ಕೊರೊನಾ ವೈರಸ್ ವಿರುದ್ಧ ರಕ್ಷಿಸಿಕೊಳ್ಳಲು ಮಾಸ್ಕ್ ಈಗ ಅನಿವಾರ್ಯ ಸಾಧನವಾಗಿದೆ. ಈಗ ಮಾಸ್ಕ್ಗಳ ಸಂಬಂಧಕೂಡ ಅಧ್ಯಯನ ನಡೆದಿದ್ದು, ಎರಡು ಮಾಸ್ಕ್ ಒಟ್ಟಿಗೆ ಧರಿಸುವುದರಿಂದ ಕೊರೊನಾದಂತಹ ವೈರಸ್ಗಳಿಂದ ನಾವು ಹೆಚ್ಚಿನ ಪ್ರಮಾಣದಲ್ಲಿ ರಕ್ಷಿಸಿಕೊಳ್ಳಬಹುದು ಎಂದು ಅಧ್ಯಯನ ತಿಳಿಸಿದೆ.
ಜಾಮಾ ಇಂಟರ್ನಲ್ ಮೆಡಿಸಿನ್ ಜರ್ನಲ್ನಲ್ಲಿ ಪ್ರಕಟವಾದ ಬರಹದಲ್ಲಿ ಎರಡು ಮಾಸ್ಕ್ಗಳ ಬಳಕೆಯಿಂದ ಪರದೆಗಳ ಸಂಖ್ಯೆ ಹೆಚ್ಚಾಗುತ್ತವೆ. ಇದರಿಂದಾಗಿ ಗಾಳಿ ಇನ್ನಷ್ಟು ಫಿಲ್ಟರ್ ಆಗಲಿದೆ ಎಂದು ಹೇಳಿದೆ. ಅಲ್ಲದೆ, ಈ ಮಾಸ್ಕ್ಗಳು ಮುಖಕ್ಕೆ ಸರಿಯಾಗಿ ಫಿಟ್ ಆಗುವಂತೆ ಇರಬೇಕು ಎಂದು ನಾರ್ತ್ ಕ್ಯಾರೋಲಿನಾ ವಿಶ್ವ ವಿದ್ಯಾಲಯದ ಸಹಾಯಕ ಪ್ರಾಧ್ಯಾಪಕ ಸಿಕ್ಬರ್ಟ್ ಬೆನ್ನೆಟ್ ಬರೆದಿದ್ದಾರೆ.
ಸರ್ಜಿಕಲ್ ಮಾಸ್ಕ್ಗಳ ಮೇಲೆ ಬಟ್ಟೆಯಿಂದ ಮಾಡಲಾದ ಮಾಸ್ಕ್ಗಳನ್ನ ಧರಿಸುವುದರಿಂದ ಫಿಲ್ಟರೇಷನ್ ಸಾಮರ್ಥ್ಯ ಇನ್ನಷ್ಟು ಸುಧಾರಿಸಲಿದೆ. ಈ ಸರ್ಜಿಕಲ್ ಮಾಸ್ಕ್ಗಳ ಜೊತೆಯಲ್ಲಿ ಸ್ಲೀವ್ ಟೈಪ್ ಮಾಸ್ಕ್ಗಳನ್ನ ಧರಿಸುವುದರಿಂದ ಸೋಂಕಿನ ಅಪಾಯದಿಂದ ಹೆಚ್ಚು ಸುರಕ್ಷಿತವಾಗಿ ಇರಬಹುದಾಗಿದೆ ಎಂದು ಅವರು ಹೇಳಿದ್ದಾರೆ.
ಎರಡೆರಡು ಮಾಸ್ಕ್ಗಳ ಬಳಕೆ ವಿಚಾರವಾಗಿ ಮಾತನಾಡಿ ಏಮ್ಸ್ ನಿರ್ದೇಶಕ ಡಾ. ರಂದೀಪ್ ಗುಲೇರಿಯಾ, ಎನ್ 95 ಮಾಸ್ಕ್ಗಳು ಕೊರೊನಾ ವಿರುದ್ಧ ಬಹಳ ಒಳ್ಳೆಯದು. ಆದರೆ ಅವು ಸ್ವಲ್ಪ ದುಬಾರಿ ಹಾಗೂ ಎಲ್ಲಾ ಬಾರಿಯೂ ಸಿಗುವುದಿಲ್ಲ. ಹೀಗಾಗಿ ಎರಡು ಮಾಸ್ಕ್ಗಳ ಬಳಕೆ ಮಾಡುವುದು ಉತ್ತಮ ಎನ್ನುತ್ತಾರೆ. ಸರ್ಜಿಕಲ್ ಮಾಸ್ಕ್ ಹಾಗೂ ಬಟ್ಟೆಯ ಮಾಸ್ಕ್ಗಳನ್ನ ಬಳಕೆ ಮಾಡುವುದರಿಂದ ಕೊರೊನಾದಿಂದ ಇನ್ನೂ ಹೆಚ್ಚು ಸುರಕ್ಷಿತವಾಗಿರಬಹುದು. ಒಂದು ವೇಳೆ ಆಗುವುದಿಲ್ಲ ಎಂದಾದರೆ ಎರಡು ಬಟ್ಟೆಯಿಂದ ಮಾಡಲ್ಪಟ್ಟ ಮಾಸ್ಕ್ಗಳನ್ನೇ ಬಳಕೆ ಮಾಡಿ ಎಂದು ಅವರು ಹೇಳುತ್ತಾರೆ.
ಎನ್ 95 ಮಾಸ್ಕ್ಗಳು ಶೇ.95ರಷ್ಟು ಫಿಲ್ಟರ್ ಸಾಮರ್ಥ್ಯ ಹೊಂದಿದೆ. ಸರ್ಜಿಕಲ್ ಮಾಸ್ಕ್ಗಳು 85 ರಿಂದ 90 ಪ್ರತಿಶತ ಸುರಕ್ಷಿತವಾಗಿದೆ ಎಂದು ಹೇಳಬಹುದು. ಮಾಸ್ಕ್ ಧರಿಸುವ ವೇಳೆಯೂ ಸರಿಯಾದ ಕ್ರಮ ಅನುಸರಿಸಬೇಕು. ಮಾಸ್ಕ್ ಹಾಕಿಕೊಂಡ ರೀತಿಯಿಂದ ನಮ್ಮ ಮೂಗಿನೊಳಕ್ಕೆ ಶುದ್ಧ ಗಾಳಿ ಹೋಗುತ್ತಿದ್ದೆಯೋ ಇಲ್ಲವೋ, ಮಾಸ್ಕ್ ಧರಿಸಿದರೂ ರೋಗಾಣು ಮೂಗಿಗಿ ಅವಕಾಶವಾಗುತ್ತದೆಯೋ ಎಂದು ನೋಡಿಕೊಳ್ಳಬೇಕು. ಮಾಸ್ಕ್ ಸರಿಯಾಗಿ ಹಾಕಿಕೊಳ್ಳದೆ ಹೋದರೆ ಅದು ಬೇಕಾದರೆ ಡಬಲ್‌ ಮಾಸ್ಕ್ ಇದ್ದರೂ ಸೋಂಕಿಗೆ ಒಳಗಾಗೋ ಸಾಧ್ಯತೆ ಇರುತ್ತದೆ ಎಂದು ಗುಲೇರಿಯಾ ಹೇಳುತ್ತಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ