ಪ್ಯಾರಿಸ್ : ಸೆಪ್ಟೆಂಬರ್ 7 ರಂದು ನಡೆದ ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತ ತನ್ನ 7 ನೇ ಚಿನ್ನದ ಪದಕ ಗೆದ್ದುಕೊಂಡಿದೆ. ಜಾವೆಲಿನ್ ಎಸೆತಗಾರ ನವದೀಪ್ ಅವರು 47.32 ಮೀಟರ್‌ಗಳಷ್ಟು ದೂರ ಎಸೆದು ಪ್ಯಾರಾಲಿಂಪಿಕ್ ದಾಖಲೆಯನ್ನು ಮುರಿಯುವ ಮೂಲಕ ಚಿನ್ನದ ಪದಕ ಗೆದ್ದಿದ್ದಾರೆ.
2021 ರಲ್ಲಿ ಟೋಕಿಯೊದಲ್ಲಿ ಚೀನಾದ ಪೆಂಗ್‌ಕ್ಸಿಯಾಂಗ್ ಸನ್ ಅವರು ನಿರ್ಮಿಸಿದ್ದ ಹಿಂದಿನ ದಾಖಲೆಯನ್ನು ನವದೀಪ್ ಮುರಿದಿದ್ದಾರೆ. ಆರಂಭದಲ್ಲಿ ನವದೀಪ್ ಬೆಳ್ಳಿ ಪದಕ ಗೆದ್ದಿದ್ದರಿಂದ ಈವೆಂಟ್‌ನಲ್ಲಿ ಸಸ್ಪೆನ್ಸ್‌ ತುಂಬಿತ್ತು. ಇರಾನ್‌ನ ಬೀಟ್ ಸಡ್ಗೆ ಅವರನ್ನು ಅನರ್ಹಗೊಳಿಸಿದ ನಂತರ ಚಿನ್ನಕ್ಕೆ ಅಪ್‌ಗ್ರೇಡ್ ಮಾಡಲಾಯಿತು.
ಪ್ಯಾರಿಸ್ ಪ್ಯಾರಾಲಿಂಪಿಕ್ಸ್ ಸಮಿತಿಯು ಅಧಿಕೃತವಾಗಿ ತಮ್ಮ ಫಲಿತಾಂಶಗಳ ಪುಟದಲ್ಲಿ ನಿರ್ಧಾರವನ್ನು ಪ್ರಕಟಿಸಿತು, ಸಡ್ಗೆ ಅವರ ದಾಖಲೆಯ 47.64 ಮೀ ಎಸೆಯುವಿಕೆಯನ್ನು ಗುರುತಿಸಲಾಗುವುದಿಲ್ಲ ಎಂದು ಅದು ಹೇಳಿದೆ.
ಮತ್ತೊಂದೆಡೆ, ಸಿಮ್ರಾನ್ ಮಹಿಳೆಯರ T12 200m ಫೈನಲ್‌ನಲ್ಲಿ ಕಂಚಿನ ಪದಕವನ್ನು ಗೆದ್ದಿದ್ದಾರೆ. ಓಟವನ್ನು 24.75 ಸೆಕೆಂಡುಗಳಲ್ಲಿ ವೈಯಕ್ತಿಕ ಅತ್ಯುತ್ತಮ ಸಮಯದಲ್ಲಿ ಅವರು ಪೂರ್ಣಗೊಳಿಸಿದರು. ಈ ಮೂಲಕ ಪ್ರಸಕ್ತ ಕ್ರೀಡಾಕೂಟದಲ್ಲಿ ಭಾರತ ನಾಲ್ಕನೇ ಟ್ರ್ಯಾಕ್ ಪದಕವನ್ನು ಗೆದ್ದಿದೆ. ಸಿಮ್ರಾನ್, ಹಾಲಿ ವಿಶ್ವ ಚಾಂಪಿಯನ್ ಆಗಿದ್ದಾರೆ. ಪ್ಯಾರಾಲಿಂಪಿಕ್ಸ್‌ನಲ್ಲಿ T12 ವರ್ಗೀಕರಣದಲ್ಲಿ ಸ್ಪರ್ಧಿಸುತ್ತಾರೆ, ಇದನ್ನು ದೃಷ್ಟಿಹೀನತೆ ಹೊಂದಿರುವ ಕ್ರೀಡಾಪಟುಗಳಿಗೆ ಗೊತ್ತುಪಡಿಸಲಾಗಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ