50,000 ಕ್ಕಿಂತ ಹೆಚ್ಚು ವಜ್ರದ ಹರಳುಗಳನ್ನು ಸೇರಿಸಿ ಉಂಗುರ ತಯಾರಿಸಿ ಗಿನ್ನೆಸ್ ವಿಶ್ವ ದಾಖಲೆ ಸ್ಥಾಪಿಸಿದ ಮುಂಬೈನ ಜ್ಯುವೆಲ್ಲರ್ಸ್ | ವೀಕ್ಷಿಸಿ

ಮುಂಬೈ ಮೂಲದ ಆಭರಣ ವ್ಯಾಪಾರಿಯೊಬ್ಬರು 50,000 ಕ್ಕೂ ಹೆಚ್ಚು ವಜ್ರಗಳನ್ನು ಸೇರಿಸಿ ಉಂಗುರ ತಯಾರಿಸುವ ಮೂಲಕ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ.
ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ (GWR) ಪ್ರಕಾರ ಮುಂಬೈನಲ್ಲಿರುವ ಎಚ್.ಕೆ. ಡಿಸೈನ್ಸ್ ಮತ್ತು ಹರಿ ಕೃಷ್ಣ ಎಕ್ಸ್‌ಪೋರ್ಟ್ಸ್ ಪ್ರೈ ಲಿಮಿಟೆಡ್ ಈ ವರ್ಷ ಮಾರ್ಚ್ 11 ರಂದು ಈ ಸಾಧನೆ ಮಾಡಿದೆ.
ಅದ್ಭುತವಾದ ತುಣುಕು ಸಂಪೂರ್ಣವಾಗಿ ಮರುಬಳಕೆಯ ವಸ್ತುಗಳಿಂದ ಮಾಡಲ್ಪಟ್ಟಿದೆ. ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಕಾರ, ಆಭರಣದ ತುಣುಕನ್ನು ರಚಿಸಲು “ಮರು-ಉದ್ದೇಶದ ವಜ್ರಗಳೊಂದಿಗೆ ಮರುಬಳಕೆಯ ಚಿನ್ನವನ್ನು ಮಿಶ್ರಣ ಮಾಡಲಾಗಿದೆ. ಉಂಗುರವು ನಿಖರವಾಗಿ 50,907 ವಜ್ರಗಳನ್ನು ಹೊಂದಿದೆ.
ಉಂಗುರಕ್ಕೆ ಯುಟಿಯೆರಿಯಾ ಎಂದು ಹೆಸರಿಸಲಾಗಿದೆ, ಇದರರ್ಥ “ಪ್ರಕೃತಿಯೊಂದಿಗೆ ಒಂದಾಗುವುದು” ಮತ್ತು ಈ ವಜ್ರಗಳು ಸೂರ್ಯಕಾಂತಿ ಮತ್ತು ಚಿಟ್ಟೆಯ ಆಕೃತಿಯ ಮೇಲೆ ಸೂಕ್ಷ್ಮವಾಗಿ ಕೂಡ್ರಿಸಲಾಗಿದೆ. H.K ಡಿಸೈನ್ಸ್ ಪ್ರಕಾರ, ಸಿದ್ಧಪಡಿಸಿದ ಉಂಗುರವು 460.55 ಗ್ರಾಂ ತೂಕ ಮತ್ತು ₹ 6.4 ಕೋಟಿ ಮೌಲ್ಯವನ್ನು ಹೊಂದಿದೆ.

ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಪ್ರಕಾರ, ಈ ಪರಿಕಲ್ಪನೆಯ ಉಂಗುರದ ತಯಾರಿಗೆ ಸುಮಾರು ಒಂಬತ್ತು ತಿಂಗಳು ಬೇಕಾಯಿತು. ಆ ಉಂಗುರದಲ್ಲಿ 50,000 ಕ್ಕಿಂತ ಹೆಚ್ಚು ವಜ್ರಗಳನ್ನು ಹಿಡಿದಿಟ್ಟುಕೊಳ್ಳುವಂತೆ ಮಾಡುವುದು ಸವಾಲಿನ ಕೆಲಸವಾಗಿತ್ತು. ಹೀಗಾಗಿ ಸೂರ್ಯಕಾಂತಿ ಮತ್ತು ಚಿಟ್ಟೆಯ ವಿನ್ಯಾಸಕ್ಕೆ ಒತ್ತು ನೀಡಲಾಯಿತು. ಇದಲ್ಲದೆ, 50,000 ಕ್ಕಿಂತ ಹೆಚ್ಚು ವಜ್ರಗಳು ಅದರಲ್ಲಿ ಕುಳಿತುಕೊಳ್ಳುವಂತೆ ಮಾಡಲು ಕಂಪ್ಯೂಟರ್-ಸಹಾಯದ ವಿನ್ಯಾಸ (ಸಿಎಡಿ) ಮಾಡಲು ಸುಮಾರು ನಾಲ್ಕು ತಿಂಗಳು ತೆಗೆದುಕೊಂಡಿತು.

“ಸಿಎಡಿಯನ್ನು ಅಂತಿಮಗೊಳಿಸಿದ ನಂತರ, ಮೇಣದ ಎರಕದ ವಿಧಾನವನ್ನು ಬಳಸಿಕೊಂಡು ಉಂಗುರವನ್ನು ರಚಿಸಲಾಯಿತು, ಅಲ್ಲಿ ಪ್ರತಿ ಭಾಗಕ್ಕೆ 18-ಕ್ಯಾರೆಟ್ ಚಿನ್ನದಲ್ಲಿ ವಜ್ರದ ಹರಳುಗಳನ್ನು ಜೋಡಿಸಲಾಯಿತು. ವಿನ್ಯಾಸವನ್ನು ಜೋಡಿಸಿ, ಪ್ರತಿ ವಜ್ರವನ್ನು ಅನುಭವಿ ಕುಶಲಕರ್ಮಿಗಳಿಂದ ಎಚ್ಚರಿಕೆಯಿಂದ ಇರಿಸಲಾಯಿತು ಮತ್ತು ನಂತರ ಉಂಗುರವನ್ನು ಮತ್ತಷ್ಟು ಹೊಳಪುಗೊಳಿಸಲಾಯಿತು ಎಂದು ಗಿನ್ನೆಸ್ ವರ್ಲ್ಡ್ ರೆಕಾರ್ಡ್ಸ್ ಹೇಳಿದೆ.
ಉಂಗುರ ತಯಾರಿಕೆ ಪ್ರಕ್ರಿಯೆಯ ಅಂತಿಮ ಹಂತವನ್ನು ಪೂರ್ಣಗೊಳಿಸಲು ಸೂರ್ಯಕಾಂತಿ ಮತ್ತು ಚಿಟ್ಟೆಯ ಆಕೃತಿಯ ರೋಡಿಯಂ ಅನ್ನು ದಳಗಳು ಮತ್ತು ಚಿಟ್ಟೆಯ ರೆಕ್ಕೆಗಳಿಗೆ ಅನ್ವಯಿಸಲಾಗಿದೆ. “ಉಂಗುರಕ್ಕೆ ಒಟ್ಟು ಎಂಟು ಭಾಗಗಳು, ಇದರಲ್ಲಿ ನಾಲ್ಕು ಪದರಗಳ ದಳಗಳು, ಶ್ಯಾಂಕ್, ಎರಡು ವಜ್ರದ ತಟ್ಟೆಗಳು ಮತ್ತು ಚಿಟ್ಟೆಗಳು ಸೇರಿ ಈ ಹೊಳೆಯುವ ಉಂಗುರವನ್ನು ರೂಪಿಸುತ್ತವೆ” ಎಂದು ಅವರು ಹೇಳಿದ್ದಾರೆ.