ಇಮ್ರಾನ್ ಖಾನ್‌ಗೆ ಬಂಧನದ ಭೀತಿ? ಅವಿಶ್ವಾಸ ನಿರ್ಣಯದಲ್ಲಿ ಸೋಲನುಭವಿಸಿದರೆ ಪಾಕ್ ಪ್ರಧಾನಿ ಬಂಧನವಾಗಬಹುದು ಎಂದ ಸಚಿವ ಶೇಖ್ ರಶೀದ್

ನವದೆಹಲಿ: ಪಾಕಿಸ್ತಾನದ ಸಂಸತ್ತಿನಲ್ಲಿ ಪ್ರಧಾನಿ ಇಮ್ರಾನ್ ಖಾನ್ ಅವರ ವಿರುದ್ಧ ಅವಿಶ್ವಾಸ ನಿರ್ಣಯದಲ್ಲಿ ಅವರು ವಿಶ್ವಾಸ ಮತವನ್ನು ಕಳೆದುಕೊಂಡರೆ ಅವರನ್ನು ಬಂಧಿಸಬಹುದು ಎಂದು ಆಂತರಿಕ ಸಚಿವ ಶೇಖ್ ರಶೀದ್ ಅಹ್ಮದ್ ಭಾನುವಾರ ಹೇಳಿದ್ದಾರೆ.
ಇಂಡಿಯಾ ಟುಡೇ ಟಿವಿ ಜೊತೆ ಮಾತನಾಡಿದ ಶೇಖ್ ರಶೀದ್ ಅಹ್ಮದ್ ಅವರು, ಪಾಕಿಸ್ತಾನ್ ತೆಹ್ರೀಕ್-ಇ-ಇನ್ಸಾಫ್ (ಪಿಟಿಐ) ಪಕ್ಷದ ನೇತೃತ್ವದ ಆಡಳಿತಾರೂಢ ಒಕ್ಕೂಟದ 155 ಸದಸ್ಯರು ಅವಿಶ್ವಾಸ ನಿರ್ಣಯದ ಮುನ್ನ ಸಾಮೂಹಿಕವಾಗಿ ರಾಜೀನಾಮೆ ನೀಡಬಹುದು ಎಂದು ಹೇಳಿದ್ದಾರೆ.

ಅವರು ಇಮ್ರಾನ್ ಖಾನ್ ಅವರನ್ನು ಬಂಧಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ, ಅವರು ಇಮ್ರಾನ್ ಖಾನ್ ಅವರನ್ನು ಸಹಿಸುವುದಿಲ್ಲ” ಎಂದು ಅವರು ಕ್ರಿಕೆಟಿಗ-ರಾಜಕಾರಣಿಯ ವಿರುದ್ಧ ಅವಿಶ್ವಾಸ ನಿರ್ಣಯವನ್ನು ಮಂಡಿಸಿದ ಪ್ರತಿಪಕ್ಷವನ್ನು ಉಲ್ಲೇಖಿಸಿ ಹೇಳಿದ್ದಾರೆ.
ಇಮ್ರಾನ್ ಖಾನ್ ಅವರನ್ನು ಪದಚ್ಯುತಗೊಳಿಸುವ ವಿದೇಶಿ ಪಿತೂರಿಯ ಕುರಿತು ಕೇಳಲಾದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಸಚಿವರು ಪಾಕಿಸ್ತಾನದ ಪ್ರಜಾಪ್ರಭುತ್ವ ಗಂಭೀರ ಬೆದರಿಕೆಗಳನ್ನು ಎದುರಿಸುತ್ತಿದೆ ಮತ್ತು ಪ್ರಸ್ತುತ ಗೊಂದಲದಿಂದ ಹೊರಬರುವ ಏಕೈಕ ಪರಿಹಾರವೆಂದರೆ ಅವಧಿಪೂರ್ವ ಚುನಾವಣೆಗಳನ್ನು ನಡೆಸುವುದು ಎಂದು ಹೇಳಿದ್ದಾರೆ.
342 ಸದಸ್ಯರ ಪಾಕಿಸ್ತಾನದ ರಾಷ್ಟ್ರೀಯ ಅಸೆಂಬ್ಲಿಯಲ್ಲಿ ಇಮ್ರಾನ್‌ ಖಾನ್ ಅವರ ಸರ್ಕಾರವನ್ನು ಪದಚ್ಯುತಗೊಳಿಸಲು ವಿರೋಧ ಪಕ್ಷಗಳಿಗೆ 172 ಸದಸ್ಯರ ಅಗತ್ಯವಿದೆ. ಪ್ರಧಾನಿಯನ್ನು ಪದಚ್ಯುತಗೊಳಿಸಲು ಬೇಕಾದ ಬಲಕ್ಕಿಂತ 177 ಸದಸ್ಯರ ಬೆಂಬಲವಿದೆ ಎಂದು ವಿರೋಧಪಕ್ಷದವರು ಹೇಳಿಕೊಳ್ಳುತ್ತಾರೆ.
ಸಂಯೋಜಿತ ವಿರೋಧ ಪಕ್ಷವು ಮಾರ್ಚ್ 8 ರಂದು ಅವಿಶ್ವಾಸ ನಿರ್ಣಯವನ್ನು ಮಂಡಿಸಿತು

ಓದಿರಿ :-   ಸಂಭಾವ್ಯ ಮಸ್ಕ್‌ ಸ್ವಾಧೀನಕ್ಕೂ ಮೊದಲು ಟ್ವಿಟರ್‌ನ ಮೂವರು ಉನ್ನತ ಉದ್ಯೋಗಿಗಳ ರಾಜೀನಾಮೆ

 

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

/ 5. ಒಟ್ಟು ವೋಟುಗಳು

advertisement

ನಿಮ್ಮ ಕಾಮೆಂಟ್ ಬರೆಯಿರಿ