ದೊಡ್ಡ ಜೇಡಗಳೊಂದಿಗೆ ನಿರ್ಭಯವಾಗಿ ಆಟವಾಡುವ ಈ ಪುಟ್ಟ ಹುಡುಗಿ: ಇಂಟರ್ನೆಟ್ ಅಚ್ಚರಿ | ವೀಕ್ಷಿಸಿ

ಜೇಡದ ಬಗ್ಗೆ ಯೋಚಿಸಿದರೆ ಮನಸ್ಸಿಗೆ ಬರುವ ಮೊದಲ ಪದ ಭಯ ! ಹಾವುಗಳು ಮತ್ತು ಜೇಡಗಳಂತಹ ಜೀವಿಗಳು ತಕ್ಷಣವೇ ಹೆಚ್ಚಿನ ಜನರಲ್ಲಿ ಭಯಕ್ಕೆ ಕಾರಣಗುತ್ತವೆ. ಕೆಲವರಿಗೆ ಅವುಗಳನ್ನು ಸ್ಪರ್ಶಿಸುವುದು ದೂರದ ಮಾತು. ಅವುಗಳನ್ನು ನೋಡಿದರೂ ಸಹ ಕೆಲವರಿಗೆ ಹೆದರಿಕೆಯಾಗಿ ಬಿಡುತ್ತದೆ. ಕೆಲವರಿಗೆ ಅದು ದುಃಸ್ವಪ್ನದಂತೆ ಕಾಡುತ್ತದೆ. ಆದರೆ ಇತ್ತೀಚೆಗೆ, ದೈತ್ಯಾಕಾರದ ಜೇಡದೊಂದಿಗೆ ಆಟವಾಡುತ್ತಿರುವ ಪುಟ್ಟ ಹುಡುಗಿಯ ವೀಡಿಯೊವೊಂದು ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡಿದೆ,

ಇದನ್ನು ನೋಡಿ ಜನರಿಗೆ ಅಚ್ಚರಿಯಾಗಿದೆ. ಹೆಚ್ಚಿನ ಮಕ್ಕಳು ಜೇಡವನ್ನು ಕಂಡರೆ ಕಿರುಚುತ್ತಾ ಓಡಿಹೋಗುತ್ತಾರೆ, ಆದರೆ ಈ ವೀಡಿಯೊದಲ್ಲಿ ಪುಟ್ಟ ಹುಡುಗಿ ಮಾತ್ರ ಭಯವಿಲ್ಲದೆ ದೊಡ್ಡ ಜೇಡದೊಂದಿಗೆ ಆಟವಾಡುತ್ತಿರುವುದನ್ನು ಕಾಣಬಹುದು. ಅವಳು ಬೃಹತ್‌ ಜೇಡಗಳನ್ನು ಎತ್ತಿಕೊಂಡು, ತನ್ನ ಕೈ ಮತ್ತು ಬೆನ್ನಿನ ಮೇಲೆ ಅವುಗಳಿಗೆ ತೆವಳಲು ಅವಕಾಶ ಮಾಡಿಕೊಡುತ್ತಾಳೆ.

ಯಾರೇ ಆಗಿರಲಿ, ಹುಡುಗಿ ಜೇಡಗಳೊಂದಿಗೆ ಎಷ್ಟು ನಿರ್ಭಯವಾಗಿ ಆಟವಾಡಿದ್ದಾಳೆ ಎಂಬುದನ್ನು ನೋಡಿ ನೆಟಿಜನ್‌ಗಳು ಬೆರಗಾದರು. ಈ ವೀಡಿಯೊ ಹಂಚಿಕೊಂಡ ನಂತರ, 1.76 ಲಕ್ಷ ವೀಕ್ಷಣೆಗಳನ್ನು ಮತ್ತು 600 ಕ್ಕೂ ಹೆಚ್ಚು ಮರುಟ್ವೀಟ್‌ಗಳನ್ನು ಕಂಡಿದೆ.