ಕಾಂಗರೂಗಳ ವೀಡಿಯೊಗಳು ಸಾಮಾನ್ಯವಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಗಮನ ಸೆಳೆಯುತ್ತವೆ. ಇಂಟರ್ನೆಟ್ ಬಳಕೆದಾರರು ಕಾಂಗರೂಗಳನ್ನು ವೀಕ್ಷಿಸಲು ಇಷ್ಟಪಡುತ್ತಾರೆ. ಈಗ ಆಸ್ಟ್ರೇಲಿಯಾದ ಕ್ಯಾನ್‌ಬೆರಾದಲ್ಲಿ ಎರಡು ಕಾಂಗರೂಗಳ ನಡುವಿನ ತೀವ್ರವಾದ ಹೊಡೆದಾಟದ ವೀಡಿಯೊವೊಂದು ವೈರಲ್‌ ಆಗಿದೆ.
ಆಸ್ಟ್ರೇಲಿಯದ ನಿಸರ್ಗಧಾಮದಲ್ಲಿ ಎರಡು ಕಾಂಗರೂಗಳ ಬಾಕ್ಸಿಂಗ್ ಪಂದ್ಯವನ್ನು ಒಳಗೊಂಡಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಟ್ವಿಟರ್‌ನಲ್ಲಿ ನೌ ದಿಸ್ ಹಂಚಿಕೊಂಡಿರುವ
ಈ ವೀಡಿಯೊದಲ್ಲಿ ಎರಡು ಕಾಂಗರೂಗಳು ತೀವ್ರವಾಗಿ ಜಗಳವಾಡುತ್ತಿರುವುದನ್ನು ತೋರಿಸುತ್ತದೆ. ಅವುಗಳು ಪರಸ್ಪರ ಹೊಡೆದಾಡುತ್ತ, ತಳ್ಳುತ್ತ ಮುಂದೆ ಸಾಗುತ್ತಿದ್ದಂತೆ, ಅವುಗಳಲ್ಲಿ ಒಂದು ಕಾಂಗರೂ ನಿಯಂತ್ರಣವನ್ನು ಕಳೆದುಕೊಂಡು, ತಗಡಿನ ಶೆಡ್‌ ಬದಿಗೆ ಇಳಿಯುತ್ತದೆ, ಮತ್ತು ಇನ್ನೊಂದು ಕಾಂಗರೂ ಅದನ್ನು ತಗಡಿನ ಶೆಡ್ಡಿಗೆ ಬದಿಗೆ ಅಪ್ಪಳಿಸುತ್ತದೆ.
ನೌ ದಿಸ್‌ನ ಟ್ವೀಟ್‌ನ ಪ್ರಕಾರ, ಕೆಳಗೆ ಬಿದ್ದ ಕಾಂಗರೂಗೆ ಅಂತಹ ಪೆಟ್ಟಾಗಲಿಲ್ಲ. ನಂತರ ಅದು ಹತ್ತಿರದ ರಸ್ತೆಯ ಉದ್ದಕ್ಕೂ ಜಿಗಿಯುವುದನ್ನು ಗಮನಿಸಲಾಗಿದೆ.
“ಎರಡು ದೊಡ್ಡ ಕಾಂಗರೂಗಳು ಆಸ್ಟ್ರೇಲಿಯದ ನಿಸರ್ಗ ಮೀಸಲು ಪ್ರದೇಶದಲ್ಲಿ ಬಾಕ್ಸಿಂಗ್ ಪಂದ್ಯದಲ್ಲಿ ಸಿಲುಕಿದವು – ಮತ್ತು ಅದು ಹೇಗೆ ಕೊನೆಗೊಂಡಿತು ಎಂಬುದನ್ನು ನೀವು ನೋಡುವವರೆಗೆ ಕಾಯಿರಿ. ಬೇಲಿಯ ತಪ್ಪಾದ ತುದಿಯನ್ನು ಹಿಡಿದ ಕಾಂಗರೂ ಬಿದ್ದರೂ ಹಾನಿಗೊಳಗಾಗಲಿಲ್ಲ ಮತ್ತು ಸ್ವಲ್ಪ ಸಮಯದ ನಂತರ ಹತ್ತಿರದ ರಸ್ತೆಯ ಉದ್ದಕ್ಕೂ ಜಿಗಿಯುತ್ತಿರುವುದು ಕಂಡುಬಂದಿತು ಎಂದು ಕ್ಲಿಪ್‌ನ ಶೀರ್ಷಿಕೆ ಹೇಳಿದೆ.
ಎರಡು ದಿನಗಳ ಹಿಂದೆ ಶೇರ್ ಆಗಿರುವ ಈ ವಿಡಿಯೋ ಟ್ವಿಟರ್‌ನಲ್ಲಿ 55,000ಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ