ಬೀಜಿಂಗ್‌ : 13 ವರ್ಷದ ಚೀನಾದ ಹುಡುಗಿ ಲೀ ಮುಝಿ ಚೀನಾದಲ್ಲಿ ಮೊಟ್ಟಮೊದಲ ಭರತನಾಟ್ಯ “ಅರಂಗೇಟ್ರಂ” (ರಂಗ ಪ್ರವೇಶ) ಮಾಡುವ ಮೂಲಕ ಇತಿಹಾಸ ನಿರ್ಮಿಸಿದ್ದಾರೆ. ಭಾನುವಾರ ನಡೆದ ಈ ಕಾರ್ಯಕ್ರಮವು ನೆರೆಯ ದೇಶವಾದ ಚೀನಾದಲ್ಲಿ ಈ ಪ್ರಾಚೀನ ಭಾರತೀಯ ನೃತ್ಯ ಪ್ರಕಾರದ ಪಯಣದಲ್ಲಿ ಮಹತ್ವದ ಮೈಲಿಗಲ್ಲನ್ನು ಗುರುತಿಸುತ್ತದೆ.
ಲೀ ಅವರ ಏಕವ್ಯಕ್ತಿ ನೃತ್ಯಕ್ಕೆ ಪ್ರಖ್ಯಾತ ಭರತನಾಟ್ಯ ನೃತ್ಯಗಾರ್ತಿ ಲೀಲಾ ಸ್ಯಾಮ್ಸನ್, ಭಾರತೀಯ ರಾಜತಾಂತ್ರಿಕರು ಮತ್ತು ಚೀನಾದ ಅಭಿಮಾನಿಗಳ ನೂರಾರು ಪ್ರೇಕ್ಷಕರು ಸಾಕ್ಷಿಯಾದರು. ಎರಡು ಗಂಟೆಗಳ ಕಾಲ ನಡೆದ ಈ ಪ್ರದರ್ಶನವು ಚೆನ್ನೈನಿಂದ ವಿಮಾನದಲ್ಲಿ ಬಂದ ಸಂಗೀತಗಾರರ ಜೊತೆಗೂಡಿ ಲೀ ಮುಝಿ ಹಲವಾರು ಶಾಸ್ತ್ರೀಯ ಹಾಡುಗಳಿಗೆ ನೃತ್ಯವನ್ನು ಪ್ರದರ್ಶಿಸಿದರು.
ಭಾರತೀಯ ಶಾಸ್ತ್ರೀಯ ಕಲೆ ಮತ್ತು ನೃತ್ಯ ಪ್ರಕಾರಗಳನ್ನು ದಶಕಗಳಿಂದ ಕಲಿಯಲು ಮತ್ತು ಪ್ರದರ್ಶಿಸಲು ತಮ್ಮ ಜೀವನವನ್ನು ಮುಡಿಪಾಗಿಟ್ಟ ಚೀನೀ ಅಭಿಮಾನಿಗಳಿಗೆ, ಇದು ಒಂದು ಅಪೂರ್ವ ಕ್ಷಣವಾಗಿದೆ ಮತ್ತು ಇದೇ ಮೊದಲ ಬಾರಿಗೆ ಚೀನಾದಲ್ಲಿ ಚೀನಾದಿ ವಿದ್ಯಾರ್ಥಿಯಿಂದ “ಅರಂಗೇಟ್ರಂ”(ರಂಗ ಪ್ರವೇಶ) ಕಾರ್ಯಕ್ರಮವಿದೆ.
ದಕ್ಷಿಣ ಭಾರತದ ಪುರಾತನ ನೃತ್ಯ ಪ್ರದರ್ಶನವಾದ ಭರತನಾಟ್ಯದಲ್ಲಿ ತಮಿಳಿನಲ್ಲಿ ಅರಂಗೇಟ್ರಂ ಎಂದು ಕರೆಯಲ್ಪಡುವ ರಂಗ ಪ್ರವೇಶವು ಪ್ರೇಕ್ಷಕರನ್ನು ಹೊರತುಪಡಿಸಿ ಶಿಕ್ಷಕರು ಮತ್ತು ತಜ್ಞರ ಮುಂದೆ ವೇದಿಕೆಯಲ್ಲಿ ಅವರ ಚೊಚ್ಚಲ ಪ್ರದರ್ಶನವಾಗಿದೆ.
ಅರಂಗೇಟ್ರಂ ನಂತರವೇ ವಿದ್ಯಾರ್ಥಿಗಳಿಗೆ ಸ್ವಂತವಾಗಿ ಪ್ರದರ್ಶನ ನೀಡಲು ಅಥವಾ ಉತ್ಸಾಹಿ ನೃತ್ಯಗಾರರಿಗೆ ತರಬೇತಿ ನೀಡಲು ಅವಕಾಶ ನೀಡಲಾಗುತ್ತದೆ.
“ಚೀನಾದಲ್ಲೇ ಸಂಪೂರ್ಣ ತರಬೇತಿ ಪಡೆದ ಮತ್ತು ಚೀನಾ ವಿದ್ಯಾರ್ಥಿಯಿಂದ ಚೀನಾದಲ್ಲಿ ನಡೆದ ಮೊದಲ ರಂಗ ಪ್ರವೇಶವಾಗಿದೆ” ಎಂದು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಭಾರತೀಯ ರಾಯಭಾರ ಕಚೇರಿಯ ಮೊದಲ ಕಾರ್ಯದರ್ಶಿ ಟಿ ಎಸ್ ವಿವೇಕಾನಂದ ಹೇಳಿದರು. ಇದು ಅತ್ಯಂತ ಸಾಂಪ್ರದಾಯಿಕ ರೀತಿಯಲ್ಲಿ ಸರಿಯಾಗಿ ಮಾಡಿದ ಅರಂಗ್ರೇಟಂ ಎಂದು ಅವರು ತಿಳಿಸಿದರು.
ಚೀನಾದ ಶಿಕ್ಷಕರಿಂದ ತರಬೇತಿ ಪಡೆದ ಚೀನೀ ವಿದ್ಯಾರ್ಥಿಗಳು ಮೊದಲ ಬಾರಿಗೆ ಚೀನಾದಲ್ಲಿ ತರಬೇತಿ ಪಡೆದಿದ್ದು, ಭರತನಾಟ್ಯ ಪರಂಪರೆಯ ಇತಿಹಾಸದಲ್ಲಿ ಒಂದು ಹೆಗ್ಗುರುತಾಗಿದೆ ಎಂದು ಲೀ ತರಬೇತಿ ನೀಡಿದ ಚೀನಾದ ಭರತನಾಟ್ಯ ನೃತ್ಯಗಾರ್ತಿ ಜಿನ್ ಶಾನ್ ಹೇಳಿದ್ದಾರೆ.
ಭಾರತದ ರಾಯಭಾರಿ ಪ್ರದೀಪ ರಾವತ್ ಅವರ ಪತ್ನಿ ಶ್ರುತಿ ರಾವತ್ ಅವರು ಮುಖ್ಯ ಅತಿಥಿಯಾಗಿದ್ದರು. ಈವೆಂಟ್‌ನಲ್ಲಿ ಅಪಾರ ಸಂಖ್ಯೆಯ ಅಭಿಮಾನಿಗಳು ಭಾಗವಹಿಸಿದ್ದರು, ಅವರು ಎರಡು ಗಂಟೆಗಳ ಅವಧಿಯ ಪ್ರದರ್ಶನದಲ್ಲಿ ಅವರು ಹಲವಾರು ಶಾಸ್ತ್ರೀಯ ನೃತ್ಯ ಮಾಡಿದರು. ಲೀಲಾ ಸ್ಯಾಂಪ್ಸನ್ ಅವರಲ್ಲದೆ, ಚೆನ್ನೈನಿಂದ ವಿಮಾನದಲ್ಲಿ ಬಂದ ಸಂಗೀತಗಾರರ ತಂಡವು ಭರತನಾಟ್ಯದ ಸಂಗೀತ ಹಾಡಿದರು.
ಚೀನಾ ಹುಡುಗಿ ಲೀ ಈ ತಿಂಗಳ ಕೊನೆಯಲ್ಲಿ ಅವರು ಚೆನ್ನೈನಲ್ಲಿ ಪ್ರದರ್ಶನ ನೀಡಲಿದ್ದಾರೆ. ಲೀ ಅವರು ಭರನಾಟ್ಯ ಗುರು ಜಿನ್ ನಡೆಸುತ್ತಿದ್ದ ಭರತನಾಟ್ಯ ಶಾಲೆಯಲ್ಲಿ 10 ವರ್ಷಗಳ ಕಾಲ ತರಬೇತಿ ಪಡೆದಿದ್ದಾರೆ, ಜಿನ್ ಅವರು ಸ್ವತಃ 1999 ರಲ್ಲಿ ನವದೆಹಲಿಯಲ್ಲಿ ತಮ್ಮ ರಂಗ ಪ್ರವೇಶ ಮಾಡಿದ ಚೀನಾದ ಮೊದಲ ನಿಪುಣ ಭರತನಾಟ್ಯ ನರ್ತಕಿಯಾಗಿದ್ದಾರೆ.
ಖ್ಯಾತ ಚೀನೀ ನರ್ತಕಿ ಜಾಂಗ್ ಜುನ್ ಅವರಿಂದ ತರಬೇತಿ ಪಡೆದ ಹಲವಾರು ಚೀನೀ ವಿದ್ಯಾರ್ಥಿಗಳಲ್ಲಿ ಜಿನ್ ಒಬ್ಬರು.
2014 ರಲ್ಲಿ ಜಿನ್ ಶಾಲೆಗೆ ಸೇರಿದಾಗಿನಿಂದ ಭರತನಾಟ್ಯವನ್ನು ಪ್ರೀತಿಸುತ್ತಿದ್ದೆ ಎಂದು ಲೀ ಹೇಳುತ್ತಾರೆ. “ನಾನು ಅದನ್ನು ಸಂಪೂರ್ಣವಾಗಿ ಪ್ರೀತಿಸುತ್ತಿದ್ದೆ. ನಾನು ಇಲ್ಲಿಯವರೆಗೆ ನೃತ್ಯ ಮಾಡುತ್ತಲೇ ಇದ್ದೆ. ನನಗೆ, ಭರತನಾಟ್ಯವು ಸುಂದರವಾದ ಕಲೆ ಮತ್ತು ನೃತ್ಯ ಪ್ರಕಾರ ಮಾತ್ರವಲ್ಲದೆ ಭಾರತೀಯ ಸಂಸ್ಕೃತಿಯ ಸಾಕಾರವಾಗಿದೆ, ”ಎಂದು ಚೀನಾ ಹುಡುಗಿ ಲೀ ತಿಳಿಸಿದರು.
“ಇದು ನನ್ನನ್ನು ಬಹಳವಾಗಿ ಆಕರ್ಷಿಸುತ್ತದೆ, ಇದು ಈಗಾಗಲೇ ದಿನನಿತ್ಯದ ಚಟುವಟಿಕೆಯಾಗಿದೆ ಮತ್ತು ನಾನು ಭಾರತದ ಸಂಸ್ಕೃತಿಯಲ್ಲಿ ನಿಜವಾಗಿಯೂ ಆಸಕ್ತಿ ಹೊಂದಿದ್ದೇನೆ ಎಂದು ಅವರು ಹೇಳಿದರು.
ಚೀನಾ ಮತ್ತು ಭಾರತದಲ್ಲಿ ವ್ಯಾಪಕವಾಗಿ ಹೆಸರುವಾಸಿಯಾಗಿರುವ ಮತ್ತು ಹಲವಾರು ಪ್ರದರ್ಶನಗಳನ್ನು ನೀಡಿರುವ ಜಿನ್, ತನ್ನ ವಿದ್ಯಾರ್ಥಿಯೊಬ್ಬರು ರಂಗ ಪ್ರವೇಶ ಮಾಡಿರುವುದಕ್ಕೆ ಹೆಮ್ಮೆಪಡುತ್ತೇನೆ ಎಂದು ಹೇಳಿದ್ದಾರೆ.“ಭರತನಾಟ್ಯ ನಮ್ಮನ್ನು ಹತ್ತಿರಕ್ಕೆ ತಂದಿದೆ. ಹತ್ತು ವರ್ಷಗಳಿಂದ, ಲೀ ಪ್ರತಿ ವಾರಾಂತ್ಯದಲ್ಲಿ ತರಗತಿಗಳಿಗೆ ಹಾಜರಾಗಲು ನನ್ನ ಮನೆಗೆ ಬರುತ್ತಿದ್ದಳು, ಅದು ಅವಳ ಬೆಳವಣಿಗೆಗೆ ಸಾಕ್ಷಿಯಾಗಲು ಮಾತ್ರವಲ್ಲದೆ ನಮ್ಮನ್ನು ಒಂದು ಕುಟುಂಬವನ್ನಾಗಿ ಮಾಡಿದೆ ಎಂದು ಅವರು ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ