ನವದೆಹಲಿ: ಇಂಡಿಯಾ ಟುಡೇ ಮಹಿಳಾ ಪತ್ರಕರ್ತೆ ಸೌಮ್ಯ ವಿಶ್ವನಾಥನ್ ಹತ್ಯೆ ಪ್ರಕರಣದ ಎಲ್ಲಾ ಐವರು ಆರೋಪಿಗಳನ್ನು ದೆಹಲಿಯ ಸಾಕೇತ್ ಕೋರ್ಟ್ ದೋಷಿ ಎಂದು ಘೋಷಿಸಿದೆ. ಎಲ್ಲಾ ಅಪರಾಧಿಗಳಿಗೆ ಶಿಕ್ಷೆ ಪ್ರಮಾಣವನ್ನು ಕೋರ್ಟ್ ಅಕ್ಟೋಬರ್ 26ರಂದು ಪ್ರಕಟಿಸಲಿದೆ.
2008ರ ಸೆಪ್ಟೆಂಬರ್ 30ರಂದು ಸೌಮ್ಯ ತನ್ನ ಕಾರಿನಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಚಲಿಸುತ್ತಿದ್ದ ಕಾರಿನಲ್ಲಿ ಅವರ ಮೇಲೆ ಗುಂಡು ಹಾರಿಸಲಾಯಿತು. ಅಂದು ಸೌಮ್ಯ ವಿಶ್ವನಾಥನ್ (25) ಮಧ್ಯಾಹ್ನ 3 ಗಂಟೆಗೆ ವಿಡಿಯೋಕಾನ್ ಟವರ್‌ನಲ್ಲಿರುವ ತನ್ನ ಕಚೇರಿಯಿಂದ ವಸಂತ್ ಕುಂಜ್‌ನಲ್ಲಿರುವ ತನ್ನ ಮನೆಗೆ ತಾವೇ ಕಾರು ಚಲಾಯಿಸುತ್ತಿದ್ದರು. ಅದೇ ಸಮಯದಲ್ಲಿ ಆರೋಪಿಗಳಾದ ರವಿ ಕಪೂರ್, ಅಮಿತ್ ಶುಕ್ಲಾ, ಬಲ್ಜೀತ್ ಮಲಿಕ್ ಮತ್ತು ಅಜಯ್ ಭೈಂಗ ಕೂಡ ಅಲ್ಲಿಂದ ತಮ್ಮ ಕಾರಿನಲ್ಲಿ ಹೊರಟಿದ್ದರು. ವಸಂತ್ ವಿಹಾರದಲ್ಲಿ ನಿಧಾನವಾಗಿ ಚಲಿಸುತ್ತಿದ್ದ ಕಾರಿನಲ್ಲಿ ಸೌಮ್ಯ ಒಬ್ಬರೇ ಪ್ರಯಾಣಿಸುತ್ತಿದ್ದುದನ್ನು ನಾಲ್ವರೂ ನೋಡಿದರು.
ಓವರ್ ಟೆಕ್ ಮಾಡಿ ಆರೋಪಿಗಳು ಸೌಮ್ಯಳ ಕಾರನ್ನು ತಡೆಯಲು ಯತ್ನಿಸಿದರು. ಇದು ಸಾಧ್ಯವಾಗದಿದ್ದಾಗ ಇದರಿಂದ ಕೋಪಗೊಂಡ ರವಿ ತನ್ನ ಪಿಸ್ತೂಲಿನಿಂದ ಸೌಮ್ಯಾ ಮೇಲೆ ಗುಂಡು ಹಾರಿಸಿದ್ದ. ಹಾರಿದ ಒಂದೇ ಒಂದು ಗುಂಡು ಕಾರಿನ ಗಾಜು ಒಡೆದು ಸೌಮ್ಯಾಳ ತಲೆಗೆ ಹೊಕ್ಕಿತ್ತು. ನಂತರ ಆರೋಪಿಗಳು ಪರಾರಿಯಾಗಿದ್ದರು.
ಸೌಮ್ಯ ಮನೆಗೆ ಬಾರದೆ ಇದ್ದಾಗ ಆಕೆಯ ತಂದೆ ಎಂ.ಕೆ.ವಿಶ್ವನಾಥನ್ ಆಕೆಗೆ ನಿರಂತರವಾಗಿ ಕರೆ ಮಾಡಿದ್ದರು. ಆದರು ಉತ್ತರ ಬಂದಿರಲಿಲ್ಲ. ಬೆಳಗಿನ ಜಾವ 4 ಗಂಟೆಗೆ ಪೋಲೀಸರೊಬ್ಬರು ಸೌಮ್ಯ ಫೋನ್ ತೆಗೆದು ಮಾತನಾಡಿದ್ದರು. ಸೌಮ್ಯಗೆ ಗುಂಡು ತಗುಲಿದ ನಂತರ ಆಕೆಯ ಕಾರು ನಿಯಂತ್ರಣ ತಪ್ಪಿ ಕಂಬಕ್ಕೆ ಡಿಕ್ಕಿ ಹೊಡೆದಿತ್ತು. ಅವರ ತಲೆಯಿಂದ ರಕ್ತ ಸುರಿಯುತ್ತಿತ್ತು. ಆರಂಭದಲ್ಲಿ ಇದೊಂದು ಅಪಘಾತ ಎಂದು ಪೊಲೀಸರು ಭಾವಿಸಿದ್ದರು. ಆದರೆ ಪೋಸ್ಟ್‌ಮಾರ್ಟಂನಲ್ಲಿ ಸೌಮ್ಯ ಮೃತಪಟ್ಟಿದ್ದು ತಲೆಗೆ ಗುಂಡು ತಗುಲಿರುವುದು ಗೊತ್ತಾಗಿದೆ. 30 ಸೆಪ್ಟೆಂಬರ್ 2008 ರಂದು ವಸಂತ್ ಕುಂಜ್ ಪೊಲೀಸ್ ಠಾಣೆಯಲ್ಲಿ ಎಫ್‌ಐಆರ್ ಕೊಲೆ ಪ್ರಕರಣವನ್ನು ದಾಖಲಿಸಲಾಯಿತು.
ಪೊಲೀಸರು ಎಷ್ಟೇ ಪ್ರಯತ್ನ ಪಟ್ಟರೂ ಆರು ತಿಂಗಳಾದರೂ ಈ ಘಟನೆಯ ರಹಸ್ಯ ಬಯಲಾಗಲಿಲ್ಲ. ಮಾರ್ಚ್ 17, 2009 ರಂದು, ವಸಂತ ವಿಹಾರ್‌ನಿಂದ ಕಾಲ್ ಸೆಂಟರ್ ಕಾರ್ಯನಿರ್ವಾಹಕ ಜಿಗೀಶಾ ಘೋಷ್ ಅವರನ್ನು ಅಪಹರಿಸಿ ಕೊಲೆ ಮಾಡಲಾಯಿತು. ಸೌಮ್ಯ ಅವರಂತೆ ಅವಳೂ ರಾತ್ರಿ ಆಫೀಸಿನಿಂದ ಮನೆಗೆ ಬರುತ್ತಿದ್ದಳು. ಜಿಗಿಶಾ ಅವರ ಡೆಬಿಟ್ ಕಾರ್ಡ್ ಅನ್ನು ಬಳಸುತ್ತಿದ್ದಾಗ, ಮಹಿಪಾಲ್‌ಪುರದ ಸ್ಟೇಟ್ ಬ್ಯಾಂಕ್ ಆಫ್ ಪಟಿಯಾಲಾದ ಎಟಿಎಂ ಬೂತ್‌ನ ಸಿಸಿಟಿವಿಯಿಂದ ಆರೋಪಿ ಬಲ್ಜೀತ್ ಮಲಿಕ್ ಅವರ ಫೋಟೋ ಪೊಲೀಸರಿಗೆ ಸಿಕ್ಕಿತು. ಬಲ್ಜೀತ್ ಹೇಳಿಕೆಯ ನಂತರ ರವಿ ಕಪೂರ್ ಅವರನ್ನೂ ಬಂಧಿಸಲಾಯಿತು.
ವಿಚಾರಣೆ ವೇಳೆ ಈ ಆರೋಪಿಗಳಿಂದ ಆರು ತಿಂಗಳ ಹಿಂದೆ ಸೌಮ್ಯಳನ್ನು ಕೊಲೆ ಮಾಡಿರುವುದಾಗಿ ಪೊಲೀಸರಿಗೆ ಮಾಹಿತಿ ಸಿಕ್ಕಿತ್ತು. ಎಲ್ಲರನ್ನೂ ಬಂಧಿಸಲಾಯಿತು. ಅವರ ಮೇಲೆ ಮೋಕಾ (MCOCA) ಅನ್ನು ವಿಧಿಸಲಾಯಿತು. 2009ರ ಏಪ್ರಿಲ್ ನಲ್ಲಿ ಸೌಮ್ಯ ಹತ್ಯೆ ಪ್ರಕರಣದಲ್ಲಿ ರವಿ ಕಪೂರ್ ಗ್ಯಾಂಗ್ ವಿರುದ್ಧ ದೆಹಲಿ ಪೊಲೀಸರು MCOCA ಅನ್ನು ವಿಧಿಸಿದ್ದರು. 2010ರ ಫೆಬ್ರವರಿ 6ರಂದು ರವಿ ಕಪೂರ್, ಬಲ್ಜೀತ್ ಸಿಂಗ್, ಅಮಿತ್ ಶುಕ್ಲಾ, ಅಜಯ್ ಕುಮಾರ್ ಮತ್ತು ಅಜಯ್ ಸೇಥಿ ವಿರುದ್ಧ MCOCA, ಕೊಲೆ, ಡಕಾಯಿತಿ ಮತ್ತು ಇತರ ಅಪರಾಧಗಳ ಅಡಿಯಲ್ಲಿ ಆರೋಪಗಳನ್ನು ರಚಿಸಲಾಯಿತು.
ನಿಮ್ಮ ಕಾಮೆಂಟ್ ಬರೆಯಿರಿ