ಪಟ್ಟುಬಿಡದ ಬಾಂಬ್‌ ಚಂಡಮಾರುತ ಎಂದೇ ಕರೆಯಲ್ಪಡುವ ‘ಶತಮಾನದ ಹಿಮಪಾತ’ ಎಂದು ಅಧಿಕಾರಿಗಳು ಹೇಳಿರುವ ಹಿಮ ಗಾಳಿಯು ಕ್ರಿಸ್‌ಮಸ್ ವಾರಾಂತ್ಯದಲ್ಲಿ ಪಶ್ಚಿಮ ನ್ಯೂಯಾರ್ಕ್‌ನಲ್ಲಿ ಜನಜೀವನದ ಪಾರ್ಶ್ವವಾಯುವಿಗೆ ಕಾರಣವಾಯಿತು.
ಈವರೆಗೆ, ಹಿಮ ಚಂಡಮಾರುತಕ್ಕೆ ನ್ಯೂಯಾರ್ಕ್‌ನಲ್ಲಿ 27 ಜನರು ಸೇರಿದಂತೆ ಅಮೆರಿಕದಾದ್ಯಂತ ಕನಿಷ್ಠ 60 ಜನರು ಸಾವಿಗೀಡಾಗಿದ್ದಾರೆ. ಅಮೆರಿಕದಾದ್ಯಂತ 15,000 ಕ್ಕೂ ಹೆಚ್ಚು ವಿಮಾನಗಳನ್ನು ರದ್ದುಗೊಳಿಸಲಾಗಿದೆ
ಬಫಲೋ ಸುತ್ತಮುತ್ತಲಿನ ಹಿಮದಿಂದ ಆವೃತವಾಗಿರುವ ಪ್ರದೇಶವನ್ನು ಅಗೆಯುವ ಪ್ರಯತ್ನಗಳನ್ನು ರಕ್ಷಣಾ ಕಾರ್ಯಾಚರಣೆಯವರು ಮುಂದುವರೆಸಿದ್ದಾರೆ ಎಂದು ಸ್ಥಳೀಯ ಅಧಿಕಾರಿಗಳು ಸೋಮವಾರ ತಿಳಿಸಿದ್ದಾರೆ.
ರಸ್ತೆ ಮಾರ್ಗಗಳು, ಕಾರುಗಳು, ಬಸ್‌ಗಳು, ಅಂಬುಲೆನ್ಸ್‌ಗಳು, ಟವ್ ಟ್ರಕ್‌ಗಳು ಎತ್ತರದ ಹಿಮದ ಕೆಳಗೆ ಹೂತುಹೋಗಿವೆ, ಹಿಮದ ಹೊದಿಕೆಯಿಂದ ಮುಚ್ಚಿರುವ ಬೀದಿಗಳನ್ನು ತೆರವುಗೊಳಿಸಲು ಮತ್ತು ಸಿಕ್ಕಿಬಿದ್ದ ನಿವಾಸಿಗಳಿಗೆ ವೈದ್ಯಕೀಯ ನೆರವನ್ನು ತಲುಪಿಸುವ ಪ್ರಯತ್ನಗಳನ್ನು ಇದು ಮತ್ತಷ್ಟು ಕಠಿಣಗೊಳಿಸಿತು.ಅಧಿಕಾರಿಗಳು ಆಸ್ಪತ್ರೆ ಸಾರಿಗೆಯಾಗಿ ಹೈ-ಲಿಫ್ಟ್ ಟ್ರಾಕ್ಟರ್‌ಗಳನ್ನು ನಿಯೋಜಿಸಿದರು.
ನ್ಯೂಯಾರ್ಕ್‌ನಲ್ಲಿ, ವಿಶೇಷವಾಗಿ ಬಫಲೋದಲ್ಲಿ, ತುರ್ತು ಅಧಿಕಾರಿಗಳು ಬದುಕುಳಿದವರನ್ನು ಹುಡುಕಲು ಹೋದಾಗ, ವಾಹನಗಳ ಒಳಗೆ ಮತ್ತು ಹಿಮದ ಅಡಿಯಲ್ಲಿ ದೇಹಗಳು ಪತ್ತೆಯಾಗಿವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಕೆಲವು ದಿನಗಳಿಂದ ಮುಚ್ಚಲ್ಪಟ್ಟಿದ್ದ ಕೆಲವು ದಿನಸಿ ಅಂಗಡಿಗಳು ಸೋಮವಾರ ಮತ್ತೆ ತೆರೆಯಲ್ಪಟ್ಟವು ಮತ್ತು ಜನರು ಅಲ್ಲಿಗೆ ಹೋಗಲು ದುರ್ಗಮ ಬೀದಿಗಳ ಮಧ್ಯದಲ್ಲಿ ಒಂದು ಮೈಲಿ (1.6 ಕಿಮೀ) ಗಿಂತ ಹೆಚ್ಚು ಚಾರಣ ಮಾಡಿದರು.
ಮಂಗಳವಾರದವರೆಗೆ ಪಶ್ಚಿಮ ನ್ಯೂಯಾರ್ಕ್‌ನ ಕೆಲವು ಪ್ರದೇಶಗಳಲ್ಲಿ ಇನ್ನೂ 9 ಇಂಚುಗಳಷ್ಟು (23 ಸೆಂಟಿಮೀಟರ್‌ಗಳು) ಹಿಮ ಬೀಳಬಹುದು ಎಂದು ರಾಷ್ಟ್ರೀಯ ಹವಾಮಾನ ಸೇವೆ ತಿಳಿಸಿದೆ.
ಹವಾಮಾನ ಬದಲಾವಣೆಯ ಬಿಕ್ಕಟ್ಟು ಹಿಮ ಚಂಡಮಾರುತದ ತೀವ್ರತೆಗೆ ಕೊಡುಗೆ ನೀಡಿರಬಹುದು ಎಂದು ವಿಜ್ಞಾನಿಗಳು ಹೇಳುತ್ತಾರೆ. ಏಕೆಂದರೆ ವಾತಾವರಣವು ಹೆಚ್ಚಿನ ನೀರಿನ ಆವಿಯನ್ನು ಸಾಗಿಸಬಲ್ಲದು, ಇದು ಇಂಧನವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ಬೌಲ್ಡರ್‌ನ ಕೊಲೊರಾಡೋ ವಿಶ್ವವಿದ್ಯಾಲಯದ ರಾಷ್ಟ್ರೀಯ ಹಿಮ ಮತ್ತು ಐಸ್ ಡೇಟಾ ಕೇಂದ್ರದ ನಿರ್ದೇಶಕ ಮಾರ್ಕ್ ಸೆರೆಜ್ ಹೇಳಿದರು.
ಶುಕ್ರವಾರ ಮತ್ತು ಶನಿವಾರದಂದು ಪಶ್ಚಿಮ ನ್ಯೂಯಾರ್ಕ್‌ನಾದ್ಯಂತ ಹಿಮಪಾತವು ಘರ್ಜಿಸಿತು. ಆಹಾರ ಮತ್ತು ಡೈಪರ್‌ಗಳನ್ನು ದೇಣಿಗೆ ನೀಡುವಂತೆ ಸ್ಥಳೀಯರು ಸಾಮಾಜಿಕ ಮಾಧ್ಯಮದಲ್ಲಿ ಜನರಿಗೆ ಮನವಿ ಮಾಡಿದರು.
ಸೋಮವಾರ ಬೆಳಗ್ಗೆ 10 ಗಂಟೆಗೆ ಬಫಲೋ ನಯಾಗರಾ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಹಿಮದ ಒಟ್ಟು ಪ್ರಮಾಣ 49.2 ಇಂಚುಗಳು (1.25 ಮೀಟರ್) ಎಂದು ರಾಷ್ಟ್ರೀಯ ಹವಾಮಾನ ಸೇವೆ ತಿಳಿಸಿದೆ.
ಬುಧವಾರ ಬೆಳಿಗ್ಗೆ ವರೆಗೆ ವಿಮಾನ ನಿಲ್ದಾಣವನ್ನು ಮುಚ್ಚಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಕ್ರೂರ ಚಂಡಮಾರುತ, ಕೂಗುವ ಗಾಳಿ ಮತ್ತು ಶೂನ್ಯ ತಾಪಮಾನವು ಇತ್ತೀಚಿನ ದಿನಗಳಲ್ಲಿ ಅಮೆರಿಕದಾದ್ಯಂತ 15,000 ಕ್ಕೂ ಹೆಚ್ಚು ವಿಮಾನಗಳನ್ನು ರದ್ದುಗೊಳಿಸಿತು.
ಟ್ರಾಕಿಂಗ್ ಸೈಟ್ FlightAware ಪ್ರಕಾರ EDT ಸೋಮವಾರ ಮಧ್ಯಾಹ್ನ 3 ಗಂಟೆಯ ವೇಳೆಗೆ ಸುಮಾರು 3,410 ದೇಶೀಯ ಮತ್ತು ಅಂತರಾಷ್ಟ್ರೀಯ ವಿಮಾನಗಳನ್ನು ರದ್ದುಗೊಳಿಸಲಾಗಿದೆ.
ಸೌತ್‌ವೆಸ್ಟ್ ಏರ್‌ಲೈನ್ಸ್ 2,497 ರದ್ದತಿಯನ್ನು ಹೊಂದಿದೆ ಎಂದು ಸೈಟ್ ಹೇಳಿದೆ. ಅದರ ನಿಗದಿತ ವಿಮಾನ ಯಾನಗಳಲ್ಲಿ ಸುಮಾರು 60 ಪ್ರತಿಶತ ಮತ್ತು ಇತರ ಯಾವುದೇ ಪ್ರಮುಖ ಅಮೆರಿಕ ಕ್ಯಾರಿಯರ್‌ಗಳಿಗಿಂತ ಸುಮಾರು 10 ಪಟ್ಟು ಹೆಚ್ಚಾಗಿದೆ.
ಫ್ಲೈಟ್‌ಅವೇರ್ ಡೇಟಾದ ಆಧಾರದ ಮೇಲೆ, ಡೆನ್ವರ್, ಅಟ್ಲಾಂಟಾ, ಲಾಸ್ ವೇಗಾಸ್, ಸಿಯಾಟಲ್, ಬಾಲ್ಟಿಮೋರ್ ಮತ್ತು ಚಿಕಾಗೋ ಸೇರಿದಂತೆ ಅಮೆರಿಕದಾದ್ಯಂತ ಎಲ್ಲಾ ವಿಮಾನ ನಿಲ್ದಾಣಗಳು ರದ್ದತಿ ಮತ್ತು ವಿಳಂಬಗಳಿಂದ ಬಳಲುತ್ತಿವೆ.
“
ನಿಮ್ಮ ಕಾಮೆಂಟ್ ಬರೆಯಿರಿ