ಪಾಕಿಸ್ತಾನದಿಂದ ಅಫ್ಘಾನಿಸ್ತಾನಕ್ಕೆ ಗಡಿಪಾರಾದವರಿಗೆ ʼಪಂದ್ಯ ಆಟಗಾರʼ ಪ್ರಶಸ್ತಿ ಅರ್ಪಣೆ : ಅಫ್ಘಾನಿಸ್ತಾನ ಬ್ಯಾಟರ್ ಇಬ್ರಾಹಿಂ ಜದ್ರಾನ್ ಬಹುದೊಡ್ಡ ಹೇಳಿಕೆ

ಚೆನ್ನೈ: ಭಾರತದಲ್ಲಿ ನಡೆಯುತ್ತಿರುವ 2023ರ ಐಸಿಸಿ ವಿಶ್ವಕಪ್‌ನಲ್ಲಿ ಪಾಕಿಸ್ತಾನದ ವಿರುದ್ಧ ಗೆಲುವಿನ ಬ್ಯಾಟಿಂಗ್‌ ಮಾಡಿದ ನಂತರ, ಅಫ್ಘಾನಿಸ್ತಾನ ಬ್ಯಾಟರ್ ಇಬ್ರಾಹಿಂ ಝದ್ರಾನ್ 87 ರನ್‌ಗಳ ಭರ್ಜರಿ ಬ್ಯಾಟಿಂಗ್‌ಗಾಗಿ ಪಂದ್ಯ ಪುರುಷ (POTM) ಪ್ರಶಸ್ತಿಗೆ ಭಾಜನರಾದ ನಂತರ ಬಹುದೊಡ್ಡ ಹೇಳಿಕೆ ನೀಡಿದ್ದಾರೆ. ಝದ್ರಾನ್ ತಮ್ಮ ಪಂದ್ಯ ಪುರುಷ ಪ್ರಶಸ್ತಿಯನ್ನು ಪಾಕಿಸ್ತಾನದಿಂದ ಗಡಿಪಾರು ಮಾಡಿದ ಆಫ್ಘನ್ನರಿಗೆ ಅರ್ಪಿಸುವುದಾಗಿ ಹೇಳಿದ್ದಾರೆ.
“ನನ್ನ ಬಗ್ಗೆ ಮತ್ತು ನನ್ನ ದೇಶಕ್ಕಾಗಿ ನಾನು ತುಂಬಾ ಸಂತೋಷಪಡುತ್ತೇನೆ. ಪಾಕಿಸ್ತಾನದಿಂದ ಅಫ್ಘಾನಿಸ್ತಾನಕ್ಕೆ ವಾಪಸ್‌ ಕಳುಹಿಸಿದವರಿಗೆ ಈ ಪಂದ್ಯ ಶ್ರೇಷ್ಠ ಪ್ರಶಸ್ತಿಯನ್ನು ಅರ್ಪಿಸಲು ನಾನು ಬಯಸುತ್ತೇನೆ” ಎಂದು ಪಂದ್ಯದ ನಂತರದ ಝದ್ರಾನ್ ಹೇಳಿದ್ದಾರೆ.
ಝದ್ರಾನ್ 87 ರನ್ ಗಳಿಸಿ ಅಫಘಾನಿಸ್ತಾನದ ಟಾಪ್ ಸ್ಕೋರರ್ ಆಗಿದ್ದಾರೆ. ಶಾ 77 ರನ್ ಗಳಿಸಿ ಅಜೇಯರಾಗುಳಿದರು ಮತ್ತು ಗುರ್ಬಾಜ್ 53 ಎಸೆತಗಳಲ್ಲಿ 65 ರನ್ ಗಳಿಸಿದರು. ನಾಯಕ ಹಸ್ಮತುಲ್ಲಾ ಶಾಹಿದಿ ಕೂಡ 45 ಎಸೆತಗಳಲ್ಲಿ ಅಜೇಯ 48 ರನ್ ಗಳಿಸಿ ಮಹತ್ವದ ಕಾಣಿಕೆ ನೀಡಿದರು.

“ನಾನು ಸಕಾರಾತ್ಮಕ ಮನಸ್ಸು ಮತ್ತು ಸಕಾರಾತ್ಮಕ ಉದ್ದೇಶದಿಂದ ಅಲ್ಲಿಗೆ ಹೋಗಲು ಬಯಸಿದ್ದೆ, ಮತ್ತು ನಾನು ಅದನ್ನು ಮಾಡಿದ್ದೇನೆ. ನಾವು (ನಾನು ಮತ್ತು ಗುರ್ಬಾಜ್) ಪರಸ್ಪರ ಸಾಕಷ್ಟು ಕ್ರಿಕೆಟ್ ಆಡಿದ್ದೇವೆ, ನಾವು ಆಡುತ್ತಿರುವಾಗ ವಿಕೆಟ್‌ಗಳ ನಡುವೆ ಓಡುವಾಗ ಉತ್ತಮ ಸಂವಹನವನ್ನು ಹೊಂದಿದ್ದೇವೆ. ಅಂಡರ್-16 ದಿನಗಳಿಂದಲೂ ಒಟ್ಟಿಗೆ ಆಡಿದ್ದೇವೆ ಎಂದು ಅಫ್ಘಾನಿಸ್ತಾನದ ಆರಂಭಿಕ ಆಟಗಾರ ಹೇಳಿದರು.
ಅವರು ಗುರ್ಬಾಜ್ ಅವರನ್ನು ಶ್ಲಾಘಿಸಿದರು ಮತ್ತು ಇವರಿಬ್ಬರು 130 ರನ್‌ಗಳ ಜೊತೆಯಾಟದ ಜತೆಯಾಟವಾಡಿದರು.
ಅಕ್ಟೋಬರ್ 21 ರಂದು ಒಂದೇ ದಿನದಲ್ಲಿ 3,248 ಅಫ್ಘಾನ್‌ ನಿರಾಶ್ರಿತರನ್ನು ಪಾಕಿಸ್ತಾನದಿಂದ ಅಫ್ಘಾನಿಸ್ತಾನಕ್ಕೆ ಕಳುಹಿಸಲಾಗಿದೆ ಎಂದು ಪಾಕಿಸ್ತಾನದ ಸರ್ಕಾರಿ ರೇಡಿಯೋ ವರದಿ ಮಾಡಿದೆ ಎಂದು ಖಾಮಾ ಪ್ರೆಸ್ ವರದಿ ಮಾಡಿದೆ. ಪಾಕಿಸ್ತಾನಿ ಅಧಿಕಾರಿಗಳ ಪ್ರಕಾರ, ದಾಖಲೆಗಳಿಲ್ಲದ ವಲಸಿಗರನ್ನು ಹೊರಹಾಕುವ ಗಡುವನ್ನು ಘೋಷಿಸಿದಾಗಿನಿಂದ 51,000 ಕ್ಕೂ ಹೆಚ್ಚು ಆಫ್ಘನ್ನರನ್ನು ಗಡೀಪಾರು ಮಾಡಲಾಗಿದೆ.

ಪಾಕಿಸ್ತಾನ ಮೂಲದ ಸುದ್ದಿ ದಿನಪತ್ರಿಕೆಯ ಪ್ರಕಾರ, ಮಾನ್ಯವಾದ ಪಾಸ್‌ಪೋರ್ಟ್ ಮತ್ತು ವೀಸಾ ಹೊಂದಿರುವವರಿಗೆ ಮಾತ್ರ ಗಡಿ ದಾಟಲು ಅನುಮತಿಸುವ ಸರ್ಕಾರದ ನಿರ್ಧಾರವು ನವೆಂಬರ್ 1 ರಿಂದ ಜಾರಿಗೆ ಬರಲಿದೆ ಮತ್ತು ಅದರ ನಂತರ, ಕೇವಲ ಪಾಕಿಸ್ತಾನಿ ಗುರುತಿನ ಚೀಟಿ ಅಥವಾ ಅಫಘಾನ್ ಪರವಾನಗಿ ಮಾತ್ರ ಇದ್ದ ಯಾರಿಗೂ ಪಾಕ್-ಅಫ್ಘಾನ್ ಗಡಿಯನ್ನು ದಾಟಲು ಅನುಮತಿಸಲಾಗುವುದಿಲ್ಲ. ಪಾಕಿಸ್ತಾನದಲ್ಲಿರುವ ಸರಿಸುಮಾರು 17.3 ಲಕ್ಷ ಆಫ್ಘನ್ನರಿಗೆ ಕಾನೂನು ದಾಖಲಾತಿಗಳ ಕೊರತೆಯಿದೆ.
ಅಗ್ರ ನಾಲ್ವರು ಬ್ಯಾಟರ್‌ಗಳ ಅಸಾಧಾರಣ ಬ್ಯಾಟಿಂಗ್ ಪ್ರದರ್ಶನ ಮತ್ತು ನೂರ್ ಅಹ್ಮದ್ ಅವರ ಅತ್ಯುತ್ತಮ ಮೂರು ವಿಕೆಟ್ ಗಳಿಕೆಯಿಂದಾಗಿ ಅಫ್ಘಾನಿಸ್ತಾನವು ಮೊದಲ ಬಾರಿಗೆ ವಿಶ್ವಕಪ್‌ ನಲ್ಲಿ ಪಾಕಿಸ್ತಾನವನ್ನು ಸೋಲಿಸುವ ಮೂಲಕ ಇತಿಹಾಸವನ್ನು ಸೃಷ್ಟಿಸಿತು.
ರಹಮಾನುಲ್ಲಾ ಗುರ್ಬಾಜ್ (65) ಇಬ್ರಾಹಿಂ ಝದ್ರಾನ್ (87) ಮತ್ತು ರಹಮತ್ ಷಾ (77)* ಬ್ಯಾಟಿಂಗ್‌ ನೆರವಿನಿಂದ ಪಾಕಿಸ್ತಾನ ನೀಡಿದ 283 ರನ್‌ಗಳ ಗುರಿಯನ್ನು ಇನ್ನೂ ಎಂಟು ವಿಕೆಟ್‌ಗಳಿರುವಾಗಲೇ ಸುಲಭವಾಗಿ ತಲುಪಿತು.