ಸಿಕ್ಕಿಂ: ಮಂಗಳವಾರ ಬೆಳಗ್ಗೆ ಭಾರೀ ಭೂಕುಸಿತ ಸಂಭವಿಸಿ ಸಿಕ್ಕಿಂನಲ್ಲಿರುವ ನ್ಯಾಷನಲ್ ಹೈಡ್ರೊಎಲೆಕ್ಟ್ರಿಕ್ ಪವರ್ ಕಾರ್ಪೊರೇಷನ್‌ನ (ಎನ್‌ಎಚ್‌ಪಿಸಿ) ತೀಸ್ತಾ ಸ್ಟೇಜ್ 5 ಅಣೆಕಟ್ಟಿನ ವಿದ್ಯುತ್ ಕೇಂದ್ರ ನಾಶವಾಗಿದೆ. ಘಟನೆಯಲ್ಲಿ ಯಾವುದೇ ಪ್ರಾಣಹಾನಿಯಾದ ವರದಿಯಾಗಿಲ್ಲ.
ಕಳೆದ ಕೆಲವು ವಾರಗಳಲ್ಲಿ, 510 ಮೆಗಾವ್ಯಾಟ್ ವಿದ್ಯುತ್ ಕೇಂದ್ರದ ಪಕ್ಕದಲ್ಲಿರುವ ಬೆಟ್ಟದಲ್ಲಿ ಆಗಾಗ್ಗೆ ಸಣ್ಣ ಕುಸಿತ ಸಂಭವಿಸಿದ ನಂತರ ಅಪಾಯದಲ್ಲಿದೆ ಎಂದು ಅರಿತು ಅಲ್ಲಿಂದ ಜನರನ್ನು ಸ್ಥಳಾಂತರಿಸಲಾಗಿತ್ತು ಎಂದು ಹೇಳಲಾಗಿದೆ.
ಗುಡ್ಡದ ಪ್ರಮುಖ ಭಾಗವು ಕೆಳಕ್ಕೆ ಕುಸಿದಿದ್ದರಿಂದ, ಅದರ ಕೆಳಗಿನ ವಿದ್ಯುತ್ ಕೇಂದ್ರವು ಮಂಗಳವಾರ ಬೆಳಿಗ್ಗೆ ಅವಶೇಷಗಳಾಗಿ ಮಣ್ಣನಡಿಗೆ ಕುಸಿಯಿತು.ಅದೃಷ್ಟವಶಾತ್, ಆಗಾಗ್ಗೆ ಭೂಕುಸಿತದ ನಂತರ ಕೆಲವು ದಿನಗಳ ಹಿಂದೆ ವಿದ್ಯುತ್ ಸ್ಥಾವರವನ್ನು ಸ್ಥಳಾಂತರಿಸಲಾಗಿದ್ದರಿಂದ ಒಳಗೆ ಯಾರೂ ಇರಲಿಲ್ಲ ಎಂದು ಎನ್‌ಡಿಟಿವಿ ವರದಿ ಮಾಡಿದೆ.
ವಿದ್ಯುತ್ ಕೇಂದ್ರದ ಬಳಿ ಕೆಲಸ ಮಾಡುತ್ತಿದ್ದವರು ಭೂಕುಸಿತದ ವೀಡಿಯೊವನ್ನು ಸೆರೆ ಹಿಡಿದಿದ್ದಾರೆ, ಬೆಟ್ಟದ ಬಂಡೆಯ ಒಂದು ಭಾಗ ಕುಸಿಯುವುದನ್ನು ಕಾಣಬಹುದು, ಅದರ ನಂತರ ಅದರ ದೊಡ್ಡ ಭಾಗವು ವಿದ್ಯುತ್ ಕೇಂದ್ರದ ಮೇಲೆ ಬೀಳುವುದನ್ನು ಕಾಣಬಹುದು. ವಿದ್ಯುತ್ ಸ್ಥಾವರದ ಮೇಲೆ ಭೂಕುಸಿತ ಉಂಟಾದ ನಂತರ ಜನರ ಕಿರುಚಾಡುವುದನ್ನು ವೀಡಿಯೊದಲ್ಲಿ ಕೇಳಬಹುದು.
ಈಶಾನ್ಯ ರಾಜ್ಯದಲ್ಲಿ ಮೇಘಸ್ಫೋಟದ ನಂತರ ಲೊನಾಕ್ ಗ್ಲೇಶಿಯಲ್ ಸರೋವರ ಒಡೆದ ನಂತರ 5 ನೇ ಹಂತದ ಅಣೆಕಟ್ಟು ಅಕ್ಟೋಬರ್ 2023 ರಿಂದ ನಿಷ್ಕ್ರಿಯವಾಗಿದೆ.
ಮೇಘಸ್ಫೋಟವು ಬೃಹತ್ ಪ್ರವಾಹವನ್ನು ಉಂಟುಮಾಡಿತು, ಇದು ಸಿಕ್ಕಿಂನಲ್ಲಿನ ಅತಿದೊಡ್ಡ ಜಲವಿದ್ಯುತ್ ಯೋಜನೆಯ ಚುಂಗ್ಥಾಂಗ್ನಲ್ಲಿ ತೀಸ್ತಾ ಅಣೆಕಟ್ಟಿನ ಭಾಗಗಳನ್ನು ಕೊಚ್ಚಿಕೊಂಡುಹೋಯಿತು. ಸಿಂಗ್ಟಮ್ ಪಟ್ಟಣವನ್ನು ಮಂಗನ್ ಜಿಲ್ಲೆಗೆ ಸಂಪರ್ಕಿಸುವ ಪರ್ಯಾಯ ರಸ್ತೆಯೂ ಕೊಚ್ಚಿಹೋಗಿದೆ.
ಕಳೆದ ಅಕ್ಟೋಬರ್ ಘಟನೆಯ ವೀಡಿಯೊಗಳು ಉತ್ತರ ಸಿಕ್ಕಿಂನ ಮಂಗನ್ ಜಿಲ್ಲೆಯಲ್ಲಿ ಪ್ರಹಾಹ ಬಂದು ಉಕ್ಕಿದ ತೀಸ್ತಾ ನದಿಯು ನಿರಂತರವಾಗಿ ಹರಿಯುತ್ತಿರುವುದರಿಂದ ಅಣೆಕಟ್ಟಿನ ಗೋಡೆಯ ಹೆಚ್ಚಿನ ಭಾಗಗಳು ಕೊಚ್ಚಿ ಹೋಗಿರುವುದು ಕಂಡುಬಂದಿತ್ತು. ಈ ಅಣೆಕಟ್ಟನ್ನು ಪುನರ್ ನಿರ್ಮಾಣ ಮಾಡಲಾಗುತ್ತಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ