ನೀಲಿ ತಾರೆಗೆ ಲಂಚ ಪ್ರಕರಣದಲ್ಲಿ ಟ್ರಂಪ್‌ ಅಪರಾಧಿ; ಬೇಷರತ್‌ ಬಿಡುಗಡೆಯೇ ಶಿಕ್ಷೆ..

ವಾಷಿಂಗ್ಟನ್ : ನೀಲಿ ಚಿತ್ರ ತಾರೆ ಸ್ಟಾರ್ಮಿ ಡೆನಿಯಲ್ಸ್ ಅವರಿಗೆ ಲಂಚ ನೀಡಿದ ಪ್ರಕರಣದಲ್ಲಿ ದೋಷಿಯಾಗಿರುವ ಅಮೆರಿಕದ ನಿಯೋಜಿತ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಿಗೆ ಜೈಲು ಶಿಕ್ಷೆ ನೀಡದೆ ಅವರಿಗೆ ಬಿಡುಗಡೆಯ ಶಿಕ್ಷೆ ನೀಡಿದ್ದಾರೆ.
ಇದರರ್ಥ ಚುನಾಯಿತ ಅಧ್ಯಕ್ಷರು ತಮ್ಮ ಮೇಲಿನ ಆರೋಪಗಳಿಗೆ ತಪ್ಪಿತಸ್ಥರೆಂದು ಕಂಡುಬಂದಿದ್ದಾರೆ, ಆದರೆ ಅವರು ಅಮೆರಿಕದ ಅಧ್ಯಕ್ಷರಾಗಿ ಚುನಾಯಿತರಾಗಿರುವುದರಿಂದ ಯಾವುದೇ ಜೈಲು ಶಿಕ್ಷೆ ಅಥವಾ ದಂಡ ವಿಧಿಸಲಾಗಿಲ್ಲಮತ್ತು ಜನವರಿ 20 ರಂದು ದೇಶದ ಅಧ್ಯಕ್ಷರಾಗಿ ಪ್ರಮಾಣವಚನ ಸ್ವೀಕರಿಸಬಹುದಾಗಿದೆ.
ಮ್ಯಾನ್‌ಹ್ಯಾಟನ್ ನ್ಯಾಯಾಧೀಶ ಜಾನ್ ಎಂ ಮರ್ಚಂಟ್ ಅವರು, ಅಮೆರಿಕದ ನಿಯೋಜಿತ ಅಧ್ಯಕ್ಷರು ಶ್ವೇತಭವನದಲ್ಲಿ ಮೊದಲ ಅಪರಾಧಿಯಾಗುವುದನ್ನು ತಪ್ಪಿಸಲು ಬೇಷರತ್ತಾದ ಬಿಡುಗಡೆ ಶಿಕ್ಷೆ ನೀಡಿದ್ದಾರೆ.

ಪ್ರಕರಣದಲ್ಲಿ ಟ್ರಂಪ್ ದೋಷಿ ಎಂದು ಘೋಷಿಸಿದ್ದ ಮ್ಯಾನ್‌ಹ್ಯಾಟನ್ ಕೋರ್ಟ್, ಶಿಕ್ಷೆಯ ಪ್ರಮಾಣವನ್ನು ಶುಕ್ರವಾರಕ್ಕೆ ಕಾಯ್ದಿರಿಸಿತ್ತು. ತೀರ್ಪು ಪ್ರಕಟಿಸಿದ ನ್ಯಾಯಾಧೀಶರು, ಟ್ರಂಪ್‌ ಅವರಿಗೆ ಯಾವುದೇ ಜೈಲು ಶಿಕ್ಷೆ ವಿಧಿಸದೆ ಬಿಡುಗಡೆಯ ಶಿಕ್ಷೆ ವಿಧಿಸಿದರು ಎಂದು ಅಸೋಸಿಯೇಟೆಡ್ ಪ್ರೆಸ್ ವರದಿ ಮಾಡಿದೆ.
ಈ ನಿರ್ಧಾರವು ಟ್ರಂಪ್ ಅವರಿಗೆ ಜೈಲು ಶಿಕ್ಷೆ ಅಥವಾ ದಂಡ ಇಲ್ಲದೆ ಶ್ವೇತಭವನ ಪ್ರವೇಶಿಸಲು ಅವಕಾಶ ನೀಡುತ್ತದೆ.
ಹಾಗಾಗಿ, ಮೇ 2024 ರಲ್ಲಿ ಡೊನಾಲ್ಡ್ ಟ್ರಂಪ್ ಅವರು ತಪ್ಪಿತಸ್ಥರೆಂದು ಸಾಬೀತಾಗಿರುವ ದಾಖಲೆಗಳ 34 ಆರೋಪಗಳಲ್ಲಿ ಸಂಭಾವ್ಯ ಜೈಲು ಶಿಕ್ಷೆಯನ್ನು ವಿಧಿಸಬಹುದಾಗಿದ್ದರೂ ನ್ಯಾಯಾಧೀಶರು ಚುನಾಯಿತ ಅಧ್ಯಕ್ಷರನ್ನು ಉಳಿಸಬೇಕಾಯಿತು. ಅವರು ಅಧ್ಯಕ್ಷರಾಗಿರದಿದ್ದರೆ, ಡೊನಾಲ್ಡ್ ಟ್ರಂಪ್ ನಾಲ್ಕು ವರ್ಷಗಳ ಅವಧಿಗೆ ಜೈಲು ಪಾಲಾಗುತ್ತಿದ್ದರು. ತೀರ್ಪು ಸಾಂವಿಧಾನಿಕ ಸಂಕೀರ್ಣತೆಗಳನ್ನು ತಪ್ಪಿಸಿದೆ. ಟ್ರಂಪ್‌ ಈಗ ನಾಲ್ಕು ವರ್ಷ ಅಮೆರಿಕದ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಲಿದ್ದಾರೆ.

“ಈ ನೆಲಸ ಅತ್ಯುನ್ನತ ಕಚೇರಿಯನ್ನು ಅತಿಕ್ರಮಿಸದೆಯೇ ಶಿಕ್ಷೆಯ ತೀರ್ಪನ್ನು ಅನುಮತಿಸುವ ಏಕೈಕ ಕಾನೂನುಬದ್ಧ ಶಿಕ್ಷೆಯು ಬೇಷರತ್ತಾದ ಬಿಡುಗಡೆಯಾಗಿದೆ ಎಂದು ಈ ನ್ಯಾಯಾಲಯವು ನಿರ್ಧರಿಸಿದೆ” ಎಂದು ನ್ಯೂಯಾರ್ಕ್ ನ್ಯಾಯಾಧೀಶ ಜುವಾನ್ ಮರ್ಚನ್ ಶಿಕ್ಷೆಯನ್ನು ಪ್ರಕಟಿಸಿದರು.
“ಈ ನ್ಯಾಯಾಲಯವು ಇಂತಹ ವಿಶಿಷ್ಟ ಮತ್ತು ಗಮನಾರ್ಹ ಸನ್ನಿವೇಶಗಳೊಂದಿಗೆ ಹಿಂದೆಂದೂ ತೀರ್ಪು ನೀಡಿಲ್ಲ” ಎಂದು ಹೇಳಿದರು. ಸಂವಿಧಾನವು ಅಮೆರಿಕದ ಅತ್ಯುನ್ನತ ಹುದ್ದೆಯನ್ನು ರಕ್ಷಿಸುವ ಮೂಲಕ, ಮಾಜಿ ಅಧ್ಯಕ್ಷರಿಗೆ “ಬೇಷರತ್ತಾದ ಬಿಡುಗಡೆ” ತೀರ್ಪು ನೀಡುವುದನ್ನು ಹೊರತುಪಡಿಸಿ ನ್ಯಾಯಾಧೀಶರಿಗೆ ಬೇರೆ ಆಯ್ಕೆ ಇರಲಿಲ್ಲ.
ನೀಲಿ ಚಿತ್ರ ತಾರೆ ಸ್ಟಾರ್ಮಿ ಡೇನಿಯಲ್ಸ್ ಅವರನ್ನು ಬಾಯಿ ಮುಚ್ಚಿಸಲು ನೀಡಿದ ಹಣದ ವಿಚಾರವನ್ನು ಮುಚ್ಚಿಡಲು ಟ್ರಂಪ್ ಅವರು ತಮ್ಮ ಉದ್ಯಮ ವ್ಯವಹಾರಗಳ ದಾಖಲೆಯನ್ನೇ ತಿರುಚಿದ ಪ್ರತಿ 34 ಆರೋಪಗಳಲ್ಲಿಯೂ ತಪ್ಪಿತಸ್ಥರಾಗಿದ್ದಾರೆ ಎಂದು ನ್ಯಾಯಾಧೀಶರು ಹೇಳಿದ್ದಾರೆ. ಪ್ರತಿ ಪ್ರಕರಣದಲ್ಲಿಯೂ ಅವರು 4 ವರ್ಷಗಳ ಕಾಲ ಸೆರೆವಾಸ ಶಿಕ್ಷೆಗೆ ಗುರಿಯಾಗಬಹುದಾಗಿತ್ತು.