ಭೋಪಾಲ್ : ಭೋಪಾಲ್‌ನಲ್ಲಿ ಕಲಾವಿದರ ತಂಡವೊಂದು 5 ಟನ್ ತೂಕದ ಅಪರೂಪದ ‘ರುದ್ರ ವೀಣೆ’ಯನ್ನು ಸ್ಕ್ರ್ಯಾಪ್‌ಗಳಿಂದ ಸಿದ್ಧಪಡಿಸಿದೆ.
ಈ ವೀಣೆಯು 28 ಅಡಿ ಉದ್ದವಿದ್ದು, 10 ಅಡಿ ಅಗಲವಿದೆ ಮತ್ತು 12 ಅಡಿ ಎತ್ತರವಿದೆ. 15 ಸದಸ್ಯರ ತಂಡ ಇದನ್ನು ನಿರ್ಮಿಸಲು ಸುಮಾರು ಆರು ತಿಂಗಳು ತೆಗೆದುಕೊಂಡಿದೆ ಮತ್ತು ಅದರ ತಯಾರಿಕೆಗೆ ಸುಮಾರು 10 ಲಕ್ಷ ರೂ.ಗಳನ್ನು ವ್ಯಯಿಸಿದ್ದು, ಇದು ವಿಶ್ವದ ಅತಿದೊಡ್ಡ ರುದ್ರ ವೀಣೆ ಎಂದು ತಂಡ ಹೇಳಿಕೊಂಡಿದೆ. ಇದು ಚೈನ್, ಗೇರ್, ಬಾಲ್-ಬೇರಿಂಗ್, ವೈರ್ ಮುಂತಾದ ವಾಹನದ ಸ್ಕ್ರ್ಯಾಪ್‌ಗಳಿಂದ ಇದನ್ನು ನಿರ್ಮಾಣ ಮಾಡಲಾಗಿದೆ.
ಒಟ್ಟು 15 ಕಲಾವಿದರು ವಿನ್ಯಾಸದಲ್ಲಿ ತೊಡಗಿದ್ದರು, ಸ್ಕ್ರ್ಯಾಪ್‌ಗಳನ್ನು ಸಂಗ್ರಹಿಸಿದರು ಮತ್ತು ಆರು ತಿಂಗಳ ಕಾಲ ಅದನ್ನು ತಯಾರಿಸಿದರು ಮತ್ತು ಅಂತಿಮವಾಗಿ ಸ್ಕ್ರ್ಯಾಪ್‌ಗಳಿಂದ ಮಾಡಿದ ದೊಡ್ಡ ವೀಣೆ ಸಿದ್ಧವಾಯಿತು ಎಂದು ಕಲಾವಿದರಲ್ಲೊಬ್ಬರಾದ ಪವನ್ ದೇಶಪಾಂಡೆ ಹೇಳಿದ್ದಾರೆ.
ನಮ್ಮ ಹೊಸ ಪೀಳಿಗೆಯು ಭಾರತೀಯ ಸಂಸ್ಕೃತಿಯ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಾವು ಭಾರತೀಯ ಥೀಮ್‌ನಲ್ಲಿ ಕೆಲಸ ಮಾಡಲು ಬಯಸಿದ್ದೇವೆ. ‘ರುದ್ರ ವೀಣೆ’ ತನ್ನಷ್ಟಕ್ಕೆ ತಾನೇ ವಿಶಿಷ್ಟವಾದ ಭಾರತೀಯ ವಾದ್ಯ. ನಗರದಲ್ಲಿ ಜನರು ಇದರೊಂದಿಗೆ ಸೆಲ್ಫಿ ತೆಗೆದುಕೊಳ್ಳಬಹುದಾದ ಸ್ಥಳದಲ್ಲಿ ಇದನ್ನು ಸ್ಥಾಪಿಸಲಾಗುವುದು. ನಾವು ಅದರಲ್ಲಿ ಮ್ಯೂಸಿಕಲ್ ಸಿಸ್ಟಮ್ ಮತ್ತು ಲೈಟ್‌ಗಳನ್ನು ಅಳವಡಿಸುತ್ತೇವೆ. ಇದರಿಂದ ಅದು ಹೆಚ್ಚು ಸುಂದರವಾಗಿ ಹಾಗೂ ವಿಶಿಷ್ಟವಾಗಿ ಕಾಣುತ್ತದೆ.
ಈಗ, ನಾವು ನಗರದ ಅಟಲ್ ಪಥದಲ್ಲಿರುವ ಸ್ಥಳವನ್ನು ಗುರುತಿಸಿದ್ದೇವೆ, ಅದನ್ನು ಅಲ್ಲಿ ಇರಿಸಬಹುದು” ಎಂದು ಕಲಾವಿದರು ಹೇಳಿದರು.
“ನಾವು ಅಂತಹ ಬೃಹತ್ ವೀಣೆಯನ್ನು ಸ್ಕ್ರ್ಯಾಪ್ ಮತ್ತು ಕಸದಿಂದ ತಯಾರಿಸಲಾಗಿಲ್ಲ ಎಂದು ಸಂಶೋಧನೆ ಮಾಡಿದ್ದೇವೆ. ಇದು ಭೋಪಾಲ್ ಮಾತ್ರವಲ್ಲದೆ ವಿಶ್ವದ ಅತಿದೊಡ್ಡ ವೀಣೆಯಾಗಿದೆ. ಈ ರುದ್ರ ವೀಣೆಯನ್ನು ತಯಾರಿಸಲು ಸುಮಾರು 10 ಲಕ್ಷ ರೂಪಾಯಿ ಖರ್ಚು ಮಾಡಲಾಗಿದೆ ಎಂದು ರುದ್ರ ವೀಣೆಯನ್ನು ತಯಾರಿಸಿದ ತಂಡವು ಹೇಳಿಕೊಂಡಿದೆ,
ನಿಮ್ಮ ಕಾಮೆಂಟ್ ಬರೆಯಿರಿ