ನವದೆಹಲಿ : ಪಬ್ಜಿಯಲ್ಲಿ ಪರಿಚಯವಾದ ಭಾರತದ ವ್ಯಕ್ತಿಯ ಭೇಟಿಗಾಗಿ ನಾಲ್ವರು ಮಕ್ಕಳೊಂದಿಗೆ ಭಾರತಕ್ಕೆ ಬಂದ ಪಾಕಿಸ್ತಾನಿ ಮಹಿಳೆ ಸೀಮಾ ಹೈದರ್ ಪತಿ ಗುಲಾಮ್ ಹೈದರ್ ಅವರ ವೀಡಿಯೊ ಆನ್ಲೈನ್ನಲ್ಲಿ ಕಾಣಿಸಿಕೊಂಡಿದೆ. ಅವರು ತಮ್ಮ ಪತ್ನಿ ಮತ್ತು ಮಕ್ಕಳನ್ನು ತಮ್ಮ ತಮ್ಮ ದೇಶ ಪಾಕಿಸ್ತಾನಕ್ಕೆ ವಾಪಸ್ ಕಳುಹಿಸುವಂತೆ ಭಾರತ ಸರ್ಕಾರಕ್ಕೆ ಮನವಿ ಮಾಡಿದ್ದಾರೆ.
ಅಕ್ರಮವಾಗಿ ಭಾರತಕ್ಕೆ ಪ್ರವೇಶಿಸಿದ ಆರೋಪದ ಮೇಲೆ ಪಾಕಿಸ್ತಾನದ ಮಹಿಳೆ ಮೇಲೆ ಪ್ರಕರಣ ದಾಖಲಾಗಿದೆ. ಇತ್ತೀಚೆಗೆ ಆಕೆಯ ಭಾರತೀಯ ಗೆಳೆಯ ಸಚಿನ್ ಅವರ ಜೊತೆಗೆ ಇರಲು ಪಾಕಿಸ್ತಾನದಿಂದ ಭಾರತಕ್ಕೆ ಬಂದಿದ್ದ ಅವಳನ್ನು ಸಚಿನ್ ಜೊತೆ ಬಂಧಿಸಲಾಗಿತ್ತು.
ಏತನ್ಮಧ್ಯೆ, ಸೀಮಾ ಅವರ ಪತಿ ಗಮನಕ್ಕೆ ಇದು ಬಂದಿದೆ. ಅವರು ತಮ್ಮ ಹೆಂಡತಿ ಮತ್ತು ಮಕ್ಕಳು ಇರುವಿಕೆಯ ಬಗ್ಗೆ ಅವರಿಗೆ ತಿಳಿದಿರಲಿಲ್ಲ. ಆದರೆ ಅವರೆಲ್ಲ ಭಾರತದಲ್ಲಿದ್ದಾರೆ ಎಂದು ಮಾಧ್ಯಮ ವರದಿಗಳ ಮೂಲಕ ಗೊತ್ತಾದ ಸಹಾಯಕ್ಕಾಗಿ ಸರ್ಕಾರಕ್ಕೆ ಮನವಿ ಮಾಡಿದರು. ಅವರು ಪ್ರಸ್ತುತ ನೆಲೆಸಿರುವ ಸೌದಿ ಅರೇಬಿಯಾದಿಂದ ವೀಡಿಯೊ ಮನವಿ ಬಿಡುಗಡೆ ಮಾಡಿದ್ದಾರೆ ಎಂದು ವರದಿಯಾಗಿದೆ.
“ನನ್ನ ಪತ್ನಿ ಸೀಮಾ ಮತ್ತು ಮಕ್ಕಳಾದ ಫರ್ಹಾನ್, ಫರ್ವಾ, ಫರ್ಹಾ ಮತ್ತು ಫರ್ಹೀನ್ ಅವರನ್ನು ಪಾಕಿಸ್ತಾನಕ್ಕೆ ವಾಪಸ್ ಕಳುಹಿಸುವಂತೆ ನಾನು ಮೋದಿ ಸರ್ಕಾರವನ್ನು ವಿನಮ್ರವಾಗಿ ವಿನಂತಿಸುತ್ತೇನೆ. ನಾನು ತುಂಬಾ ಚಿಂತಿತನಾಗಿದ್ದೇನೆ… ದಯವಿಟ್ಟು ನನಗೆ ಸಹಾಯ ಮಾಡಿ” ಎಂದು ಅವರು ಹೇಳಿದ್ದಾರೆ.
ಮಹಿಳೆಯನ್ನು ಸೀಮಾ ಹೈದರ್ ಎಂದು ಗುರುತಿಸಲಾಗಿದೆ ಮತ್ತು ಅವಳು ಭಾರತದ ಸಚಿನ್ ಮೀನಾ 2019ರಲ್ಲಿ ಆನ್ಲೈನ್ ಗೇಮ್ ಪಬ್ಜಿ (PUBG) ಮೂಲಕ ಪರಿಚಯವಾದರು. ಅಂತಿಮವಾಗಿ, ಅವರ ಮತ್ತಷ್ಟು ಹತ್ತಿರವಾದರು. ಮತ್ತು ಅವರು ಕಠ್ಮಂಡುವಿನ ಪಶುಪತಿನಾಥ ದೇವಾಲಯದಲ್ಲಿ ಮದುವೆಯಾದರು. ಸೀಮಾ ಪಾಕಿಸ್ತಾನಕ್ಕೆ ಹಿಂತಿರುಗಲು ಇಷ್ಟವಿಲ್ಲದ ಕಾರಣ, ಅವರು ಭಾರತಕ್ಕೆ ಬಸ್ ಹತ್ತಿ ಮೇ 13 ರಂದು ಇಲ್ಲಿಗೆ ಬಂದರು. ಅಂದಿನಿಂದ, ದಂಪತಿ ರಬುಪುರದ ಅಂಬೇಡ್ಕರ ನಗರದಲ್ಲಿ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದರು.
ಮೇ 11 ರಂದು ನೇಪಾಳದ ಮೂಲಕ ಸೀಮಾ ಹೈದರ್ ಅಕ್ರಮವಾಗಿ ಭಾರತವನ್ನು ಪ್ರವೇಶಿಸಿದ್ದಾಳೆ ಮತ್ತು ನಂತರ ಸಚಿನ್ ಎಂಬಾತನನ್ನು ಭೇಟಿ ಮಾಡಲು ಗ್ರೇಟರ್ ನೋಯ್ಡಾಕ್ಕೆ ಬಸ್ ಮೂಲಕ ಬಂದಿದ್ದಾಳೆ, ಮೇ 13ರಿಂದ ಅವಳಿ ಸಚಿನ್ ಜೊತೆ ರಬುಪುರದ ಅಂಬೇಡ್ಕರ್ ನಗರದಲ್ಲಿ ವಾಸವಾಗಿದ್ದಾಳೆ. ಎಂದು ಗ್ರೇಟರ್ ನೋಯ್ಡಾದ ಉಪ ಪೊಲೀಸ್ ಆಯುಕ್ತ ಎಸ್ಕೆ ಖಾನ್ ಹೇಳಿದ್ದಾರೆ.
ಸೀಮಾ ತಾನು 2019 ರಿಂದ ತನ್ನ ಪತಿಯನ್ನು ನೋಡಿಲ್ಲ ಮತ್ತು ಭಾರತಕ್ಕೆ ಹೊರಡುವ ಮೊದಲು ಸತತವಾಗಿ ಮೂರು ಬಾರಿ ‘ತಲಾಕ್’ ಹೇಳುವ ಮೂಲಕ ಔಪಚಾರಿಕವಾಗಿ ಅವನಿಂದ ಬೇರ್ಪಟ್ಟಿರುವುದಾಗಿ ತಿಳಿಸಿದ್ದಾಳೆ. ತನ್ನ ಪ್ರಯಾಣದ ವೆಚ್ಚ ಭರಿಸಲು ಆಕೆ ಆಕೆ ತನ್ನ ಕೃಷಿ ಭೂಮಿಯನ್ನು 12 ಲಕ್ಷ ರೂ.ಗಳಿಗೆ ಮಾರಾಟ ಮಾಡಿ ಆ ಹಣದಿಂದ ಭಾರತಕ್ಕೆ ಬಂದಿರುವುದಾಗಿ ಪೊಲೀಸ್ ವಿಚಾರಣೆ ವೇಳೆ ತಿಳಿಸಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಮಹಿಳೆಯನ್ನು ಸೀಮಾ ಹೈದರ್, ಆಕೆಯ ಸಂಗಾತಿ ಸಚಿನ್ ಮೀನಾ ಮತ್ತು ಆತನ ತಂದೆ ನೇತ್ರಪಾಲ ಮೀನಾ ಅವರನ್ನು ಬಂಧಿಸಲಾಗಿದೆ. ಆದರೆ, ಗ್ರೇಟರ್ ನೋಯ್ಡಾ ಕೋರ್ಟ್ ಮೂವರಿಗೆ ಜಾಮೀನು ನೀಡಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ