ಕೋಲ್ಕತ್ತಾ : ಕೋಲ್ಕತ್ತಾದಲ್ಲಿ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ವಿಶ್ವಕಪ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ತಮ್ಮ 49ನೇ ಏಕದಿನ ಅಂತಾರಾಷ್ಟ್ರೀಯ ಶತಕವನ್ನು ಬಾರಿಸುವ ಮೂಲಕ ಏಕದಿನದ ಪಂದ್ಯದಲ್ಲಿ ಸಚಿನ್ ತೆಂಡೂಲ್ಕರ್ ಅವರ ಶತಕದ ದಾಖಲೆಯನ್ನು ದಾಖಲೆಯನ್ನು ಸರಿಗಟ್ಟಿದ್ದಾರೆ.
ವಿರಾಟ್ ಕೊಹ್ಲಿ ತಮ್ಮ 35ನೇ ಜನ್ಮದಿನದಂದು 121 ಎಸೆತಗಳಲ್ಲಿ 101 ರನ್ ಗಳಿಸಿ ಕಿಕ್ಕಿರಿದು ತುಂಬಿದ್ದ ಈಡನ್ ಗಾರ್ಡನ್ಸ್‌ನಲ್ಲಿ ಪ್ರೇಕ್ಷಕರನ್ನು ಹುಚ್ಚೆಬ್ಬಿಸಿದರು. ತೆಂಡೂಲ್ಕರ್ 462 ಪಂದ್ಯಗಳಲ್ಲಿ 451 ಇನ್ನಿಂಗ್ಸ್ ನಲ್ಲಿ ಈ ಮೈಲಿಗಲ್ಲನ್ನು ತಲುಪಿದ್ದರೆ, 289 ಪಂದ್ಯಗಳಲ್ಲಿ ಕೊಹ್ಲಿ 277 ಇನ್ನಿಂಗ್ಸ್ ನಲ್ಲಿ ಈ ಸಾಧನೆ ಮಾಡಿದ್ದಾರೆ.
ಕೊಹ್ಲಿಯ ಅಮೋಘ ಆಟದಿಂದಾಗಿ ವಿಶ್ವಕಪ್ ಪಂದ್ಯದಲ್ಲಿ ಭಾರತವು ದಕ್ಷಿಣ ಆಫ್ರಿಕಾ ವಿರುದ್ಧ 50 ಓವರ್‌ಗಳಲ್ಲಿ 326-5 ರನ್ ಗಳಿಸಿತು. ಅವರು ಈಗ 543 ರನ್‌ಗಳೊಂದಿಗೆ ಈಗ ಪಂದ್ಯಾವಳಿಯಲ್ಲಿ ಎರಡನೇ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಾಗಿದ್ದಾರೆ ಮತ್ತು ಒಂದೇ ವಿಶ್ವಕಪ್‌ನಲ್ಲಿ ಅತಿ ಹೆಚ್ಚು 673 ರನ್ ಗಳಿಸಿದ ತೆಂಡೂಲ್ಕರ್ ಅವರ ದಾಖಲೆಯನ್ನು ಮುರಿಯುವರೇ ಕಾದು ನೋಡಬೇಕಿದೆ.
ಭಾರತಕ್ಕಾಗಿ ಆಡುವ ಪ್ರತಿಯೊಂದು ಅವಕಾಶವೂ ದೊಡ್ಡದಾಗಿದೆ ಮತ್ತು ನನ್ನ ಜನ್ಮದಿನದಂದು ಬೃಹತ್ ಪ್ರೇಕ್ಷಕರ ಮುಂದೆ ಇದನ್ನು ಮಾಡುವುದು ಕನಸುಗಳ ವಿಷಯವಾಗಿದೆ ಎಂದು ಹೇಳಿದ್ದಾರೆ. ಅವರ ಇನ್ನಿಂಗ್ಸ್ 10 ಬೌಂಡರಿಗಳನ್ನು ಒಳಗೊಂಡಿತ್ತು.
ವಿರಾಟ್ ಚೆನ್ನಾಗಿ ಆಡಿದ್ದಾರೆ. ಈ ವರ್ಷದ ಆರಂಭದಲ್ಲಿ 49 ರಿಂದ 50 ಕ್ಕೆ ಹೋಗಲು ನನಗೆ 365 ದಿನಗಳು ಬೇಕಾಯಿತು. ನೀವು 49 ರಿಂದ 50 ಕ್ಕೆ ಹೋಗುತ್ತೀರಿ ಮತ್ತು ಮುಂದಿನ ಕೆಲವು ದಿನಗಳಲ್ಲಿ ನನ್ನ ದಾಖಲೆಯನ್ನು ಮುರಿಯುತ್ತೀರಿ ಎಂದು ನಾನು ಭಾವಿಸುತ್ತೇನೆ. ಅಭಿನಂದನೆಗಳು! ಎಂದು ಎಕ್ಸ್‌ನಲ್ಲಿ ಸಚಿನ್ ತೆಂಡೂಲ್ಕರ್ ಬರೆದಿದ್ದಾರೆ.
ಕೊಹ್ಲಿ 2008 ರಲ್ಲಿ ಶ್ರೀಲಂಕಾ ವಿರುದ್ಧ ತಮ್ಮ ಏಕದಿನದ ಪಂದ್ಯದ ಚೊಚ್ಚಲ ಪಂದ್ಯ ಆಡಿದರು. ಅವರು ಏಕದಿನದ ಕ್ರಿಕೆಟ್‌ನಲ್ಲಿ 58.48 ಸರಾಸರಿ ಹೊಂದಿದ್ದಾರೆ. ಕೊಹ್ಲಿ ಏಕದಿನದ ಪಂದ್ಯಗಳಲ್ಲಿ ಬೆರಗುಗೊಳಿಸುವ ದಾಖಲೆಯನ್ನು ಹೊಂದಿದ್ದಾರೆ, ಚೇಸಿಂಗ್‌ಗಳಲ್ಲಿ ಸರಾಸರಿ 65.24, ಆದರೆ ಕೊಹ್ಲಿ ಅವರ 49 ಶತಕಗಳಲ್ಲಿ 27 ಎರಡನೇ ಚೇಸಿಂಗ್‌ ಮಾಡುವಾಗ ಬಂದಿದೆ.
ತೆಂಡೂಲ್ಕರ್ ಇನ್ನೂ 18,426 ರನ್‌ಗಳೊಂದಿಗೆ ಅತಿ ಹೆಚ್ಚು ಏಕದಿನದ ಪಂದ್ಯದಲ್ಲಿನ ರನ್‌ಗಳ ದಾಖಲೆ ಹೊಂದಿದ್ದಾರೆ ಮತ್ತು 51 ಶತಕಗಳೊಂದಿಗೆ ಅತಿ ಹೆಚ್ಚು ಟೆಸ್ಟ್ ಶತಕಗಳನ್ನು ಹೊಂದಿದ್ದಾರೆ. ಕೊಹ್ಲಿ 29 ಶತಕಗಳೊಂದಿಗೆ ಟೆಸ್ಟ್ ಶತಕಗಳ ಪಟ್ಟಿಯಲ್ಲಿ ಜಂಟಿ 16 ನೇ ಸ್ಥಾನದಲ್ಲಿದ್ದಾರೆ.
ಒಂದು ದಿನದ ಪಂದ್ಯದಲ್ಲಿ ಅತಿ ಶತಕಗಳಿಸಿದವರು…
ವಿರಾಟ್ ಕೊಹ್ಲಿ (ಭಾರತ) -49 ಶತಕಗಳು, 277 ಇನ್ನಿಂಗ್ಸ್
ಸಚಿನ್ ತೆಂಡೂಲ್ಕರ್ (ಭಾರತ) 49 ಶತಕಗಳು, 452 ಇನ್ನಿಂಗ್ಸ್
ರೋಹಿತ್ ಶರ್ಮಾ (ಭಾರತ) 31 ಶತಕಗಳು, 251 ಇನ್ನಿಂಗ್ಸ್
ರಿಕಿ ಪಾಂಟಿಂಗ್ (ಆಸ್ಟ್ರೇಲಿಯಾ) 30 ಶತಕಗಳು, 365 ಇನ್ನಿಂಗ್ಸ್
ಸನತ್ ಜಯಸೂರ್ಯ (ಶ್ರೀಲಂಕಾ) 28 ಶತಕಗಳು, 433 ಇನ್ನಿಂಗ್ಸ್
ನಿಮ್ಮ ಕಾಮೆಂಟ್ ಬರೆಯಿರಿ