ಬಿಕಾನೇರ್: ಕಾರೊಂದು ಎಂಟು ಸಲ ಪಲ್ಟಿ ಹೊಡೆದರೂ ಅದರೊಳಗಿದ್ದ ಪವಾಡ ಸದೃಶ ರೀತಿಯಲ್ಲಿ ಪಾರಾದ ಘಟನೆ ರಾಜಸ್ಥಾನದ ನಗೌರ್‌ನ ಹೆದ್ದಾರಿಯಲ್ಲಿ ಶುಕ್ರವಾರ ನಡೆದಿದೆ. ಭೀಕರ ಅಪಘಾತದ ದೃಶ್ಯ ವೀಡಿಯೊದಲ್ಲಿ ಸೆರೆಯಾಗಿದ್ದು, ಕಾರು ಎಂಟು ಬಾರಿ ಪಲ್ಟಿಯಾಗಿದ್ದರೂ ಅದರೊಳಗಿದ್ದ ಐವರು ಪ್ರಯಾಣಿಕರು ಸುರಕ್ಷಿತವಾಗಿ ಪಾರಾಗಿದ್ದಾರೆ. ಅಲ್ಲದೆ, ಅಲ್ಲೆ ಇದ್ದ ಶೋರೂಂಗೆ ಹೋಗಿ ಚಹಾ ಕೇಳಿದ್ದಾರೆ…!
ಸಿಸಿಟಿವಿ ದೃಶ್ಯಾವಳಿಯು ಐದು ಜನರಿದ್ದ ಎಸ್‌ಯುವಿ ಹೆದ್ದಾರಿಯಲ್ಲಿ ವೇಗವಾಗಿ ಚಲಿಸುತ್ತಿರುವುದನ್ನು ತೋರಿಸುತ್ತದೆ. ಕಾರು ಚಾಲಕ ಟರ್ನ್‌ ತೆಗೆದುಕೊಳ್ಳುತ್ತಿದ್ದಂತೆ ಅದು ನಿಯಂತ್ರಣ ತಪ್ಪಿದಂತಿದೆ. ಗೇಟ್‌ವೊಂದಕ್ಕೆ ಡಿಕ್ಕಿ ಹೊಡೆದ ನಂತರ ವಾಹನವು ಕನಿಷ್ಠ ಎಂಟು ಬಾರಿ ಪಲ್ಟಿಯಾಯಿತು ಮತ್ತು ಕಾರ್ ಶೋರೂಮ್ ಮೇಲಿನ ಟೆರೇಸ್‌ ಹೋಗಿ ತಲೆಕೆಳಗಾದ ಸ್ಥಿತಿಯಲ್ಲಿ ಸಿಲುಕಿಕೊಂಡಿತು. ಡಿಕ್ಕಿಯ ರಭಸಕ್ಕೆ ಕಾರ್ ಕಂಪನಿಯ ಮುಖ್ಯ ಗೇಟ್‌ಗೆ ಡಿಕ್ಕಿ ಹೊಡೆದಿರುವುದನ್ನು ದೃಶ್ಯಗಳು ತೋರಿಸಿವೆ.
ಅದೃಷ್ಟವಶಾತ್‌ ಘಟನೆಯಲ್ಲಿ ಯಾವುದೇ ಪ್ರಯಾಣಿಕರಿಗೆ ಗಾಯಗಳಾಗಿಲ್ಲ. ಅಧಿಕಾರಿಗಳ ಪ್ರಕಾರ, ಕಾರು ಪಲ್ಟಿಯಾಗುತ್ತಿರುವಾಗ ಚಾಲಕ ಮೊದಲು ಕಾರಿನಿಂದ ಜಿಗಿದಿದ್ದಾನೆ. ಶೋರೂಂ ಮುಂದೆ ಕಾರು ಸಿಲುಕಿದ ನಂತರ ಉಳಿದ ನಾಲ್ವರು ಪ್ರಯಾಣಿಕರು ಹೊರಬಂದರು.
ನಂತರ ಅವರು ಬದಲಾಗಿ ಶೋರೂಮ್ ಒಳಗೆ ಹೋಗಿ, “ಹಮ್‌ ಕೊ ಚಾಯ್ ಪಿಲಾ ದೋ” (ನಮಗೆ ಚಹಾ ನೀಡಿ) ಎಂದು ಕೇಳಿದ್ದಾರೆ. “ಯಾರಿಗೂ ಗಾಯವಾಗಿಲ್ಲ … ದೇಹದ ಮೇಲೆ ಒಂದು ಗೀರು ಕೂಡ ಆಗಿಲ್ಲ. ಅವರು ಶೋರೂಂ ಪ್ರವೇಶಿಸಿದ ತಕ್ಷಣ ಅವರು ಚಹಾವನ್ನು ಕೇಳಿದರು ಎಂದು ಕಾರ್ ಏಜೆನ್ಸಿಯಲ್ಲಿ ಕೆಲಸ ಮಾಡುವ ಸಿಬ್ಬಂದಿಯೊಬ್ಬರು ಹೇಳಿದರು. ಪ್ರಯಾಣಿಕರು ನಾಗೌರ್‌ನಿಂದ ಬಿಕಾನೇರ್‌ಗೆ ಪ್ರಯಾಣಿಸುತ್ತಿದ್ದರು ಎಂದು ಅವರು ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ