ಬೆಂಗಳೂರು: ಅಭೂತಪೂರ್ವ ಬೆಳವಣಿಗೆಯೊಂದರಲ್ಲಿ, ಕರ್ನಾಟಕ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ ಅವರು ಮುಖ್ಯ ಚುನಾವಣಾಧಿಕಾರಿ ವಿ. ಅನ್ಬುಕುಮಾರ ಅವರ ಕಚೇರಿಯಲ್ಲಿ ಧರಣಿ ಸತ್ಯಾಗ್ರಹ ನಡೆಸುತ್ತಿದ್ದಾರೆ. ಬೂತ್ ಮಟ್ಟದ ಅಧಿಕಾರಿಗಳು ಮತ್ತು ಜಿಲ್ಲಾಧಿಕಾರಿಗಳೊಂದಿಗೆ ಸಂಜೆ 5 ಗಂಟೆಯ ವೀಡಿಯೊ ಕಾನ್ಫರೆನ್ಸ್ ನಂತರ ಮುಂದಿನ ಕ್ರಮದ ಬಗ್ಗೆ ಸಿಇಒ ನಿರ್ಧರಿಸುವವರೆಗೆ ಅವರು ಅಲ್ಲಿಯೇ ಇರಲಿದ್ದಾರೆ.
ಬಿಜೆಪಿ, ಜೆಡಿಎಸ್ ನಾಯಕರು ಹಾಗೂ ಕಾರ್ಯಕರ್ತರಿಂದ ಅಕ್ರಮ ನಡೆದಿದೆ ಎಂದು ಆರೋಪಿಸಿರುವ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ ಗುರುವಾರ ತಮ್ಮ ಗೃಹ ಕಚೇರಿ ಕೃಷ್ಣಾದಲ್ಲಿ ಈ ಬಗ್ಗೆ ಸುದೀರ್ಘ ಸುದ್ದಿಗೋಷ್ಠಿ ನಡೆಸಿದ ಬಳಿಕ ಸಚಿವರ ಜೊತೆ ರಾಜ್ಯ ಚುನಾವಣಾ ಆಯೋಗದ ಕಚೇರಿಗೆ ತೆರಳಿದರು.
ಮುಖ್ಯ ಚುನಾವಣಾ ಆಯುಕ್ತ ಅನ್ಬುಕುಮಾರ್ ಅವರನ್ನು ಭೇಟಿ ಮಾಡಿ ದೂರು ನೀಡಿದರು. ಎಸ್ ಐಆರ‍್ ಅಕ್ರಮ ಹಾಗೂ ಮತದಾರರ ಹೆಸರು ಡಿಲಿಟ್ ಮಾಡಲು ನಡೆಯುತ್ತಿತುವ ಸಂಚಿನ ವಿರುದ್ಧ ಕ್ರಮ ಆಗಬೇಕು. ತಪ್ಪಿತಸ್ಥರ ವಿರುದ್ಧ ಎಫ್ ಐ ಆರ್ ದಾಖಲಿಸಿ ಬಂಧಿಸಬೇಕು ಎಂದು ಆಗ್ರಹಿಸಿದರು.
ಈ ಬಗ್ಗೆ ದೂರುಗಳನ್ನು ಪರಿಶೀಲಿಸುವುದಾಗಿ ಚುನಾವಣಾ ಆಯುಕ್ತರು ಹೇಳಿದರು. ಹಾಗೂ ಪರಿಶೀಲನೆ ನಡೆಸಲು ಎರಡು ದಿನ ಸಮಾಯವಾಕಾಶ ಕೇಳಿದರು. ಬಳಿಕ ಮುಂದಿನ ಕ್ರಮ ಕೈಗೊಳ್ಳುವುದಾಗಿ ತಿಳಿಸಿದರು. ಇದಕ್ಕೆ ಒಪ್ಪದ ಮುಖ್ಯಮಂತ್ರಿ ಶಿವಕುಮಾರ ಹಾಗೂ ಸಚಿವರು, ಎಫ್ಐಆರ್ ದಾಖಲಾಗುವರೆಗೂ ಚುನಾವಣಾ ಆಯೋಗದ ಕಚೇರಿಯಿಂದ ಹೋಗುವುದಿಲ್ಲ. ಮೊದಲು ಪ್ರಕರಣ ದಾಖಲಿಸಿ. ಅಲ್ಲಿಯ ವರೆಗೂ ಜಾಗ ಬಿಟ್ಟು ಹೋಗುವುದಿಲ್ಲ ಎಂದು ಪಟ್ಟು ಹಿಡಿದು ಕುಳಿತುಕೊಂಡಿದ್ದಾರೆ.
ಇದಕ್ಕೂ ಮೊದಲು ಸುದ್ದಿಗೋಷ್ಠಿಯಲ್ಲಿ ಡಿ.ಕೆ. ಶಿವಕುಮಾರ ಅವರು, ಮತದಾರರ ಪಟ್ಟಿಯಿಂದ ಹೆಸರುಗಳನ್ನು ಅಳಿಸಲು ಕೋರಿ ಮುಂಚಿತವಾಗಿ ಭರ್ತಿ ಮಾಡಲಾದ ಹೆಸರುಗಳಿರುವ ಫಾರ್ಮ್-7 ಅರ್ಜಿಗಳನ್ನು ಪ್ರದರ್ಶಿಸಿದರು ಮತ್ತು ಅವುಗಳನ್ನು ಬಿಜೆಪಿ ನಾಯಕರು ಹಾಗೂ ಕಾರ್ಯಕರ್ತರು ದೊಡ್ಡ ಪ್ರಮಾಣದಲ್ಲಿ ಸಲ್ಲಿಸಿದ್ದಾರೆ ಎಂದು ಆರೋಪಿಸಿದರು.
ಫಾರ್ಮ್ 7 ರ ದೊಡ್ಡ ಪ್ರಮಾಣದ ಸಲ್ಲಿಕೆಗಳ ಬಗ್ಗೆ ತಕ್ಷಣದ ಮತ್ತು ಸಂಪೂರ್ಣ ತನಿಖೆಯನ್ನು ಕೋರಿ ಮುಖ್ಯಮಂತ್ರಿಗಳು ಮುಖ್ಯ ಚುನಾವಣಾಧಿಕಾರಿಗಳಿಗೆ ಪತ್ರ ಬರೆದಿರುವುದಾಗಿ ತಿಳಿಸಿದಾರೆ.
ಸೆಪ್ಟೆಂಬರ್ 22-24 ರ ನಡುವೆ ಮೂಡಿಗೆರೆಯಲ್ಲಿ 6,259, ಬೆಳಗಾವಿ ಉತ್ತರದಲ್ಲಿ ಸುಮಾರು 3,000, ಭಾಲ್ಕಿಯಲ್ಲಿ 2,285, ಬಾಬಲೇಶ್ವರದಲ್ಲಿ 1,373 ಮತ್ತು ನರಸಿಂಹರಾಜದಲ್ಲಿ 1,200 ಸೇರಿದಂತೆ ಅಸಾಮಾನ್ಯವಾಗಿ ಹೆಚ್ಚಿನ ಸಂಖ್ಯೆಯ ಫಾರ್ಮ್ 7 ಸಲ್ಲಿಕೆಗಳ ಬಗ್ಗೆ ಕ್ಷೇತ್ರವಾರು ಮತ್ತು ಬೂತ್‌ವಾರು ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದರು.
ಅಲ್ಪಸಂಖ್ಯಾತ ಸಮುದಾಯಗಳು, ಎಸ್‌ಸಿಗಳು, ಎಸ್‌ಟಿಗಳು ಮತ್ತು ಒಬಿಸಿಗಳ ಮತದಾರರನ್ನು ಅಸಮಾನವಾಗಿ ಗುರಿಯಾಗಿಸಲಾಗಿದೆ ಎಂಬ ವರದಿಗಳ ಪರಿಶೀಲನೆ, ಜೊತೆಗೆ ಪೂರ್ವ ಮುದ್ರಿತ (ಪ್ರಿ-ಪ್ರಿಂಟೆಡ್) ಮತದಾರರ ಹೆಸರುಗಳು ಮತ್ತು ಇಪಿಐಸಿ (EPIC) ಸಂಖ್ಯೆಗಳ ಪರಿಶೀಲನೆ ಹಾಗೂ ಅಂತಹ ಚುನಾವಣಾ ಡೇಟಾ ಹೇಗೆ ಲಭ್ಯವಾಗಿದೆ ಎಂಬ ಬಗ್ಗೆ ಪರಿಶೀಲನೆ ನಡೆಸಬೇಕು.
ಅಸಾಮಾನ್ಯವಾಗಿ ಹೆಚ್ಚಿನ ಸಂಖ್ಯೆಯ ಆಕ್ಷೇಪಣೆಗಳನ್ನು ದಾಖಲಿಸುವ ವ್ಯಕ್ತಿಗಳು, ಸಂಬಂಧಪಟ್ಟ ಮತದಾರರೊಂದಿಗೆ ಅವರ ಸಂಬಂಧ, ಬಿಎಲ್‌ಒ(BLO)ಗಳಿಂದ ಹಿಂತಿರುಗಿಸಲ್ಪಟ್ಟ ಅರ್ಜಿಗಳು ಮತ್ತು ಸಗಟು ಸಲ್ಲಿಕೆಯ ಕುರಿತು ಸಾರ್ವಜನಿಕವಾಗಿ ಮಾಡಲಾದ ಹೇಳಿಕೆಗಳು ಸೇರಿದಂತೆ ರಾಜಕೀಯ ಸಮನ್ವಯ ಅಥವಾ ಸುಲಭಗೊಳಿಸುವಿಕೆಯ ಆರೋಪಗಳ ತನಿಖೆ ನಡೆಸಬೇಕು ಎಂದು ಅವರು ಕರ್ನಾಟಕದ ಮುಖ್ಯ ಚುನಾವಣಾ ಅಧಿಕಾರಿಗೆ ಬರೆದ ಪತ್ರದಲ್ಲಿ ಒತ್ತಾಯಿಸಿದ್ದಾರೆ.
ಧರಣಿ ಸತ್ಯಾಗ್ರಹವನ್ನು ಘೋಷಿಸುವ ಮೊದಲು ಶಿವಕುಮಾರ ಅವರು ಮುಖ್ಯ ಚುನಾವಣಾ ಅಧಿಕಾರಿ ಅನ್ಬುಕುಮಾರ ಅವರ ಜೊತೆ ಸುಮಾರು ಎರತಾಸಿಗಳಿಗೂ ಹೆಚ್ಚು ಕಾಲ ಸಭೆ ನಡೆಸಿದರು.
“ನಮ್ಮ ಹೋರಾಟದ ಮೂಲಕ ಕಾನೂನಿನಡಿ ಜನರನ್ನು ರಕ್ಷಿಸಬಲ್ಲೆ ಎಂಬ ತೃಪ್ತಿ ನನಗೆ ಸಿಗುವವರೆಗೆ ನಾನು ಇಲ್ಲಿಯೇ ಇರುತ್ತೇನೆ” ಎಂದು ಶಿವಕುಮಾರ ಹೇಳಿದರು.
ನಿಮ್ಮ ಕಾಮೆಂಟ್ ಬರೆಯಿರಿ