285 ವರ್ಷ ಹಳೆಯ ನಿಂಬೆಹಣ್ಣು ಬರೋಬ್ಬರಿ £1,416 (ಅಂದಾಜು ₹1,48,000)ಗಳಿಗೆ ಹರಾಜಾಗಿದೆ. ಈ ವಿಶಿಷ್ಟವಾದ ಒಣಗಿದ ನಿಂಬೆ ಹಣ್ಣು 19ನೇ ಶತಮಾನದ ಕ್ಯಾಬಿನೆಟ್ (ಸಣ್ಣ ಕಪಾಟು)ನಲ್ಲಿ ಪತ್ತೆಯಾಗಿದೆ.
ಇದನ್ನು ದಿವಂಗತ ಚಿಕ್ಕಪ್ಪನಿಂದ ಆನುವಂಶಿಕವಾಗಿ ಕ್ಯಾಬಿನೆಟ್ ಪಡೆದ ಕುಟುಂಬವು ಅದನ್ನು ಬ್ರಿಟನ್‌(UK)ನ ಶ್ರಾಪ್‌ಶೈರ್‌ನಲ್ಲಿರುವ ಬ್ರೆಟೆಲ್ಸ್ ನಲ್ಲಿ ಹರಾಜು ಮಾಡಲು ನೀಡಿತ್ತು. ಸ್ಪೆಷಲಿಸ್ಟ್, ಮಾರಾಟಕ್ಕೆಂದು ಕ್ಯಾಬಿನೆಟ್ ಅನ್ನು ನಿಖರವಾಗಿ ದಾಖಲಿಸುತ್ತಿದ್ದಾಗ, ಡ್ರಾಯರ್‌ನ ಹಿಂಭಾಗದಲ್ಲಿ ಒಣಗಿದ ನಿಂಬೆ ಹಣ್ಣಿನ ಮೇಲೆ ಎಡವಿ ಬಿದ್ದಾಗ ಅದು ಅನಿರೀಕ್ಷಿತವಾಗಿ ಕಂಡಿತು. ವಿಶೇಷವೆಂದರೆ ನಿಂಬೆಯ ಮೇಲೆ “ಮಿಸ್ ಇ ಬಾಕ್ಸ್ಟರ್‌ಗೆ ಶ್ರೀ ಪಿ ಲು ಫ್ರಾಂಚಿನಿ ನವೆಂಬರ್ 4 1739 ರಂದು ನೀಡಿದ್ದು (Given By Mr P Lu Franchini Nov 4 1739 to Miss E Baxter) ” ಎಂಬ ಬರಹವು ಈ ನಿಂಬೆ ಹಣ್ಣಿನ ಐತಿಹಾಸಿಕ ಮಹತ್ವಕ್ಕೆ ಸಾಕ್ಷಿಯಾಯಿತು.
ದಿ ಸನ್ ವರದಿ ಮಾಡಿದ ಊಹಾಪೋಹಗಳ ಪ್ರಕಾರ, ಕ್ಯಾಬಿನೆಟ್‌ನ ಮೂಲವು ವಸಾಹತುಶಾಹಿ ಭಾರತದ್ದು ಎಂದು ನಂಬಲಾಗಿದೆ, ಇದನ್ನು ಇಂಗ್ಲೆಂಡ್‌ಗೆ ಪ್ರಣಯದ ಉಡುಗೊರೆಯಾಗಿ ಸಾಗಿಸಲಾಗಿದೆ. ಹರಾಜುಗಾರ ಡೇವಿಡ್ ಬ್ರೆಟ್ಟೆಲ್ ಹರಾಜಿನಲ್ಲಿ ನಿಂಬೆಹಣ್ಣನ್ನು ಸೇರಿಸಿದ ನಿರ್ಧಾರದ ಬಗ್ಗೆ ವಿವರಿಸಿದರು. “ನಾವು ಸ್ವಲ್ಪ ಮೋಜು ಮಾಡಬೇಕೆಂದು ಭಾವಿಸಿದ್ದೆವು ಮತ್ತು £ 40- £ 60 ರ ಅಂದಾಜಿನೊಂದಿಗೆ ಅದನ್ನು (ನಿಂಬೆಯನ್ನು) ಹರಾಜಿನಲ್ಲಿ ಇರಿಸಿದ್ದೆವು. ಆದರೆ ಎಲ್ಲರಿಗೂ ಆಶ್ಚರ್ಯವಾಗುವಂತೆ, ಈ ನಿಂಬೆಹಣ್ಣು, ಶತಮಾನಗಳ-ಹಳೆಯ ಕಥೆಯೊಂದಿಗೆ, ಶ್ರಾಪ್‌ಶೈರ್‌ನಲ್ಲಿ ನಡೆದ ಹರಾಜಿನಲ್ಲಿ £1,100 ಮೊತ್ತವನ್ನು ಪಡೆದುಕೊಂಡಿತು. ಹೆಚ್ಚುವರಿ ಶುಲ್ಕದೊಂದಿಗೆ ಒಟ್ಟು £1,416 ಕ್ಕೆ ಅದು ಮಾರಾಟವಾಯಿತು. ಈ ಪ್ರಾಚೀನ ನಿಂಬೆ ಹಣ್ಣನ್ನು ಹೊಂದಿರುವ ಕ್ಯಾಬಿನೆಟ್ ಹರಾಜಿನಲ್ಲಿ £32 ಮೊತ್ತವನ್ನು ಗಳಿಸಿತು ಎಂದು ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ