ನವದೆಹಲಿ : ಬುಡಕಟ್ಟು ಯುವಕನ ಮೇಲೆ ಮೂತ್ರ ವಿಸರ್ಜನೆ ಮಾಡಿದ ಆರೋಪ ಹೊತ್ತಿರುವ ವ್ಯಕ್ತಿಗೆ ಸೇರಿದ ಆಸ್ತಿಯ ಭಾಗಗಳನ್ನು ಮಧ್ಯಪ್ರದೇಶದ ಆಡಳಿತವು ಬುಧವಾರ ನೆಲಸಮಗೊಳಿಸಿದೆ.
ಪ್ರವೇಶ ಶುಕ್ಲಾ ಎಂದು ಗುರುತಿಸಲಾದ ವ್ಯಕ್ತಿಯನ್ನು ಮಂಗಳವಾರ ಮಧ್ಯರಾತ್ರಿ ಬಂಧಿಸಲಾಯಿತು, ಆತ ಬುಡಕಟ್ಟು ಯುವಕನ ಮೇಲೆ ಮೂತ್ರ ವಿಸರ್ಜನೆ ಮಾಡುವ ವೀಡಿಯೊ ವೈರಲ್ ಆಗಿದ್ದು, ಇದು ಸಾರ್ವಜನಿಕ ಆಕ್ರೋಶಕ್ಕೆ ಕಾರಣವಾಯಿತು. ಮಧ್ಯಪ್ರದೇಶದ ಸಿಧಿ ಜಿಲ್ಲೆಯಲ್ಲಿ ಈ ಘಟನೆ ನಡೆದಿದೆ.
ಬುಧವಾರ, ಜೆಸಿಬಿ ಯಂತ್ರ ಮತ್ತು ಹಲವಾರು ಅಧಿಕಾರಿಗಳು ಮತ್ತು ಪೊಲೀಸ್ ಸಿಬ್ಬಂದಿ ಆರೋಪಿ ಪ್ರವೇಶ ಶುಕ್ಲಾ ಮನೆಗೆ ತಲುಪಿದರು ಮತ್ತು ಅಕ್ರಮ ಒತ್ತುವರಿ ಆರೋಪಕ್ಕಾಗಿ ಆಸ್ತಿಯ ಭಾಗಗಳನ್ನು ಕೆಡವಿ ಹಾಕಿದರು. ಪಾಲೆ ಕೋಲ್ ಎಂದು ಗುರುತಿಸಲಾದ ಕಾರ್ಮಿಕನ ಮೇಲೆ ಪ್ರವೇಶ ಶುಕ್ಲಾ ಮೂತ್ರ ವಿಸರ್ಜಿಸುತ್ತಿರುವ ವೀಡಿಯೊ ಮಂಗಳವಾರ ಹೊರಬಿದ್ದು ಆಕ್ರೋಶಕ್ಕೆ ಕಾರಣವಾಗಿತ್ತು. ಮಧ್ಯಪ್ರದೇಶ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ವೀಡಿಯೊವನ್ನು ಗಮನಿಸಿದರು ಮತ್ತು ಆರೋಪಿಗೆ “ಕಠಿಣ ಶಿಕ್ಷೆ” ನೀಡಲಾಗುವುದು ಎಂದು ಭರವಸೆ ನೀಡಿದ್ದಾರೆ.
ಮಧ್ಯಪ್ರದೇಶದ ಗೃಹ ಸಚಿವ ನರೋತ್ತಮ ಮಿಶ್ರಾ ಈ ವ್ಯಕ್ತಿಯ ಕೃತ್ಯವನ್ನು “ಹೇಯ, ಖಂಡನೀಯ ಮತ್ತು ಮಾನವೀಯತೆಗೆ ಅವಮಾನ” ಎಂದು ಬಣ್ಣಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ