ಅಹಮದಾಬಾದ್ : 30 ವರ್ಷದ ರೊಬೊಟಿಕ್ಸ್ ಎಂಜಿನಿಯರ್ ಒಬ್ಬಳ ಏಕಪಕ್ಷೀಯ ಪ್ರೀತಿ ಅಪಾಯಕಾರಿ ತಿರುವು ಪಡೆದುಕೊಂಡಿದೆ, ಏಕೆಂದರೆ ಅವಳು ಪ್ರೀತಿಸಿದ ವ್ಯಕ್ತಿಯ ಮೇಲೆ ಸುಳ್ಳು ಪ್ರಕರಣ ದಾಖಲಾಗುವಂತೆ ಮಾಡಲು ಆಕೆ ದೇಶಾದ್ಯಂತ ಹಲವಾರು ಶಾಲೆಗಳಿಗೆ ಹುಸಿ ಬಾಂಬ್ ಬೆದರಿಕೆ ಹಾಕಿದ್ದಾಳೆ…!
ಚೆನ್ನೈನ ಉನ್ನತ ಬಹುರಾಷ್ಟ್ರೀಯ ಕಂಪನಿಯೊಂದರಲ್ಲಿ ಹಿರಿಯ ಸಲಹೆಗಾರ್ತಿಯಾಗಿರುವ ರೆನೆ ಜೋಶಿಲ್ಡಾ ಎಂಬ ಮಹಿಳೆಯನ್ನು ಅಹಮದಾಬಾದ್ ಸೈಬರ್ ಅಪರಾಧ ಪೊಲೀಸರು ಬಂಧಿಸಿದ್ದಾರೆ. 12 ರಾಜ್ಯಗಳು ಮತ್ತು ಡಿಜಿಟಲ್ ಫೋರೆನ್ಸಿಕ್‌ ಒಳಗೊಂಡ ತಿಂಗಳುಗಳ ತನಿಖೆಯ ನಂತರ ಬಂಧಿಸಿದ್ದಾರೆ.
ಪೊಲೀಸರ ಪ್ರಕಾರ, ಬೆಂಗಳೂರಿನಲ್ಲಿ ಒಂದು ಪ್ರಾಜೆಕ್ಟ್‌ ಸಮಯದಲ್ಲಿ ಭೇಟಿಯಾದ ಸಹೋದ್ಯೋಗಿ ಒಬ್ಬರ ಬಗ್ಗೆ ರೆನೆ ತನ್ನ ಪ್ರೀತಿ ಭಾವನೆಗಳನ್ನು ಬೆಳೆಸಿಕೊಂಡಿದ್ದಳು. ಅವಳ ಆಳವಾದ ಪ್ರೀತಿಯ ಹೊರತಾಗಿಯೂ, ಆ ವ್ಯಕ್ತಿಗೆ ಇದೇ ಭಾವನೆ ಇರಲಿಲ್ಲ ಎನ್ನಲಾಗಿದೆ. ಈ ವರ್ಷದ ಆರಂಭದಲ್ಲಿ ಆತ ಬೇರೊಬ್ಬರನ್ನು ಯುವತಿಯನ್ನು ಮದುವೆಯಾದಾಗ, ತನ್ನ ಗಂಡನಾಗಬೇಕೆಂದು ಕನಸು ಕಂಡ ವ್ಯಕ್ತಿ ಇನ್ನೊಬ್ಬ ಮಹಿಳೆಯನ್ನು ಮದುವೆಯಾದ ನಂತರ, ಆರೋಪಿ ರೆನೆ ಜೋಶಿಲ್ಡಾ ಈ ‘ತಿರಸ್ಕಾರ’ಕ್ಕೆ ಸೇಡು ತೀರಿಸಿಕೊಳ್ಳಲು ನಿರ್ಧರಿಸಿದಳು ಎಂದು ಹೇಳಲಾಗಿದೆ.
ವಿಸ್ತೃತ ಸಂಚು ರೂಪಿಸಿದ ರೆನೆ, ಆ ಸಹೋದ್ಯೋಗಿಯ ಹೆಸರಿನಲ್ಲಿ ನಕಲಿ ಇಮೇಲ್ ವಿಳಾಸಗಳನ್ನು ರಚಿಸಿದಳು. ಮತ್ತುಅವರನ್ನು ಸಿಲುಕಿಸುವ ಉದ್ದೇಶದಿಂದ ತಾವು ರಚಿಸಿದ ನಕಲಿ ಇ ಮೇಲ್‌ ವಿಳಾಸಗಳ ಮೂಲಕ ಹಲವು ಸಾರ್ವಜನಿಕ ಸಂಸ್ಥೆಗಳಿಗೆ ಬಾಂಬ್ ಬೆದರಿಕೆ ಇಮೇಲ್‌ಗಳನ್ನು ಕಳುಹಿಸಿದರು.
ಜೂನ್ 3 ಮತ್ತು ಜೂನ್ ಮಧ್ಯಭಾಗದ ನಡುವೆ, ಜೋಶಿಲ್ಡಾ ರೆನಾ ಅಹಮದಾಬಾದಿನ ನರೇಂದ್ರ ಮೋದಿ ಕ್ರೀಡಾಂಗಣ, ಜಿನೀವಾ ಲಿಬರಲ್ ಶಾಲೆ ಮತ್ತು ಅಹಮದಾಬಾದ್‌ನ ಬಿಜೆ ವೈದ್ಯಕೀಯ ಕಾಲೇಜು ಸೇರಿದಂತೆ ಗುಜರಾತ್‌ನ ಪ್ರಮುಖ ಸಂಸ್ಥೆಗಳನ್ನು ಗುರಿಯಾಗಿಸಿಕೊಂಡು ಕನಿಷ್ಠ 21 ಇಮೇಲ್‌ಗಳನ್ನು ಕಳುಹಿಸಿದ್ದಾರೆ. ಕರ್ನಾಟಕದ ಉಡುಪಿ, ದೆಹಲಿ, ತಮಿಳುನಾಡು, ಮಹಾರಾಷ್ಟ್ರ, ಕೇರಳ ಮತ್ತು ರಾಜಸ್ಥಾನ ಸೇರಿದಂತೆ ಇತರ 11 ರಾಜ್ಯಗಳ ಸ್ಥಳಗಳಿಗೆ ಇದೇ ರೀತಿಯ ಬೆದರಿಕೆಗಳನ್ನು ಇಮೇಲ್ ಮಾಡಲಾಗಿದೆ.
ಒಂದು ಮೇಲ್‌ನಲ್ಲಿ “ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಬಾಂಬ್ ಇಡಲಾಗಿದೆ. ಸಾಧ್ಯವಾದರೆ ಕ್ರೀಡಾಂಗಣವನ್ನು ಉಳಿಸಿ” ಎಂದು ಬರೆಯಲಾಗಿತ್ತು.
ಜೋಶಿಲ್ಡಾ ವರ್ಚುವಲ್ ಸಂಖ್ಯೆಗಳು, ವಿಪಿಎನ್‌ಗಳು ಮತ್ತು ಡಾರ್ಕ್ ವೆಬ್ ಬಳಸಿ, ತಮ್ಮ ಡಿಜಿಟಲ್ ಹೆಜ್ಜೆಗುರುತನ್ನು ಎಚ್ಚರಿಕೆಯಿಂದ ಮರೆಮಾಡಿದ್ದಾಳೆ. ತನ್ನ ಅನಾಮಧೇಯತೆಗಾಗಿ ಟಾರ್ ಬ್ರೌಸರ್ ಅನ್ನು ಬಳಸಿದ್ದಾಳೆ ಮತ್ತು ತಿಂಗಳುಗಳ ಕಾಲ ತಮ್ಮ ಗುರುತನ್ನು ರಹಸ್ಯವಾಗಿಟ್ಟಳು ಎಂದು ಪೊಲೀಸರು ಹೇಳಿದ್ದಾರೆ.
ಆದರೆ ಒಂದು ಸಣ್ಣ ತಪ್ಪಿನಿಂದ…
“ಅವಳು ತನ್ನ ನಿಜವಾದ ಇಮೇಲ್ ಖಾತೆ ಮತ್ತು ನಕಲಿ ಇಮೇಲ್ ಖಾತೆಗಳನ್ನು ಒಂದೇ ಸಾಧನದಿಂದ ಒಮ್ಮೆಗೆ ಪ್ರವೇಶಿಸಿದಳು. ಆ ಒಂದು ಅಜಾಗರೂಕ ಲಾಗಿನ್ ಅವಳ ಐಪಿ ವಿಳಾಸವನ್ನು ವಂಚನೆ ಮೇಲ್‌ಗಳಿಗೆ ಲಿಂಕ್ ಮಾಡಿದೆ” ಎಂದು ಜಂಟಿ ಪೊಲೀಸ್ ಆಯುಕ್ತ (ಅಪರಾಧ) ಶರದ್ ಸಿಂಘಾಲ್ ಹೇಳಿದರು. ನಂತರ ಅಹಮದಾಬಾದ್ ಪೊಲೀಸರು ಭಾರತದಾದ್ಯಂತ ಸೈಬರ್ ಘಟಕಗಳ ಸಹಾಯದಿಂದ ಅಂತಿಮವಾಗಿ ಜೋಶಿಲ್ಡಾಳನ್ನು ಚೆನ್ನೈನಲ್ಲಿರುವ ಅವಳ ಮನೆಯಲ್ಲಿ ಪತ್ತೆಹಚ್ಚಿ ಬಂಧಿಸಿದರು. ಅವಳ ನಿವಾಸದಿಂದ ವಶಪಡಿಸಿಕೊಂಡ ಸಾಧನಗಳು ಮತ್ತು ಡಿಜಿಟಲ್ ದಾಖಲೆಗಳು ಪುರಾವೆಗಳನ್ನು ಒದಗಿಸಿದವು.
“ವೈಯಕ್ತಿಕ ದ್ವೇಷದಿಂದ ನಡೆಸಲ್ಪಟ್ಟ ಸೈಬರ್ ವಿಧ್ವಂಸಕತೆಯ ನಿಖರವಾದ ಯೋಜಿತ ಪ್ರಕರಣವನ್ನು ನಾವು ಬಹಿರಂಗಪಡಿಸಿದ್ದೇವೆ” ಎಂದು ಸಿಂಘಾಲ್ ಹೇಳಿದರು, ಇದು ಇತ್ತೀಚಿನ ವರ್ಷಗಳಲ್ಲಿ ಅತ್ಯಂತ ಸಂಕೀರ್ಣವಾದ ವಂಚನೆ ಹಾಗೂ ಬೆದರಿಕೆ ಪ್ರಕರಣಗಳಲ್ಲಿ ಒಂದಾಗಿದೆ. ಈಗ ಜೋಶಿಲ್ಡಾ ಬಂಧನದಲ್ಲಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ