ತಮ್ಮ ಬಗ್ಗೆ ಕಾಳಜಿ ಅನುಭವಿಸುವುದು ಮತ್ತು ಸಾಂತ್ವನದ ಅಪ್ಪುಗೆ ಪ್ರತಿಯೊಬ್ಬರೂ ಹಂಬಲಿಸುವ ವಿಷಯ. ಆದಾಗ್ಯೂ, ಜೀವನದ ಬಿಡುವಿಲ್ಲದ ಗತಿಯು ಈ ತರಹ ಕಾಳಜಿಯ ಭಾವ ಹಾಗೂ ಸಾಂತ್ವನ ನೀಡಬಹುದಾದ ಅಪ್ಪುಗೆ ತರಬಹುದಾದ ಸಂತೋಷ ಮತ್ತು ಸೌಕರ್ಯವನ್ನು ಕಡೆಗಣಿಸಿದೆ.
ಪ್ರೀತಿಯ ಸ್ಪರ್ಶವಿಲ್ಲದೆ ಶಿಶುಗಳ ಬೆಳವಣಿಗೆ ಸಾಮಾನ್ಯವಾಗಿ ಆಗುವುದಿಲ್ಲ ಎಂದು ಹಲವಾರು ಅಧ್ಯಯನಗಳು ತೋರಿಸಿವೆ. ವಯಸ್ಕರು ಸಹ ಭಿನ್ನವಾಗಿರುವುದಿಲ್ಲ. ಅಪ್ಪುಗೆಗಳು ಜನರಿಗೆ ಒಳ್ಳೆಯ ಭಾವನೆಯನ್ನು ನೀಡುವುದು ಮಾತ್ರವಲ್ಲದೆ ಹಲವಾರು ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತದೆ.
ಒಬ್ಬ ವೃತ್ತಿಪರ ಟ್ರೆವರ್ ಹೂಟನ್ ಎಂಬಾತ, ಅಪ್ಪುಗೆ ಸಾಂತ್ವನವನ್ನು ಜನರು ಅನುಭವಿಸಿದರೆ ಅದು ಸುರಕ್ಷಿತವಾಗಿ ಮತ್ತು ಶಾಂತವಾಗಿರುವಂತೆ ಮಾಡುತ್ತದೆ ಎಂದು ಹೇಳುತ್ತಾರೆ. ಎಂಬ್ರೇಸ್ ಕನೆಕ್ಷನ್‌ಗಳ ಸಂಸ್ಥಾಪಕರಾಗಿರುವ ಹೂಟನ್, ವೃತ್ತಿಪರ ಕಡ್ಲ್ ಥೆರಪಿಸ್ಟ್. ಸಾಂತ್ವನದ ಅಪ್ಪುಗೆಗಾಗಿ ಅವರನ್ನು ಜನರು ಸಂಪರ್ಕಿಸುತ್ತಾರೆ ಮತ್ತು ಒಂದು ಗಂಟೆಯ ಅಪ್ಪುಗೆಗೆ 7,000 ರೂಪಾಯಿಗಳ ವರೆಗೆ ನೀಡುತ್ತಿದ್ದಾರೆ…!
ಬ್ರಿಟನ್ನಿನ ಬ್ರಿಸ್ಟಲ್‌ನಲ್ಲಿ ವಾಸಿಸುವ ಟ್ರೆವರ್ ಹೂಟನ್, ಒಂದು ಗಂಟೆ ಅವಧಿಯ ಅಪ್ಪುಗೆಯ ಅವಧಿಗೆ EUR 75 (ಸುಮಾರು 7,000 ರೂ.ಗಳು) ಶುಲ್ಕವನ್ನು ವಿಧಿಸುತ್ತಾನೆ, ಅದು ತನ್ನ ಗ್ರಾಹಕರಿಗೆ ಭಾವನೆ, ಸಾಂತ್ವನ, ಸುರಕ್ಷಿತ ಮತ್ತು ಶಾಂತತೆಯನ್ನು ನೀಡುತ್ತದೆ ಎಂದು ಅವರು ಹೇಳುತ್ತಾರೆ.
ಟ್ರೆಷರ್ ಎಂಬ ಹೆಸರಿನಿಂದ ಹೋಗುವ ಹೂಟನ್, ತಾನು ನೀಡುವುದು ಕೇವಲ ಅಪ್ಪುಗೆಯಯಲ್ಲ, ಅದನ್ನೂ ಮೀರಿದೆ ಎಂದು ಹೇಳಿಕೊಳ್ಳುತ್ತಾರೆ. ಅವರ ಮಾತಿನಲ್ಲಿ ಹೇಳುವುದಾದರೆ, ಆಲಿಂಗನವು ದೈಹಿಕ ಸ್ಪರ್ಶದ ಮೂಲಕ ಯಾರಿಗಾದರೂ ಕಾಳಜಿ, ವಾತ್ಸಲ್ಯ ಮತ್ತು ಸದ್ಭಾವನೆಯನ್ನು ಉಂಟು ಮಾಡುತ್ತದೆ. ಜನರು ಈ ವ್ಯವಹಾರವನ್ನು ಲೈಂಗಿಕ ಕೆಲಸಕ್ಕೆ ಸಂಬಂಧಿಸಿದೆ ಎಂದು ಹಲವರು ಭಾವಿಸುತ್ತಾರೆ. ಆದರೆ ಇದೊಂದು ಥೆರಪಿ ಎಂದು ಎಂದು ಥೆರಪಿಸ್ಟ್ ಹೂಟನ್ ಹೇಳುತ್ತಾರೆ.
ಮಾನವ ಸಂಪರ್ಕಗಳನ್ನು ನಿರ್ಮಿಸುವ ನನ್ನ ಉತ್ಸಾಹದ ಆಧಾರದ ಮೇಲೆ ನಾನು ನನ್ನ ವ್ಯವಹಾರವನ್ನು ನಿರ್ಮಿಸಿಕೊಂಡಿದ್ದೇನೆ. ಅನೇಕರು ಅದನ್ನು ಮಾಡಲು ಹೆಣಗಾಡುತ್ತಾರೆ ಮತ್ತು ಅಲ್ಲಿ ನಾನು ಹೆಜ್ಜೆ ಹಾಕುತ್ತೇನೆ. ಇದು ಕೇವಲ ಆಲಿಂಗನವಷ್ಟೇ ಅಲ್ಲ, ಅದಕ್ಕಿಂತ ಹೆಚ್ಚಿನದು, ಅದು ಏನೇ ಇರಲಿ, ಅದು ಜನರಿಗೆ ಅಗತ್ಯವಿರುವ ಶಾಂತಿ-ಸಮಾಧಾನ ಹಾಗೂ ಸಾಂತ್ವನವನ್ನು ನೀಡುತ್ತದೆ ಎಂದು ಹೂಟನ್ ಉಲ್ಲೇಖಿಸಿ ಲೀಸೆಸ್ಟರ್‌ಶೈರ್ ಲೈವ್‌ ಹೇಳಿದೆ.
ಮೇ ತಿಂಗಳಲ್ಲಿ, ಈ ವರ್ಷ ಹೂಟನ್ ತನ್ನ ವ್ಯವಹಾರವನ್ನು ಎಂಬ್ರೇಸ್ ಸಂಪರ್ಕಗಳನ್ನು ಪ್ರಾರಂಭಿಸಿದರು. ಅವರು ಪ್ರಕಟಣೆಯನ್ನು ಮಾಡಲು ತಮ್ಮ ಲಿಂಕ್ಡ್ಇನ್ ಖಾತೆ ತೆರೆದಿರುವುದಾಗಿ ಹೇಳಿದರು.
ನನ್ನ ಕಲಿಕೆ, ಸಂಪರ್ಕ ಮತ್ತು ಆಟದ ಮೌಲ್ಯಗಳಿಗೆ ಅನುಗುಣವಾಗಿ – ಜನರು ಅಭಿವೃದ್ಧಿ ಹೊಂದುತ್ತಿರುವ ಸಂಬಂಧಗಳನ್ನು ಮತ್ತು ಜೀವನದಲ್ಲಿ ಹೆಚ್ಚಿನ ತೃಪ್ತಿಯನ್ನು ಸಾಧಿಸಲು ಸಹಾಯ ಮಾಡುವ ಮೂಲಕ ಜಗತ್ತನ್ನು ಸುಧಾರಿಸುವ ನನ್ನ ಉದ್ದೇಶವನ್ನು ಸಾಧಿಸಲು ನಾನು ನೃತ್ಯ, ಆಕ್ರೊ ಮತ್ತು ಆಟ ಹೀಗೆ ಎಲ್ಲಾ ರೀತಿಯ ಪಾಲುದಾರಿಕೆ ಸಂಪರ್ಕಗಳನ್ನು ಹಂಚಿಕೊಳ್ಳುತ್ತಿದ್ದೇನೆ ಎಂದು ಅವರು ತಮ್ಮ ಲಿಂಕ್ಡ್ಇನ್ ಪೋಸ್ಟ್‌ನಲ್ಲಿ ಬರೆದಿದ್ದಾರೆ.
ಹೂಟನ್‌ನ ಕಂಪನಿ, Embrace Connections ಜೀವನದ ಗುಣಮಟ್ಟವನ್ನು ಸುಧಾರಿಸಲು ಸಹಾಯ ಮಾಡಲು ಸಾಂತ್ವನದ ಅಪ್ಪುಗೆ ಹಾಗೂ ಇತರ ಕೊಡುಗೆಗಳ ಶ್ರೇಣಿಯನ್ನು ಬಳಸುತ್ತದೆ.
ನಿಮ್ಮ ಕಾಮೆಂಟ್ ಬರೆಯಿರಿ