ಪ್ರಯಾಗರಾಜ್‌ : ಐಎಎಸ್ ಅಧಿಕಾರಿಯಾಗುವ ಕನಸು ಕಂಡಿದ್ದ ಆಗ್ರಾದ ರಾಖಿ ಎಂಬ 13 ವರ್ಷದ ಬಾಲಕಿ ಮಹಾ ಕುಂಭಮೇಳದಲ್ಲಿ ‘ಸಾಧ್ವಿ’ ಆಗುವ ಇಚ್ಛೆ ವ್ಯಕ್ತಪಡಿಸಿದ ನಂತರ ಆಕೆಯ ಪೋಷಕರು ಆಕೆಯ ನಿರ್ಧಾರವನ್ನು ದೈವಿಕ ಇಚ್ಛೆಯಂತೆ ಸ್ವೀಕರಿಸಿ, ಅವಳನ್ನು ಜುನಾ ಅಖಾಡಾದ ಸುಪರ್ದಿಗೆ ನೀಡಿದ್ದಾರೆ.
ವರದಿಗಳ ಪ್ರಕಾರ, ಆಗ್ರಾದ 13 ವರ್ಷದ ಬಾಲಕಿಯೊಬ್ಬಳು ಐಎಎಸ್ ಅಧಿಕಾರಿಯಾಗುವ ಕನಸನ್ನು ತ್ಯಜಿಸಿ ‘ಸಾಧ್ವಿ’ಯಾಗಿ ಜೀವನ ನಡೆಸಲು ನಿರ್ಧರಿಸಿದ್ದಾಳೆ. ಈ ಹಿಂದೆ, ರಾಖಿ ಐಎಎಸ್‌ಗೆ ಸೇರುವ ಕನಸು ಕಂಡಿದ್ದರು, ಆದರೆ ಮಹಾ ಕುಂಭಮೇಳದಲ್ಲಿ ಅವಳಿಗಾದ ಲೌಕಿಕ ಜೀವನದ ನಿರ್ಲಿಪ್ತತೆ ಅನುಭವವು ಅವಳನ್ನು ಮರುಪರಿಶೀಲಿಸುವಂತೆ ಮಾಡಿತು ಎಂದು ಆಕೆಯ ತಾಯಿ ರೀಮಾ ಸಿಂಗ್ ಹೇಳಿದ್ದಾರೆ.
ಆಗ್ರಾದಲ್ಲಿ ನೆಲೆಸಿರುವ ಆಕೆಯ ಕುಟುಂಬವು ಜುನಾ ಅಖಾಡದ ಮಹಂತ ಕೌಶಲ ಗಿರಿ ಮಹಾರಾಜ ಅವರ ಸಂಪರ್ಕಕ್ಕೆ ಬಂದಾಗ 13 ವರ್ಷದ ಬಾಲಕಿ ರಾಖಿಯ ಅಧ್ಯಾತ್ಮಿಕ ಪ್ರಯಾಣ ಪ್ರಾರಂಭವಾಯಿತು. ಕಳೆದ ಮೂರು ವರ್ಷಗಳಿಂದ, ಮಹಂತ ಕೌಶಲ ಗಿರಿ ಅವರು ಭಾಗವತ ಕತೆ ಪ್ರವಚನ ನಡೆಸಲು ಅವಳ ಗ್ರಾಮಕ್ಕೆ ಭೇಟಿ ನೀಡುತ್ತಿದ್ದರು, ಈ ಸಮಯದಲ್ಲಿ ರಾಖಿ ತನ್ನ ಕುಟುಂಬದೊಂದಿಗೆ ಅವರ ಬೋಧನೆಗಳಿಂದ ಆಳವಾಗಿ ಪ್ರಭಾವಿತರಾದರು. ಈ ಕಾರ್ಯಕ್ರಮದಲ್ಲಿ ರಾಖಿ ತನ್ನ ಗುರು ದೀಕ್ಷೆಯನ್ನು ತೆಗೆದುಕೊಂಡಳು, ಇದು ರಾಖಿಯ ಅಧ್ಯಾತ್ಮಿಕ ಪ್ರಯಾಣದ ಆರಂಭವನ್ನು ಸೂಚಿಸಿದೆ.
2025 ರ ಮಹಾಕುಂಭಕ್ಕೆ ಮುಂಚಿತವಾಗಿ, ಕುಟುಂಬವು ಶಿಬಿರದಲ್ಲಿ ಸೇವೆ ಸಲ್ಲಿಸಲು ಪ್ರಯಾಗರಾಜಕ್ಕೆ ಪ್ರಯಾಣಿಸಿತ್ತು ಮತ್ತು ಇಲ್ಲಿಯೇ ರಾಖಿ ಸಾಧ್ವಿಯಾಗಲು ತನ್ನ ಇಚ್ಛೆಯನ್ನು ವ್ಯಕ್ತಪಡಿಸಿದಳು. “ಜುನಾ ಅಖಾಡದ ಮಹಂತ ಕೌಶಲ ಗಿರಿ ಮಹಾರಾಜ ಅವರು ಕಳೆದ ಮೂರು ವರ್ಷಗಳಿಂದ ನಮ್ಮ ಗ್ರಾಮಕ್ಕೆ ಭಾಗವತ ಕತಾ ಪ್ರವಚನ ನಡೆಸಲು ಬರುತ್ತಿದ್ದಾರೆ. ಅಂತಹ ಒಂದು ಪ್ರವಚನ ಕಾರ್ಯಕ್ರಮದಲ್ಲಿ ನನ್ನ ಮಗಳು ರಾಖಿ ಅವರಿಂದ ತನ್ನ ಗುರು ದೀಕ್ಷೆ ತೆಗೆದುಕೊಂಡಳು” ಎಂದು ಜುನಾ ಅಖಾರಾ ಶಿಬಿರದಲ್ಲಿ ನೆಲೆಸಿರುವ ರೀಮಾ ತಿಳಿಸಿದ್ದಾರೆ.
ಕೌಶಲ ಗಿರಿ ಮಹಾರಾಜ ಅವರು ಮಹಾಕುಂಭ ಶಿಬಿರದಲ್ಲಿ ಸೇವೆ ಸಲ್ಲಿಸಲು ಕಳೆದ ತಿಂಗಳು ತಮ್ಮ ಪತಿ ಸಂದೀಪ ಸಿಂಗ್ ಮತ್ತು ಅವರ ಇಬ್ಬರು ಪುತ್ರಿಯರನ್ನು ಆಹ್ವಾನಿಸಿದ್ದರು ಎಂದು ರೀಮಾ ವಿವರಿಸಿದರು. “ಒಂದು ದಿನ, ರಾಖಿ ಸಾಧ್ವಿಯಾಗಬೇಕೆಂಬ ತನ್ನ ಇಚ್ಛೆಯನ್ನು ವ್ಯಕ್ತಪಡಿಸಿದಳು. ಅದು ದೇವರ ಇಚ್ಛೆ ಎಂದು ನಂಬಿ, ನಾವು ಅವಳ ಇಚ್ಛೆಗೆ ಯಾವುದೇ ಆಕ್ಷೇಪಣೆ ವ್ಯಕ್ತಪಡಿಸಲಿಲ್ಲ” ಎಂದು ಅವರು ಹೇಳಿದರು.
ಆಗ್ರಾ ಮೂಲದ ಕುಟುಂಬವು ತಮ್ಮ ಹೆಣ್ಣುಮಕ್ಕಳಾದ 13 ವರ್ಷದ ರಾಖಿ ಮತ್ತು 8 ವರ್ಷದ ನಿಕ್ಕಿಗೆ ಶಿಕ್ಷಣ ನೀಡಲು ನಗರದಲ್ಲಿ ಮನೆಯೊಂದನ್ನು ಬಾಡಿಗೆಗೆ ಪಡೆದಿತ್ತು. ಸಂದೀಪ್ ಸಿಂಗ ಮಿಠಾಯಿ ವ್ಯಾಪಾರ ನಡೆಸುತ್ತಿದ್ದಾರೆ. “ರಾಖಿ ಐಎಎಸ್ ಅಧಿಕಾರಿಯಾಗಬೇಕೆಂದು ಕನಸು ಕಂಡಿದ್ದರು, ಆದರೆ ಮಹಾಕುಂಭದ ಸಮಯದಲ್ಲಿ ಅವರು ಲೌಕಿಕ ಜೀವನದಿಂದ ನಿರ್ಲಿಪ್ತತೆಯನ್ನು ಅನುಭವಿಸಿದರು” ಎಂದು ರೀಮಾ ಹೇಳಿದರು.
ಕುಟುಂಬವು ಮನಃಪೂರ್ವಕವಾಗಿ ತಮ್ಮ ಮಗಳನ್ನು ಆಶ್ರಮಕ್ಕೆ ಒಪ್ಪಿಸಿದೆ ಎಂದು ಮಹಂತ ಕೌಶಲ ಗಿರಿ ದೃಢಪಡಿಸಿದರು. “ಯಾವುದೇ ಬಲವಂತವಿಲ್ಲದೆ ಈ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ. ಕೆಲವು ಸಮಯದಿಂದ ಕುಟುಂಬವು ನಮ್ಮೊಂದಿಗೆ ಸಂಪರ್ಕದಲ್ಲಿದೆ, ಮತ್ತು ಅವರ ಕೋರಿಕೆಯ ಮೇರೆಗೆ ರಾಖಿಯನ್ನು ಆಶ್ರಮಕ್ಕೆ ಸ್ವೀಕರಿಸಲಾಗಿದೆ. ಅವಳು ಇನ್ನು ಮುಂದೆ ಗೌರಿ ಗಿರಿ ಎಂದು ಕರೆಯಲ್ಪಡುತ್ತಾಳೆ” ಎಂದು ಅವರು ಹೇಳಿದರು.
ತನ್ನ ಮಗಳ ಕಾಳಜಿಯ ಬಗ್ಗೆ ಕೇಳಿದಾಗ, ರೀಮಾ ಹೇಳಿದರು, “ಒಬ್ಬ ತಾಯಿಯಾಗಿ, ಅವಳು ಎಲ್ಲಿದ್ದಾಳೆ ಮತ್ತು ಹೇಗಿದ್ದಾಳೆ ಎಂದು ನಾನು ಯಾವಾಗಲೂ ಚಿಂತಿಸುತ್ತೇನೆ. ನಾವು ನಮ್ಮ ಮಗಳನ್ನು ಆಶ್ರಮಕ್ಕೆ ಏಕೆ ಒಪ್ಪಿಸಿದ್ದೇವೆ ಎಂದು ಸಂಬಂಧಿಕರು ಆಗಾಗ್ಗೆ ಪ್ರಶ್ನಿಸುತ್ತಾರೆ. ಇದು ದೇವರ ಆಶಯವಾಗಿದೆ” ಎಂದು ಎಂದು ಹೇಳಿದ್ದಾರೆ.
ಲೌಕಿಕ ಜೀವನದ ಪರಿತ್ಯಾಗದ ಪ್ರಕ್ರಿಯೆ..
ಅಖಾಡದ ಸಂತರೊಬ್ಬರು, ಗೌರಿಯ “ಪಿಂಡ ದಾನ” (ಪರಿತ್ಯಾಗಕ್ಕಾಗಿ ಧಾರ್ಮಿಕ ಅರ್ಪಣೆಗಳು) ಮತ್ತು ಇತರ ಧಾರ್ಮಿಕ ಸಮಾರಂಭಗಳನ್ನು ಜನವರಿ 19 ರಂದು ನಡೆಸಲಾಗುವುದು, ನಂತರ ಅವರನ್ನು ಔಪಚಾರಿಕವಾಗಿ ಗುರುವಿನ ಬಳಗದ ಭಾಗವೆಂದು ಪರಿಗಣಿಸಲಾಗುವುದು ಎಂದು ಉಲ್ಲೇಖಿಸಿದ್ದಾರೆ. ಪರಿತ್ಯಾಗದ ಪ್ರಕ್ರಿಯೆ ಪದ್ಧತಿಯು ಶತಮಾನಗಳ-ಹಳೆಯ ಸಂಪ್ರದಾಯದ ಭಾಗವಾಗಿದೆ, ಇದು ಅಧ್ಯಾತ್ಮಿಕ ಅನ್ವೇಷಕರು ಸೇವೆ ಮತ್ತು ಭಕ್ತಿಯ ಜೀವನಕ್ಕೆ ತಮ್ಮನ್ನು ಅರ್ಪಿಸಿಕೊಳ್ಳಲು ಲೌಕಿಕ ಬಾಂಧವ್ಯಗಳನ್ನು ಪರತ್ಯಾಗ ಮಾಡುವ ದೀಕ್ಷೆಯನ್ನು ಒಳಗೊಂಡಿರುತ್ತದೆ. ಈ ಪ್ರಕ್ರಿಯೆಯು “ಪಿಂಡ ದಾನ” ಸಮಾರಂಭದಂತಹ ಆಚರಣೆಗಳನ್ನು ಒಳಗೊಂಡಿರುತ್ತದೆ, ಇದು ಲೌಕಿಕ ಜೀವನದ ಪರಿತ್ಯಾಗಕ್ಕೆ ಔಪಚಾರಿಕ ಪ್ರವೇಶವನ್ನು ಸೂಚಿಸುತ್ತದೆ. ಜನವರಿ 19 ರಂದು, ರಾಖಿ (ಈಗ ಗೌರಿ ಗಿರಿ), ಈ ವಿಧಿಗಳಿಗೆ ಒಳಗಾಗುತ್ತಳೆ, ಅಧಿಕೃತವಾಗಿ ಗುರುಗಳ ಪರಿವಾರದ ಭಾಗವಾಗುತ್ತಾಳೆ.
ನಿಮ್ಮ ಕಾಮೆಂಟ್ ಬರೆಯಿರಿ