ಭೂಮಿಯ ಮೇಲಿನ ಒಂದು ದಿನವನ್ನು 25 ಗಂಟೆಗಳೆಂದು ಅರ್ಥೈಸುವ ಕಾಲ ಮುಂದೊಂದು ದಿನ ಬರಬಹುದು ಎಂದು ವಿಜ್ಞಾನಿಗಳು ಹೇಳುತ್ತಾರೆ, ಯಾಕೆಂದರೆ ಚಂದ್ರನು ಭೂಮಿಯಿಂದ ನಿಧಾನವಾಗಿ ದೂರ ಸರಿಯುತ್ತಿದ್ದಾನೆ ಎಂದು ಸಂಶೋಧನೆಯೊಂದು ಹೇಳಿದೆ.
ವಿಸ್ಕಾನ್ಸಿನ್-ಮ್ಯಾಡಿಸನ್ ವಿಶ್ವವಿದ್ಯಾನಿಲಯವು ನಡೆಸಿದ ಸಂಶೋಧನೆಯ ಪ್ರಕಾರ ಚಂದ್ರನು ಭೂಮಿಯಿಂದ ವರ್ಷಕ್ಕೆ ಸರಿಸುಮಾರು 3.8 ಸೆಂಟಿಮೀಟರ್‌ ಗಳಷ್ಟು ದೂರ ಹೋಗುತ್ತಿದ್ದಾನೆ. ಇದು ನಮ್ಮ ಗ್ರಹದಲ್ಲಿನ ದಿನಗಳ ಮೇಲೆ ಪರಿಣಾಮ ಬೀರುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ. ಅಂತಿಮವಾಗಿ ಇದು 200 ಮಿಲಿಯನ್‌ ವರ್ಷಗಳಲ್ಲಿ ಒಂದು ದಿನಕ್ಕೆ 25 ಗಂಟೆಗಳೆಂದು ಪರಿಗಣಿಸಬೇಕಾದ ಭೂಮಿಯ ದಿನಗಳನ್ನು ಉಂಟುಮಾಡುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ. 1.4 ಶತಕೋಟಿ ವರ್ಷಗಳ ಹಿಂದೆ ಭೂಮಿಯ ಮೇಲೆ ಒಂದು ದಿನದ ಅವಧಿ ಕೇವಲ 18 ಗಂಟೆಗಳು ಮಾತ್ರ ಇತ್ತು ಎಂದು ಅಧ್ಯಯನ ಹೇಳುತ್ತದೆ.
ವಿಸ್ಕಾನ್ಸಿನ್-ಮ್ಯಾಡಿಸನ್ ವಿಶ್ವವಿದ್ಯಾನಿಲಯದ ಭೂವಿಜ್ಞಾನ ವಿಭಾಗದ ಪ್ರಾಧ್ಯಾಪಕ ಸ್ಟೀಫನ್ ಮೇಯರ್ಸ್ ಅವರ ಪ್ರಕಾರ, ಭೂಮಿ ಮತ್ತು ಚಂದ್ರನ ನಡುವಿನ ಗುರುತ್ವಾಕರ್ಷಣೆಯ ಪರಸ್ಪರ ಕ್ರಿಯೆಗಳು ಪ್ರಾಥಮಿಕ ಕಾರಣವಾಗಿರಬಹುದು. ಚಂದ್ರ ಭೂಮಿಯಿಂದ ದೂರ ಸರಿಯುತ್ತಿದ್ದಂತೆ ಭೂಮಿಯು ತಿರುಗುವ ಫಿಗರ್‌ ಸ್ಕೇಟರ್‌ನಂತಾಗುತ್ತದೆ. ಅದು ತನ್ನ ತೋಳುಗಳನ್ನು ಬಾಚಿದಂತೆ ನಿಧಾನಗೊಳಿಸುತ್ತದೆ ಎಂದು ವಿಸ್ಕಾನ್ಸಿನ್ ಮ್ಯಾಡಿಸನ್ ವಿಶ್ವ ವಿದ್ಯಾಲಯದ ಭೂ ವಿಜ್ಞಾನದ ಪ್ರಾಧ್ಯಾಪಕ ಸ್ಟೀಫನ್ ಮೇಯರ್ಸ್ ಹೇಳುತ್ತಾರೆ.
ವರ್ಷಕ್ಕೆ ಸರಿಸುಮಾರು 3.8 ಸೆಂ.ಮೀ.ಗಳಷ್ಟು ಅಂತರದಲ್ಲಿ ಚಂದ್ರ ಭೂಮಿಯಿಂದ ದೂರ ಸರಿಯುತ್ತಿದೆ ಎಂದು ಸಂಶೋಧನಾ ಅಧ್ಯಯನವು ಹೇಳಿದೆ. ದೂರದ ಗತಕಾಲದಲ್ಲಿ ಸಮಯವನ್ನು ಹೇಳಲು ಸಾಧ್ಯವಾದ ‘ಖಗೋಳಶಾಸ್ತ್ರ’ವನ್ನು ಬಳಸುವ ಗುರಿಯನ್ನು ಹೊಂದಿದ್ದೇವೆ ಎಂದು ಹೇಳಿದ್ದಾರೆ. “ನಾವು ಆಧುನಿಕ ಭೂವೈಜ್ಞಾನಿಕ ಪ್ರಕ್ರಿಯೆಗಳನ್ನು ಹೇಗೆ ಅಧ್ಯಯನ ಮಾಡುತ್ತೇವೆ ಎಂಬುದಕ್ಕೆ ಹೋಲಿಸಬಹುದಾದ ರೀತಿಯಲ್ಲಿ ಶತಕೋಟಿ ವರ್ಷಗಳಷ್ಟು ಹಳೆಯದಾದ ಬಂಡೆಗಳನ್ನು ಅಧ್ಯಯನ ಮಾಡಲು ನಾವು ಬಯಸುತ್ತೇವೆ” ಎಂದು ಮೆಯೆರ್ ಹೇಳಿದ್ದಾರೆ.
ಇದು ಹೊಸದಲ್ಲ
ಚಂದ್ರನ ದೂರ ಹೋಗುವಿಕೆ ಸಿದ್ಧಾಂತವು ವರ್ಷಗಳಿಂದ ಮನುಷ್ಯನಿಗೆ ತಿಳಿದಿದ್ದರೂ, ವಿಸ್ಕಾನ್ಸಿನ್ ಸಂಶೋಧನೆಯು ವಿದ್ಯಮಾನದ ಐತಿಹಾಸಿಕ ಮತ್ತು ಭೂವೈಜ್ಞಾನಿಕ ಸಂದರ್ಭವನ್ನು ಆಳವಾಗಿ ಅಧ್ಯಯನ ಮಾಡುವ ಗುರಿಯನ್ನು ಹೊಂದಿದೆ. ಪ್ರಾಚೀನ ಭೂವೈಜ್ಞಾನಿಕ ರಚನೆಗಳು ಮತ್ತು ಕೆಸರು ಪದರಗಳನ್ನು ಪರೀಕ್ಷಿಸುವ ಮೂಲಕ ಶತಕೋಟಿ ವರ್ಷಗಳವರೆಗೆ ವ್ಯಾಪಿಸಿರುವ ಭೂಮಿ-ಚಂದ್ರ ವ್ಯವಸ್ಥೆಯ ಇತಿಹಾಸವನ್ನು ಸಂಶೋಧಕರು ಪತ್ತೆಹಚ್ಚಲು ಸಮರ್ಥರಾಗಿದ್ದಾರೆ.
ಚಂದ್ರ ಭೂಮಿಯಿಂದ ಪ್ರಸ್ತುತ ದೂರ ಸರಿಯುವ ದರವು ತುಲನಾತ್ಮಕವಾಗಿ ಸ್ಥಿರವಾಗಿದೆ ಎಂದು ಸಂಶೋಧನೆಗಳು ಬಹಿರಂಗಪಡಿಸಿವೆ. ಆದಾಗ್ಯೂ, ವಿವಿಧ ಅಂಶಗಳಿಂದಾಗಿ ಇದು ಭೌಗೋಳಿಕ ಕಾಲಮಾನಗಳ ಮೇಲೆ ಏರಿಳಿತಗೊಂಡಿದೆ. ಇವುಗಳಲ್ಲಿ ಭೂಮಿಯ ತಿರುಗುವಿಕೆಯ ವೇಗ ಮತ್ತು ಭೂಖಂಡದ ದಿಕ್ಚ್ಯುತಿಯು ಪ್ರಮುಖವಾದವುಗಳೆಂದು ಗುರುತಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ