ಟೆಲ್‌ ಅವೀವ್‌ : ಫೈಟರ್ ಜೆಟ್‌ಗಳು ದರಾಜ್ ಟುಫಾ ಬೆಟಾಲಿಯನ್‌ನಲ್ಲಿ ಮೂವರು ಹಿರಿಯ ಹಮಾಸ್ ಪ್ರಮುಖರನ್ನು ಹೊಡೆದುರುಳಿಸಿವೆ ಎಂದು ಶುಕ್ರವಾರ ಮುಂಜಾನೆ ಇಸ್ರೇಲಿ ಸೇನೆ ಹೇಳಿದೆ.
ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ನೀಡಿದ ಇಸ್ರೇಲಿ ಸೇನೆ, ಅಕ್ಟೋಬರ್ 7 ರಂದು ಇಸ್ರೇಲ್ ವಿರುದ್ಧದ ಆಕ್ರಮಣ ಮತ್ತು ಅಮಾನವೀಯ ದಾಳಿಯಲ್ಲಿ ಈ ಬೆಟಾಲಿಯನ್ ಕಾರ್ಯಕರ್ತರು ಮಹತ್ವದ ಪಾತ್ರ ವಹಿಸಿದ್ದಾರೆ ಎಂದು ಇಸ್ರೇಲಿ ಮಿಲಿಟರಿ ಹೇಳಿದೆ. ಕಾರ್ಯಕರ್ತರನ್ನು ಹಮಾಸ್ ಭಯೋತ್ಪಾದಕ ಸಂಘಟನೆಯ ಅತ್ಯಂತ ಮಹತ್ವದ ಬ್ರಿಗೇಡ್ ಎಂದು ಪರಿಗಣಿಸಲಾಗಿದೆ ಎಂದು ಇಸ್ರೇಲಿ ರಕ್ಷಣಾ ಪಡೆ ಹೇಳಿದೆ.
X ನಲ್ಲಿನ ಇಸ್ರೇಲ್ ಡಿಫೆನ್ಸ್ ಫೋರ್ಸಸ್‌ನ ಅಧಿಕೃತ ಹ್ಯಾಂಡಲ್‌ನಲ್ಲಿನ ಪೋಸ್ಟ್‌ನಲ್ಲಿ, “ಐಡಿಎಫ್‌ (IDF) ಫೈಟರ್ ಜೆಟ್‌ಗಳು 3 ಹಿರಿಯ ಹಮಾಸ್ ಕಾರ್ಯಕರ್ತರನ್ನು ದರಾಜ್ ತುಫ್ಫಾ ಬೆಟಾಲಿಯನ್‌ನಲ್ಲಿ ಹೊಡೆದುರುಳಿಸಿವೆ. ಅಕ್ಟೋಬರ್ 7 ರಂದು ಇಸ್ರೇಲ್ ವಿರುದ್ಧದ ಆಕ್ರಮಣ ಮತ್ತು ಮಾರಣಾಂತಿಕ ದಾಳಿಯಲ್ಲಿ ಬೆಟಾಲಿಯನ್‌ನ ಕಾರ್ಯಕರ್ತರು ಮಹತ್ವದ ಪಾತ್ರವನ್ನು ವಹಿಸಿದ್ದಾರೆ ಎಂದು ಅದು ಹೇಳಿದೆ.
“ದಾರ್ಜ್ ತಫಾ ಬೆಟಾಲಿಯನ್ ಗಾಜಾ ಸಿಟಿ ಬ್ರಿಗೇಡ್‌ನಲ್ಲಿರುವ ಬೆಟಾಲಿಯನ್ ಆಗಿದೆ, ಇದನ್ನು ಭಯೋತ್ಪಾದಕ ಸಂಘಟನೆ ಹಮಾಸ್‌ನ ಅತ್ಯಂತ ಮಹತ್ವದ ಬ್ರಿಗೇಡ್ ಎಂದು ಪರಿಗಣಿಸಲಾಗಿದೆ. ಅಕ್ಟೋಬರ್ 7 ರಂದು ನಡೆದ ಮಾರಣಾಂತಿಕ ಹತ್ಯಾಕಾಂಡದಲ್ಲಿ ಬೆಟಾಲಿಯನ್‌ನ ಭಯೋತ್ಪಾದಕರು ಮಹತ್ವದ ಪಾತ್ರ ವಹಿಸಿದ್ದಾರೆ” ಎಂದು ಇಸ್ರೇಲಿ ವಾಯುಪಡೆ ಪೋಸ್ಟ್‌ ನಲ್ಲಿ ಹೇಳಿದೆ.
ಇಸ್ರೇಲ್ ಸೆಕ್ಯುರಿಟಿ ಏಜೆನ್ಸಿ ಶಿನ್ ಬೆಟ್‌ನ ನಿಖರವಾದ ಗುಪ್ತಚರ ಮಾರ್ಗದರ್ಶನದ ಅಡಿಯಲ್ಲಿ ಹಮಾಸ್ ಕಾರ್ಯಕರ್ತರನ್ನು ಹೊಡೆದುರುಳಿಸಲಾಯಿತು ಎಂದು ಇಸ್ರೇಲಿ ಪಡೆ ಹೇಳಿದೆ. ಗುರುವಾರ ಮುಂಜಾನೆ, ಹಮಾಸ್‌ನ ಗುಪ್ತಚರ ನಿರ್ದೇಶನಾಲಯದ ಉಪ ಮುಖ್ಯಸ್ಥ ಶಾದಿ ಬರುದ್ ವೈಮಾನಿಕ ದಾಳಿಯಲ್ಲಿ ಕೊಲ್ಲಲ್ಪಟ್ಟರು ಎಂದು ಇಸ್ರೇಲಿ ರಕ್ಷಣಾ ಪಡೆಗಳು ತಿಳಿಸಿವೆ.
ಐಡಿಎಫ್‌ (IDF) ಪ್ರಕಾರ, ಅವರು ಇಸ್ರೇಲ್ ಮೇಲೆ ಹಮಾಸ್ ಗುಂಪಿನ ಅಕ್ಟೋಬರ್ 7 ರ ದಾಳಿಯ ಯೋಜನೆಯಲ್ಲಿ ಭಾಗಿಯಾಗಿದ್ದರು.
ಇಸ್ರೇಲ್ ದಾಳಿ
ಗುರುವಾರ, ಇಸ್ರೇಲಿ ಪಡೆಗಳು ಮುತ್ತಿಗೆ ಹಾಕಿದ ಪ್ಯಾಲೇಸ್ತಿನಿಯನ್ ಪ್ರದೇಶದ ಮೇಲೆ ಇಸ್ರೇಲಿನ ಪಟ್ಟುಬಿಡದ ಬಾಂಬ್ ದಾಳಿಯ ಮೇಲೆ ಅರಬ್ ಜಗತ್ತಿನಲ್ಲಿ ಕೋಪವು ಬೆಳೆಯುತ್ತಿದ್ದಂತೆ ಹಮಾಸ್ ಜೊತೆಗಿನ ಯುದ್ಧದಲ್ಲಿ ರಾತ್ರೋರಾತ್ರಿ ಗಾಜಾದಲ್ಲಿ ಭೂ ದಾಳಿ ನಡೆಸಿತು.
ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಇಸ್ರೇಲಿ ಪಡೆಗಳು ಇನ್ನೂ ಸಂಪೂರ್ಣ ಭೂ ಆಕ್ರಮಣಕ್ಕೆ ತಯಾರಿ ನಡೆಸುತ್ತಿವೆ ಎಂದು ಹೇಳಿದ್ದಾರೆ, ಆದರೆ ಇದು ಇತರ ಮಧ್ಯಪ್ರಾಚ್ಯ ರಂಗಗಳಲ್ಲಿ ಹಗೆತನಕ್ಕೆ ಕಾರಣವಾಗಬಹುದು ಎಂಬ ಕಾರಣಕ್ಕೆ ಅಮೆರಿಕ ಮತ್ತು ಇತರ ದೇಶಗಳು ಭೂ ದಾಳಿಯನ್ನು ವಿಳಂಬ ಮಾಡುವಂತೆ ಇಸ್ರೇಲ್ ಅನ್ನು ಒತ್ತಾಯಿಸಿವೆ.
ನಿಮ್ಮ ಕಾಮೆಂಟ್ ಬರೆಯಿರಿ