ವ್ಯಾಪಕ ಗಮನ ಸೆಳೆದಿರುವ ಘಟನೆಯೊಂದರಲ್ಲಿ, ಹೋಳಿ ಆಚರಣೆಯ ಮಧ್ಯೆ ಚಲಿಸುವ ಸ್ಕೂಟರ್‌ನಲ್ಲಿ ಅಪಾಯಕಾರಿ ಸಾಹಸಗಳನ್ನು ಪ್ರದರ್ಶಿಸಲು ಯಡವಟ್ಟು ಮಾಡಿಕೊಂಡ ನಂತರ ಇಬ್ಬರು ವ್ಯಕ್ತಿಗಳಿಗೆ ನೋಯ್ಡಾ ಪೊಲೀಸರು ಸೋಮವಾರ 33,000 ರೂಪಾಯಿಗಳ ಭಾರಿ ದಂಡವನ್ನು ವಿಧಿಸಿದ್ದಾರೆ…!
ಅಜಾಗರೂಕ ವರ್ತನೆಯ ವೀಡಿಯೊಗಳು ವೈರಲ್ ಆಗಿದ್ದು, ನೆಟಿಜನ್‌ಗಳು ಮತ್ತು ಅಧಿಕಾರಿಗಳಿಂದ ಕೋಪ ಮತ್ತು ಕಳವಳದ ನಂತರ ಈ ದಂಡದ ಕ್ರಮ ಬಂದಿದೆ. ವ್ಯಾಪಕವಾಗಿ ಪ್ರಸಾರವಾದ ವೀಡಿಯೊದಲ್ಲಿ, ಮಹಿಳೆಯೊಬ್ಬರು ಚಲಿಸುತ್ತಿರುವ ಸ್ಕೂಟರ್‌ ಮೇಲೆ ನಿಂತಿರುವುದನ್ನು ನೋಡಬಹುದಾಗಿದೆ.
ಚಲಿಸುವ ಸ್ಕೂಟರ್‌ ಮೇಲೆ ಐಕಾನಿಕ್ ‘ಟೈಟಾನಿಕ್’ ಸಿನೆಮಾದ ಭಂಗಿಯಲ್ಲಿ ಮಹಿಳೆ ನಿಂತಿದ್ದು, ಸವಾರ ಥಟ್ಟನೆ ಬ್ರೇಕ್ ಹಾಕಿದ ನಂತರ ಬ್ಯಾಲೆನ್ಸ್‌ ತಪ್ಪಿದ ಮಹಿಳೆ ರಸ್ತೆಯ ಮೇಲೆ ಉರುಳಿ ಬಿದ್ದಿದ್ದಾಳೆ. ಅವಘಡದ ಹೊರತಾಗಿಯೂ, ಅವಳು ತೋರಿಕೆಗಾಗಿ ತನ್ನ ಮುಖದ ನಗುವನ್ನು ಕಾಪಾಡಿಕೊಂಡಿದ್ದು ಕಂಡುಬರುತ್ತದೆ. ಅಪಾಯಕಾರಿ ಸ್ಟಂಟ್ ಮಾಡಲು ಹೋಗಿ ಸ್ಕೂಟರಿನಿಂದ ಕೆಳಕ್ಕೆ ಬಿದ್ದರೂ ಮಹಿಳೆ ಘಟನೆಯಿಂದ ವಿಚಲಿತಳಾದಂತೆ ಕಂಡುಬರಲಿಲ್ಲ.
ವೀಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ನಂತರ ನೋಯ್ಡಾ ಪೊಲೀಸರಿಗೆ ಘಟನೆಯ ಬಗ್ಗೆ ತಿಳಿಯಿತು. ನಂತರ, ಭದ್ರತಾ ಸಿಬ್ಬಂದಿ ತಕ್ಷಣ ಇದನ್ನು ನೋಡಿ ನಂತರ 33,000 ರೂ. ದಂಡ ವಿಧಿಸಿದ್ದಾರೆ.
ಮಾರ್ಚ್ 25, 2024 ರ ಸಾರ್ವಜನಿಕ ಚಲನ್, ನೋಂದಾಯಿತ ವಾಹನದ ಮೇಲೆ ಆರು ಉಲ್ಲಂಘನೆಗಳನ್ನು ಮಾಡಲಾಗಿದೆ ಎಂದು ವಿವರಿಸಿದೆ.
ನೋಯ್ಡಾ ಪೊಲೀಸರು ಚಲನ್‌ನ ಚಿತ್ರವನ್ನು ಹಂಚಿಕೊಂಡಿದ್ದಾರೆ ಮತ್ತು “ ನಿಯಮಗಳ ಪ್ರಕಾರ ಇ-ಚಲನ್ 33000 ರೂ. ನೀಡುವ ಮೂಲಕ ಸಂಚಾರ ನಿಯಮಗಳ ಉಲ್ಲಂಘನೆಗಾಗಿ ಸಂಬಂಧಪಟ್ಟ ವಾಹನದ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ