‘ಬ್ರೇ ವ್ಯಾಟ್’ ಎಂಬ ಹೆಸರಿನಿಂದ ಪರಿಚಿತರಾಗಿರುವ ಡಬ್ಲ್ಯುಡಬ್ಲ್ಯು ಇ ಕುಸ್ತಿಪಟು ವಿಂಡ್‌ಹ್ಯಾಮ್ ರೊಟುಂಡಾ ಗುರುವಾರ ಹೃದಯಾಘಾತದಿಂದ ನಿಧನರಾದರು. ಅಮೆರಿಕದ ಕುಸ್ತಿಪಟುವಿನ ಅನಿರೀಕ್ಷಿತ ಸಾವಿಗೆ ಜನರು ಕಂಬನಿ ಮಿಡಿದಿದ್ದಾರೆ.
“ಬ್ರೇ ವ್ಯಾಟ್ ಎಂದೂ ಕರೆಯಲ್ಪಡುವ ವಿಂಡ್‌ಹ್ಯಾಮ್ ರೊಟುಂಡಾ ಅವರು 36 ನೇ ವಯಸ್ಸಿನಲ್ಲಿ ಗುರುವಾರ, ಆಗಸ್ಟ್. 24 ರಂದು ನಿಧನರಾದರು ಎಂದು ತಿಳಿಸಲು ಡಬ್ಲ್ಯುಡಬ್ಲ್ಯು ಇ (WWE) ದುಃಖಿತವಾಗಿದೆ. WWE ರೊಟುಂಡಾ ಅವರ ಕುಟುಂಬ, ಸ್ನೇಹಿತರು ಮತ್ತು ಅಭಿಮಾನಿಗಳಿಗೆ ತನ್ನ ಸಂತಾಪವನ್ನು ವ್ಯಕ್ತಪಡಿಸುತ್ತದೆ” ಎಂದು ಬ್ರೇ ಅವರ ನಿಧನವನ್ನು ದೃಢೀಕರಿಸುವ ಸಂದರ್ಭದಲ್ಲಿ ಅದು ಟ್ವೀಟ್ ಮಾಡಿದೆ.
ಬ್ರೇ ವ್ಯಾಟ್ ಮೂರನೇ ತಲೆಮಾರಿನ ಕುಸ್ತಿಪಟುವಾಗಿದ್ದು, ಅವರ ಅಜ್ಜ ರಾಬರ್ಟ್ ಡೆರಾಯ್ ವಿಂಡ್‌ಹ್ಯಾಮ್ (ಬ್ಲ್ಯಾಕ್‌ಜಾಕ್ ಮುಲ್ಲಿಗನ್), ತಂದೆ ಮತ್ತು ಅವರ ಇಬ್ಬರು ಚಿಕ್ಕಪ್ಪಂದಿರು (ಬ್ಯಾರಿ ಮತ್ತು ಕೆಂಡಾಲ್ ವಿಂಡ್‌ಹ್ಯಾಮ್) ಎಲ್ಲರೂ WWE ನಲ್ಲಿ ಕುಸ್ತಿಯಲ್ಲಿದ್ದರು. 1987 ರಲ್ಲಿ ಜನಿಸಿದ, ಕುಸ್ತಿಪಟು ತನ್ನ ಹೆಸರನ್ನು ಸ್ಥಾಪಿಸಿದರು ಮತ್ತು ಪ್ರಪಂಚದಾದ್ಯಂತದ ಅನೇಕ ಉತ್ಸಾಹಿಗಳ ಫೇವರಿಟ್‌ ಆದರು. ಅವರು 2013 ರಲ್ಲಿ ತಮ್ಮ WWE ಚೊಚ್ಚಲ ಪ್ರವೇಶ ಪಡೆದರು ಮತ್ತು ಎರಡು ಬಾರಿ WWE ಯುನಿವರ್ಸಲ್ ಚಾಂಪಿಯನ್, ಒಂದು ಬಾರಿ WWE ಚಾಂಪಿಯನ್ ಆಗಿದ್ದಾರೆ.
ನಿಮ್ಮ ಕಾಮೆಂಟ್ ಬರೆಯಿರಿ