ಕಾನ್ಪುರ : ಕಳೆದ ನಾಲ್ಕು ತಿಂಗಳಿಂದ ನಿಗೂಢವಾಗಿ ಕಣ್ಮರೆಯಾಗಿದ್ದ ಮಹಿಳೆಯೊಬ್ಬಳು ಶವವಾಗಿ ಪತ್ತೆಯಾದ ಘಟನೆ ಉತ್ತರ ಪ್ರದೇಶದ ಕಾನ್ಪುರದಲ್ಲಿ ನಡೆದಿದೆ.
ಮಹಿಳೆಯನ್ನು ಹತ್ಯೆ ಮಾಡಿ ಕಾನ್ಪುರ ಜಿಲ್ಲಾ ಮ್ಯಾಜಿಸ್ಟ್ರೇಟ್ (Kanpur District Magistrate) ಬಂಗಲೆಯ ಸಮೀಪವೇ ಅಲ್ಲೇ ಹೂತು ಹಾಕಲಾಗಿತ್ತು. ಈ ಮಹಿಳೆಯನ್ನು ಜಿಮ್ ಟ್ರೇನರ್ ವಿಮಲ್ ಸೋನಿ ಎಂಬಾತ ಬರ್ಬರವಾಗಿ ಕೊಲೆ ಮಾಡಿ ಹೂತು ಹಾಕಿದ್ದಾನೆ ಎಂಬುದು ಪೊಲೀಸ್ ತನಿಖೆ ವೇಳೆ ಬಯಲಾಗಿದೆ.
ಸ್ಥಳೀಯ ನಿವಾಸಿಯೊಬ್ಬರು ನೀಡಿದ ಮಾಹಿತಿ ಮೇರೆಗೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಶವ ಪತ್ತೆ ಮಾಡಿದ್ದರು. ಪೊಲೀಸರು ತನಿಖೆ ವೇಳೆ ಜಿಮ್ ಟ್ರೇನರ್ ವಿಮಲ್ ಸೋನಿ ಕೊಲೆ ಮಾಡಿರುವುದು ತಿಳಿದು ಬಂದಿದೆ.
ಆರೋಪಿ ವಿಮಲ್ ಸೋನಿಯನ್ನು ಕಾನ್ಪುರ ಪೊಲೀಸರು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ. ಆರೋಪಿ ವಿಮಲ್ ಕಾನ್ಪುರ ಗ್ರೀನ್ ಪಾರ್ಕ್ನಲ್ಲಿ ಜಿಮ್ ತರಬೇತುದಾರನಾಗಿದ್ದು, ಕೊಲೆಯಾದ ಮಹಿಳೆ ಆತನ ಜಿಮ್ಗೆ ಹೋಗುತ್ತಿದ್ದಳು. ಮಹಿಳೆಗೆ ವಿವಾಹವಾಗಿದ್ದು, ಆಕೆಯ ಪತಿ ಕಾನ್ಪುರದಲ್ಲಿ ಉದ್ಯಮಿಯಾಗಿದ್ದಾರೆ. ಕೊಲೆಯಾದ ಮಹಿಳೆ ಹಾಗೂ ಆರೋಪಿ ವಿಮಲ್ ನಡುವೆ ಆತ್ಮೀಯ ಗೆಳೆತನ ಇತ್ತು. ತನಗೆ ಮದುವೆ ನಿಶ್ಚಯಾವಾದ ಬಗ್ಗೆ ಆಕೆಗೆ ಅಸಮಧಾನವಿತ್ತು ಎಂದು ಕೊಲೆ ಆರೋಪಿ ವಿಮಲ್ ಸೋನಿ ಹೇಳಿದ್ದಾನೆ.
ಜೂನ್ 24 ರಂದು ಮಹಿಳೆ ಗ್ರೀನ್ ಪಾರ್ಕನಲ್ಲಿರುವ ಜಿಮ್ಗೆ ಬಂದಿದ್ದರು. ನಂತರ ನಾವಿಬ್ಬರೂ ಕಾರಿನಲ್ಲಿ ಕೂತು ನನ್ನ ಮದುವೆಯ ಬಗ್ಗೆ ಮಾತನಾಡಿದಾಗ ಆಕೆ ಸಿಟ್ಟಲ್ಲಿ ನನಗೆ ಅವಾಚ್ಯ ಶಬ್ಧದಿಂದ ನಿಂದಿಸತೊಡಗಿದಳು, ಇದರಿಂದ ಸಿಟ್ಟಿಗೆದ್ದ ನಾನು ಆತ ಆಕೆಯ ಕುತ್ತಿಗೆಗೆ ಗುದ್ದಿದ್ದು, ಬಳಿಕ ಆಕೆ ಮೂರ್ಛೆ ಹೋಗಿದ್ದಾರೆ. ನಂತರ ಕೊಲೆ ಮಾಡಿ ಸರ್ಕಾರಿ ಅಧಿಕಾರಿಗಳಿಗೆ ಮಂಜರೂ ಮಾಡಿದ ವಸತಿ ಪ್ರದೇಶದಲ್ಲಿ ಆಕೆಯನ್ನು ಹೂತು ಹಾಕಿದ್ದೇನೆ ಎಂದು ಅರೋಪಿ ಹೇಳಿಕೆ ನೀಡಿದ್ದಾನೆ.
ಆರೋಪಿಯ ಬಂಧನದ ಬಳಿಕ ಪ್ರಕರಣದ ಬಗ್ಗೆ ಸುದ್ದಿಗಾರರೊಂದಿಗೆ ಮತನಾಡಿದ ಉತ್ತರ ಕಾನ್ಪುರ ಡಿಸಿಪಿ ಶ್ರವಣಕುಮಾರ ಸಿಂಗ್ ಬಂಧಿತ ಆರೋಪಿ ವಿಚಾರಣೆ ವೇಳೆ ತಾನೇ ಕೊಲೆ ಮಾಡಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಆತ ಮೊಬೈಲ್ ಫೋನ್ ಬಳಸದೆ ಇರುವ ಕಾರಣ ತನಿಖೆ ವಿಳಂಬವಾಯಿತು, ಈತನ ಜತೆ ಇನ್ನೂ ಯಾರು ಇದ್ದಾರೆ ಇದೆ ಎಂದು ತನಿಖೆಯಿಂದ ಗೊತ್ತಾಗಲಿದೆ ಎಂದರು .
ಕಾನ್ಪುರ ಹೆದ್ದಾರಿಯಲ್ಲಿ ಮಹಿಳೆಯೊಬ್ಬರ ಅರೆಬೆತ್ತಲೆ ಹಾಗೂ ತಲೆಯಿಲ್ಲದ ಶವ ಇತ್ತೀಚೆಗೆ ಪತ್ತೆಯಾಗಿತ್ತು. ಕಾನ್ಪುರದ ಗುಜೈನಿ ಸಮೀಪ ಮಹಿಳೆಯ ಶವವನ್ನು ಎಸೆಯಲಾಗಿತ್ತು. ಶವ ನೋಡಿದ ಸಾರ್ವಜನಿಕರು ಪೊಲೀಸರಿಗೆ ಮಾಹಿತಿ ನೀಡಿದ್ದರು.
ನಿಮ್ಮ ಕಾಮೆಂಟ್ ಬರೆಯಿರಿ