ದಂಗೆಯ ಸನಿಹದಲ್ಲಿ ಪಾಕಿಸ್ತಾನ ಸೇನೆ ? : ಪಾಕ್‌ ಸೇನಾ ಮುಖ್ಯಸ್ಥರ ರಾಜೀನಾಮೆಗೆ ಕಿರಿಯ ಅಧಿಕಾರಿಗಳು, ಕರ್ನಲ್‌ಗಳ ಪಟ್ಟು…!

ಪಾಕಿಸ್ತಾನಿ ಸೇನೆಯ ಕಿರಿಯ ಅಧಿಕಾರಿಗಳು, ಕರ್ನಲ್‌ಗಳು, ಮೇಜರ್‌ಗಳು ಮತ್ತು ಮಾಜಿ ಜನರಲ್‌ಗಳು ಪ್ರಸ್ತುತ ಸೇನಾ ಮುಖ್ಯಸ್ಥ ಜನರಲ್ ಅಸಿಮ್ ಮುನೀರ್ ಅವರಿಗೆ ರಾಜೀನಾಮೆ ನೀಡಿ ತಮ್ಮ ಸ್ಥಾನದಿಂದ ಕೆಳಗಿಳಿಯುವಂತೆ ಒತ್ತಾಯಿಸಿದ್ದು, ಇದು ಪಾಕಿಸ್ತಾನ್ ಸೇನೆಯ ಆಂತರಿಕ ಅರಾಜಕ ಸ್ಥಿತಿಯನ್ನು ಹೇಳುತ್ತಿರುವಂತೆ ತೋರುತ್ತಿದೆ. ವರದಿಗಳ ಪ್ರಕಾರ, ಮುನೀರ್ ಸೇಡು ತೀರಿಸಿಕೊಳ್ಳುವ ಸಂದರ್ಭದಲ್ಲಿ ಪಾಕಿಸ್ತಾನ ಸೇನೆಯನ್ನು ರಾಜಕೀಯ ದಬ್ಬಾಳಿಕೆಯ ಸಾಧನವನ್ನಾಗಿ ಮಾಡಿಕೊಂಡಿದ್ದಾರೆ ಎಂದು ಸೇನೆಯ ಅಧಿಕಾರಿಗಳು ಆರೋಪಿಸಿದ್ದಾರೆ.
ಕರ್ನಲ್‌ಗಳು, ಮೇಜರ್‌ಗಳು, ಕ್ಯಾಪ್ಟನ್‌ಗಳು ಮತ್ತು ಸೈನಿಕರು ಸೇರಿದಂತೆ ಪಾಕಿಸ್ತಾನದ ಸೇನಾ ಸಿಬ್ಬಂದಿಗಳ ಗುಂಪು ಸೇನಾ ಮುಖ್ಯಸ್ಥ ಜನರಲ್ ಅಸಿಮ್ ಮುನೀರ್ ಅವರು ತಕ್ಷಣವೇ ರಾಜೀನಾಮೆ ನೀಡಬೇಕೆಂದು ಒತ್ತಾಯಿಸಿವೆ. ರಾಜಕೀಯ ವಿರೋಧವನ್ನು ನಿಗ್ರಹಿಸಲು, ಪತ್ರಕರ್ತರನ್ನು ಮೌನಗೊಳಿಸಲು ಮತ್ತು ಪ್ರಜಾಪ್ರಭುತ್ವ ಪ್ರಕ್ರಿಯೆಗಳನ್ನು ದುರ್ಬಲಗೊಳಿಸಲು ಅವರು ಮಿಲಿಟರಿ ಶಕ್ತಿಯನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ ಎಂದು ಅವರು ಆರೋಪಿಸಿದ್ದಾರೆ.

ಅವರು ತಮ್ಮ ಸ್ಥಾನದಿಂದ ಕೆಳಗಿಳಿಯದಿದ್ದರೆ, ಸಂಸ್ಥೆಯ ನಿಯಂತ್ರಣವನ್ನುತೆಗೆದುಕೊಳ್ಳಲು-ಪ್ರಾಯಶಃ ಬಲವಂತದ ಕ್ರಮವನ್ನು ತೆಗೆದುಕೊಳ್ಳಬೇಕಾಗುತ್ತದೆ ಎಂದು ಸೇನಾ ಸಿಬ್ಬಂದಿ ಗುಂಪು ಎಚ್ಚರಿಸಿದೆ ಎಂದು ಪತ್ರವನ್ನು ಉಲ್ಲೇಖಿಸಿ CNN-News18 ವರದಿ ಮಾಡಿದೆ.
ಗುಪ್ತಚರ ಮೂಲಗಳು ಪತ್ರದ ಸತ್ಯಾಸತ್ಯತೆಯನ್ನು ದೃಢಪಡಿಸಿವೆ ಮತ್ತು ಇದು ದೇಶದ ಅತ್ಯಂತ ಶಕ್ತಿಶಾಲಿ ಸಂಸ್ಥೆಯಾಗಿರುವ ಪಾಕಿಸ್ತಾನದ ಸೇನೆಯೊಳಗಿನ ದೊಡ್ಡ ಬಿಕ್ಕಟ್ಟಿನ ಸಂಕೇತವಾಗಿದೆ ಎಂದು ವರದಿ ಹೇಳಿದೆ. ಜನರಲ್ ಮುನೀರ್ ಅವರ ನಾಯಕತ್ವವು 1971 ರಲ್ಲಿ ದೇಶವು ಯುದ್ಧದಲ್ಲಿ ಸೋತಾಗ ಬಾಂಗ್ಲಾದೇಶದ ಸೃಷ್ಟಿಗೆ ಕಾರಣವಾದಂತಹ ಪರಿಸ್ಥಿತಿಗೆ ಪಾಕಿಸ್ತಾನವನ್ನು ತಳ್ಳಿದೆ ಎಂದು ಪತ್ರದಲ್ಲಿ ಹೇಳಲಾಗಿದೆ.
2022ರ ಏಪ್ರಿಲ್‌ನಲ್ಲಿ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಅವರನ್ನು ಪ್ರದಾನಿ ಸ್ಥಾನದಿಂದ ಕಿತ್ಯು ಹಾಕಿದ ನಂತರದ ಹಿಂಸಾತ್ಮಕ ದಮನ ಮತ್ತು 8 ಫೆಬ್ರವರಿ 2024 ರ ಚುನಾವಣೆಯ ರಿಗ್ಗಿಂಗ್ ಸೇರಿದಂತೆ ಅವರ ವೈಫಲ್ಯಗಳಿಗೆ ಸಾಕ್ಷಿಯಾಗಿ ನಿರ್ದಿಷ್ಟ ಘಟನೆಗಳನ್ನು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ. ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿಯಿಂದ ಬಲೂಚಿಸ್ತಾನದಲ್ಲಿ ಜಾಫರ್ ಎಕ್ಸ್‌ಪ್ರೆಸ್ ರೈಲನ್ನು ಹೈಜಾಕ್ ಮಾಡಿರುವುದನ್ನು ಉಲ್ಲೇಖಿಸಿ, “ಆ ದಿನ ನಾವು ಬಲೂಚಿಸ್ತಾನವನ್ನು ಕಳೆದುಕೊಂಡಿದ್ದೇವೆ; ನಾವು ನಮ್ಮ ಘನತೆಯನ್ನು ಕಳೆದುಕೊಂಡಿದ್ದೇವೆ” ಎಂದು ಪತ್ರದಲ್ಲಿ ಉಲ್ಲೇಖಿಸಲಾಗಿದೆ ಹಾಗೂ ಘಟನೆಗೆ ಜನರಲ್ ಮುನೀರ್ ಕಾರಣ ಎಂದು ಸಿಬ್ಬಂದಿ ಆರೋಪಿಸಿದ್ದಾರೆ.

“ಇದು ಜನರ ಘರ್ಜನೆ – ಬೀದಿಗಳಲ್ಲಿ ಗೃಹಿಣಿಯರು ಥಳಿಸಲ್ಪಟ್ಟರು, ಪತ್ರಕರ್ತರನ್ನು ಗುಂಡುಗಳಿಂದ ಮೌನಗೊಳಿಸಿದರು, ವಿದ್ಯಾರ್ಥಿಗಳು ಕತ್ತಲ ಕೋಣೆಯಲ್ಲಿ ಹಿಂಸಿಸಲ್ಪಟ್ಟರು ಮತ್ತು ಮಾತನಾಡುವ ಧೈರ್ಯ ತೋರಿದ ಕಾರ್ಯಕರ್ತರು ಅಳಿಸಿಹಾಕಿದರು. ಅವರು ಏಪ್ರಿಲ್ 2022 ರಲ್ಲಿ ನೀವು ನ್ಯಾಯಸಮ್ಮತತೆಯ ಕೊನೆಯ ಚೂರುಗಳನ್ನು ಉರುಳಿಸಿದಾಗಿನಿಂದ ನಿಮ್ಮ ದೌರ್ಜನ್ಯದ ಭಾರವನ್ನು ಹೊತ್ತಿದ್ದೇವೆ. 2027 ರವರೆಗೆ ಸೇನಾ ಮುಖ್ಯಸ್ಥರಾಗಿ ಅವರ ಅವಧಿ ವಿಸ್ತರಿಸುವ ವೇಳೆ ಅವರು ಆರ್ಥಿಕ ಕುಸಿತದ ಮೇಲ್ವಿಚಾರಣೆ ನಡೆಸುತ್ತಿದ್ದಾರೆ ಎಂದು ಪತ್ರದಲ್ಲಿ ಆರೋಪಿಸಲಾಗಿದೆ.
ಈಗ ಮಕ್ಕಳೂ ಕೂಡ ಸೇನಾ ಚೆಕ್‌ ಪಾಯಿಂಟ್‌ಗಳ ಮೇಲೆ ಕಲ್ಲು ಎಸೆಯುತ್ತಿದ್ದಾರೆ ಎಂದು ಪತ್ರದಲ್ಲಿ ನಮೂದಿಸಿ ಸಾರ್ವಜನಿಕರ ಆಕ್ರೋಶ ಹೆಚ್ಚಾದ ಬಗ್ಗೆ ಗಮನ ಸೆಳೆಯಲಾಗಿದೆ. ಇದು ರಾಜಕೀಯವನ್ನು ಕುಶಲತೆಯಿಂದ ನಿರ್ವಹಿಸುವಲ್ಲಿ ಸೇನೆಯ ಪಾತ್ರವನ್ನು ಟೀಕಿಸಿದೆ, “ಜನರಿಂದ ಆಯ್ಕೆಯಾದ ಇಮ್ರಾನ್ ಖಾನ್ ಅವರನ್ನು ಹೊರಹಾಕಲು ಜನರಲ್‌ಗಳು ಸಂಘಟಿತರಾಗಿದ್ದರಿಂದ – ನೀವು ಯಾಹ್ಯಾ ಅವರು ಪಾಕಿಸ್ತಾನದ ಅವಮಾನಕ್ಕೆ ಕಾರಣರಾದಂತೆ ನೀವು ಪಾಕಿಸ್ತಾನವನ್ನು ಕಾಣದ ಆಳಕ್ಕೆ ತಳ್ಳಿದ್ದೀರಿ ಎಂದು ಬರೆದಿರುವುದು 1971 ರ ಬಾಂಗ್ಲಾದೇಶ ಬಿಕ್ಕಟ್ಟಿನ ಸಂದರ್ಭದಲ್ಲಿ ಪಾಕಿಸ್ತಾನವನ್ನು ಮುನ್ನಡೆಸಿದ್ದ ಜನರಲ್ ಯಾಹ್ಯಾ ಖಾನ್ ಅವರನ್ನು ಉಲ್ಲೇಖಿಸುತ್ತದೆ.

ಸೇನೆಯ ಸಮಗ್ರತೆಯನ್ನು ಪುನಃಸ್ಥಾಪಿಸಲು ಮತ್ತು ಜನರಲ್ ಮುನೀರ್ ಅವರನ್ನು ಹೊಣೆಗಾರರನ್ನಾಗಿ ಮಾಡಲು ಹಿರಿಯ ಅಧಿಕಾರಿಗಳ ಮಂಡಳಿಗೆ ಕಮಾಂಡ್‌ ಅನ್ನು ಹಸ್ತಾಂತರಿಸಬೇಕೆಂದು ಸಿಬ್ಬಂದಿ ಒತ್ತಾಯಿಸಿದ್ದಾರೆ. ಅವರು, “ಆದಷ್ಟು ಬೇಗ ರಾಜೀನಾಮೆ ನೀಡಿ, ಇಲ್ಲದಿದ್ದರೆ ನೀವು ಕದ್ದಿದ್ದನ್ನು ನಾವು ಬಲವಂತವಾಗಿ ಹಿಂದಕ್ಕೆ ತೆಗೆದುಕೊಳ್ಳುತ್ತೇವೆ” ಎಂದು ಎಚ್ಚರಿಸಿದ್ದಾರೆ.
ಪಾಕಿಸ್ತಾನವು ಪ್ರಸ್ತುತ ಆರ್ಥಿಕ ಹಿಂಜರಿತವನ್ನು ಎದುರಿಸುತ್ತಿದೆ, ಮಿಲಿಟರಿ ಬಗ್ಗೆ ವ್ಯಾಪಕ ಹತಾಶೆ ಇದೆ. ಬಲೂಚಿಸ್ತಾನ್ ಮತ್ತು ಖೈಬರ್ ಪಖ್ತುಂಕ್ವಾದಂತಹ ಪ್ರದೇಶಗಳಲ್ಲಿ ಅಶಾಂತಿ ಹೆಚ್ಚುತ್ತಿದೆ. ಸೇನೆಯು ಬಹಳ ಹಿಂದಿನಿಂದಲೂ ದೇಶದಲ್ಲಿ ಪ್ರಬಲ ಶಕ್ತಿಯಾಗಿದೆ, ಆದರೆ ಈ ಆಂತರಿಕ ದಂಗೆಯು ಅದರ ಅಧಿಕಾರವು ದುರ್ಬಲಗೊಳ್ಳುತ್ತಿದೆ ಎಂಬುದನ್ನು ಇದು ಸೂಚಿಸುತ್ತದೆ.