ನಾಗರಿಕತೆಯ ಇತಿಹಾಸದಲ್ಲಿ ಮೊದಲ ಬಾರಿಗೆ ನಗರಗಳನ್ನು ನಿರ್ಮಾಣ ಮಾಡಿದ ಕೀರ್ತಿಗೆ ಭಾಜನರಾಗಿರುವ ಸುಮೇರಿಯನ್ನರು, ಸುಧಾರಿತ ತಂತ್ರಜ್ಞಾನಗಳನ್ನು ಬಳಸುತ್ತಿದ್ದರು.ಈಗಿನ ದಕ್ಷಿಣ ಇರಾಕ್‌ನಲ್ಲಿ ಸುಮಾರು 5,000 ವರ್ಷಗಳ ಹಿಂದಿನ ಸುಮೇರಿಯನ್ ನಾಗರಿಕತೆಯ ಹೊಟೇಲ್‌ನ ಅವಶೇಷಗಳನ್ನು ಪುರಾತತ್ತ್ವಜ್ಞರು ಪತ್ತೆ ಮಾಡಿದ್ದಾರೆ.
ಪ್ರಾಚೀನ ಇರಾಕ್‌ನ ಸುಮೇರಿಯನ್ ನಾಗರಿಕತೆಯ ಮೊದಲ ನಗರ ಕೇಂದ್ರಗಳಲ್ಲಿ ಒಂದಾಗಿದ್ದ ಆಧುನಿಕ ನಗರವಾದ ನಾಸಿರಿಯಾದ ಈಶಾನ್ಯದಲ್ಲಿರುವ ಪ್ರಾಚೀನ ಲಗಾಶ್‌ನ ಅವಶೇಷಗಳಲ್ಲಿ ಅಮೆರಿಕ-ಇಟಲಿಯ ತಂಡವು ಉತ್ಖನನದ ವೇಳೆ ಇದನ್ನು ಪತ್ತೆ ಮಾಡಿದೆ.
ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾನಿಲಯ ಮತ್ತು ಪಿಸಾ ವಿಶ್ವವಿದ್ಯಾನಿಲಯದ ಜಂಟಿ ತಂಡವು ಪ್ರಾಚೀನ ಶೈತ್ಯೀಕರಣ ವ್ಯವಸ್ಥೆ, ದೊಡ್ಡ ಓವನ್, ಊಟ ಮಾಡಲು ನಿರ್ಮಿಸಲಾದ ಟೇಬಲ್‌ಗಳು ಹಾಗೂ ಬೆಂಚುಗಳು ಮತ್ತು ಸುಮಾರು 150 ಸರ್ವಿಂಗ್ ಬೌಲ್‌ಗಳ ಅವಶೇಷಗಳನ್ನು ಪತ್ತೆ ಮಾಡಿದೆ.
ಸುಮೇರಿಯನ್ನರಲ್ಲಿ ವ್ಯಾಪಕವಾಗಿದ್ದ ಬಿಯರ್ ಕುಡಿಯುತ್ತಿದ್ದ ಹವ್ಯಾಸದ ಪುರಾವೆಗಳ ಜೊತೆಗೆ ಮೀನು ಮತ್ತು ಪ್ರಾಣಿಗಳ ಮೂಳೆಗಳು ಸಹ ಹೊಟೇಲ್‌ನ ಊಟದ ಬಟ್ಟಲುಗಳಲ್ಲಿ ಕಂಡುಬಂದಿವೆ. ಈ ಹೋಟೆಲ್‌ನಲ್ಲಿ ಆಹಾರ ಮತ್ತು ಪಾನೀಯಗಳನ್ನು ತಂಪಾಗಿ ಮತ್ತು ಬಿಸಿಯಾಗಿ ಇರಿಸುವ ಫ್ರಿಡ್ಜ್‌ ಹಾಗೂ ಓವನ್ ಮಾದರಿಯ ಉಪಕರಣಗಳು ದೊರೆತಿವೆ. ನೂರಾರು ಪಾತ್ರೆಗಳು ದೊರೆತಿವೆ ಎಂದು ಯೋಜನಾ ನಿರ್ದೇಶಕ ಹೋಲಿ ಪಿಟ್ಮನ್ ಹೇಳಿದ್ದಾರೆ.
ಸುಮಾರು ಐದು ಸಾವಿರ ವರ್ಷಗಳ ಹಿಂದೆ ಸುಮೇರಿಯನ್ನುರು ನಿರ್ಮಾಣ ಮಾಡಿದ್ದ ನಸಿರಿಯಾ(ಈಗಿನ ಅಲ್-ಹಿಬಾ) ನಗರದಲ್ಲಿ, ಈ ಪ್ರಾಚೀನ ಹೋಟೆಲ್‌ ಪತ್ತೆಯಾಗಿದ್ದು, ಇದರ ಒಳಗೆ ಊಟ ಮಾಡಲು ಟೇಬಲ್‌ಗಳ ವ್ಯವಸ್ಥೆ ಕೂಡ ಮಾಡಲಾಗಿತ್ತು. ಅದೇ ರೀತಿ ಹೋಟೆಲ್‌ನ ಮೂಲೆಯಲ್ಲಿ ಫ್ರಿಡ್ಜ್‌ ಹಾಗೂ ಓವನ್ ಮಾದರಿಯ ಉಪಕರಣಗಳು ದೊರೆತಿವೆ.
ನಾವು ಇದನ್ನು ಹೋಟೆಲು ಎಂದು ಕರೆಯುತ್ತೇವೆ ಏಕೆಂದರೆ ಬಿಯರ್ ಸುಮೇರಿಯನ್ನರಿಗೆ ನೀರಿಗಿಂತ ಹೆಚ್ಚು ಕುಡಿಯುವ ಪಾನೀಯವಾಗಿತ್ತು” ಎಂದು ಅವರು ಹೇಳಿದರು, ಆ ಪ್ರದೇಶದಲ್ಲಿ ಉತ್ಖನನ ಮಾಡಿದ ಸ್ಥಳದಲ್ಲಿ “ಕ್ಯೂನಿಫಾರ್ಮ್‌ನಲ್ಲಿ ಬಿಯರ್‌ನ ಪಾಕವಿಧಾನ ಕಂಡುಬಂದಿದೆ. ಪ್ರಪಂಚದ ಮೊದಲ ನಗರಗಳು ಈಗಿನ ದಕ್ಷಿಣ ಇರಾಕ್‌ನಲ್ಲಿ ಅಭಿವೃದ್ಧಿ ಹೊಂದಿದವು. ಟೈಗ್ರಿಸ್ ಮತ್ತು ಯೂಫ್ರಟಿಸ್ ನದಿಗಳ ಸಂಗಮಕ್ಕೆ ಹತ್ತಿರವಿರುವ ಲಗಾಶ್ ಪ್ರದೇಶವು ಅದರ ಫಲವತ್ತತೆ ಕಾರಣಕ್ಕೆ ಪ್ರಾಚೀನರಿಂದ “ದೇವರ ಉದ್ಯಾನ” ಎಂದು ಕರೆಯಲ್ಪಟ್ಟಿತು ಮತ್ತು ಆರಂಭಿಕ ರಾಜವಂಶದ ಅವಧಿಯ ಹಿಂದಿನ ಸುಮೇರಿಯನ್ ನಗರಗಳ ನಿರ್ಮಾಣಕ್ಕೆ ಕಾರಣವಾಯಿತು.
ಲಗಾಶ್ ದಕ್ಷಿಣ ಇರಾಕ್‌ನ ಪ್ರಮುಖ ನಗರಗಳಲ್ಲಿ ಒಂದಾಗಿದೆ” ಎಂದು ಉತ್ಖನನದ ಸ್ಥಳದಲ್ಲಿ ಅಮೆರಿಕ-ಇಟಾಲಿಯನ್ ತಂಡದೊಂದಿಗೆ ಕೆಲಸ ಮಾಡಿದ ಇರಾಕಿನ ಪುರಾತತ್ವಶಾಸ್ತ್ರಜ್ಞ ಬೇಕರ್ ಅಜಾಬ್ ವಲಿ ತಿಳಿಸಿದ್ದಾರೆ. ಇದರ ನಿವಾಸಿಗಳು ಕೃಷಿ, ಜಾನುವಾರು, ಮೀನುಗಾರಿಕೆ, ಆದರೆ ಸರಕುಗಳ ವಿನಿಮಯವನ್ನು ಅವಲಂಬಿಸಿದ್ದರು ಎಂದು ಅವರು ಹೇಳಿದರು.
ಮೊದಲ ನಗರಗಳ ಸಾಮಾಜಿಕ ರಚನೆಯ ಮೇಲೆ ಹೊಸ ಬೆಳಕನ್ನು ಚೆಲ್ಲಲು 2700 BC ಯ ಸುಮಾರಿಗೆ ಅದರ ಉಚ್ಛ್ರಾಯ ಸ್ಥಿತಿಯಲ್ಲಿ ಹೋಟೆಲನ್ನು ಬಳಸಿದ ಜನರ ಉದ್ಯೋಗಗಳ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ತಂಡವು ಉತ್ಸುಕವಾಗಿದೆ. ಐದು ಸಾವಿರ ವರ್ಷಗಳಷ್ಟು ಹಲೆಯ ಹೊಟೇಲ್‌ನಲ್ಲಿ ಫ್ರಿಡ್ಜ್‌ ಮತ್ತು ಓವನ್ ಮಾದರಿಯ ಉಪಕರಣಗಳು ದೊರೆತಿರುವುದು ಆಶರ್ಯಕರ ಸಂಗತಿ ಎಂದು ಮಿಸ್‌ ಪಿಟ್ಮನ್ ಹೇಳಿದ್ದಾರೆ.
ನವೆಂಬರ್‌ನಲ್ಲಿ ತಂಡವು ಉತ್ಖನನದ ಸಮಯದಲ್ಲಿ ತೆಗೆದ ಮಾದರಿಗಳ ಬಗ್ಗೆ ವಿವರವಾದ ವಿಶ್ಲೇಷಣೆಯನ್ನು ಕೈಗೊಳ್ಳಬೇಕಿದೆ.
ನಗರಗಳ ನಿರ್ಮಾಣದ ಈ ಆರಂಭಿಕ ಅವಧಿಯ ಬಗ್ಗೆ ನಮಗೆ ತಿಳಿದಿಲ್ಲ ಮತ್ತು ನಾವು ಈ ಬಗ್ಗೆ ವಿಶ್ಲೇಷಣೆ ನಡೆಸುತ್ತಿದ್ದೇವೆ” ಎಂದು ಅವರು ಹೇಳಿದರು. ಈ ದೊಡ್ಡ ನಗರದಲ್ಲಿ ವಾಸಿಸುತ್ತಿದ್ದ ಗಣ್ಯರಲ್ಲದ ಜನರ ನೆರೆಹೊರೆಗಳು ಮತ್ತು ಉದ್ಯೋಗದ ಪ್ರಕಾರಗಳನ್ನು ನಿರೂಪಿಸಲು ಇದರಿಂದ ಸಾಧ್ಯವಾಗುತ್ತದೆ ಎಂದು ನಾವು ಭಾವಿಸುತ್ತೇವೆ” ಎಂದು ಅವರು ಹೇಳಿದರು.
ಇತರ ಸ್ಥಳಗಳಲ್ಲಿ ಮಾಡಿದ ಹೆಚ್ಚಿನ ಕೆಲಸಗಳು ರಾಜರು ಮತ್ತು ಪುರೋಹಿತರ ಮೇಲೆ ಕೇಂದ್ರೀಕರಿಸುತ್ತವೆ. ಮತ್ತು ಅದೆಲ್ಲವೂ ಬಹಳ ಮುಖ್ಯ ಆದರೆ ಸಾಮಾನ್ಯ ಜನರು ಕೂಡ ಮುಖ್ಯ ಎಂದು ಅವರು ಹೇಳಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ