ಕ್ರಿಕೆಟ್ ಜಗತ್ತನ್ನು ಅಚ್ಚರಿಗೊಳಗಾದ ವಿಲಕ್ಷಣ ಘಟನೆಯಲ್ಲಿ, ಪಾಕಿಸ್ತಾನದ ಬ್ಯಾಟರ್ ಸೌದ್ ಶಕೀಲ್ ಪಂದ್ಯದ ವೇಳೆ ನಿದ್ರಿಸಿ ಔಟಾಗಿದ್ದಾರೆ….!ಇವರು ಈ ರೀತಿ ಔಟಾದ ಪಾಕಿಸ್ತಾನದ ಮೊದಲ ಆಟಗಾರರಾಗಿದ್ದಾರೆ.
ಪಾಕಿಸ್ತಾನದಲ್ಲಿ ನಡೆದ ದೇಶೀಯ ಪ್ರಥಮ ದರ್ಜೆ ಪಂದ್ಯಾವಳಿಯಾದ ಅಧ್ಯಕ್ಷರ ಟ್ರೋಫಿ ಫೈನಲ್‌ನಲ್ಲಿ ಈ ಅಸಾಮಾನ್ಯ ವಿದ್ಯಮಾನ ನಡೆದಿದೆ. ವರದಿಗಳ ಪ್ರಕಾರ, ಶಕೀಲ್ ಅವರು ಡ್ರೆಸ್ಸಿಂಗ್ ರೂಮ್‌ನಲ್ಲಿ ನಿದ್ರಿಸಿದ್ದರು, ಅವರು ಬ್ಯಾಟಿಂಗ್ ಮಾಡುವುದು ತಕ್ಷಣವೇ ಬರುತ್ತದೆ ಎಂದು ತಿಳಿದಿರಲಿಲ್ಲ. ಅವರ ಹೆಸರನ್ನು ಘೋಷಿಸಿದಾಗ, ಅವರು ನಿದ್ರೆಯಲ್ಲಿದ್ದರು. ಅವರು ನಿಗದಿತ ಮೂರು ನಿಮಿಷಗಳ ಕಾಲಮಿತಿಯೊಳಗೆ ಅವರು ಕ್ರೀಸ್‌ಬಳಿ ಬಂದಿರಲಿಲ್ಲ, ಅಂಪೈರ್‌ಗಳು ಅವರನ್ನು “ಟೈಮ್ಡ್-ಔಟ್” ಎಂದು ಘೋಷಿಸಿದರು.
ಪಾಕಿಸ್ತಾನದಲ್ಲಿ ನಡೆಯುತ್ತಿರುವ ಪ್ರಥಮ ದರ್ಜೆ ಟೂರ್ನಿ ಪ್ರೆಸಿಡೆಂಟ್ಸ್ ಕಪ್ ಪಂದ್ಯಾವಳಿಯಲ್ಲಿ ಪಾಕಿಸ್ತಾನ್ ಟೆಲಿವಿಷನ್ (ಪಿಟಿವಿ) ಮತ್ತು ಸ್ಟೇಟ್ ಬ್ಯಾಂಕ್ ಆಫ್ ಪಾಕಿಸ್ತಾನ್ (ಎಸ್‌ಬಿಪಿ) ತಂಡಗಳ ಮಧ್ಯೆ ನಡೆದಿತ್ತು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಸ್ಟೇಟ್ ಬ್ಯಾಂಕ್ ಆಫ್ ಪಾಕಿಸ್ತಾನ್ ತಂಡವು ಉತ್ತಮ ಆರಂಭ ಪಡೆದುಕೊಂಡಿತ್ತು. ತಂಡವು ಉತ್ತಮ ಆರಂಭ ಪಡೆದಿದ್ದರಿಂದ ಡಗೌಟ್ನಲ್ಲಿದ್ದ ಸೌದ್ ಶಕೀಲ್ಗೆ ನಿದ್ರೆಗೆ ಜಾರಿದ್ದಾರೆ. ಆದರೆ ಆ ಬಳಿಕ ವಿಕೆಟ್ ಗಳು ಒಂದಾದ ನಂತರ ಒಂದರಂತೆ ಉರುಳಿತು. 5 ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲು ನಿಗದಿಯಾಗಿದ್ದ ಸೌದ್ ಶಕೀಲ್ ಅವರಿಗೆ ಮೂರು ನಿಮಿಷಗಳ ಅವಧಿಯಲ್ಲಿ ಕ್ರೀಸ್‌ಗೆ ಬರಲು ಸಾಧ್ಯವಾಗಿಲ್ಲ. ಅವರು ನಿದ್ದೆಯಿಂದ ಎದ್ದು ಪ್ಯಾಡ್, ಹೆಲ್ಮೆಟ್, ಗ್ಲೌಸ್ ಧರಿಸಿ ಬರುವಷ್ಟರಲ್ಲಿ ತಡವಾಗಿತ್ತು. ಪಿಟಿವಿ (PTV) ತಂಡದ ನಾಯಕ ಈ ಬಗ್ಗೆ ಅಂಪೈರ್‌ಗೆ ಮೇಲ್ಮನವಿ ಸಲ್ಲಿಸಿದ್ದರಿಂದ ಅಂಪೈರ್‌ನಿಯಮದ ಪ್ರಕಾರ ಅವರನ್ನು ಔಟ್‌ಎಂದು ಘೋಷಿಸಿದರು.
ಅವರು ಇದೀಗ ಪ್ರಥಮ ದರ್ಜೆ ಕ್ರಿಕೆಟ್ ಇತಿಹಾಸದಲ್ಲಿ ಸಮಯ ಮೀರಿ ಔಟಾದ ಏಳನೇ ಆಟಗಾರ ಮತ್ತು ಪಾಕಿಸ್ತಾನದ ಮೊದಲ ಆಟಗಾರ ಎಂಬ ದಾಖಲೆ ಮಾಡಿದ್ದಾರೆ.
ಕ್ರಿಕೆಟ್‌ನಲ್ಲಿ, ಬ್ಯಾಟರ್‌ನ ಔಟಾದ ನಂತರ ಮೂರು ನಿಮಿಷಗಳಲ್ಲಿ ಹೊಸ ಬ್ಯಾಟರ್ ಕ್ರೀಸ್‌ಗೆ ಬರದಿದ್ದರೆ, ಅದನ್ನು “ಟೈಮ್ಡ್ ಔಟ್” ಎಂದು ಕರೆಯಲಾಗುತ್ತದೆ. ಕ್ರೀಗೆ ಬರುವ ಬ್ಯಾಟರ್ ನಿರ್ದಿಷ್ಟ ಸಮಯದೊಳಗೆ ಕ್ರೀಸ್‌ನಲ್ಲಿ ಅಥವಾ ಅವರ ಮತ್ತೊಂದು ತುದಿಯಲ್ಲಿ ಇರದಿದ್ದರೆ ಫೀಲ್ಡಿಂಗ್ ಮಾಡುವ ತಂಡವು “ಟೈಮ್ಡ್‌ಔಟ್‌ʼ ಮನವಿ ಸಲ್ಲಿಸಬಹುದು. ಅಂಪೈರ್‌ಮನವಿಯನ್ನು ಪುರಸ್ಕರಿಸಿದರೆ, ಬ್ಯಾಟ್ಸ್‌ಮನ್ ಔಟ್ ಎಂದು ಪರಿಗಣಿಸಲಾಗುತ್ತದೆ. ಕ್ರಿಕೆಟ್ ಕಾನೂನಿನ ಪ್ರಕಾರ ಔಟ್‌ನೀಡುವ ಹತ್ತು ಮಾನ್ಯತೆ ಪಡೆದ ವಿಧಾನಗಳಲ್ಲಿ ಇದು ಒಂದಾಗಿದ್ದರೂ, ವೃತ್ತಿಪರ ಪಂದ್ಯಗಳಲ್ಲಿ ಇದನ್ನು ವಿರಳವಾಗಿ ಬಳಸಿಕೊಳ್ಳಲಾಗುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ