ಭಾರತದ ಮೊದಲ ನೀರೊಳಗಿನ ರೈಲು ಶೀಘ್ರ ಪ್ರಾರಂಭವಾಗಲಿದೆ. ಏಪ್ರಿಲ್ 9 ಭಾನುವಾರ ಪರೀಕ್ಷಾರ್ಥ ಓಡಾಟ ನಡೆಸಲಿದೆ. ಈ ಮೆಟ್ರೋ ಹೂಗ್ಲಿ ನದಿಯಲ್ಲಿ ನಿರ್ಮಿಸಲಾದ ಸುರಂಗದ ಮೂಲಕ ಹಾದುಹೋಗುತ್ತದೆ. ಈ ಮೆಟ್ರೋ ರೈಲಿಗೆ 6 ಬೋಗಿಗಳನ್ನು ಜೋಡಿಸಲಾಗುತ್ತದೆ.
ಹಲವು ವಿಶೇಷತೆಗಳು ಈ ಮೆಟ್ರೋದಲ್ಲಿವೆ. ಕೋಲ್ಕತ್ತಾ ಪೂರ್ವ-ಪಶ್ಚಿಮ ಮೆಟ್ರೋ ಯೋಜನೆಯಡಿ ತಲಾ ಆರು ಬೋಗಿಗಳ ಎರಡು ರೈಲುಗಳನ್ನು ಪರೀಕಾರ್ಥ ಸಿದ್ಧಪಡಿಸಲಾಗಿದೆ. ಸಾಲ್ಟ್ ಲೇಕ್‌ನಲ್ಲಿರುವ ಹೌರಾ ಮೈದಾನ ಮತ್ತು ಸೆಕ್ಟರ್ V ಅನ್ನು ಸಂಪರ್ಕಿಸುವ ಪೂರ್ವ ಪಶ್ಚಿಮ ಮೆಟ್ರೋ ಕಾರಿಡಾರ್ ಸೆಕ್ಟರ್ V ನಿಲ್ದಾಣ ಮತ್ತು ಸೀಲ್ದಾಹ್ ನಡುವೆ ಸ್ವಲ್ಪ ದೂರದಲ್ಲಿ ಕಾರ್ಯನಿರ್ವಹಿಸುತ್ತದೆ. ತಲಾ ಆರು ಬೋಗಿಗಳ ಎರಡು ರೈಲುಗಳನ್ನು ಹೊಂದಿರುವ ಈ ಮೆಟ್ರೋ ರೈಲುಗಳು ಎಸ್ಪ್ಲಾನೇಡ್ ಮತ್ತು ಹೌರಾ ಮೈದಾನದ ನಡುವೆ 4.8 ಕಿಲೋಮೀಟರ್ ದೂರದಲ್ಲಿ ಪ್ರಾಯೋಗಿಕ ಓಡಾಟ ನಡೆಸಲಿವೆ.
ದೇಶದ ಮೊದಲ ಮೆಟ್ರೋ ಕೋಲ್ಕತ್ತಾದಲ್ಲಿ ಪ್ರಾರಂಭವಾಗಿತ್ತು…
ದೇಶದ ಮೊದಲ ಮೆಟ್ರೋ ರೈಲುಮಾರ್ಗವು 1984ರಲ್ಲಿ ಕೋಲ್ಕತ್ತಾದಲ್ಲಿಯೇ ಪ್ರಾರಂಭವಾಯಿತು. ಇದರ ನಂತರ ದೆಹಲಿಯಲ್ಲಿ 2002 ರಲ್ಲಿ ಪ್ರಾರಂಭವಾಯಿತು ಮತ್ತು ಈಗ ಇದು ಅನೇಕ ನಗರಗಳಲ್ಲಿ ಪ್ರಾರಂಭವಾಗಿದೆ. ಈಗ ಕೋಲ್ಕತ್ತಾದ ಸಾಧನೆಗೆ ಮತ್ತೊಂದು ನೀರೊಳಗಿನ ಮೆಟ್ರೋ ಸೇರ್ಪಡೆಯಾಗಲಿದೆ.
ಐಸಿಎಸ್ ಮಹೇಶ ಪಿಯು ಸೈನ್ಸ್ ಕಾಲೇಜು, ಧಾರವಾಡ
2023-24 ನೇ ಸಾಲಿನ ಅಡ್ಮಿಷನ್ ಗಳು ಆರಂಭವಾಗಿವೆ
ಹೆಚ್ಚಿನ ಮಾಹಿತಿಗಾಗಿ ಕರೆ ಮಾಡಿ ಮತ್ತು ವಿಚಾರಿಸಿ: 9535127775 , 9901837775 , 6364528715 , 0836-2775155
ಮೆಟ್ರೋ ರೈಲು ಓಡಿಸಲು ಬ್ಯಾಟರಿ ಸಹ ಬಳಸಬಹುದು
ಸಾಲ್ಟ್ ಲೇಕ್ ಮತ್ತು ಹೌರಾ ನಡುವಿನ ಭಾನುವಾರದ ಟ್ರಯಲ್ ರನ್ ಸೀಲ್ದಾ ಮತ್ತು ಎಸ್ಪ್ಲಾನೇಡ್ ಸುರಂಗದ ಮೂಲಕ ಹಾದುಹೋಗುತ್ತದೆ ಎಂದು ವರದಿಗಳು ತಿಳಿಸಿದೆ. ಸೀಲ್ಡಾ ಮತ್ತು ಎಸ್ಪ್ಲಾನೇಡ್ ನಡುವೆ ಟ್ರ್ಯಾಕ್ ಹಾಕುವ ಕೆಲಸವು ಅಪೂರ್ಣವಾಗಿದೆ. ಆದರೂ ಪ್ರಾಯೋಗಿಕವಾಗಿ ಓಡಿಸಲು ತಾತ್ಕಾಲಿಕ ಟ್ರ್ಯಾಕ್ ಸಿದ್ಧಪಡಿಸಲಾಗಿದೆ. ರೈಲುಗಳು ಸಾಮಾನ್ಯವಾಗಿ ಸೀಲ್ದಾಹ್ ನಿಲ್ದಾಣದವರೆಗೆ ಚಲಿಸುತ್ತವೆ ಆದರೆ ಇದು ಸೀಲ್ಡಾದಿಂದ ಎಸ್ಪ್ಲಾನೇಡ್ ಚಲಿಸಲಿದೆ, ಅವುಗಳನ್ನು ಬ್ಯಾಟರಿ ಚಾಲಿತ ಲೋಕೋಸ್ ಮೂಲಕ ಸುರಂಗದಲ್ಲಿ ಓಡಿಸಲಾಗುತ್ತದೆ. ನಂತರ ಎಸ್ಪ್ಲೇನೇಡ್‌ನಿಂದ ಹೌರಾವರೆಗೆ ಅವು ಸಾಮಾನ್ಯ ರೈಲಿನಂತೆ ಕಾರ್ಯನಿರ್ವಹಿಸುತ್ತವೆ.
ಡಿಸೆಂಬರ್ 2023 ರೊಳಗೆ ಕಾಮಗಾರಿ ಪೂರ್ಣ
ಭಾರತದ ಮೊದಲ ನೀರೊಳಗಿನ ಮೆಟ್ರೋ ಸೇವೆ, ಪೂರ್ವ-ಪಶ್ಚಿಮ ಮೆಟ್ರೋ ಕಾರಿಡಾರ್ ಯೋಜನೆಯು ಡಿಸೆಂಬರ್ 2023 ರೊಳಗೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ ಎಂದು KMRC ಹೇಳಿತ್ತು. ಇದೀಗ ಕಾಮಗಾರಿ ಪ್ರಗತಿಯಲ್ಲಿದೆ ಮತ್ತು ಆದರೂ ನೀರೊಳಗಿನ ಮೆಟ್ರೋ ಯೋಜನೆಯ ಹಲವು ಕಾಮಗಾರಿಗಳನ್ನು ಪೂರ್ಣಗೊಳಿಸಲು ವಿಳಂಬವಾಗಿದೆ.
ಈ ಮೆಟ್ರೋ ಲಂಡನ್ ಮತ್ತು ಪ್ಯಾರಿಸ್‌ನಂತೆ ಇರಲಿದೆ
ಭಾರತದಲ್ಲಿ ಮೊದಲ ಬಾರಿಗೆ ನೀರೊಳಗಿನ ಮೆಟ್ರೋ ರೈಲನ್ನು ಲಂಡನ್ ಮತ್ತು ಪ್ಯಾರಿಸ್ ಅನ್ನು ಸಂಪರ್ಕಿಸುವ ಯುರೋಸ್ಟಾರ್‌ಗೆ ಹೋಲಿಸಲಾಗಿದೆ. ಈ ಮೆಟ್ರೊ ರೈಲು ಹಂಗಲಿ ನದಿಯ ತಳದಿಂದ 13 ಮೀಟರ್ ಕೆಳಗೆ ಹಾದು ಹೋಗಲಿದೆ. ಇದರ ಅಳವಡಿಕೆಯಿಂದ ಲಕ್ಷಾಂತರ ಪ್ರಯಾಣಿಕರಿಗೆ ಪ್ರಯಾಣ ಸುಗಮವಾಗಲಿದೆ.
ಎಷ್ಟು ವೆಚ್ಚ…
ಹೌರಾ ನಿಲ್ದಾಣವು ಗರಿಷ್ಠ 33 ಮೀಟರ್ ಆಳವಾಗಿರುತ್ತದೆ, ಪ್ರಸ್ತುತ ಹೌಜ್ ಖಾಸ್ 29 ಮೀಟರ್‌ವರೆಗಿನ ಆಳವಾದ ನಿಲ್ದಾಣವಾಗಿದೆ. ಸುರಂಗ ನಿರ್ಮಾಣಕ್ಕೆ ಪ್ರತಿ ಕಿಲೋಮೀಟರ್‌ಗೆ 120 ಕೋಟಿ ರೂ.ವರೆಗೆ ವೆಚ್ಚವಾಗಲಿದೆ ಎನ್ನಲಾಗಿದೆ.
ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ.
(1. ಚೆನ್ನಾಗಿಲ್ಲ. 2. ಸಾಧಾರಣ. 3. ಪರವಾಗಿಲ್ಲ. 4. ಉತ್ತಮ . 5. ಅತ್ಯುತ್ತಮ)
ಸುಂದರವಾದ ಮತ್ತು ವಿಶಾಲವಾದ ಸ್ಥಳದಲ್ಲಿ ನಿಮ್ಮ ರಜಾದಿನಗಳನ್ನು ಆನಂದಿಸಿು
ನಿಮ್ಮ ಕಾಮೆಂಟ್ ಬರೆಯಿರಿ