ಮಾನವರು ಕಾಡುಗಳನ್ನು ಕತ್ತರಿಸಿ ಕಾಂಕ್ರೀಟ್ ಕಟ್ಟಡಗಳನ್ನು ಕಟ್ಟಲು ಪ್ರಾರಂಭಿಸಿದಾಗಿನಿಂದ ಪ್ರಾಣಿಗಳು ಹೆಚ್ಚಾಗಿ ಮಾನವನ ವಸತಿ ಪ್ರದೇಶಗಳಿಗೆಬರುವುದನ್ನು ಕಾಣುತ್ತಿರುತ್ತೇವೆ. ಕಾಡು ಪ್ರಾಣಿಗಳು ಆಹಾರಕ್ಕಾಗಿ ಅಥವಾ ಇತರ ಅವಶ್ಯಕತೆಗಳಿಗಾಗಿ ಮಾನವರ ವಸತಿ ಪ್ರದೇಶಗಳಿಗೆ ಬರುತ್ತಿರುತ್ತವೆ. ಹೀಗಾಗಿ ಮಾನವ-ಪ್ರಾಣಿಗಳ ಸಂಘರ್ಷ ಆಗಾಗ ನಡೆಯುತ್ತದೆ. ಇತ್ತೀಚೆಗಷ್ಟೇ ಜಪಾನ್‌ನಲ್ಲಿ ಜಿಂಕೆಗಳ ಹಿಂಡು ಭಾರೀ ಮಳೆಯ ನಡುವೆ ಕಟ್ಟಡದ ಕೆಳಗೆ ಮನುಷ್ಯರ ಜೊತೆಯಲ್ಲಿ ಆಶ್ರಯ ಪಡೆದಿರುವ ಘಟನೆಯ ವೀಡಿಯೊ ವೈರಲ್ ಆಗಿದೆ.
ಜಪಾನಿನ ನಾರಾದ ಈ ವೀಡಿಯೊ ಮೈಕ್ರೋಬ್ಲಾಗಿಂಗ್ ಸೈಟ್ X (ಹಿಂದಿನ ಟ್ವಿಟರ್) ನಲ್ಲಿ ಭಾರೀ ವೈರಲ್ ಆಗುತ್ತಿದೆ. ವೀಡಿಯೊವನ್ನು ಜುಲೈ 26 ರಂದು ತನ್ನು ಯೆಗೆನ್ ಎಂಬವರು ಹಂಚಿಕೊಂಡಿದ್ದಾರೆ.
ಧಾರಾಕಾರ ಮಳೆಯ ನಡುವೆ ಜಪಾನ್‌ನ ನಾರಾ ನಗರದಲ್ಲಿ ಬಹುತೇಕ ಎಲ್ಲಾ ಬೀದಿಗಳು ಸ್ತಬ್ದವಾಗಿದ್ದು ಬಸ್ಸ್ಟ್ಯಾಂಡ್ನಲ್ಲಿ ಮನುಷ್ಯರೊಂಗಿಗೆ ಜಿಂಕೆಗಳು ನಿರ್ಭಯವಾಗಿ ಆಶ್ರಯ ಪಡೆದಿರುವುದನ್ನು ಕಾಣಬಹುದು. ಕೆಲವು ಜಿಂಕೆಗಳು ನೆಲದ ಮೇಲೆ ಮಲಗಿದ್ದರೆ, ಇನ್ನು ಕೆಲವು ಜಿಂಕೆಗಳು ಆವರಣದಲ್ಲಿ ತಿರುಗಾಡುತ್ತಿರುವುದು ಕಂಡುಬರುತ್ತದೆ. ಕೆಲವರು ಜಿಂಕೆಗಳೊಂದಿಗೆ ಸೆಲ್ಫಿ ತೆಗೆದುಕೊಳ್ಳುತ್ತಿರುವುದನ್ನು ನೋಡಬಹುದು. ಜನರು ಅವುಗಳ ಹತ್ತಿರವೇ ಇದ್ದರೂ ಅವುಗಳು ವಿಚಲಿರಾದಂತೆ ಕಾಣಲಿಲ್ಲ.
ಈ ವೀಡಿಯೊ ಕ್ಲಿಪ್ 34.3 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ಇದು 5 ಲಕ್ಷಕ್ಕೂ ಹೆಚ್ಚು ಲೈಕ್‌ಗಳನ್ನು ಪಡೆದಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ