ಭಾರತದ ದೊಡ್ಡ ಬ್ಯಾಂಕಿಂಗ್‌ ವಂಚನೆ ಪ್ರಕರಣ: ಡಿಎಚ್‌ಎಫ್‌ಎಲ್‌ನ ಕಪಿಲ್, ಧೀರಜ್ ವಾಧವನ್‌ ವಿರುದ್ಧ ಎಫ್‌ಐಆರ್‌ ದಾಖಲಿಸಿದ ಸಿಬಿಐ

ನವದೆಹಲಿ: 34,614 ಕೋಟಿ ರೂ. ಗಳ ಭಾರತದ ಬೃಹತ್ ಬ್ಯಾಂಕಿಂಗ್ ವಂಚನೆ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಡಿಎಚ್‌ಎಫ್‌ಎಲ್‌, ಅದರ ಪ್ರವರ್ತಕರಾದ ಕಪಿಲ್‌ ವಾಧವನ್, ಧೀರಜ್ ವಾಧವನ್, ಉದ್ಯಮಿ ಸುಧಾಕರ ಶೆಟ್ಟಿ ಮತ್ತು ಇತರರಿಗೆ ಸಂಬಂಧಪಟ್ಟ ಮಹಾರಾಷ್ಟ್ರದ 12 ಸ್ಥಳಗಳಲ್ಲಿ ಕೇಂದ್ರ ತನಿಖಾ ಸಂಸ್ಥೆಯಾದ ಸಿಬಿಐ ಶೋಧ ಆರಂಭಿಸಿದೆ. ನೀರವ್‌ ಮೋದಿ ಪ್ರಕರಣದ ಮೂರು ಪಟ್ಟು ಹೆಚ್ಚು ಬ್ಯಾಂಕಿಂಗ್‌ ವಂಚನೆ ಇದಾಗಿದ್ದು, ದೇಶ ಕಂಡ ಬೃಹತ್‌ ಬ್ಯಾಂಕಿಂಗ್‌ ವಂಚನೆ ಎಂದು ಹೇಳಲಾಗಿದೆ.
ದಿವಾನ್ ಹೌಸಿಂಗ್ ಫೈನಾನ್ಸ್ ಕಾರ್ಪೊರೇಷನ್ ಲಿಮಿಟೆಡ್‌ (ಡಿಎಚ್‌ಎಫ್‌ಎಲ್​)ನ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕರಾಗಿದ್ದ ಕಪಿಲ್ ವಾಧವನ್, ನಿರ್ದೇಶಕರಾಗಿದ್ದ ಧೀರಜ್ ವಾಧವನ್, ಉದ್ಯಮಿ ಸುಧಾಕರ ಶೆಟ್ಟಿ ಮತ್ತು ಇತರ ಆರೋಪಿಗಳು ಯೂನಿಯನ್ ಬ್ಯಾಂಕ್ ನೇತೃತ್ವದ 17 ಬ್ಯಾಂಕ್‌ಗಳ ಒಕ್ಕೂಟಕ್ಕೆ ವಂಚಿಸಲು ಕ್ರಿಮಿನಲ್ ಸಂಚು ರೂಪಿಸಿದ್ದರು ಎಂದು ಎಫ್‌ಐಆರ್‍‌ ದಾಖಲಿಸಲಾಗಿದೆ.

advertisement
ಐಸಿಎಸ್ ಮಹೇಶ ಪಿಯು ಸೈನ್ಸ್ ಕಾಲೇಜು, ಧಾರವಾಡ
ಅಡ್ಮಿಶನ್ ಗಾಗಿ ಇಂದೇ ಕರೆ ಮಾಡಿ
9535127775 / 9901837775 / 6364528715 / 08362775155 / https://icsmpucollege.com/

ಆರೋಪಿ ಕಪಿಲ್ ವಾಧವನ್ ಮತ್ತು ಇತತರು 42,871 ಕೋಟಿ ರೂ.ಗಳ ಬೃಹತ್‌ ಸಾಲವನ್ನು ಮಂಜೂರು ಮಾಡಿಕೊಳ್ಳಲು ಒಕ್ಕೂಟದ ಬ್ಯಾಂಕ್‌ಗಳನ್ನು ಪ್ರೇರೇಪಿಸಿದ್ದರು. ಡಿಎಚ್‌ಎಫ್‌ಎಲ್‌ ನಕಲು ದಾಖಲೆಗಳ ನೆರವಿನಿಂದ ಈ ಮೊತ್ತದ ದೊಡ್ಡ ಭಾಗವನ್ನು ಪಡೆದುಕೊಂಡರು. ಬಳಿಕ ಈ ಬ್ಯಾಂಕ್‌ಗಳಿಗೆ ಈ ಮೊತ್ತವನ್ನು ಮರುಪಾವತಿ ಮಾಡದೆ ವಂಚಿಸಿದರು. ಇದರಿಂದ ಈ ಬ್ಯಾಂಕ್‌ಗಳಿಗೆ 34,615 ಕೋಟಿ ರೂ.ನಷ್ಟು ನಷ್ಟಕ್ಕೆ ಕಾರಣರಾಗಿದ್ದಾರೆ ಎಂದು ಸಿಬಿಐ ಎಫ್‌ಐಆರ್‍ನಲ್ಲಿ ಹೇಳಿದೆ.

ಓದಿರಿ :-   ದೇವೇಂದ್ರ ಫಡ್ನವಿಸ್ ಬದಲು ಮಹಾರಾಷ್ಟ್ರದ ನೂತನ ಸಿಎಂ ಆಗಿ ಏಕನಾಥ ಶಿಂಧೆ ಆಯ್ಕೆಯ ಹಿಂದಿರುವ ಕಾರಣಗಳು..

ಡಿಎಚ್‌ಎಫ್‌ಎಲ್‌, ಕಪಿಲ್ ವಾಧವನ್, ಧೀರಜ್ ವಾಧವನ್, ಸ್ಕೈಲಾಕ್‌ ಬಿಲ್ಡ್‌ಕಾನ್‌ ಪ್ರೈ.ಲಿ., ದರ್ಶನ್ ಡೆವಲಪರ್ಸ್ ಪ್ರೈವೇಟ್‌ ಲಿಮಿಟೆಡ್‌, ಸಿಗಿಟಿಯಾ ಕನ್‌ಸ್ಟ್ರಕ್ಷನ್ ಬಿಲ್ಟರ್‍ಸ್‌ ಪ್ರೈ. ಲಿ., ಟೌನ್‌ಷಿಪ್‌ ಡೆವಲಪರ್‍ಸ್‌ ಪ್ರೈ. ಲಿ., ಶಿಶಿರ್ ರಿಯಾಲ್ಟಿ ಪ್ರೈ. ಲಿ., ಸನ್‌ಬ್ಲಿಕ್ ರಿಯಲ್ ಎಸ್ಟೇಟ್‌ ಪ್ರೈ. ಲಿ., ಸುಧಾಕರ್ ಶೆಟ್ಟಿ ಮತ್ತು ಇತರರನ್ನು ಪ್ರಕರಣದಲ್ಲಿ ಸಿಬಿಐಯು ಆರೋಪಿಗಳೆಂದು ಹೇಳಿದೆ.
ಈ ವಾಧವನ್‌ ಸಹೋದರರ ಮೇಲಿನ ಬ್ಯಾಂಕಿಂಗ್‌ ವಂಚನೆ ಆರೋಪ ಇದೇ ಮೊದಲಲ್ಲ. ಯೆಸ್‌ ಬ್ಯಾಂಕ್‌ ಭ್ರಷ್ಟಾಚಾರಕ್ಕೆ ಸಂಬಂಧಿಸಿದ ಪ್ರಕರಣದಲ್ಲಿಯೂ ಇವರಿಬ್ಬರ ಮೇಲೆ ಈಗಾಗಲೇ ಸಿಬಿಐ ತನಿಖೆ ನಡೆಸುತ್ತಿದೆ.
ಇದಕ್ಕೂ ಮೊದಲು ಎಬಿಜಿ ಶಿಪ್‌ಯಾರ್ಡ್‌ ಕಂಪನಿಯು 28 ಬ್ಯಾಂಕ್‌ಗಳಿಗೆ 23 ಸಾವಿರ ಕೋಟಿ ರೂ. ವಂಚಿಸಿರುವ ಕುರಿತು ಸಿ‌ಬಿಐ ತನಿಖೆ ನಡೆಸಿತ್ತು. ಈ ಪ್ರಕರಣದಲ್ಲಿ ಕಂಪನಿಯ ನಿರ್ದೇಶಕರಾದ ರಿಷಿ ಅಗರ್‌ವಾಲ್‌, ಸಂತಾನಂ ಮುತ್ತುಸ್ವಾಮಿ ಮತ್ತು ಅಶ್ವಿನಿ ಕುಮಾರ್‌ ಸೇರಿದಂತೆ ಇತರರು ಭಾಗಿಯಾಗಿದ್ದಾರೆ ಎಂದು ಸಿಬಿಐ ಹೇಳಿತ್ತು.
2005ರಿಂದ 2012ರವರೆಗೆ ದೇಶದ ಅತಿದೊಡ್ಡ ಸರ್ಕಾರಿ ಸ್ವಾಮ್ಯದ ಎಸ್‌ಬಿಐ ಸೇರಿದಂತೆ 28 ಬ್ಯಾಂಕ್‌ಗಳಿಂದ ಇವರು ಕೋಟ್ಯಂತರ ಸಾಲವಾಗಿ ಪಡೆದಿದ್ದರು. ಎಬಿಜಿ ಶಿಪ್‌ಯಾರ್ಡ್‌ ಕಂಪನಿಯ ಅಧಿಕಾರಿಗಳು ಅನ್ಯ ಉದ್ದೇಶಗಳಿಗಾಗಿ ದುರ್ಬಳಕೆ ಮಾಡಿಕೊಂಡಿದ್ದರು. ಇವರು ಬ್ಯಾಂಕ್‌ಗಳಿಗೆ 22,842 ಕೋಟಿ ರೂ. ವಂಚನೆ ಎಸಗಿದ್ದಾರೆ ಎಂದು ಸಿಬಿಐ ತಿಳಿಸಿತ್ತು.

advertisement

ಕ್ಷಣ ಕ್ಷಣದ ಸುದ್ದಿಗಳು ಮತ್ತು ಮಾಹಿತಿಗಾಗಿ
ವಾಟ್ಸಾಪ್ ಗ್ರೂಪ್ ಸೇರಿ
ಫೇಸ್ ಬುಕ್ ಫಾಲೋ ಮಾಡಿ
ಗೂಗಲ್ ನ್ಯೂಸ್ ನಲ್ಲಿ ಸೇರಿ
ಟ್ವಿಟರ್ ನಲ್ಲಿ ಫಾಲೋ ಮಾಡಿ
ಓದಿರಿ :-   ರಾಷ್ಟ್ರಪತಿ ಚುನಾವಣೆ: ದ್ರೌಪದಿ ಮುರ್ಮು, ಯಶ್ವಂತ ಸಿನ್ಹಾ ನಾಮಪತ್ರ ಕ್ರಮಬದ್ಧ, 107 ನಾಮಪತ್ರ ತಿರಸ್ಕೃತ

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ

5 / 5. ಒಟ್ಟು ವೋಟುಗಳು 2

advertisement

ನಿಮ್ಮ ಕಾಮೆಂಟ್ ಬರೆಯಿರಿ