ಬಿಹಾರ ವಿಧಾನಸಭಾ ಚುನಾವಣೆ : ರಾಘೋಪುರ ಕ್ಷೇತ್ರದಲ್ಲಿ ಆರ್‌ಜೆಡಿ ಮುಖ್ಯಸ್ಥ ತೇಜಸ್ವಿ ಯಾದವಗೆ ಹಿನ್ನಡೆ

ಪಾಟ್ನಾ : ಬಿಹಾರದ ಚುನಾವಣೆಯಲ್ಲಿ ಬಹಳ ದೊಡ್ಡ ಬುಡಮೇಲು ಫಲಿತಾಂಶ ಆಗಲಿದೆಯೇ..? ಆರ್‌ಜೆಡಿ ಮುಖ್ಯಸ್ಥ ಹಾಗೂ ಮಹಾಘಟಬಂಧನದ ಮುಖ್ಯಮಂತ್ರಿ ಮುಖವಾಗಿದ್ದ ತೇಜಸ್ವಿ ಯಾದವ್ ಅವರು ರಾಘೋಪುರ ಕ್ಷೇತ್ರದಲ್ಲಿ ಬಿಜೆಪಿಯ ಸತೀಶಕುಮಾರ ಯಾದವ್ ಅವರ ವಿರುದ್ಧದ ಸ್ಪರ್ಧೆಯಲ್ಲಿ ಹಿಂದಿ ಬಿದ್ದಿದ್ದಾರೆ ಎಂದು ವರದಿಯಾಗಿದೆ.
ಶುಕ್ರವಾರ ಬೆಳಿಗ್ಗೆ 11:10 ಕ್ಕೆ ಚುನಾವಣಾ ಆಯೋಗದ ಮಾಹಿತಿಯ ಪ್ರಕಾರ, ರಾಘೋಪುರ ಸ್ಥಾನದಲ್ಲಿ ಆರ್‌ಜೆಡಿ ನಾಯಕ ಮತ್ತು ಮಹಾಘಟಬಂಧನದ ಮುಖ್ಯಮಂತ್ರಿ ಅಭ್ಯರ್ಥಿ ತೇಜಸ್ವಿ ಯಾದವ್ ನಾಲ್ಕನೇ ಸುತ್ತಿನ ಮತದಾನದವರೆಗೆ 3016 ಮತಗಳಿಂದ ಹಿಂದುಳಿದಿದ್ದಾರೆ. ರಾಘೋಪುರದಲ್ಲಿ ಮೂರು ಸುತ್ತಿನ ಎಣಿಕೆ ಪೂರ್ಣಗೊಂಡಿದ್ದು, 27 ಸುತ್ತುಗಳಿಗೂ ಹೆಚ್ಚು ಎಣಿಕೆ ಬಾಕಿಯಿದೆ. ತೇಜಸ್ವಿ ಅವರ ಭವಿಷ್ಯ ಯಾವಾಗ ಬೇಕಾದರೂ ಬದಲಾಗಬಹುದು ಎಂಬ ಸುಳಿವು ನೀಡಿದೆ.
ತೇಜಸ್ವಿ 2015 ಮತ್ತು 2020 ರಲ್ಲಿ ರಾಘೋಪುರ ಕ್ಷೇತ್ರದಿಂದ ಗೆದ್ದಿದ್ದರು. 2015 ರಲ್ಲಿ, ಆರ್‌ಜೆಡಿಯ ತೇಜಸ್ವಿ ಯಾದವ್ ಸುಮಾರು 91,236 ಮತಗಳನ್ನು ಪಡೆದು 22,733 ಮತಗಳ ಬಹುಮತದೊಂದಿಗೆ ಗೆದ್ದರು. ಬಿಜೆಪಿಯ ಸತೀಶಕುಮಾರ ಯಾದವ್ ಅವರ ಓಟ 68,503 ಮತಗಳೊಂದಿಗೆ ಎರಡನೇ ಸ್ಥಾನ ಪಡೆದಿದ್ದರು. 2020 ರಲ್ಲಿ, ತೇಜಸ್ವಿ ಮತ್ತೆ ಸರಿಸುಮಾರು 97,404 ಮತಗಳನ್ನು ಪಡೆದು ಗೆದ್ದರು, ಬಿಜೆಪಿಯ ಸತೀಶಕುಮಾರ ಸರಿಸುಮಾರು 59,230 ಮತಗಳನ್ನು ಪಡೆದರು.
ರಾಘೋಪುರ ದಶಕಗಳಿಂದ ಯಾದವರ ಪ್ರಬಲ ಭದ್ರಕೋಟೆಯಾಗಿದ್ದು, ಯಾದವ ಸಮುದಾಯವನ್ನು ಕ್ಷೇತ್ರದಲ್ಲಿ ವಿಶೇಷವಾಗಿ ಪ್ರಭಾವಶಾಲಿ ಎಂದು ಪರಿಗಣಿಸಲಾಗಿದೆ. ಇತರ ಹಿಂದುಳಿದ ವರ್ಗಗಳು, ಮುಸ್ಲಿಂ ಮತದಾರರು ಮತ್ತು ಸಾಮಾನ್ಯ ವರ್ಗದ ಮತದಾರರು ಈ ಪ್ರದೇಶದಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತಾರೆ. ಆದಾಗ್ಯೂ, ಈ ಬಾರಿ ಜನ ಸುರಾಜ್ ಪಕ್ಷದ ಪ್ರವೇಶವು ಯುವಕರು ಮತ್ತು ಹೊಸ ಮತದಾರರನ್ನು ಸೆಳೆಯುವ ಮೂಲಕ ಚುನಾವಣಾ ಸಮೀಕರಣದಲ್ಲಿ ಅನಿರೀಕ್ಷಿತ ಬದಲಾವಣೆಗಳ ಸಾಮರ್ಥ್ಯವನ್ನು ಸೃಷ್ಟಿಸಿದೆ.