ಬೆಂಗಳೂರಿನ ಆದಿತ್ಯ L-1 ಬಾಹ್ಯಾಕಾಶ ನೌಕೆಯ ಸೌರ ಮಿಷನ್‌ಗಾಗಿ ಮುಖ್ಯ ಪೇಲೋಡ್‌ನಲ್ಲಿ ಕೆಲಸ ಮಾಡುತ್ತಿದ್ದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಆಸ್ಟ್ರೋಫಿಸಿಕ್ಸ್ (IIA)ಯ ವಿಜ್ಞಾನಿಗಳು ಮತ್ತು ಎಂಜಿನಿಯರ್‌ಗಳು ಸುಗಂಧ ದ್ರವ್ಯಗಳು ಮತ್ತು ಸ್ಪ್ರೇಗಳನ್ನು ಸಹ ಬಳಸಿರಲಿಲ್ಲವಂತೆ. ಅಷ್ಟು ಕಟ್ಟುನಿಟ್ಟಾದ ನಿಯಮವನ್ನು ಅವರು ಪಾಲಿಸಿದ್ದರಂತೆ. ವಿಸಿಬಲ್ ಎಮಿಷನ್ ಲೈನ್ ಕರೋನಾಗ್ರಾಫ್ (VELC) ಎಂದು ಕರೆಯಲ್ಪಡುವ ಆದಿತ್ಯನ ಮುಖ್ಯ ಪೇಲೋಡ್‌ನಲ್ಲಿ ನಡೆಸಲಾಗುತ್ತಿರುವ ಪ್ರಮುಖ ಕಾರ್ಯವನ್ನು ಸೂಕ್ಷ್ಮವಾದ ಕಣಗಳು ಸಹ ಅಡ್ಡಿಪಡಿಸಬಹುದು ಎಂಬ ಕಾರಣದಿಂದ ಈ ಕಟ್ಟುನಿಟ್ಟಿನ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ ಟೈಮ್ಸ್‌ ಇಂಡಿಯಾ ವರದಿ ಹೇಳಿದೆ.
ವರದಿ ಪ್ರಕಾರ, ಸಂಪೂರ್ಣವಾಗಿ ಸ್ವಚ್ಛ ಪರಿಸರ ಕಾಪಾಡಿಕೊಳ್ಳಲು, ವಿಜ್ಞಾನಿಗಳು ಮತ್ತು ಇಂಜಿನಿಯರ್‌ಗಳು ತಮ್ಮ ಕೆಲಸವನ್ನು ಸಾಮಾನ್ಯವಾಗಿ ಕ್ಲೀನ್‌ರೂಮ್‌ನಲ್ಲಿ ನಡೆಸಿದ್ದಾರೆ. ಆಸ್ಪತ್ರೆಯ ಐಸಿಯು (ICU)ಗಿಂತಲೂ 1 ಲಕ್ಷ ಪಟ್ಟು ಅಧಿಕ ಸ್ವಚ್ಛವಾಗಿರುವ ಶುದ್ಧ ಕೋಣೆಯಲ್ಲಿ ಕೆಲಸ ಮಾಡಿದ್ದಾರೆ. ಹೆಚ್ಚುವರಿಯಾಗಿ, ತಂಡದ ಪ್ರತಿಯೊಬ್ಬ ಸದಸ್ಯರು ಯಾವುದೇ ಮಾಲಿನ್ಯವನ್ನು ತಡೆಗಟ್ಟಲು ಫ್ಯೂಚರಿಸ್ಟಿಕ್ ಎಕ್ಸ್‌ಪ್ಲೋರರ್‌ಗಳನ್ನು ಹೋಲುವ ವಿಶೇಷ ಸೂಟ್‌ಗಳನ್ನು ಧರಿಸಬೇಕಾಗಿತ್ತು ಮತ್ತು ಅವರು ಹೆಚ್ಚುವರಿ ಮುನ್ನೆಚ್ಚರಿಕೆಯಾಗಿ ಅಲ್ಟ್ರಾಸಾನಿಕ್ ಶುಚಿಗೊಳಿಸುವ ಕಾರ್ಯವಿಧಾನಗಳನ್ನು ಸಹ ಮಾಡಿದ್ದಾರೆ ಎಂದು ವರದಿ ಹೇಳಿದೆ.
ಇದನ್ನು (ಕ್ಲೀನ್‌ರೂಮ್) ಆಸ್ಪತ್ರೆಯ ಐಸಿಯುಗಿಂತ 1-ಲಕ್ಷ ಪಟ್ಟು ಹೆಚ್ಚು ಸ್ವಚ್ಛವಾಗಿಡಬೇಕಾಗಿತ್ತು” ಎಂದು VELC ತಾಂತ್ರಿಕ ತಂಡದ ಮುಖ್ಯಸ್ಥ ನಾಗಭೂಷಣ ಎಸ್. ತಿಳಿಸಿದ್ದಾರೆ. “ನಾವು HEPA (ಹೆಚ್ಚಿನ ದಕ್ಷತೆಯ ಕಣಗಳ ಗಾಳಿ) ಫಿಲ್ಟರ್‌ಗಳು, ಐಸೊಪ್ರೊಪಿಲ್ ಆಲ್ಕೋಹಾಲ್ (99 ಪ್ರತಿಶತ ಕೇಂದ್ರೀಕೃತ) ಮತ್ತು ಕಠಿಣ ಪ್ರೋಟೋಕಾಲ್‌ಗಳನ್ನು ಯಾವುದೇ ಹೊರಗಿನ ಕಣಗಳು ಅಡ್ಡಿಪಡಿಸದಂತೆ ಖಚಿತಪಡಿಸಿಕೊಳ್ಳಲು ಬಳಸಿದ್ದೇವೆ. ಒಂದು ಕಣದ ಅಡ್ಡಿಯು ದಿನಗಳ ಕಠಿಣ ಪರಿಶ್ರಮವನ್ನು ಹಾಳುಮಾಡಬಹುದಿತ್ತು ಎಂದು VELC ತಾಂತ್ರಿಕ ತಂಡದ ಸದಸ್ಯ IIA ಯ ಸನಲ್ ಕೃಷ್ಣ ಹೇಳಿದರು.
ಕ್ಲೀನ್‌ರೂಮ್‌ನೊಳಗೆ ಔಷಧೀಯ ಸ್ಪ್ರೇಗಳನ್ನು ಸಹ ಬಳಸದೆ ವಿಜ್ಞಾನಿಗಳು ಆರು ಗಂಟೆಗಳ ಪಾಳಿಯಲ್ಲಿ ಕೆಲಸ ಮಾಡಿದರು ಎಂದು ಅವರು ಉಲ್ಲೇಖಿಸಿದ್ದಾರೆ.
ಈ ಅಭ್ಯಾಸವನ್ನು ಇಸ್ರೋ ವಿಜ್ಞಾನಿಗಳು ಅನುಸರಿಸಿಲ್ಲ ಎಂದು ವರದಿ ಹೇಳಿದೆ. ಅದರ ಪ್ರಕಾರ, ಮೂವರು ಇಸ್ರೋ ವಿಜ್ಞಾನಿಗಳನ್ನು ಸಂದರ್ಶಿಸಿದಾಗ ಅವರೆಲ್ಲರೂ ಕೆಲಸ ಮಾಡುವಾಗ ಸುಗಂಧ ದ್ರವ್ಯಗಳು ಮತ್ತು ಡಿಯೋಡರೆಂಟ್‌ಗಳನ್ನು ಬಳಸುವುದನ್ನು ತಡೆಯುವ ಅಗತ್ಯವಿಲ್ಲ ಎಂದು ದೃಢಪಡಿಸಿದರು. ಆದಾಗ್ಯೂ, ಅವರೆಲ್ಲ ಸರ್ವಾನುಮತದಿಂದ ಕ್ಲೀನ್ ರೂಂಗಳ ಸ್ವಚ್ಛತೆ ಮತ್ತು ಪರಿಶುದ್ಧತೆಯನ್ನು ಕಾಪಾಡಿಕೊಳ್ಳುವ ಮಹತ್ವವನ್ನು ಒಪ್ಪಿಕೊಂಡರು. ಬಹುಶಃ IIA ವಿಜ್ಞಾನಿಗಳು ಹೆಚ್ಚುವರಿ ಮುನ್ನೆಚ್ಚರಿಕೆಗಳನ್ನು ತೆಗೆದುಕೊಳ್ಳುವ ಸಲುವಾಗಿ ಈ ಕ್ರಮಗಳನ್ನು ತೆಅನುಸರಿಸಿದ್ದಾರೆ ಎಂದು ಅವರಲ್ಲಿ ಒಬ್ಬರು ಹೇಳಿದ್ದಾರೆ ಎಂದು ವರದಿ ಹೇಳಿದೆ.
ನಿಮ್ಮ ಕಾಮೆಂಟ್ ಬರೆಯಿರಿ