ಸುಸ್ಥಿರ ಚಲನಶೀಲ ಕಂಪನಿಯಾಗಿರುವ ಅಲೆಫ್ ಏರೋನಾಟಿಕ್ಸ್ ಹಾರುವ ಕಾರು ತಯಾರಿಸುವ ಕಂಪನಿ ಕ್ಯಾಲಿಫೋರ್ನಿಯಾದಲ್ಲಿ ತನ್ನ ಹಾರುವ ಕಾರಿನ ಹಾರಾಟದ ಪರೀಕ್ಷೆಯನ್ನು ಯಶಸ್ವಿಯಾಗಿ ನಡೆಸುವ ಮೂಲಕ ಇತಿಹಾಸ ನಿರ್ಮಿಸಿದೆ.
ಕಂಪನಿಯು ಇದರ ವೀಡಿಯೊವನ್ನು ಸಹ ಬಿಡುಗಡೆ ಮಾಡಿದೆ. ಅಲೆಫ್ ಏರೋನಾಟಿಕ್ಸ್ ನ 2.5 ಕೋಟಿ ರೂ.ಗಳ ($300,000) ಹಾರುವ ಕಾರನ್ನು ಬೀದಿಗಳಲ್ಲಿ ಸಾಮಾನ್ಯ ಕಾರಿನಂತೆ ಓಡಿಸಬಹುದು. ಆದರೆ ಇದು ಬಾನೆಟ್ನಲ್ಲಿ ಪ್ರೊಪೆಲ್ಲರ್ಗಳನ್ನು ಹೊಂದಿರದವುರಿಂದ ಹಾಗೂ ಯಾವುದೇ ಸಮಯದಲ್ಲಿ ಟೇಕ್ ಆಫ್ ಮಾಡಲು ಬೂಟ್ ಅನ್ನು ಸಹ ಹೊಂದಿದೆ. ಅಮೆರಿಕದ ವಾಹನ ತಯಾರಕ ಕಂಪನಿ ಅಲೆಫ್ ಏರೋನಾಟಿಕ್ಸ್ ವಾಹನವು ಆಕಾಶಕ್ಕೆ ಹಾರುವ ಕಾರಿನ ಮೊದಲ ವೀಡಿಯೊವನ್ನು ಬಿಡುಗಡೆ ಮಾಡಿದೆ.
ಕಟ್ಟುನಿಟ್ಟಾದ ಸುರಕ್ಷತಾ ಪ್ರೋಟೋಕಾಲ್ಗಳ ಅಡಿಯಲ್ಲಿ ಈ ಪರೀಕ್ಷೆ ನಡೆಸಲಾಯಿತು. ರಸ್ತೆಯನ್ನು ಬಂದ್ ಮಾಡಲಾಗಿತ್ತು, ಸುರಕ್ಷತಾ ಸಿಬ್ಬಂದಿ ನಿಯೋಜಿಸಿ ಕಡಿಮೆ ಜನ ಸಾಂದ್ರತೆಯ ಪ್ರದೇಶದಲ್ಲಿ ಪರೀಕ್ಷೆ ನಡೆಯಿತು. ಯಾವುದೇ ಸಮಸ್ಯೆಗಳಿಲ್ಲದೆ ವಿಮಾನ ಹಾರಾಟ ಪೂರ್ಣಗೊಳಿಸಲಾಯಿತು.
ಅಲೆಫ್ ಅವರ ಮೊದಲ ಗ್ರಾಹಕ ಹಾರುವ ಕಾರು, ಮಾಡೆಲ್ A, ಸುಮಾರು $300,000( 2.5 ಕೋಟಿ ರೂ.) ಬೆಲೆಯಿಂದ ಪ್ರಾರಂಭವಾಗುವ ನಿರೀಕ್ಷೆಯಿದೆ. ಆಸಕ್ತ ಖರೀದಿದಾರರು $150 ಕ್ಕಿಂತ ಕಡಿಮೆ ಠೇವಣಿಯೊಂದಿಗೆ ಮುಂಗಡವಾಗಿ ಆರ್ಡರ್ ಮಾಡಬಹುದು. ಇಲ್ಲಿಯವರೆಗೆ, ಅಲೆಫ್ ತನ್ನ ಎಲೆಕ್ಟ್ರಿಕ್ ಫ್ಲೈಯಿಂಗ್ ಕಾರಿಗೆ 3,300 ಮುಂಗಡ ಆರ್ಡರ್ಗಳನ್ನು ಪಡೆದುಕೊಂಡಿದೆ.
ಆರಂಭಿಕ ಹಂತದ ಸ್ಟಾರ್ಟ್ಅಪ್ನಂತೆ, ನಾವು ನಮ್ಮ ಬೌದ್ಧಿಕ ಆಸ್ತಿಯನ್ನು ರಕ್ಷಿಸಬೇಕಾಗಿದೆ, ಆದ್ದರಿಂದ ಎಲ್ಲವನ್ನೂ ಇನ್ನೂ ಸಾರ್ವಜನಿಕವಾಗಿ ತೋರಿಸಲು ಆಗುವುದಿಲ್ಲ” ಎಂದು ಅಲೆಫ್ನ ಸಿಇಒ ಜಿಮ್ ಡುಕೋವ್ನಿ ಲಿಂಕ್ಡ್ಇನ್ ಪೋಸ್ಟ್ನಲ್ಲಿ ತಿಳಿಸಿದ್ದಾರೆ. “ಈ ವೀಡಿಯೋಗಳು ರೈಟ್ ಸಹೋದರರ ವೀಡಿಯೊದಂತೆಯೇ ಹೊಸ ರೀತಿಯ ಸಾರಿಗೆಯನ್ನು ಮಾಡಲು ಸಾಧ್ಯವಿದೆ ಎಂದು ಸಾಬೀತುಪಡಿಸುವ ಪ್ರಯತ್ನವನ್ನು ಮಾಡುತ್ತದೆ ಎಂದು ಭಾವಿಸುತ್ತೇವೆ ಎಂದು ಅವರು ಹೇಳಿದರು.
ಪ್ರದರ್ಶನ ವಾಹನವು ಅಲ್ಟ್ರಾಲೈಟ್ ಆಗಿದ್ದು, ಇದನ್ನು ವೈಯಕ್ತಿಕ ವೈಮಾನಿಕ ವಾಹನ (PAV) ಎಂದೂ ಕರೆಯಲಾಗುತ್ತದೆ, ಇದು ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ (FAA) ಕೆಲ ನಿಯಮಗಳನ್ನು ಅನುಸರಿಸಬೇಕು.
ನಿಯಮಗಳ ಪ್ರಕಾರ, PAV ಗಳು 63 mph ಗಿಂತ ವೇಗವಾಗಿ ಚಲಿಸುವ ಸಾಮರ್ಥ್ಯವನ್ನು ಹೊಂದಿಲ್ಲ ಮತ್ತು 253 ಪೌಂಡ್ಗಳಿಗಿಂತ ಹೆಚ್ಚು ತೂಕವನ್ನು ಹೊಂದಿರುವುದಿಲ್ಲ. ವಾಹನವು ಪೈಲಟ್ ಅನ್ನು ಮಾತ್ರ ಸಾಗಿಸಬಹುದು. ಝೀರೋ ಅಲ್ಟ್ರಾಲೈಟ್ನ ಈ ಕಾರು 10 ಮೈಲುಗಳವರೆಗೆ ಹಾರಬಲ್ಲದು.
ನಿಮ್ಮ ಕಾಮೆಂಟ್ ಬರೆಯಿರಿ