ಗಮನಾರ್ಹವಾದ ಧೈರ್ಯ ಹಾಗೂ ಸಮಯಪ್ರಜ್ಞೆಯ ಪ್ರದರ್ಶನದಲ್ಲಿ, ಪಶ್ಚಿಮ ಬಂಗಾಳದಲ್ಲಿ 12 ವರ್ಷದ ಬಾಲಕನೊಬ್ಬ ಸಂಭಾವ್ಯ ರೈಲು ಅಪಘಾತವನ್ನು ತಡೆದಿದ್ದಾನೆ.
ಕಳೆದ ಗುರುವಾರ ಪಶ್ಚಿಮ ಬಂಗಾಳದ ಮಾಲ್ಡಾದ ರೈಲ್ವೆ ಯಾರ್ಡ್ ಬಳಿ ಈ ಘಟನೆ ನಡೆದಿದ್ದು, ಬಾಲ ಹೀರೋ ಮುರ್ಸಲೀನ್ ಶೇಖ್ ಅಪಘಾತ ತಡೆಯುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾನೆ.
ಮುರ್ಸಲೀನ್ ರೈಲ್ವೇ ಯಾರ್ಡ್ನಲ್ಲಿ ಕೆಲಸ ಮಾಡುತ್ತಿದ್ದ ವಲಸೆ ಕಾರ್ಮಿಕನ ಮಗನಾಗಿದ್ದು, ಆ ದಿನದಂದು ಕೆಲಸಗಾರರ ಜೊತೆ ಆತನೂ ಅಲ್ಲಿ ಹಾಜರಿದ್ದ. ಆಗ ರೈಲ್ವೆ ಹಳಿಗಳ ಒಂದು ಭಾಗವು ತೀವ್ರವಾಗಿ ಹಾನಿಗೊಳಗಾಗಿರುವುದನ್ನು ಆತ ಗಮನಿಸಿದ್ದಾನೆ. ಮತ್ತು ಅದೇ ವೇಳೆಗೆ ಪ್ರಯಾಣಿಕರ ರೈಲು ಅದೇ ಮಾರ್ಗದಲ್ಲಿ ಬರುತ್ತಿರುವುದನ್ನು ನೋಡಿದ್ದಾನೆ. ತಕ್ಷಣವೇ ಎಚ್ಚೆತ್ತುಕೊಂಡ ಬಾಲಕ ಈ ಬಗ್ಗೆ ಎಚ್ಚರಿಕೆ ನೀಡಲು ತನ್ನ ಕೆಂಪು ಟಿ-ಶರ್ಟ್ ತೆಗೆದು ಮುಂಬರುವ ರೈಲಿನ ಮುಂದೆ ವೇಗವಾಗಿ ಬೀಸುತ್ತ ಎಚ್ಚರಿಕೆಯ ಸಂದೇಶ ರವಾನಿಸಿದ್ದಾನೆ.
ಲೋಕೋಮೋಟಿವ್ ಪೈಲಟ್ ತಕ್ಷಣವೇ ಈ ಎಚ್ಚರಿಕೆಯನ್ನು ಗಮನಿಸಿದ್ದಾನೆ ಮತ್ತು ತಕ್ಷಣವೇ ತುರ್ತು ಬ್ರೇಕ್ಗಳನ್ನು ಅನ್ವಯಿಸಿದ್ದಾರೆ. ಇದರಿಂದ ಸಂಭಾವ್ಯ ಅನಾಹುತ ಯಶಸ್ವಿಯಾಗಿ ತಪ್ಪಿದೆ.
ಈಶಾನ್ಯ ಗಡಿ ರೈಲ್ವೆಯ ವಕ್ತಾರ ಸವ್ಯಸಾಚಿ ಡಿ ಅವರು, ಬಾಲಕ ಮುರ್ಸಲೀನ್ ಬುದ್ಧಿವಂತ ಕ್ರಮಗಳನ್ನು ಶ್ಲಾಘಿಸಿದ್ದಾರೆ. “ಮಾಲ್ಡಾದಲ್ಲಿ 12 ವರ್ಷದ ಬಾಲಕ ತನ್ನ ಕೆಂಪು ಶರ್ಟ್ ತೆಗೆದು ರೈಲಿಗೆ ಬೀಸಿದ್ದಾನೆ. ಇದರಿಂದಾಗಿ ಲೊಕೊ-ಪೈಲಟ್ ತುರ್ತು ಬ್ರೇಕ್ ಹಾಕಿದರು ಮತ್ತು ಪ್ರಯಾಣಿಕರ ರೈಲನ್ನು ನಿಲ್ಲಿಸಿದರು. ರೈಲು ಹಳಿ ಹಾನಿಗೊಳಗಾದ ಕಾರಣ ಹುಡುಗ ಇದನ್ನು ಮಾಡಿದ್ದಾನೆ ಎಂದು ಅವರು ಹೇಳಿದರು.
ರೈಲ್ವೆ ಅಧಿಕಾರಿಗಳು ಮುರ್ಸಲೀನ್ ಅವರ ಅಸಾಧಾರಣ ಶೌರ್ಯವನ್ನು ಗುರುತಿಸಿ ಧೈರ್ಯದ ಪ್ರಮಾಣಪತ್ರ ಮತ್ತು ನಗದು ಬಹುಮಾನವನ್ನು ನೀಡಿದ್ದಾರೆ. ಹೆಚ್ಚುವರಿಯಾಗಿ, ಸ್ಥಳೀಯ ಸಂಸದರು ಮತ್ತು ವಿಭಾಗೀಯ ರೈಲು ವ್ಯವಸ್ಥಾಪಕರು ಮುರ್ಸಲೀನ್ ಅವರ ಮನೆಗೆ ಭೇಟಿ ನೀಡಿ ಆತನ ಧೈರ್ಯ ಮತ್ತು ಸಮಯಪ್ರಜ್ಞೆಗೆ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ.
ಏತನ್ಮಧ್ಯೆ, ರೈಲ್ವೆ ಅಧಿಕಾರಿಗಳು ಹಳಿಗಳ ಹಾನಿಗೊಳಗಾದ ಭಾಗವನ್ನು ತ್ವರಿತವಾಗಿ ಸರಿಪಡಿಸಿದ್ದು, ರೈಲು ಕಾರ್ಯಾಚರಣೆ ಸುರಕ್ಷಿತವಾಗಿ ಪುನರಾರಂಭಿಸುವಂತೆ ಮಾಡಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ