2024ರ ಅಮೆರಿಕದ ಅಧ್ಯಕ್ಷ ಸ್ಥಾನಕ್ಕೆ ಬಿಡ್ ಘೋಷಿಸಿದ ಭಾರತೀಯ ಮೂಲದ ಅಮೆರಿಕನ್ ನಿಕ್ಕಿ ಹ್ಯಾಲೆ

ಚಾರ್ಲ್ಸ್ಟನ್ (ಅಮೆರಿಕ) : ವಿಶ್ವಸಂಸ್ಥೆಯ ಅಮೆರಿಕದ ಮಾಜಿ ರಾಯಭಾರಿ ನಿಕ್ಕಿ ಹ್ಯಾಲೆ ಅವರು 2024 ರಲ್ಲಿ ಅಮೆರಿಕದ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುವುದಾಗಿ ಮಂಗಳವಾರ ಘೋಷಿಸಿದ್ದಾರೆ, ವಾಷಿಂಗ್ಟನ್‌ನಲ್ಲಿ “ಹೊಸ ತಲೆಮಾರಿನ” ನಾಯಕತ್ವವನ್ನು ಪ್ರಸ್ತಾಪಿಸುವ ಮೂಲಕ ಸಹ ರಿಪಬ್ಲಿಕನ್ ಅಭ್ಯರ್ಥಿ 76 ವರ್ಷದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ ಅವರಿಗೆ ಸವಾಲು ಹಾಕಿದ್ದಾರೆ.
“ನಾನು ನಿಕ್ಕಿ ಹ್ಯಾಲಿ ಮತ್ತು ನಾನು ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುತ್ತಿದ್ದೇನೆ” ಎಂದು 51 ವರ್ಷದ ದಕ್ಷಿಣ ಕೆರೊಲಿನಾದ ಮಾಜಿ ಗವರ್ನರ್ ಮತ್ತು ಭಾರತೀಯ ಮೂಲದ ನಿಕ್ಕಿ ಹ್ಯಾಲೆ ವೀಡಿಯೊ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಇದು ಹೊಸ ಪೀಳಿಗೆಯ ನಾಯಕತ್ವದ ಸಮಯ – ಹಣಕಾಸಿನ ಜವಾಬ್ದಾರಿಯನ್ನು ಮರುಶೋಧಿಸಲು, ನಮ್ಮ ಗಡಿಯನ್ನು ಭದ್ರಪಡಿಸಲು ಮತ್ತು ನಮ್ಮ ದೇಶ, ನಮ್ಮ ಹೆಮ್ಮೆ ಮತ್ತು ನಮ್ಮ ಉದ್ದೇಶವನ್ನು ಬಲಪಡಿಸುವ ಉದ್ದೇಶದಿಂದ ಸ್ಪರ್ಧಿಸಲು ನಿರ್ಧರಿಸಿದ್ದೇನೆ ಎಂದು ಅವರು ತಮ್ಮ ಜನ್ಮದಿನದಂದು ದಕ್ಷಿಣ ಕೆರೊಲಿನಾ ಪಟ್ಟಣವಾದ ಬ್ಯಾಂಬರ್ಗ್‌ನಲ್ಲಿ ಚಿತ್ರೀಕರಿಸಿದ ವೀಡಿಯೊದಲ್ಲಿ ಹೇಳಿದರು. ಅವರು ಪ್ರೇಮಿಗಳ ದಿನದ ಒಂದು ದಿನದ ಮುಂಚೆ ತಮ್ಮ ಅಧ್ಯಕ್ಷೀಯ ಸ್ಥಾನಕ್ಕೆ ಸ್ಪರ್ಧಿಸುವ ತಮ್ಮ ಇಚ್ಛೆಯನ್ನು ಅಧಿಕೃತಗೊಳಿಸಿದರು.

ಇತ್ತೀಚಿನ ವರ್ಷಗಳಲ್ಲಿ ದಾರಿ ತಪ್ಪಿದೆ ಎಂದು ಅವರು ಹೇಳುವ ಪಕ್ಷ ಮತ್ತು ದೇಶವನ್ನು ಪುನಶ್ಚೇತನಗೊಳಿಸಬಲ್ಲ ಬದಲಾವಣೆ ತರುವುದಾಗಿ ಹ್ಯಾಲಿ ತನ್ನನ್ನು ತಾನು ಪ್ರತಿಪಾದಿಸಿಕೊಳ್ಳುತ್ತಿದ್ದಾರೆ ಮತ್ತು ಜನಾಂಗೀಯ ಉದ್ವಿಗ್ನತೆಯಿಂದ ಬಳಲುತ್ತಿರುವ ರಾಷ್ಟ್ರವನ್ನು ಒಂದುಗೂಡಿಸುವ ಮಾರ್ಗವಾಗಿ ತನ್ನ ವೀಡಿಯೊದಲ್ಲಿ ತನ್ನ ವೈಯಕ್ತಿಕ ಹಿನ್ನೆಲೆ ಬಗ್ಗೆ ಹೇಳಿಕೊಂಡಿದ್ದಾರೆ.
“ರಿಪಬ್ಲಿಕನ್ನರು ಕಳೆದ ಎಂಟು ಚುನಾವಣೆಗಳಲ್ಲಿ ಏಳರಲ್ಲಿ ಜನಪ್ರಿಯ ಮತಗಳನ್ನು ಕಳೆದುಕೊಂಡರು. ಈ ಪ್ರವೃತ್ತಿ ಬದಲಾಗಬೇಕು ಎಂದು ಅವರು ಹೇಳಿದರು.

.”ನಾನು ಭಾರತೀಯ ವಲಸಿಗರ ಹೆಮ್ಮೆಯ ಮಗಳು, ಕಪ್ಪು ಅಲ್ಲ, ಬಿಳಿ ಅಲ್ಲ, ನಾನು ವಿಭಿನ್ನ” ಎಂದು ಅವರು ಕ್ಲಿಪ್‌ನಲ್ಲಿ ಹೇಳಿದ್ದಾರೆ.
ನಿಕ್ಕಿ ಹ್ಯಾಲೆ ದಕ್ಷಿಣ ಕೆರೊಲಿನಾದ ಬಾಂಬರ್ಗ್‌ನಲ್ಲಿ ಜನಿಸಿದರು ಮತ್ತು ರಾಜ್ಯದ ಗವರ್ನರ್ ಆಗಿ ಸೇವೆ ಸಲ್ಲಿಸಿದ ಮೊದಲ ಮಹಿಳೆ ಮತ್ತು ಭಾರತೀಯ-ಅಮೆರಿಕನ್ ಆಗಿದ್ದರು. ಅವರು ನಾಮನಿರ್ದೇಶನಗೊಂಡರೆ 2024 ರಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಪಕ್ಷದ ನಾಮನಿರ್ದೇಶಿತರಾದ ಮೊದಲ ಮಹಿಳೆ ಮತ್ತು ಮೊದಲ ಏಷ್ಯನ್-ಅಮೆರಿಕನ್ ಆಗಿ ಮತ್ತೊಮ್ಮೆ ಇತಿಹಾಸವನ್ನು ರಚಿಸುತ್ತಾರೆ
ನಿಕ್ಕಿ ಹ್ಯಾಲೆಯ ಘೋಷಣೆಯು ಫ್ಲೋರಿಡಾ ಗವರ್ನರ್ ರಾನ್ ಡಿಸಾಂಟಿಸ್ ಮತ್ತು ಮಾಜಿ ಉಪಾಧ್ಯಕ್ಷ ಮೈಕ್ ಪೆನ್ಸ್ ಅವರಂತಹ ಪ್ರತಿಸ್ಪರ್ಧಿಗಳನ್ನು ಎದುರಿಸಬೇಕಾಗಬಹುದು ಎಂದು ಕೆಲವು ವಾಷಿಂಗ್ಟನ್ ವೀಕ್ಷಕರು ಊಹಿಸಿದ್ದಾರೆ.