನೂನು ಬಾಹಿರವೇ?, ಅಕ್ರಮವಾಗದಿದ್ದರೆ ದಯವಿಟ್ಟು ನನ್ನನ್ನು ಬಿಟ್ಟುಬಿಡಿ ಎಂದು ಪೊಲೀಸರಿಗೆ ಹೇಳಿದ್ದಾನೆ.
ಕೆಲವು ದಿನಗಳ ಹಿಂದೆ ಆತನ ಮಾಜಿ ಗೆಳತಿ ಆತನೊಂದಿಗೆ ಸಂಬಂಧ ಕಡಿದುಕೊಂಡಿದ್ದಾಳೆ. ಹೀಗಾಗಿ ಆತ ಕ್ಷಮೆ ಕೋರುತ್ತಿದ್ದಾನೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ,.
ಆ ವ್ಯಕ್ತಿ ಅಂತಿಮವಾಗಿ ಮಾರ್ಚ್ 29 ರಂದು ಬೆಳಿಗ್ಗೆ 10 ಗಂಟೆಗೆ ಹೊರಟುಹೋದನು ಏಕೆಂದರೆ ಆತನಿಗೆ ಅದಕ್ಕಿಂತ ಮುಂದೆ ಚಳಿಯನ್ನು ಸಹಿಸಲಾಗಲಿಲ್ಲ ಎಂದು ವರದಿ ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ