ಮುಂಬೈ: ಗಣೇಶ ಚತುರ್ಥಿ ಭಾರತದಲ್ಲಿ, ಅದರಲ್ಲಿಯೂ ವಿಶೇಷವಾಗಿ ಮುಂಬೈನಲ್ಲಿ ಹೆಚ್ಚು ಪ್ರೀತಿಯ ಹಬ್ಬವಾಗಿದೆ, ಅಲ್ಲಿ ಗಣೇಶನನ್ನು ಹೃತ್ಪೂರ್ವಕವಾಗಿ ಮನೆಗಳಿಗೆ ಸ್ವಾಗತಿಸಲಾಗುತ್ತದೆ. ಬಾಲಿವುಡ್ ಸೆಲೆಬ್ರಿಟಿಗಳು ಕೂಡ ತಮ್ಮ ಆಚರಣೆಗಳಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುತ್ತಾರೆ, ಗಣೇಶನ ಆಶೀರ್ವಾದವನ್ನು ಕೋರುವ ಸಿನೆ ತಾರೆಗಳಲ್ಲಿ ಶಾರುಖ್ ಖಾನ್ ಕೂಡ ಒಬ್ಬರು.
ಶಾರುಖ್ ಖಾನ್ ತಮ್ಮ ನಿವಾಸಕ್ಕೆ ಗಣಪತಿಗೆ ಆತ್ಮೀಯ ಸ್ವಾಗತವನ್ನು ನೀಡುವ ಮೂಲಕ ಗಣೇಶ ಚತುರ್ಥಿಯ ಪವಿತ್ರ ಹಬ್ಬವನ್ನು ಆಚರಿಸಿದ್ದಾರೆ. ಅವರು ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಗಣೇಶನಮೂರ್ತಿಯ ಚಿತ್ರವನ್ನು ಪೋಸ್ಟ್ ಮಾಡುವ ಮೂಲಕ ಎಲ್ಲರಿಗೂ ಹಬ್ಬದ ಶುಭಾಶಯಗಳನ್ನು ಹೇಳಿದ್ದಾರೆ.
“ಮನೆಗೆ ಸ್ವಾಗತ ಗಣಪತಿ ಬಪ್ಪಾ ಜೀ. ನಿಮಗೆ ಮತ್ತು ನಿಮ್ಮ ಕುಟುಂಬಕ್ಕೆ ಗಣೇಶನನ್ನು ಗೌರವಿಸುವ ಅದ್ಭುತ ದಿನವನ್ನು ಬಯಸುತ್ತೇನೆ. ಗಣೇಶನು ನಮಗೆಲ್ಲರಿಗೂ ಸಂತೋಷ, ಬುದ್ಧಿವಂತಿಕೆ, ಉತ್ತಮ ಆರೋಗ್ಯ ಮತ್ತು ತಿನ್ನಲು ಸಾಕಷ್ಟು ಮೋದಕವನ್ನು ನೀಡಲಿ ಎಂದು ಪೋಸ್ಟ್ ನಲ್ಲಿ ಬರೆದಿದ್ದಾರೆ.
ಶಿಲ್ಪಾ ಶೆಟ್ಟಿ ಮತ್ತು ಮನೀಶ್ ಮಲ್ಹೋತ್ರಾ ಅವರಂತಹ ಅನೇಕ ಸೆಲೆಬ್ರಿಟಿಗಳು ಕೂಡ ಗಣಪತಿಯನ್ನು ಮನೆಗೆ ತಂದಿದ್ದಾರೆ. ಸಲ್ಮಾನ್ ಖಾನ್ ಅವರ ಸಹೋದರಿ ಅರ್ಪಿತಾ ಮತ್ತು ಅವರ ಪತಿ ಆಯುಷ್ ಶರ್ಮಾ ಕೂಡ ಗಣೇಶನನ್ನು ಸ್ವಾಗತಿಸಿದ್ದಾರೆ.
ರಿಲಯನ್ಸ್‌ನ ಮುಕೇಶ್ ಮತ್ತು ನೀತಾ ಅಂಬಾನಿ ಸೆಪ್ಟೆಂಬರ್ 19 ರಂದು ತಮ್ಮ ಮುಂಬೈ ನಿವಾಸದಲ್ಲಿ ಗಣೇಶ ಚತುರ್ಥಿಯನ್ನು ಆಚರಿಸಿದರು.
ನಿಮ್ಮ ಕಾಮೆಂಟ್ ಬರೆಯಿರಿ