ಸಿರಿಯಾ ರಾಜಧಾನಿ ದಮಾಸ್ಕಸ್ಗೆ ಪ್ರವೇಶಿಸಲಾಗಿದೆ ಎಂದು ಬಂಡುಕೋರರು ಘೋಷಿಸಿದ ನಂತರ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ಪಲಾಯನ ಮಾಡಿದ್ದಾರೆ. ಇದೇವೇಳೆ ಅಸ್ಸಾದ್ ವಿರೋಧಿ ಬಂಡುಕೋರ ಪಡೆಗಳಿಗೆ ಬೆಂಬಲ ನೀಡಿರುವ ಪ್ರತಿಭಟನಾಕಾರರು, ಬಶರ್ ಅಲ್-ಅಸ್ಸಾದ್ ತಂದೆ ಮತ್ತು ಮಾಜಿ ಅಧ್ಯಕ್ಷ ಹಫೀಜ್ ಅಲ್-ಅಸ್ಸಾದ್ ಅವರ ಪ್ರತಿಮೆಗಳನ್ನು ಕೆಡಗಿದ ನಂತರ ಅದನ್ನು ಬಿದಿಯಲ್ಲಿ ಎಳೆದುಕೊಂಡು ಹೋಗಿದ್ದಾರೆ.
1970 ರಲ್ಲಿ ದಂಗೆಯ ಮೂಲಕ ಅಧಿಕಾರವನ್ನು ವಶಪಡಿಸಿಕೊಂಡ ನಂತರ ಹಫೀಜ್ ಅಲ್-ಅಸ್ಸಾದ್ ಪ್ರಧಾನ ಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡರು ಮತ್ತು 2000 ರಲ್ಲಿ ಸಾಯುವವರೆಗೂ ಸಿರಿಯಾದ ಅಧ್ಯಕ್ಷರಾಗಿದ್ದರು. ನಂತರ ಅವರ ಮಗ ಬಶರ್ ಅಲ್-ಅಸ್ಸಾದ್ ಅಧಿಕಾರಕ್ಕೆ ಬಂದರು ಮತ್ತು ಎರಡು ದಶಕಗಳವರೆಗೆ ಸಿರಿಯಾವನ್ನು ಆಳಿದರು. ಈಗ ಬಂಡುಕೋರರ ಸಶಸ್ತ್ರ ದಂಗೆ ಈಗ ಅವರ ಆಡಳಿತವನ್ನು ಕೊನೆಗೊಳಿಸಿದೆ.
ಸಿರಿಯಾದಲ್ಲಿ ಆಡಳಿತ ಬದಲಾವಣೆಯ ಮಧ್ಯೆ, ರಾಜಧಾನಿ ದಮಾಸ್ಕಸ್ ಮತ್ತು ಇತರ ನಗರಗಳ ಬೀದಿಗಳಿಂದ ಕೆಲವು ನಾಟಕೀಯ ದೃಶ್ಯಗಳು ಮುನ್ನೆಲೆಗೆ ಬಂದಿವೆ. ದಮಾಸ್ಕಸ್ನಿಂದ 200 ಕಿಮೀ ದೂರದಲ್ಲಿರುವ ಹಮಾ ನಗರದಲ್ಲಿ ಹಫೀಜ್ ಅಲ್-ಅಸ್ಸಾದ್ ಪ್ರತಿಮೆಯನ್ನು ಪ್ರತಿಭಟನಾಕಾರರು ಕೆಡವಿರುವುದು ಮತ್ತು ಧ್ವಂಸಗೊಳಿಸಿರುವುದು ವೀಡಿಯೊದಲ್ಲಿ ಕಂಡುಬಂದಿದೆ.
ಮತ್ತೊಂದು ವೀಡಿಯೊದಲ್ಲಿ, ಬಂಡುಕೋರರನ್ನು ಬೆಂಬಲಿಸಿ ಪ್ರತಿಭಟನಾಕಾರರು ಹಫೀಜ್ ಅಲ್-ಅಸ್ಸಾದ್ ಪ್ರತಿಮೆಯ ತುಂಡರಿಸಿದ ತಲೆಯನ್ನು ರಸ್ತೆಯಲ್ಲಿ ಎಳೆದುಕೊಂಡು ಹೋಗುತ್ತಿರುವುದು ಕಂಡುಬಂದಿದೆ. ಲಟಾಕಿಯಾ ನಗರದಲ್ಲಿಯೂ ಸಹ, ಪ್ರತಿಭಟನಾಕಾರರು ಸುತ್ತಲೂ ಸಂಭ್ರಮಾಚರಣೆಯೊಂದಿಗೆ ಹರ್ಷೋದ್ಗಾರ ಮಾಡುತ್ತಿದ್ದಾಗ ಮಾಜಿ ಅಧ್ಯಕ್ಷರ ಪ್ರತಿಮೆಯನ್ನು ಕೆಡವಲಾಯಿತು.
ಸಶಸ್ತ್ರ ಬಂಡುಕೋರರು ನಗರವನ್ನು ಪ್ರವೇಶಿಸುತ್ತಿದ್ದಂತೆ ಸಿರಿಯನ್ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ದಮಾಸ್ಕಸ್ನಿಂದ ಅಜ್ಞಾತ ತಾಣಕ್ಕೆ ಪರಾರಿಯಾಗಿದ್ದಾರೆ ಎಂದು ಮಾಧ್ಯಮ ವರದಿಗಳು ಹೇಳಿವೆ. ಸಿರಿಯಾದಲ್ಲಿನ ಬಂಡುಕೋರರು ಮತ್ತು ಅವರ ಬೆಂಬಲಿಗರು ಈ ಕ್ಷಣವನ್ನು “ಸಾಂಕೇತಿಕ” ಎಂದು ಕರೆದರು, ಅವರು ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ಅವರ ಅಡಿಯಲ್ಲಿ ಸಾಕಷ್ಟು ತೊಂದರೆ ಅನುಭವಿಸಿದ್ದಾಗಿ ಹೇಳಿದ್ದಾರೆ.
ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ರಷ್ಯಾದ ಮತ್ತು ಇರಾನ್ ನೆರವು ಬಳಸಿಕೊಂಡು ವರ್ಷಗಳ ಅಂತರ್ಯುದ್ಧದ ಸಮಯದಲ್ಲಿ ತಮ್ಮ ವಿರೋಧಿ ಪಡೆಗಳನ್ನು ಸೋಲಿಸಿದರು. ಆದಾಗ್ಯೂ, ಅವರು ಅವರನ್ನು ಎಂದಿಗೂ ಸಂಪೂರ್ಣವಾಗಿ ಸೋಲಿಸಲಿಲ್ಲ. ಬದಲಾಗಿ ದುರ್ಬಲಗೊಳಿಸಿದ್ದರು.
ಈವರೆಗೆ ಸಿರಿಯಾ ಅಧ್ಯಕ್ಷ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ಅವರ ಬೆಂಬಲಕ್ಕಿದ್ದ ರಷ್ಯಾ ಮತ್ತು ಇರಾನ್ ಇತರ ಸಂಘರ್ಷದಲ್ಲಿ ತೊಡಗಿಕೊಂಡಿರುವುದರಿಂದ ಮತ್ತು ಲೆಬನಾನ್ ಮೂಲದ ಹಿಜ್ಬುಲ್ಲಾ ಇಸ್ರೇಲ್ನೊಂದಿಗಿನ ಯುದ್ಧದಿಂದ ದುರ್ಬಲವಾಗಿರುವುದರಿಂದ ಸಕ್ರಿಯವಾದ ಬಂಡುಕೋರ ಪಡೆಗಳು ನಿರಂಕುಶ ಆಡಳಿತಗಾರ ಅಸ್ಸಾದ್ ಅವರನ್ನು ಅಧಿಕಾರದಿಂದ ಕಿತ್ತೊಗೆಯುವಲ್ಲಿ ಯಶಸ್ವಿಯಾಗಿದ್ದಾರೆ ಎನ್ನಲಾಗುತ್ತಿದೆ.
ಸಿರಿಯಾದಲ್ಲಿ, ವಿರೋಧ ಪಡೆಗಳು ಡಮಾಸ್ಕಸ್ನ ಕುಖ್ಯಾತ ಸೆಡ್ನಾಯಾ ಜೈಲಿನಿಂದ ಎಲ್ಲಾ ಬಂಧಿತರನ್ನು ಬಿಡುಗಡೆ ಮಾಡಿದೆ ಎಂದು ವರದಿಯಾಗಿದೆ, “ಸೆಡ್ನಾಯಾ ಜೈಲಿನಲ್ಲಿ ದಬ್ಬಾಳಿಕೆಯ ಯುಗದ ಅಂತ್ಯ” ಎಂದು ಅದು ಘೋಷಿಸಿತು.2011 ರಲ್ಲಿ ಶಾಂತಿಯುತವಾಗಿ ನಡೆಯುತ್ತಿದ್ದ ಸರ್ಕಾರ ವಿರೋಧಿ ಪ್ರತಿಭಟನೆಗಳನ್ನು ದಮನಿಸಿದ ನಂತರ ಬಶರ್ ಅಲ್ ಅಸ್ಸಾದ್ ವಿರುದ್ಧ ಸಶಸ್ತ್ರ ಬಂಡಾಯವು ಪ್ರಾರಂಭವಾಯಿತು. ಕಾಲಾನಂತರದಲ್ಲಿ, ಆಂದೋಲನವು ವಿದೇಶಿ ಶಕ್ತಿಗಳಲ್ಲಿ ಸಂಕೀರ್ಣವಾದ ಸಂಘರ್ಷವನ್ನು ಉಂಟುಮಾಡಿತು ಮತ್ತು ಐದು ಜನರು ಸತ್ತರು ಮತ್ತು ಇನ್ನೂ ಅನೇಕರು ಬೇರಡೆಗೆ ಸ್ಥಳಾಂತರಗೊಂಡರು.
ನಿಮ್ಮ ಕಾಮೆಂಟ್ ಬರೆಯಿರಿ