ನೈರೋಬಿಯಲ್ಲಿ ಕಳೆದ ಎರಡು ವರ್ಷಗಳಿಂದ 42 ಮಹಿಳೆಯರನ್ನು ಹತ್ಯೆ ಮಾಡಿದ ಶಂಕಿತ ಸರಣಿ ಹಂತಕನ ಬಂಧನದ ನಂತರ ಕೀನ್ಯಾ ಬೆಚ್ಚಿಬಿದ್ದಿದೆ.
ಆತ ಕೊಲೆ ಮಾಡಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಕೊಲೆಗಳು 5.5 ಕೋಟಿ ಜನರಿರುವ ಪೂರ್ವ ಆಫ್ರಿಕಾದ ರಾಷ್ಟ್ರವನ್ನು ದಂಗುಬಡಿಸಿದೆ.
33 ವರ್ಷದ ಕಾಲಿನ್ಸ್ ಜುಮೈಸಿ ಖಲುಶಾ ಮನೆಯನ್ನು ಶೋಧಿಸಿದಾಗ ಪೊಲೀಸರಿಗೆ ಮಚ್ಚು , ಕೈಗಾರಿಕಾ ರಬ್ಬರ್ ಕೈಗವಸುಗಳು, ಸೆಲ್ಲೋಟೇಪ್‌ನ ರೋಲ್‌ಗಳು ಮತ್ತು ನೈಲಾನ್ ಚೀಲಗಳು ಮತ್ತು ಇತರ ವಸ್ತುಗಳು ಸಿಕ್ಕಿವೆ. ಈ ವ್ಯಕ್ತಿ ತನ್ನ ಪತ್ನಿ ಸೇರಿದಂತೆ 42 ಮಹಿಳೆಯರನ್ನು ಕೊಂದು, ದೇಹದ ಭಾಗಗಳನ್ನು ಗೋಣಿಚೀಲಗಳಲ್ಲಿ ತುಂಬಿ ಕೀನ್ಯಾದ ರಾಜಧಾನಿ ನೈರೋಬಿಯ ಸ್ಕ್ರ್ಯಾಪ್ಯಾರ್ಡ್‌ನಲ್ಲಿ ಎಸೆದಿದ್ದಾನೆ ಎಂದು ಒಪ್ಪಿಕೊಂಡಿರುವುದಾಗಿ ಪೊಲೀಸರು ಹೇಳಿದ್ದಾರೆ.
33 ವರ್ಷದ ಕಾಲಿನ್ಸ್ ಜುಮೈಸಿ ಖಲುಶಾ ಎಂಬ ಕೊಲೆ ಆರೋಪಿಯನ್ನು “ರಕ್ತಪಿಶಾಚಿ” ಮತ್ತು “ಮಾನವ ಜೀವನದ ಬಗ್ಗೆ ಗೌರವವಿಲ್ಲದ ಮನೋರೋಗ ಸರಣಿ ಕೊಲೆಗಾರ” ಎಂದು ವಿವರಿಸಲಾಗಿದೆ. ದೇಶದಲ್ಲಿ ರಾಜಕೀಯ ಪ್ರಕ್ಷುಬ್ಧತೆ ಮತ್ತು ಲಿಂಗ ಆಧಾರಿತ ಹಿಂಸಾಚಾರದ ಅಲೆಗಳ ನಡುವೆ ಖಲುಷಾನ ಈ ಭಯಾನಕ ಕೃತ್ಯಗಳು ಬೆಳಕಿಗೆ ಬಂದಿವೆ.
ಪತ್ತೆಯಾಗಿದ್ದು ಹೇಗೆ..?
ನೈರೋಬಿಯ ಮುಕುರು ಸ್ಲಮ್‌ಗಳಲ್ಲಿ ಕಸದ ತೊಟ್ಟಿಯಾಗಿ ಬಳಸಲಾಗಿದ್ದ ಕೈಬಿಟ್ಟ ಕ್ವಾರಿಯಲ್ಲಿ ಒಂಬತ್ತು ಮಹಿಳೆಯರ ಛಿದ್ರಗೊಂಡ ಶವಗಳು ಪತ್ತೆಯಾದಾಗ ಭಯಾನಕ ಘಟನೆಯ ಪತ್ತೆ ಕಾರ್ಯ ಪ್ರಾರಂಭವಾಯಿತು. ಈ ಸೈಟ್, ಸ್ಥಳೀಯ ನಿವಾಸಿಗಳಿಗೆ ಡಂಪಿಂಗ್ ಯಾರ್ಡ್‌ ಆಗಿತ್ತು, ಇದು ಖಲುಷಾ ಹತ್ಯೆ ಮಾಡಿದ ಅನೇಕ ಮಹಿಳೆಯರಿಗೆ ಅಂತಿಮ ವಿಶ್ರಾಂತಿ ಸ್ಥಳವಾಗಿಬಿಟ್ಟಿತು.
ಸಮೀಪದ ಕ್ಷೀಣಗೊಂಡ ಕೋಣೆಯಲ್ಲಿ ವಾಸಿಸುತ್ತಿದ್ದ ಆರೋಪಿ ಮಹಿಳೆಯರಿಗೆ ಆಮಿಷವೊಡ್ಡಿ, ನಂತರ ಕೊಂದು ಅವರ ದೇಹವನ್ನು ತುಂಡರಿಸಿ ಬಿಸಾಡುತ್ತಿದ್ದೆ ಎಂಬುದನ್ನು ಒಪ್ಪಿಕೊಂಡಿದ್ದಾನೆ.
“ನಾವು ಸೀರಿಯಲ್ ಕಿಲ್ಲರ್ ಜೊತೆ ವ್ಯವಹರಿಸುತ್ತಿದ್ದೇವೆ, ಜೀವನದ ಬಗ್ಗೆ ಗೌರವವಿಲ್ಲದ ಸೈಕೋಪಾಥಿಕ್ ಸೀರಿಯಲ್ ಕಿಲ್ಲರ್. ನಾವು ರಕ್ತಪಿಶಾಚಿ, ಮನೋರೋಗಿಯೊಂದಿಗೆ ವ್ಯವಹರಿಸುತ್ತಿದ್ದೇವೆ ಎಂದು ಕೀನ್ಯಾದ ಅಪರಾಧ ತನಿಖೆಯ ನಿರ್ದೇಶಕ ಮೊಹಮ್ಮದ್ ಅಮೀನ್ ಮಾಧ್ಯಮಗಳಿಗೆ ತಿಳಿಸಿದ್ದಾರೆ.
ಆರೋಪಿಯನ್ನು ಪೊಲೀಸರು ಹಿಡಿದಿದ್ದು ಹೇಗೆ?
ತೀವ್ರ ತನಿಖೆಯ ನಂತರ ಅಪರಾಧ ತನಿಖಾ ನಿರ್ದೇಶನಾಲಯ ಮತ್ತು ರಾಷ್ಟ್ರೀಯ ಪೊಲೀಸರು ಜಂಟಿ ಕಾರ್ಯಾಚರಣೆಯಲ್ಲಿ ಖಲುಷಾನನ್ನು ಬಂಧಿಸಿದ್ದಾರೆ. ಬಂಧನವು “ಸಂತ್ರಸ್ತರಲ್ಲಿ ಒಬ್ಬರಾದ ಜೋಸ್ಫಿನ್ ಮುಲೊಂಗೊ ಒವಿನೊಗೆ ಸೇರಿದ ಮೊಬೈಲ್ ಫೋನ್‌ನ ಫೊರೆನ್ಸಿಕ್ ವಿಶ್ಲೇಷಣೆ ಆಧಿರಿಸಿದೆ. ಅಲ್ಲಿ ಅವರು ಕಾಣೆಯಾದ ದಿನದಂದು ನಡೆಸಲಾದ ಮೊಬೈಲ್ ಹಣದ ವಹಿವಾಟುಗಳು ಅನುಮಾನಕ್ಕೆ ಕಾರಣವಾಯಿತು” ಎಂದು ಅಮೀನ್ ಹೇಳಿದ್ದಾರೆ.
ಖಲುಶಾನ ಕೀನ್ಯಾದ ರಾಜಧಾನಿ ನೈರೋಬಿಯ ಪೂರ್ವದ ಸೊವೆಟೊದಲ್ಲಿ ಆತ ಯುರೋ 2024 ಫುಟ್‌ಬಾಲ್ ಫೈನಲ್ ವೀಕ್ಷಿಸಲು ಹೋಗಿದ್ದ ಕ್ಲಬ್‌ನ ಹೊರಗೆ ಬಂಧಿಸಲಾಯಿತು. ಅಧಿಕಾರಿ ಖಲುಷಾನನ್ನು ಬಂಧಿಸಿದಾಗ ಆತ ಇನ್ನೊಬ್ಬ ಮಹಿಳೆಗೆ ಆಮಿಷವೊಡ್ಡುವ ಪ್ರಕ್ರಿಯೆಯಲ್ಲಿದ್ದ ಎಂದು ಪೊಲೀಸರು ಹೇಳಿದ್ದಾರೆ.
ಪೂರ್ವಯೋಜಿತ ಕೊಲೆ…
ಪತ್ತೆಯಾದ ದಿನಗಳ ನಂತರ ಕೀನ್ಯಾ ಪೊಲೀಸರು ಖಲುಷಾನನ್ನು ಬಂಧಿಸಿದರು. ಖಲುಷಾ ತನ್ನ ಪತ್ನಿ ಸೇರಿದಂತೆ ಮಾಡಿದ 42 ಕೊಲೆಗಳನ್ನು ಒಪ್ಪಿಕೊಂಡಿದ್ದಾನೆ ಎಂದು ಪ್ರಾಸಿಕ್ಯೂಟರ್‌ಗಳು ದೃಢಪಡಿಸಿದರು. ಈ ಮಹಿಳೆಯರು 2022 ಮತ್ತು ಖಲುಷಾ ಬಂಧನದ ದಿನಾಂಕದ ನಡುವಿನ ಅವಧಿಯಲ್ಲಿ ಕೊಲ್ಲಲ್ಪಟ್ಟಿದ್ದಾರೆ.
ಖಲುಷಾ ನಿವಾಸದಲ್ಲಿ, ಪೊಲೀಸರಿಗೆ ಹಲವಾರು ಮೊಬೈಲ್ ಫೋನ್‌ಗಳು, ಗುರುತಿನ ಚೀಟಿಗಳು ಮತ್ತು ದೇಹಗಳನ್ನು ಕಟ್ಟಲು ಬಳಸುವಂತಹ ನೈಲಾನ್ ಚೀಲ ಇತ್ಯಾದಿಗಳು ಸಿಕ್ಕಿವೆ. ಈ ಸಾಕ್ಷ್ಯವು ಕ್ರಮಬದ್ಧವಾದ ಮತ್ತು ಪೂರ್ವಯೋಜಿತ ಕೊಲೆಗಳನ್ನು ಮಾಡಲಾಗಿದೆ ಎಂಬುದನ್ನು ಸೂಚಿಸಿತ್ತದೆ ಎಂದು ಪೊಲೀಸರು ಹೇಳಿದ್ದಾರೆ.
ಖಲುಷಾನಿಂದ ಹತ್ಯೆಯಾದ ಮಹಿಳೆಯರಲ್ಲಿ ಮುಕುರು ಕ್ವಾ ನ್ಜೆಂಗಾದ 26 ವರ್ಷದ ಕೂದಲು ಬ್ರೇಡರ್ ಜೋಸೆಫೀನ್ ಒವಿನೋ ಕೂಡ ಸೇರಿದ್ದಾರೆ. ಒಂದು ಬೆಳಿಗ್ಗೆ ಫೋನ್ ಕರೆ ಸ್ವೀಕರಿಸಿದ ನಂತರ ಓವಿನೋ ಕಣ್ಮರೆಯಾಗಿದ್ದಳು. ಅವಳ ಸಹೋದರಿ, ಪೆರಿಸ್ ಕೀಯಾ ಅವಳನ್ನು ಹುಡುಕಿದಳು, ಕೊನೆಗೆ ಡಂಪಿಂಗ್ ಗ್ರೌಂಡ್ ತಲುಪಿದಳು, ಅಲ್ಲಿ ತನ್ನ ಸಹೋದರಿಯ ದೇಹ ಹುಡುಕಲು ಸ್ಥಳೀಯ ಪುರುಷರಿಗೆ ಮನವಿ ಮಾಡಿದಳು. ಅವರ ಹುಡುಕಾಟದ ನಂತರ ವಿರೂಪಗೊಂಡ ದೇಹದ ತುಂಡುಗಳು ಇದ್ದ ಚೀಲಗಳು ಸಿಕ್ಕಿದವು. ಶವಗಳ ಫೋರೆನ್ಸಿಕ್ ಪರೀಕ್ಷೆಯು ಆಘಾತಕಾರಿ ವಿವರಗಳನ್ನು ಬೆಳಕಿಗೆ ತಂದಿತು.
ಸರ್ಕಾರಿ ರೋಗಶಾಸ್ತ್ರಜ್ಞರಾದ ಡಾ ಜೋಹಾನ್ಸೆನ್ ಓಡೂರ್ ಪ್ರಕಾರ, ಹೆಚ್ಚಿನ ಚೀಲಗಳಲ್ಲಿ ಕತ್ತರಿಸಿದ ಕೈಕಾಲುಗಳು ಮತ್ತು ಮುಂಡಗಳು ಇದ್ದವು. ಒಂದು ಅಖಂಡ ದೇಹ ಮಾತ್ರ ಇತ್ತು. ಯಾವುದೇ ಶವಗಳ ಮೇಲೆ ಗುಂಡಿನ ಗಾಯದ ಗುರುತು ಇಲ್ಲ. ಓರ್ವ ಮಹಿಳೆಯನ್ನು ಕತ್ತು ಹಿಸುಕಿ ಕೊಲ್ಲಲಾಗಿದೆ. ಡಿಎನ್‌ಎ ವಿಶ್ಲೇಷಣೆಯ ನಂತರ ಎರಡು ದೇಹಗಳನ್ನು ಗುರುತಿಸಲಾಗಿದೆ. ಉಳಿದವರನ್ನು ಗುರುತಿಸಬೇಕಿದೆ.
ಈ ಸರಣಿ ಹತ್ಯಾಕಾಂಡವು ಬೆಳಕಿಗೆ ಬಂದ ನಂತರ ಈಗಾಗಲೇ ರಾಜಕೀಯ ಅಶಾಂತಿ ಮತ್ತು ಆರ್ಥಿಕ ಸವಾಲುಗಳೊಂದಿಗೆ ಬಿಟ್ಟಕ್ಕಟ್ಟು ಎದುರಿಸುತ್ತಿರುವ ಕೀನ್ಯಾವನ್ನು ಬೆಚ್ಚಿಬೀಳಿಸಿದೆ. ತೆರಿಗೆ ಹೆಚ್ಚಳ ಮತ್ತು ಸರ್ಕಾರದ ಭ್ರಷ್ಟಾಚಾರದ ವಿರುದ್ಧ ದೇಶಾದ್ಯಂತ ಪ್ರತಿಭಟನೆಗಳು ವ್ಯಾಪಕವಾಗಿವೆ.
ನಿಮ್ಮ ಕಾಮೆಂಟ್ ಬರೆಯಿರಿ