ಹಿಜಾಬ್ ಧರಿಸದ ಮಹಿಳೆಗೆ ಬ್ಯಾಂಕ್‌ ಸೇವೆ ನೀಡಿದ್ದಕ್ಕೆ ಬ್ಯಾಂಕ್ ವ್ಯವಸ್ಥಾಪಕರನ್ನು ಹುದ್ದೆಯಿಂದ ವಜಾಗೊಳಿಸಿದ ಇರಾನ್ ಆಡಳಿತ : ವರದಿ

ಟೆಹ್ರಾನ್‌ : ಹಿಜಾಬ್‌ ಧರಿಸದ ಮಹಿಳೆಗೆ ಬ್ಯಾಂಕ್‌ ಸರ್ವೀಸ್‌ ನೀಡಿದ ಕಾರಣಕ್ಕೆ ಇರಾನ್ ಬ್ಯಾಂಕ್ ಮ್ಯಾನೇಜರ್ ಒಬ್ಬರನ್ನು ವಜಾ ಮಾಡಲಾಗಿದೆ ಎಂದು ಸುದ್ದಿ ಸಂಸ್ಥೆ ಏಜೆನ್ಸ್ ಫ್ರಾನ್ಸ್-ಪ್ರೆಸ್ (ಎಎಫ್‌ಪಿ) ಸ್ಥಳೀಯ ಮಾಧ್ಯಮ ವರದಿಗಳನ್ನು ಉಲ್ಲೇಖಿಸಿ ವರದಿ ಮಾಡಿದೆ.
8 ಕೋಟಿಗೂ ಹೆಚ್ಚು ಜನರಿರುವ ಇರಾನ್‌ ದೇಶದಲ್ಲಿ ನೈತಿಕತೆಯ ಪೊಲೀಸರು ಜಾರಿಗೊಳಿಸಿದ ಕಾನೂನಿನ ಪ್ರಕಾರ ಮಹಿಳೆಯರು ತಮ್ಮ ತಲೆ, ಕುತ್ತಿಗೆ ಮತ್ತು ಕೂದಲನ್ನು ಮುಚ್ಚಿಕೊಳ್ಳುವುದನ್ನು ಕಡ್ಡಾಯಗೊಳಿಸಲಾಗಿದೆ.
ಡ್ರೆಸ್ ಕೋಡ್ ನಿರ್ಬಂಧಗಳನ್ನು ಉಲ್ಲಂಘಿಸಿದ ಆರೋಪದಲ್ಲಿ 22 ವರ್ಷದ ಮಹ್ಸಾ ಅಮಿನಿ ಸೆಪ್ಟೆಂಬರ್ 16 ರಂದು ನೈತಿಕ ಪೊಲೀಸ್ ಬಂಧನದಲ್ಲಿ ಮೃತಪಟ್ಟ ನಂತರ ಭುಗಿಲೆದ್ದ ದೇಶವ್ಯಾಪಿ ವ್ಯಾಪಕ ಪ್ರತಿಭಟನೆಗಳಿಗೆ ಕಾರಣವಾಗಿದೆ.

ಮೆಹರ್ ಸುದ್ದಿ ಸಂಸ್ಥೆಯ ಪ್ರಕಾರ, ಟೆಹ್ರಾನ್ ಬಳಿಯ ಕೋಮ್ ಪ್ರಾಂತ್ಯದ ಬ್ಯಾಂಕ್ ಮ್ಯಾನೇಜರ್ “ಗುರುವಾರ ಹಿಜಾಬ್‌ ಧರಿಸಿದ ಮಹಿಳೆಗೆ ಬ್ಯಾಂಕ್ ಸೇವೆಗಳನ್ನು ನೀಡಿದರು. ಇದರ ಪರಿಣಾಮವಾಗಿ ಗವರ್ನರ್ ಆದೇಶದ ಮೇರೆಗೆ ಅವರ ಕೆಲಸದಿಂದ ತೆಗೆದುಹಾಕಲಾಯಿತು ಎಂದು ಡೆಪ್ಯುಟಿ ಗವರ್ನರ್ ಅಹ್ಮದ್ ಹಾಜಿಝಾದೆ ಅವರನ್ನು ಉಲ್ಲೇಖಿಸಿ ಮೆಹರ್ ಸುದ್ದಿ ಸಂಸ್ಥೆ ವರದಿ ಹೇಳಿದೆ.

ಪ್ರಮುಖ ಸುದ್ದಿ :-   ಅನುಷ್ಕಾ ಶರ್ಮಾ-ವಿರಾಟ್ ಕೊಹ್ಲಿ ದಂಪತಿಗೆ ಗಂಡು ಮಗು ಜನನ : ಮಗುವಿಗೆ ವಿಭಿನ್ನ ಹೆಸರಿಟ್ಟ ದಂಪತಿ

ಬಹಿರಂಗಪಡಿಸದ ಮಹಿಳೆಯ ವೀಡಿಯೊ “ಸಾಮಾಜಿಕ ಮಾಧ್ಯಮದಲ್ಲಿ ಸಾಕಷ್ಟು ಪ್ರತಿಕ್ರಿಯೆಯನ್ನು ಉಂಟುಮಾಡಿದೆ” ಎಂದು ಮೆಹರ್ ಸುದ್ದಿ ಸಂಸ್ಥೆ ಹೇಳಿದೆ.ಇರಾನ್‌ನಲ್ಲಿನ ಹೆಚ್ಚಿನ ಬ್ಯಾಂಕುಗಳು ಹಜಿಝಾದೆಹ್ ಪ್ರಕಾರ ಸರ್ಕಾರಿ ಸ್ವಾಮ್ಯಕ್ಕೊಳಪಟ್ಟಿದೆ ಮತ್ತು ಹಿಜಾಬ್ ನಿಯಮವನ್ನು ಜಾರಿಗೊಳಿಸಲು ಅಂತಹ ಸಂಸ್ಥೆಗಳ ಜವಾಬ್ದಾರಿಯಾಗಿದೆ.
ಪ್ರತಿಭಟನೆಯ ಸಮಯದಲ್ಲಿ, ಡಜನ್ಗಟ್ಟಲೆ ಜನರು ಕೊಲ್ಲಲ್ಪಟ್ಟರು, ಹೆಚ್ಚಾಗಿ ಪ್ರತಿಭಟನಾಕಾರರು. ಆದರೆ ಇದರಲ್ಲಿ ಭದ್ರತಾ ಪಡೆಗಳವರೂ ಸೇರಿದ್ದಾರೆ.
ಅಮೆರಿಕ ಬೆಂಬಲಿತ ರಾಜಪ್ರಭುತ್ವವನ್ನು ಪದಚ್ಯುತಗೊಳಿಸಿ ಇಸ್ಲಾಮಿಕ್ ಗಣರಾಜ್ಯವನ್ನು ಸ್ಥಾಪಿಸಿದ 1979ರ ಇರಾನ್‌ ಇಸ್ಲಾಮಿಕ್‌ ಕ್ರಾಂತಿಯ ನಾಲ್ಕು ವರ್ಷಗಳ ನಂತರ, ತಲೆಗೆ ಸ್ಕಾರ್ಫ್ ಧರಿಸುವುದನ್ನು ಕಡ್ಡಾಯ ಮಾಡಲಾಯಿತು.

3 / 5. 2

ಶೇರ್ ಮಾಡಿ :

ನಿಮ್ಮ ಕಾಮೆಂಟ್ ಬರೆಯಿರಿ

advertisement