ಮುಂಬೈ : ಕೈಗಾರಿಕೋದ್ಯಮಿ, ಲೋಕೋಪಕಾರಿ ಮತ್ತು ಪ್ರೀತಿಯ ರಾಷ್ಟ್ರೀಯ ಐಕಾನ್‌ ರತನ್ ಟಾಟಾ ಅವರು ಬುಧವಾರ ತಡರಾತ್ರಿ 86 ನೇ ವಯಸ್ಸಿನಲ್ಲಿ ನಿಧನರಾದರು. ಭಾರತೀಯ ಮತ್ತು ಜಾಗತಿಕ ವ್ಯಾಪಾರ ವಲಯಗಳಲ್ಲಿ ಅತ್ಯುನ್ನತ ವ್ಯಕ್ತಿಯಾಗಿದ್ದ ಅವರು ಅವರು ಜಾಗ್ವಾರ್ ಮತ್ತು ಲ್ಯಾಂಡ್ ರೋವರ್ ಅನ್ನು ಹೇಗೆ ಖರೀದಿಸಿದರು ಎಂಬುದೇ ಒಂದು ರೋಚಕ ಕಥೆ.
ಅವರು ಮಾರ್ಚ್ 2008 ರಲ್ಲಿ ಅದನ್ನು ಖರೀದಿಸಿದ ನಂತರ ವಿಶ್ವದ ವಾಹನ ವಲಯವು ಭಾರತವನ್ನು ಗಮನಿಸಲು ಆರಂಭಿಸಿತು.
ಯುನೈಟೆಡ್ ಕಿಂಗ್‌ಡಮ್‌ನಲ್ಲಿ ಮತ್ತು ಅಮೆರಿಕದಲ್ಲಿ ಪತ್ರಿಕೆಗಳು ಟಾಟಾ ಗ್ರೂಪ್‌ನ ಅಂದಾಜು $2.3 ಶತಕೋಟಿಯಷ್ಟು ಮೌಲ್ಯದ ಫೋರ್ಡ್-ಮಾಲೀಕತ್ವದ ಬ್ರಿಟಿಷ್ ಮಾರ್ಕ್ಯೂ ಬ್ರ್ಯಾಂಡ್‌ಗಳಾದ ಜಾಗ್ವಾರ್ ಮತ್ತು ಲ್ಯಾಂಡ್ ರೋವರ್‌ಗಳ ಖರೀದಿ ಬಗ್ಗೆ ಶೀರ್ಷಿಕೆ ಪ್ರಕಟಿಸಿದವು.
ಇದು ಭಾರತೀಯ ವಾಹನೋದ್ಯಮದ ‘ನೀಲ್ ಆರ್ಮ್‌ಸ್ಟ್ರಾಂಗ್ ಕ್ಷಣ’ – ‘ಟಾಟಾಗಳಿಗೆ ಒಂದು ಸಣ್ಣ ಹೆಜ್ಜೆ, ದೇಶದ ಕಾರ್ಪೊರೇಟ್ ಬ್ರಾಂಡ್‌ಗೆ ಒಂದು ದೈತ್ಯ ಜಿಗಿತ’ವಾಗಿತ್ತು. ತನ್ನ ಉತ್ಪಾದನಾ ಘಟಕವನ್ನು ಮಾರಾಟ ಮಾಡಲು ಪ್ರಯತ್ನಿಸುತ್ತಿದ್ದ ಅಮೆರಿಕನ್‌ ಕಂಪನಿ ಫೋರ್ಡ್ ಮಾಡಿದ್ದ ಅವಮಾನಕ್ಕೆ ಒಳಗಾಗಿದ್ದ ರತನ್ ಟಾಟಾಗೆ ಇದು ವೈಯಕ್ತಿಕವಾಗಿ ವಿಜಯದ ಕ್ಷಣವಾಗಿತ್ತು.
1998ರಲ್ಲಿ ಟಾಟಾ ಇಂಡಿಕಾ ಬಿಡುಗಡೆಯೊಂದಿಗೆ ಈ ಕಥೆ ಪ್ರಾರಂಭವಾಗುತ್ತದೆ. ಭಾರತದ ಮೊದಲ ಡೀಸೆಲ್ ಚಾಲಿತ ಹ್ಯಾಚ್‌ಬ್ಯಾಕ್, ಇಂಡಿಕಾವನ್ನು ದೇಶೀಯವಾಗಿ ವಿನ್ಯಾಸಗೊಳಿಸಿದ ಮತ್ತು ತಯಾರಿಸಿದ ದೇಶದ ಮೊದಲ ಕಾರು ಎಂದು ವ್ಯಾಪಕವಾಗಿ ಪರಿಗಣಿಸಲಾಗಿದೆ. ಇದು ರತನ್ ಟಾಟಾ ಅವರ ಹೃದಯಕ್ಕೆ ಹತ್ತಿರವಾದ ಕಾರು ಕೂಡ ಆಗಿತ್ತು.
ಆದಾಗ್ಯೂ, ಮಾರಾಟವು ನಿರೀಕ್ಷತವಾಗಿ ನಡೆಯಲಿಲ್ಲ. ಮತ್ತು ಇದರಿಂದ ಖಿನ್ನತೆಗೆ ಒಳಗಾದ ರತನ್ ಟಾಟಾ ಅವರು ತಮ್ಮ ನಷ್ಟವನ್ನು ಕಡಿಮೆ ಮಾಡಲು ಆಗಿನ ಫೋರ್ಡ್ ಮುಖ್ಯಸ್ಥ ಬಿಲ್ ಫೋರ್ಡ್‌ಗೆ ಟಾಟಾ ಇಂಡಿಕಾ ಉತ್ಪಾದನಾ ಘಟಕವನ್ನು ಮಾರಾಟ ಮಾಡುವ ಪ್ರಸ್ತಾಪ ಮಾಡಿದರು. ನಂತರ ಮಾರಾಟವನ್ನು ಅಂತಿಮಗೊಳಿಸಲು ಅಮೆರಿಕಕ್ಕೆ ಹೋದರು. ಆದರೆ ನಿಗದಿ ಪಡಿಸಿದಂತೆ ಸಭೆ ನಡೆಯಲಿಲ್ಲ.
ಫೋರ್ಡ್ ಅವರು ಟಾಟಾ ಅವರೊಂದಿಗೆ ಸರಿಯಾಗಿ ನಡೆದುಕೊಳ್ಳಲಿಲ್ಲ ಎಂದು ವರದಿಯಾಗಿದೆ. ಭಾರತೀಯ ಕಂಪನಿಯು ಎಂದಿಗೂ ಕಾರುಗಳ ಉತ್ಪಾದನೆಯನ್ನು ಪ್ರಾರಂಭಿಸಬಾರದು ಮತ್ತು ಕಾರು ಉತ್ಪಾದನಾ ಘಟಕ ಖರೀದಿಸುವುದರಿಂದ ಟಾಟಾಗಳಿಗೆ ‘ಅನುಕೂಲವಾಗುತ್ತದೆ’ ಎಂದು ಹೇಳಿದರು.
“ಅವಮಾನಕ್ಕೊಳಗಾದ” ರತನ್ ಟಾಟಾ ಅವರು ಫೋರ್ಡ್‌ಗೆ ನೀಡಿದ ಪ್ರಸ್ತಾಪವನ್ನು ಹಿಂಪಡೆದರು. ಅಲ್ಲದೆ, ದೃಢನಿರ್ಧಾರದೊಂದಿಗೆ ಭಾರತಕ್ಕೆ ಮರಳಿದರು. ತಮ್ಮ ಸಾಮರ್ಥ್ಯದ ಬಗ್ಗೆ ಅನುಮಾನ ಪಡುವವರು ಮತ್ತು ವಿಮರ್ಶೆ ಮಾಡಿದವರು ತಪ್ಪು ಎಂದು ಸಾಬೀತುಪಡಿಸುವ ಸ್ಪಷ್ಟ ಗುರಿಯೊಂದಿಗೆ ಮುನ್ನಡೆದರು.
ಒಂಬತ್ತು ವರ್ಷಗಳ ನಂತರ ಅಂದರೆ 2004 ರ ಹೊತ್ತಿಗೆ ಯುರೋಪಿಯನ್ ಮತ್ತು ಆಫ್ರಿಕನ್ ರಫ್ತುಗಳು ಮತ್ತು 2007 ರಲ್ಲಿ ದೇಶೀಯ ಮಾರಾಟವು 1.42 ಲಕ್ಷಕ್ಕೆ ತಲುಪುವುದರೊಂದಿಗೆ ಇಂಡಿಕಾವನ್ನು ಯಶಸ್ವಿಯಾಗಿ ಕಾರ್‌ ಆಗಿ ಪರಿವರ್ತಿಸಿ ಇದನ್ನು ಸಾಬೀತು ಮಾಡಿದರು.
2008 ರ ಹೊತ್ತಿಗೆ ಫೋರ್ಡ್ ಹೆಣಗಾಡುತ್ತಿತ್ತು…
ಅಮೆರಿಕದ ಆರ್ಥಿಕತೆಯನ್ನು ಕುಗ್ಗಿಸಿದ ಆರ್ಥಿಕ ಹಿಂಜರಿತದಿಂದ ಫೋರ್ಡ್ ಕಂಪನಿಯು ಬಹುತೇಕ ದಿವಾಳಿಯಾಗಿತ್ತು. ಇದನ್ನು ತಿಳಿದ ರತನ್ ಟಾಟಾ ಅವರು ಜಾಗ್ವಾರ್ ಮತ್ತು ಲ್ಯಾಂಡ್ ರೋವರ್ ಖರೀದಿಗೆ ಮುಂದಾದರು ಮತ್ತು ವೇಗವಾಗಿ ಚಲಿಸಿದರು, ಫೋರ್ಡ್ (ವರದಿಗಳ ಹಕ್ಕು) ಭಾರತೀಯ ಕಂಪನಿ ಬಗ್ಗೆ ಇದ್ದ ಅಭಿಪ್ರಾಯವನ್ನು ತೊಡೆದು ಹಾಕಿ ಅದನ್ನೇ ಖರೀದಿಸಿದರು…! ಹಾಗೂ ತಮಗೆ ಆದ ಅವಮಾನಕ್ಕೆ ಉತ್ತರವನ್ನೂ ಕೊಟ್ಟರು…!!
ಬ್ರೆಜಿಲ್‌ನ ಮಾರ್ಕೊ ಪೋಲೊ ಬಸ್‌ಗಳು, ದಕ್ಷಿಣ ಕೊರಿಯಾದ ಡೇವೂ ಟ್ರಕ್‌ಗಳು, ಫಿಯೆಟ್ ಕ್ರಿಸ್ಲರ್, ಹಿಟಾಚಿ ಹೆವಿ ಮೆಷಿನರಿ, ಮತ್ತು ಏರೋಸ್ಪೇಸ್ ಮತ್ತು ರಕ್ಷಣಾ ವಿಭಾಗದ ಜೊತೆ ಜಂಟಿ ಉದ್ಯಮಗಳು ಟಾಟಾ ಮೋಟಾರ್ಸ್‌ನ ಸಾಮರ್ಥ್ಯವನ್ನು ಸಾಬೀತುಪಡಿಸುತ್ತವೆ. ಅದರ ಹಿಂದಿನ ಶಕ್ತಿ ರತನ್ ಟಾಟಾ ಅವರೇ ಆಗಿದ್ದಾರೆ.
ಟಾಟಾಕ್ಕೆ ಜಾಗ್ವಾರ್ ಮತ್ತು ಲ್ಯಾಂಡ್ ರೋವರ್ ಖರೀದಿ ಒಪ್ಪಂದವು ಸೇಡು ತೀರಿಸಿಕೊಳ್ಳುವ ಅಂಶವನ್ನು ಹೊಂದಿರಬಹುದು, ಆದರೆ ಇದು ಉತ್ತಮ ಖರೀದಿ ಎಂಬುದು ಅನಂತರದಲ್ಲಿ ಸಾಬೀತಾಯಿತು.
ಜಾಗ್ವಾರ್, ಆಗ ಆರ್ಥಿಕ ದೃಷ್ಟಿಯಿಂದ ಹೆಣಗಾಡುತ್ತಿದ್ದರೂ ಸಹ, ವಿಶ್ವದ ಅತ್ಯಂತ ವಿಶೇಷವಾದ ಮತ್ತು ಉತ್ತಮ-ಮನ್ನಣೆ ಪಡೆದ ಸ್ಪೋರ್ಟ್‌ ಮತ್ತು ಐಷಾರಾಮಿ ಕಾರು ತಯಾರಕರಲ್ಲಿ ಒಂದಾಗಿದೆ, ಮತ್ತು ಲ್ಯಾಂಡ್ ರೋವರ್ ಹಿಂದಿನ ಮೂರು ವರ್ಷಗಳಲ್ಲಿ ದಾಖಲೆಯ ಮಟ್ಟದಲ್ಲಿ ಕಾರುಗಳನ್ನು ಮಾರಾಟ ಮಾಡಿದೆ.
“ಬ್ರಾಂಡ್‌ಗಳೊಂದಿಗೆ ಟಿಂಕರ್ ಮಾಡಲು ಯಾವುದೇ ಕಾರಣವಿಲ್ಲ… ಅವುಗಳನ್ನು ಬೆಳೆಯುವಂತೆ ಮಾಡುವುದು ನಮ್ಮ ಸವಾಲು” ಎಂದು ಖರೀದಿ ಒಪ್ಪಂದವನ್ನು ಘೋಷಿಸಿದ ದಿನಗಳ ನಂತರ ಸ್ವಿಟ್ಜರ್ಲೆಂಡ್‌ನಲ್ಲಿ ನಡೆದ ಜಿನೀವಾ ಮೋಟಾರ್ ಶೋನಲ್ಲಿ ಟಾಟಾ ಹೇಳಿದ್ದರು.
ಜಾಗ್ವಾರ್ ಲ್ಯಾಂಡ್ ರೋವರ್ (JLR), ಮಾರಾಟವು 2011 ರಲ್ಲಿ £ 9,871 ಮಿಲಿಯನ್‌ನಿಂದ 2018 ರ ವೇಳೆಗೆ £ 25,000 ಮಿಲಿಯನ್‌ಗೆ ಏರಿತು. FY24 ಗಾಗಿ, ಕಂಪನಿಯು ನಾಲ್ಕು ಲಕ್ಷಕ್ಕೂ ಹೆಚ್ಚು ವಾಹನಗಳನ್ನು ಮಾರಾಟ ಮಾಡಿದೆ ಎಂದು ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ