ನವ ದೆಹಲಿ: ಸಾಂಕ್ರಾಮಿಕ ರೋಗವು ಕಚೇರಿಯಿಂದ ಕೆಲಸ ಮಾಡುವುದಕ್ಕೆ ಅಡ್ಡಿಪಡಿಸುತ್ತಿದ್ದರೂ ಭಾರತದಲ್ಲಿ ಶೇ 59 ರಷ್ಟು ಉದ್ಯೋಗದಾತರು ದೂರಸ್ಥ (ರಿಮೋಟ್ ವರ್ಕಿಂಗ್) ಕೆಲಸದ ಪರ ಇಲ್ಲ ಎಂದು ಹೊಸ ಸಮೀಕ್ಷೆಯೊಂದು ಬಹಿರಂಗಪಡಿಸಿದೆ. ಜಾಬ್ ಸೈಟ್ ನಡೆಸಿದ ಸಮೀಕ್ಷೆಯ ಪ್ರಕಾರ, 67 ಪ್ರತಿಶತದಷ್ಟು ದೊಡ್ಡದಾದ ಮತ್ತು 70 ಪ್ರತಿಶತದಷ್ಟು ಮಧ್ಯಮ ಗಾತ್ರದ ಭಾರತೀಯ ಸಂಸ್ಥೆಗಳು ತಮ್ಮ ಜಾಗತಿಕ ಪ್ರತಿರೂಪಗಳಿಗೆ (60 ಶೇಕಡಾ ದೊಡ್ಡ ಮತ್ತು 34 ಶೇಕಡಾ ಮಧ್ಯಮ ಗಾತ್ರದ) ವಿರುದ್ಧವಾಗಿ ಸಾಂಕ್ರಾಮಿಕ ನಂತರದ, ರಿಮೋಟ್ ವರ್ಕಿಂಗ್ ಸೆಟಪ್ಪಿಗೆ ಸಹಮತ ಸೂಚಿಸಿಲ್ಲ ಎಂಬುದು ಸಮೀಕ್ಷೆಯಿಂದ ಬೆಳಕಿಗೆ ಬಂದಿದೆ.
ಡಿಜಿಟಲ್ ಸ್ಟಾರ್ಟ್ಅಪ್‌ಗಳು ಸಹ ಸಾಂಕ್ರಾಮಿಕ ರೋಗದ ನಂತರ ಜಾರಿಗೆ ಬಂದ ರಿಮೋಟ್ ವರ್ಕಿಂಗ್ ಮುಂದುವರಿಸಲು ಇಷ್ಟಪಡುವುದಿಲ್ಲ ಎಂದು ಹೇಳಿವೆ, ಅಲ್ಲದೆ, ಸಾಂಕ್ರಾಮಿಕದ ನಂತರದ ಆಫೀಸ್ ಮಾದರಿ ಕೆಲಸಕ್ಕೆ ಮರಳುತ್ತೇವೆ ಎಂದು ಹೇಳಿವೆ.
45 ಪ್ರತಿಶತಕ್ಕೂ ಹೆಚ್ಚು ಉದ್ಯೋಗಿಗಳು ರಿವರ್ಸ್ ವಲಸೆ ತಾತ್ಕಾಲಿಕ ಎಂದು ಹೇಳಿದ್ದಾರೆ ಮತ್ತು 50 ಪ್ರತಿಶತದಷ್ಟು ಉದ್ಯೋಗಿಗಳು ಉದ್ಯೋಗದಲ್ಲಿ ಬೇಡಿಕೆಯಿದ್ದರೆ ತಮ್ಮ ಸ್ಥಳೀಯ ಸ್ಥಳದಿಂದ ಮೆಟ್ರೊಗೆ ಹಿಂತಿರುಗಲು ಸಿದ್ಧರಿದ್ದೇವೆ ಎಂದು ಹೇಳಿದ್ದಾರೆ.
ಸಮೀಕ್ಷೆಯಲ್ಲಿ ಮನೆಯಿಂದ ಕೆಲಸದ ಲಭ್ಯತೆ (ಡಬ್ಲ್ಯುಎಫ್‌ಹೆಚ್) ಆಯ್ಕೆಗಳು (ಶೇಕಡಾ 29) ಮತ್ತು ಸಾಂಕ್ರಾಮಿಕ ರೋಗ ನಿಯಂತ್ರಣಕ್ಕೆ ತರುವುದು (ಶೇಕಡಾ 24), ಹಾಗೂ ಕೇವಲ 9 ಪ್ರತಿಶತದಷ್ಟು ಜನರು ತಮ್ಮ ಸ್ಥಳೀಯ ಸ್ಥಳಗಳಲ್ಲಿ ಶಾಶ್ವತವಾಗಿ ಉಳಿಯುತ್ತೇವೆ ಎಂದು ಹೇಳಿದ್ದಾರೆ.
ಸಮೀಕ್ಷೆ ನಡೆಸಿರುವ 1200 ಉದ್ಯೋಗಿಗಳು ಮತ್ತು 600 ಉದ್ಯೋಗದಾತರಲ್ಲಿ ಕೇವಲ 32 ಪ್ರತಿಶತದಷ್ಟು ಜನರು ಮಾತ್ರ ಸ್ಥಳಿಯವಾಗಿ ಕೆಲಸ ಸಿಕ್ಕರೆ ಯಾವುದೇ ರೀತಿಯ ವೇತನ ಕಡಿತಕ್ಕೆ ಸಿದ್ಧರಿದ್ದೇವೆ ಎಂದು ಹೇಳಿದ್ದಾರೆ.
ತಮ್ಮ ಊರುಗಳಿಂದ ಕೆಲಸ ಮಾಡಲು ವೇತನ ಕಡಿತ ತೆಗೆದುಕೊಳ್ಳುವ ಇಚ್ಛೆಯು ಅವರ ಉದ್ಯೋಗದ ಸ್ತರದ ಅನುಕ್ರಮದೊಂದಿಗೆ ಕಡಿಮೆಯಾಗುತ್ತದೆ. ಶೇಕಡಾ 88 ರಷ್ಟು ಹಿರಿಯ ಮಟ್ಟದ ಉದ್ಯೋಗಿಗಳು ವೇತನ ಕಡಿತ ತೆಗೆದುಕೊಳ್ಳಲು ಇಷ್ಟವಿಲ್ಲ ಎಂದು ಹೇಳಿದ್ದರೆ 50 ಪ್ರತಿಶತದಷ್ಟು ಜನರು ತಮ್ಮ ಉದ್ಯೋಗಕ್ಕೆ ಬೇಡಿಕೆ ಬಂದರೆ ಮೆಟ್ರೊಕ್ಕೆ ಹಿಂತಿರುಗುವುದಾಗಿ ಹೇಳಿದ್ದಾರೆ.
ಕೊವಿಡ್‌ ಸಾಂಕ್ರಾಮಿಕವು ಉದ್ಯೋಗದ ಭವಿಷ್ಯದ ದೃಷ್ಟಿಯಿಂದ ಶೇಕಡಾ 44 ಜನ ತಮ್ಮ ಊರಲ್ಲಿ ಉದ್ಯೋಗ ಹುಡುಕುವುದು ಕಷ್ಟಕರವೆಂದು ಹೇಳುತ್ತಾರೆ. ಅಲ್ಲದೆ, ಶೇಕಡಾ 61 ರಷ್ಟು ಜನರು ತಮ್ಮ ಊರುಗಳಿಂದ ಕೆಲಸ ಮಾಡಿದರೂ ವೇತನ ಕಡಿತಕ್ಕೆ ಸಿದ್ಧರಿಲ್ಲ ಎಂದು ಈ ಸಮೀಕ್ಷೆಯಲ್ಲಿ ಕಂಡುಬಂದಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ