ವೀಡಿಯೊ..| ಅರಬ್ಬಿ ಸಮುದ್ರದಲ್ಲಿ ಕಡಲ್ಗಳ್ಳರಿಂದ 23 ಪಾಕಿಸ್ತಾನಿಗಳನ್ನು ರಕ್ಷಿಸಿದ ಭಾರತದ ನೌಕಾಪಡೆ : ‘ಇಂಡಿಯಾ ಜಿಂದಾಬಾದ್’ ಘೋಷಣೆ ಕೂಗಿದ ಪಾಕಿಸ್ತಾನಿಗಳು | ವೀಕ್ಷಿಸಿ

ಕಡಲ್ಗಳ್ಳರಿಂದ ತಮ್ಮ ಮೀನುಗಾರಿಕಾ ಹಡಗಿನ ಅಪಹರಣ ಯತ್ನದ ನಂತರ ಶುಕ್ರವಾರ ಭಾರತೀಯ ನೌಕಾಪಡೆಯಿಂದ ರಕ್ಷಿಸಲ್ಪಟ್ಟ 23 ಪಾಕಿಸ್ತಾನಿ ಪ್ರಜೆಗಳನ್ನು ಒಳಗೊಂಡ ಹಡಗಿನ ಸಿಬ್ಬಂದಿ ನೌಕಾಪಡೆಗೆ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ ಮತ್ತು ‘ಇಂಡಿಯಾ ಜಿಂದಾಬಾದ್’ ಎಂಬ ಘೋಷಣೆಗಳನ್ನು ಕೂಗಿದ್ದಾರೆ.
ಭಾರತೀಯ ನೌಕಾಪಡೆಯ ವಿಶೇಷ ತಂಡವು ಪಾಕಿಸ್ತಾನಿ ಪ್ರಜೆಗಳನ್ನು ಒಂಬತ್ತು ಶಸ್ತ್ರಸಜ್ಜಿತ ಕಡಲ್ಗಳ್ಳರಿಂದ ರಕ್ಷಿಸಿತು ಮತ್ತು ಅಲ್-ಕಮರ್ ಎಂಬ ಮೀನುಗಾರಿಕಾ ನೌಕೆಯ ನೈರ್ಮಲ್ಯೀಕರಣ ತಪಾಸಣೆಯನ್ನು ಪೂರ್ಣಗೊಳಿಸಿತು. ಮೀನುಗಾರಿಕೆ ಚಟುವಟಿಕೆಗಳನ್ನು ಮುಂದುವರಿಸಲು ದೋಣಿಯನ್ನು ತೆರವುಗೊಳಿಸುವ ಮೊದಲು ಸಿಬ್ಬಂದಿಗೆ ಸಂಪೂರ್ಣ ವೈದ್ಯಕೀಯ ತಪಾಸಣೆ ನಡೆಸಲಾಯಿತು.

ಒಂಬತ್ತು ಶಸ್ತ್ರಸಜ್ಜಿತ ಕಡಲ್ಗಳ್ಳರ ಶರಣಾಗುವಂತೆ ಮಾಡಲು ನೌಕಾಪಡೆಯ ವಿಶೇಷ ತಂಡಗಳು ಯಶಸ್ವಿಯಾದವು. 2022ರ ಕಡಲ್ಗಳ್ಳತನ ವಿರೋಧಿ ಕಾಯಿದೆಗೆ ಅನುಗುಣವಾಗಿ ಮುಂದಿನ ಕಾನೂನು ಕ್ರಮಕ್ಕಾಗಿ ಒಂಬತ್ತು ಕಡಲ್ಗಳ್ಳರನ್ನು ಭಾರತಕ್ಕೆ ಕರೆತರಲಾಗುತ್ತಿದೆ ಎಂದು ನೌಕಾಪಡೆ ಮಾಹಿತಿ ನೀಡಿದೆ.
ಮಾಹಿತಿಯ ನಂತರ ಐಎನ್‌ಎಸ್ ಸುಮೇಧಾ ಶುಕ್ರವಾರದ ಮುಂಜಾನೆ ‘ಅಲ್ ಕಮರ್’ ಎಂಬ ಕಡಲ್ಗಳ್ಳು ಹೊಕ್ಕಿದ್ದ ಹಡಗನ್ನು ತಡೆಯಿತು ಮತ್ತು ನಂತರ ಮಾರ್ಗದರ್ಶಿ ಕ್ಷಿಪಣಿ ಯುದ್ಧನೌಕೆ ಐಎನ್‌ಎಸ್ ತ್ರಿಶೂಲ ಅದರ ಜೊತೆಗೆ ಸೇರಿತು” ಎಂದು ನೌಕಾಪಡೆ ಹೇಳಿದೆ.

ಘಟನೆಯ ಸಮಯದಲ್ಲಿ ಮೀನುಗಾರಿಕಾ ಹಡಗು ಸೊಕೊಟ್ರಾ ದ್ವೀಪ ಸಮೂಹದ ನೈಋತ್ಯಕ್ಕೆ ಸರಿಸುಮಾರು ನಾಟಿಕಲ್‌ ಮೈಲು ದೂರವಿತ್ತು ಮತ್ತು “ಒಂಬತ್ತು ಶಸ್ತ್ರಸಜ್ಜಿತ ಕಡಲ್ಗಳ್ಳರು ಅದನ್ನು ಸುತ್ತವರಿದ ನಂತರ ಅದನ್ನು ಏರಿದ್ದರು ಎಂದು ವರದಿಯಾಗಿದೆ” ಎಂದು ಅದು ಹೇಳಿದೆ.
ಭಾರತೀಯ ನೌಕಾಪಡೆಯು “ಹಡಗಿನ ಸಿಬ್ಬಂದಿಯ ರಾಷ್ಟ್ರೀಯತೆಗಳನ್ನು ಲೆಕ್ಕಿಸದೆ” ಪ್ರದೇಶದಲ್ಲಿ ಕಡಲ ಭದ್ರತೆ ಮತ್ತು ನಾವಿಕರ ಸುರಕ್ಷತೆಯನ್ನು ಖಚಿತಪಡಿಸಿಕೊಳ್ಳಲು ಬದ್ಧವಾಗಿದೆ ಎಂದು ನೌಕಾಪಡೆ ಹೇಳಿದೆ.ಸೊಕೊಟ್ರಾ ದ್ವೀಪಸಮೂಹವು ವಾಯವ್ಯ ಹಿಂದೂ ಮಹಾಸಾಗರದಲ್ಲಿ ಏಡನ್ ಕೊಲ್ಲಿ ಬಳಿ ಇದೆ.

ಪ್ರಮುಖ ಸುದ್ದಿ :-   ವೀಡಿಯೊ..: ಮುಸ್ಲಿಂ ಮೀಸಲಾತಿ ಬಗ್ಗೆ ಕಾಂಗ್ರೆಸ್‌ ವಿರುದ್ಧ ಮತ್ತೊಮ್ಮೆ ವಾಗ್ದಾಳಿ ನಡೆಸಿದ ಮೋದಿ : ರಾಹುಲ್ ಗಾಂಧಿ ವೈರಲ್ ವೀಡಿಯೊ ಉಲ್ಲೇಖ

5 / 5. 4

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement