ವಾಟ್ಸಾಪ್ ಡೇಟಾ ಸೋರಿಕೆ: ಭಾರತ ಸೇರಿದಂತೆ 84 ದೇಶಗಳ 50 ಕೋಟಿ ಬಳಕೆದಾರರ ಫೋನ್ ಸಂಖ್ಯೆಗಳ ಸೋರಿಕೆ..?

ಸರಿಸುಮಾರು 48.7 ಕೋಟಿ ವಾಟ್ಸಾಪ್ ಬಳಕೆದಾರರ ಫೋನ್ ಸಂಖ್ಯೆಗಳು ಸೋರಿಕೆಯಾಗಿವೆ ಎನ್ನುವ ಮಾಹಿತಿ ಲಭ್ಯವಾಗಿದೆ.
ಮೆಟಾ-ಮಾಲೀಕತ್ವದ ಇನ್‌ಸ್ಟೆಂಟ್ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ವಾಟ್ಸ್‌ ಆಪ್‌ (WhatsApp) ಬಳಕೆದಾರರ ವೈಯಕ್ತಿಕ ಮಾಹಿತಿ ಪ್ರಸಿದ್ಧ ಹ್ಯಾಕಿಂಗ್ ಸಮುದಾಯ ಫೋರಮ್‌ನಲ್ಲಿ ಮಾರಾಟಕ್ಕೆ ಸಿದ್ಧವಾಗಿದೆ ಎಂದು ವರದಿ ಹೇಳಿದೆ.
ಸೈಬರ್‌ನ್ಯೂಸ್ ವರದಿಯ ಪ್ರಕಾರ, ಕೆಲವರು ನವೆಂಬರ್ 16 ರಂದು ಹ್ಯಾಕಿಂಗ್ ಸಮುದಾಯದ ವೇದಿಕೆಯಲ್ಲಿ ಜಾಹೀರಾತನ್ನು ಪೋಸ್ಟ್ ಮಾಡಿದ್ದಾರೆ ಮತ್ತು ಸುಮಾರು 487 ಮಿಲಿಯನ್ ವಾಟ್ಸಾಪ್ (WhatsApp) ಬಳಕೆದಾರರ ಮೊಬೈಲ್ ಸಂಖ್ಯೆಗಳ 2022 ಡೇಟಾಬೇಸ್ ಅನ್ನು ಮಾರಾಟ ಮಾಡುತ್ತಿದ್ದಾರೆ ಹಾಗೂ ಹಲವು ಮೂಲಗಳಿಂದ ದೃಢಪಟ್ಟಿರುವ ವರದಿ ನಿಜವಾಗುವ ಸಾಧ್ಯತೆ ಇದೆ ಎಂದು ವರದಿ ತಿಳಿಸಿದೆ.

advertisement

ಸುಂದರವಾದ ಮತ್ತು ವಿಶಾಲವಾದ ಸ್ಥಳದಲ್ಲಿ ನಿಮ್ಮ ರಜಾದಿನಗಳನ್ನು ಆನಂದಿಸಿು

ಉತ್ತರ ಕರ್ನಾಟಕದ ಅತಿ ದೊಡ್ಡ ರೆಸಾರ್ಟ್ ಮತ್ತು ಅಡ್ವೆಂಚರ್ ಪಾರ್ಕ್

ಹೆಚ್ಚಿನ ಮಾಹಿತಿಗಾಗಿ ಕರೆ ಮಾಡಿ ಮತ್ತು ವಿಚಾರಿಸಿ: 98867 84189

ವಾಟ್ಸಾಪ್ (WhatsApp) ಬಳಕೆದಾರರ ಈ ಡೇಟಾಬೇಸ್ 84 ದೇಶಗಳ (ಭಾರತ ಸೇರಿದಂತೆ) ಡೇಟಾವನ್ನು ಒಳಗೊಂಡಿದೆ ಮತ್ತು WhatsApp ನ ಅಂದಾಜು ಎರಡು ಶತಕೋಟಿ ಸಕ್ರಿಯ ಮಾಸಿಕ ಬಳಕೆದಾರರಲ್ಲಿ ನಾಲ್ಕನೇ ಒಂದು ಭಾಗವು ಸಂಭವನೀಯ ಅಪಾಯದಲ್ಲಿದೆ ಎಂದು ಸೂಚಿಸುತ್ತದೆ.
ವರದಿಯ ಪ್ರಕಾರ, ಭಾರತೀಯ ವಾಟ್ಸಾಪ್ ಬಳಕೆದಾರರ 60 ಲಕ್ಷಕ್ಕಿಂತಲೂ ಹೆಚ್ಚು ದಾಖಲೆಗಳು ಮಾರಾಟದಲ್ಲಿವೆ. ಭಾರತೀಯ ಬಳಕೆದಾರರಲ್ಲದೆ, ಅಮೆರಿಕ ಬಳಕೆದಾರರ 3.2 ಕೋಟಿಗಿಂತಲೂ ಹೆಚ್ಚು ಮೊಬೈಲ್ ಸಂಖ್ಯೆಗಳು, ಈಜಿಪ್ಟ್‌ನಿಂದ 4.5 ಕೋಟಿ, ಇಟಲಿಯಿಂದ 3.5 ಕೋಟಿ, ಸೌದಿ ಅರೇಬಿಯಾದಿಂದ 2.9 ಕೋಟಿ, ಫ್ರಾನ್ಸ್‌ನಿಂದ 2 ಕೋಟಿ ಮತ್ತು ಟರ್ಕಿಯಿಂದ ಸುಮಾರು 2 ಕೋಟಿ ಸಂಪರ್ಕಗಳಿವೆ ಎಂದು ವರದಿ ಹೇಳುತ್ತದೆ. .
ವರದಿಯ ಪ್ರಕಾರ, ಹ್ಯಾಕರ್‌ಗಳು ಅಮೆರಿಕದ ಡೇಟಾಸೆಟ್ ಅನ್ನು $7,000, UK $2,500 ಮತ್ತು ಜರ್ಮನಿ $2,000ಗೆ ಮಾರಾಟ ಮಾಡುತ್ತಿದ್ದಾರೆ.
ಸೋರಿಕೆಯಾದ ಫೋನ್ ಸಂಖ್ಯೆಗಳಂತಹ ಈ ರೀತಿಯ ವೈಯಕ್ತಿಕ ಬಳಕೆದಾರರ ಮಾಹಿತಿಯನ್ನು ಹೆಚ್ಚಾಗಿ ಮಾರ್ಕೆಟಿಂಗ್ ಮತ್ತು ಫಿಶಿಂಗ್, ಸೋಗು ಹಾಕುವಿಕೆ ಮತ್ತು ವಂಚನೆ ದಾಳಿಗಳಿಗೆ ಬಳಸಲಾಗುತ್ತದೆ ಎಂದು ಹೇಳಲಾಗಿದೆ.

ಕನ್ನಡಿ ನ್ಯೂಸ್ ನ ದಿನದ ಪ್ರಮುಖ ಸುದ್ದಿಗಳು ಮತ್ತು ಮಾಹಿತಿಗಾಗಿ
ವಾಟ್ಸಾಪ್ ಗ್ರೂಪ್ ಸೇರಿ
ಟೆಲಿಗ್ರಾಮ್ ಚಾನೆಲ್ ಸೇರಿ
ಫೇಸ್ ಬುಕ್ ಫಾಲೋ ಮಾಡಿ
ಗೂಗಲ್ ನ್ಯೂಸ್ ನಲ್ಲಿ ಸೇರಿ
ಟ್ವಿಟರ್ ನಲ್ಲಿ ಫಾಲೋ ಮಾಡಿ
advertisement

ಇಂದಿನ ಪ್ರಮುಖ ಸುದ್ದಿ :-   ಆಸ್ಟ್ರೇಲಿಯಾದಲ್ಲಿ ತ್ರಿವರ್ಣ ಧ್ವಜ ಹಿಡಿದ ಭಾರತೀಯರ ಮೇಲೆ ದೊಣ್ಣೆ-ಕತ್ತಿ ಹಿಡಿದು ದಾಳಿ ಮಾಡಿದ ಖಾಲಿಸ್ತಾನ್ ಪರ ಗುಂಪು

ಮೇಲಿನ ಸುದ್ದಿಗೆ ರೇಟಿಂಗ್ ನೀಡಿ.

(1. ಚೆನ್ನಾಗಿಲ್ಲ. 2. ಸಾಧಾರಣ. 3. ಪರವಾಗಿಲ್ಲ. 4. ಉತ್ತಮ . 5. ಅತ್ಯುತ್ತಮ)

5 / 5. ಒಟ್ಟು ವೋಟುಗಳು 1

ನಿಮ್ಮ ಕಾಮೆಂಟ್ ಬರೆಯಿರಿ

advertisement