ಆಲಪ್ಪುಳ: ಕೇರಳದ ಆಲಪ್ಪುಳ ಜಿಲ್ಲೆಯಲ್ಲಿ ನಕಲಿ ಪುರಾತನ ವಸ್ತುಗಳನ್ನು ಮಾರಾಟ ಮಾಡಿ ಕೋಟ್ಯಂತರ ರೂಪಾಯಿಗಳನ್ನು ವಂಚಿಸಿದ ಆರೋಪದ ಮೇಲೆ 52 ವರ್ಷದ ಯೂಟ್ಯೂಬರನನ್ನು ಬಂಧಿಸಲಾಗಿದೆ.
ಚೆರ್ತಾಲಾ ನಿವಾಸಿ ಮಾನ್ಸನ್ ಮಾವುಂಕಲ್‌ನನ್ನು ಕ್ರೈಂ ಬ್ರಾಂಚ್ ತಂಡವು ಆಲಪ್ಪುಳ ಜಿಲ್ಲೆಯಿಂದ ಬಂಧಿಸಿದೆ. ಕೇರಳ ಮೂಲದ ಯೂಟ್ಯೂಬರ್ ಮಾವುಂಕಲ್ ಕಳೆದ ಹಲವು ವರ್ಷಗಳಿಂದ ಕಲಾಕೃತಿಗಳು ಮತ್ತು ಅವಶೇಷಗಳ ಸಂಗ್ರಾಹಕನಂತೆ ನಟಿಸುತ್ತಿದ್ದ ಮತ್ತು ಜನರಿಗೆ 10 ಕೋಟಿ ರೂಪಾಯಿ ವಂಚಿಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಟಿಪ್ಪು ಸುಲ್ತಾನನ ಸಿಂಹಾಸನ, ಔರಂಗಜೇಬನ ಉಂಗುರ, ಛತ್ರಪತಿ ಶಿವಾಜಿಯ ಭಗವದ್ಗೀತೆ ಪ್ರತಿ, ಸೇಂಟ್ ಆಂಟನಿಯ ಬೆರಳಿನ ಉಗುರು ಮತ್ತು ಇತರ ಅಪರೂಪದ ಕಲಾಕೃತಿಗಳು ತನ್ನ ಬಳಿ ಇದೆ ಎಂದು ಹೇಳಿಕೊಂಡು, ಮಾನ್ಸನ್ ಮಾವುಂಕಲ್ ಜನರಿಂದ ಹಣವನ್ನು ಲಪಟಾಯಿಸಿದ್ದಾನೆ ಎಂಬ ಆರೋಪ ಎದುರಿಸುತ್ತಿದ್ದಾನೆ.
ರಿಸರ್ವ್ ಬ್ಯಾಂಕಿನ ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (FEMA) ನಿಯಮಗಳ ಕಾರಣದಿಂದಾಗಿ ತನ್ನ 2.6 ಲಕ್ಷ ಕೋಟಿ ರೂಪಾಯಿಗಳು ವಿದೇಶಿ ಬ್ಯಾಂಕ್ ಖಾತೆಯಲ್ಲಿ ಹೇಗೆ ಸಿಲುಕಿಕೊಂಡಿದೆ ಎಂಬ ಕಥೆಯನ್ನು ಜನರನ್ನು ಮೋಸ ಮಾಡಲು ಮಾನ್ಸನ್ ಬಳಸಿದ ವಿಧಾನವಾಗಿತ್ತು. ಫೆಮಾದಲ್ಲಿ ಸಿಲುಕಿರುವ ದೊಡ್ಡ ಮೊತ್ತವು ತಾವು ಮಾರಾಟ ಮಾಡಿದ ಕಲಾಕೃತಿಗಳಿಗಾಗಿ ಗಲ್ಫ್ ದೇಶಗಳ ರಾಜಮನೆತನದವರು ರಾಜಮನೆತನದವರು ಪಾವತಿಸಿದ ಹಣ ಎಂದು ಈತ ಜನರೆದು ಹೇಳಿಕೊಂಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ವಿದೇಶಿ ಬ್ಯಾಂಕ್ ಖಾತೆಯಲ್ಲಿನ ಹಣ ಬಿಡುಗಡೆಯಾದ ನಂತರ ತಾನು ಈಗಾಗಲೇ ಗಲ್ಫ್‌ನಲ್ಲಿ ವ್ಯಾಪಾರಕ್ಕಾಗಿ ಬಡ್ಡಿರಹಿತ ಸಾಲಕ್ಕಾಗಿ ವಿಂಗಡಿಸಿದ್ದೇನೆ ಎಂದು ಸಹ ಆತ ಹೇಳಿಕೊಂಡಿದ್ದ. ಕೊಚ್ಚಿಯಲ್ಲಿರುವ ಆತನ ಬಾಡಿಗೆ ಮನೆಯಲ್ಲಿ ಆತನ ಬಳಿಯಿದ್ದ ಬಹುತೇಕ ಕಲಾಕೃತಿಗಳು ಸ್ಥಳೀಯ ಬಡಗಿಗಳಿಂದ ವಿನ್ಯಾಸಗೊಳಿಸಿದ ನಕಲಿ ಉತ್ಪನ್ನಗಳೆಂದು ಕಂಡುಬಂದಿದೆ.
ಜಂಟಿ ದೂರಿನಲ್ಲಿ ಯಾಕೂಬ್ ಪುರಯಿಲ್, ಅನೂಪ್ ವಿ ಅಹ್ಮದ್, ಸಲೀಂ ಎಡತಿಲ್, ಎಂ.ಟಿ. ಶಮೀರ್, ಸಿದ್ದಿಕ್ ಪುರಯಿಲ್ ಮತ್ತು ಶನಿಮೋನ್ ಅವರು ಜೂನ್ 2017 ರಿಂದ ಮಾನ್ಸನ್ ಮಾವುಂಕಲ್ 10 ಕೋಟಿ ರೂಪಾಯಿ ವಂಚಿಸಿದ್ದಾನೆ ಎಂದು ಹೇಳಿದ್ದಾರೆ.
ಕಳೆದ ಕೆಲವು ವರ್ಷಗಳಲ್ಲಿ, ಮಾನ್ಸನ್ ರಾಜಕೀಯ, ಅಧಿಕಾರಶಾಹಿ ಮತ್ತು ಸಿನಿಮಾ ಸೇರಿದಂತೆ ವಿವಿಧ ಕ್ಷೇತ್ರಗಳ ಸದಸ್ಯರೊಂದಿಗೆ ಸಂಪರ್ಕ ಹೊಂದಿದ್ದರು.
ದೂರಿನ ಪ್ರಕಾರ, ಮಾನ್ಸನ್ ತನ್ನ ಕೆಲಸಕ್ಕೆ ಪೊಲೀಸ್ ಅಧಿಕಾರಿಗಳು ಮತ್ತು ರಾಜಕಾರಣಿಗಳು ಸೇರಿದಂತೆ ಪ್ರಭಾವಿ ವ್ಯಕ್ತಿಗಳ ಹೆಸರನ್ನು ಬಳಸಿದ್ದಾನೆ.
ಸಾಮಾಜಿಕ ಮಾಧ್ಯಮಗಳಲ್ಲಿ ನಕಲಿ ಪುರಾತನ ವಸ್ತುಗಳನ್ನು ನೈಜವಾದದ್ದು ಎಂದು ತೋರಿಸಲು ಮಾನ್ಸನ್ ಬ್ಯಾಂಕ್ ಮತ್ತು ಸರ್ಕಾರಿ ದಾಖಲೆಗಳನ್ನು ಸಹ ನಕಲಿ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ. ಮಾನ್ಸನ್ ಐಷಾರಾಮಿ ಕಾರುಗಳನ್ನು ಹೊಂದಿದ್ದಾನೆ ಮತ್ತು ಅವುಗಳನ್ನು ಫೆಮಾದಲ್ಲಿ ಸಿಲುಕಿರುವ ಅವರ ಸಂಪತ್ತಿನ ಸಂಕೇತವಾಗಿ ಬಳಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ